|
الفراهيدي ههههههه موقف لا تحسد عليه توقعت إنك صاب بنزين بدال الديزل ملاحظة: جملة ( لاحول الله) خاطئة المفروض الإستثناء يعني (لا حول إلا بالله) الكثير يخطئ في هذه الجملة ولا يدركون إن المعنى العكس تماماً |
اقتباس:
هههههههه و الله صدفة عجيبة لو منك اقوله ما ودك تصير صديقي خخخخخ |
عام 2012 كنت في لنكاوي مع مجموعة من الزملاء وصلنا المنتجع فور بوينتس شيراتون على الساعة 7 المساء جتني سخونة واحتقان بالحلق قالوا الشباب على اقرب مستشفى اللي بالاستقبال قالوا بعيد مرة واقرب شيء تقريبا 40 دقيقة قلت يا شباب ما يحتاج وان شاء الله الامور تمام قالوا عندنا لك دواء يحبه قلبك قلت وشهو شالوني ورموني في البانيو وموية بااااردة وتغطيس وانا اصيح طلعوني ورجعوني مرة ثانية وثالثة وعلى السرير اتدفى قلت ابغى عشاء قالوا ما فيه ارقد وخلنا نرتاح منك عاد نمت وارتحت واليوم الثاني مغطسهم واحد واحد عند الشلالات |
اقتباس:
خخخخخخخ نفس الشي صارت معي. كل مكان اذهب ارى عائلة اخرى معنا! الى درجة ذهبت وكلمتهم وخبرتهم ليش تقلدونا ونضحك خخخخخخخخخ:yolks00250: |
ههههه والله قصصكم جميلة وسامحوني انقطعت عن الموضوع كنت مسافر اشكركم على تفاعلكم وننتظر منكم المزيد |
اقتباس:
بارك الله فيك على الملاحظة اقتباس:
بكل مكان طالع لي اقتباس:
اقتباس:
نورت وننتظر باقي المواقف لديك |
موضوع جميــل وتبقى الذكريات أجمل مايحمله الانسان في حياته ... تحياتي ,,, |
اقتباس:
يازين النظام .. موقف فعلاً صعب |
موافق مضحكه ومزعجه |
هلا وغلا بالجميع كل واحد منا يسير له موقف سيء في حياته لكن المشكلة الاكبر اذا سار في سفرتك هناك تكره الدنيا وتحس انك شايلها بكبرها [emoji33][emoji856] انا سار لي موقف لا يحسد عليه فعلا كنت رايح من الرياض لكوالالمبور على طيران الاتحاد وبطبيعة الحال فيه ترانزيت في ابوظبي وانا جالس اتمشى بمطار ابوظبي وقبل ركوب الطيارة بدقايق رحت اشتري كابتشينو من زود الترويقة علشان اختم كل الافلام الي بالطيارة هههه سبحان الله بعد ساعة تقريبا من الاقلاع جاني مثل القرصة في قلبي قلت خلني اشيك على اغراضي ما معي الا شنطة الحاسب وادور فيها والقى كل شيء الا بوكي عندها بغى يطير عقلي [emoji27] دورت انا واثنين من المضيفين الله يجزاهم الجنة في كل مكان ودورت في مقعدي الي غيرته سبحان الله ان كان فيني النوم لان الوقت متأخر كانت الساعة 3 الفجر بس طار النوم كأني نايم عشرين ساعة ! بس والله سوو معي موقف طيران الاتحاد وشرطة مطار ابوظبي لا يمكن انساه وابضل اشكرهم واثني عليهم طول العمر الكابتن بنفسه كلمته وقال الان ابرسل ايميل لمطار ابوظبي اذا لقوه بيعطوني خبر وصلت مطار كوالالمبور وحتى الان ما فيه خبر بس كل من شاف وجهي ف يقول كأنه رايح للسجن مهب رايح يستمتع الحمد لله فزع لي اخوي وحول لي عبر ويستر يونيون واستلمت المبلغ من فرع بنك بالمطار وبعدها بساعات من وصولي للفندق اتصلت علي اماراتية وقالت ابشرك لقينا بوكك عند مقهى في المطار اثري يوم رحت اشتري الكابتشينو وانا احط السكر واحركه نسيت بوكي على الطاولة ! قالت لي الموظفة بكل ادب اعذرني ما نقدر نجيبه لك اليوم لان جميع رحلات مطار ابوظبي ملغاة بسبب العاصفة القوية الي جت ابوظبي ذيك الفترة وبنجيبه بكرة قلت خذو راحتكم وابشروا بالمبلغ الي تبونه قالت لي باللهجة الاماراتية عيب ابويا ما يستوي هذا حق وواجب ولا ناخذ منك ولا فلس ! وفعلا رحت من بكرة للمطار واستلمت محفظتي ولا نقصها ولا فلس ! موقف اثر فيني وخلاني ما احب اسافر الا على طيران الاتحاد وكل من سألني قلت له رح مع طيران الاتحاد مع انهم اصلا متميزين من الاساس لكن بعد الموقف ساروا في نظري اكثر تميز وسلامتكم [emoji5] |
| الساعة الآن 03:02 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO