|
ماشاء الله تعاون كبير من الخطوط ويشكرون عليه هل تعتقد لوكانت الخطوط السعوديه يعملون نفس الشي |
من الصدف في رحلتي الاخيره لتركيا في مطار اتاتورك متجهين لطرابزون جلست جنبنا عائله وكانت بنتي تلعب مع بنتهم بما ان الرحله تاخرت ساعتين تقريباً المهم الكلام هذا يوم الخميس وكانت عودتي لاسطنبول الخميس اللي بعده اول ماوصلت مطار طرابزون غيرت العوده وخليتها الاربعاء مساء -- جينا الاربعاء للمطار حصلنا العائله في المطار طالعين لاسطنبول ثاني مره نلتقي فيهم بعدها بيومين الجمعه في مطار صبيحه حصلتهم بالمطار وطلعوا معانا على نفس الرحله لدبي وصلنا دبي كل واحد اخذ طيارته ورجع ديرته تخطيطنا طلع واحد هذي من الصدف الغريبه انك تواجه شخص في ثلاث او اربع مرات في دوله مثل تركياوفي المطارات تحديداً |
يعطيكم العافيه مواقف حلوة وما تنسى وحتى لو مواقف تكدر بس بعد تقعد تذكرها كنت قايله لكم هالسالفه قبل وبعيدها لأعضائنا الجدد كنا برحلة مع سايق في بلغاريا كان الاتفاق نزور عايلة مسلمة ونروح نصيد سمك ونرجع للعايله نتغدى عندهم ١- العايله استقبلونا بحفاوة وقاموا يركضون ورا ديك بيصيدونه لغدانا قال لهم بوحسين لا لا احنا ما ناكل ديك ناكل دجاجه ٢- الدجاجه صادوها وجابوا دلو مليان ماي عادي وقاموا يغطسون الديايه ويطلعونها يخنقونها وبعدين بيسيلون دمها بالذبح قال لهم بوحسين لا خطأ لازم تذبحونها اول بعدين تحطونها بالماي الساخن لنزع الريش وقام بوحسين بالذبح وعلمهم عدل ٣- الديايه كبيره وعرده هههه رحنا ورجعنا وللحين ما استوت عدل غلفوها لنا واخذناها معانا ... كملت طبخها انا في المنتجع اللي كنا ساكنين فيه مع البهارات وشغل عدل .... كان فيها بيض اكلوه عيالي عند العايله مع غداهم ٤- الرحله لصيد السمك وقف السايق السياره ونزلنا ويأشر على البحيره والا احنا على جبل والبحيره تحتنا واايد بعيده ويقول ننزل لها جذيه الجبل كله نباتا شوكيه واحنا ننزل وراه ومنحدر شديد خفت على العيال غير الشوك والله لو واحد فيهم يطيح يقعد يدهرب لحد ما يطيح بالبحيره قلت لبوحسين ما راح انزل قال كملي وناسه نتذكرها بعدين قلت له لو نزلت شيصعدني بعدين النزله محنا قادرين اشلون الصعود قلت له بتروح روح معاه ... ترى هالكلام السايق واصل تحت وبلش يصيد واحنا ربع ساعه المسافه ماعديناها قلت برجع اقعد انتظركم مع العيال وشغالتي معانا بعد فوق عند السياره قال بوحسين انا معاكم بعد وطلعنا فوق سوالف لحد ما يانا السايق ويقول ليش ما ييتوا السمك وايد قلت له زين احتا ما صرنا سمك ٥- رجعنا للعايله ومثل ماقلت لكم عن الديايه والغدا وعطانا السمك ما اعتقد طبخته خليته بالثلاجه يمكن كانت رحله احلى مافيها تعليم اصول الدين للمسلمين المحرومين منها |
اقتباس:
هلا وغلا لا اتوقع بل اجزم ومتأكد ترليون بالمئة بأنهم ان يهتموا ولن يجدو حتى بطاقة واحدة من البطاقات الي في البوك الحمد لله اني ما كنت مختار الخطوط السعودية والا كان ابقعد شهر ادور على الدوائر الحكومية والبنوك اطلع بدل فاقد للبطاقات [emoji856] |
اقتباس:
بس حلو انك اخذتي الدياية وكملتي طبخها |
اقتباس:
بس حلوة طلعت لذيذه بعد الطباخ مرتين هههه |
رجعت من السفر مع بعض المواقف بذكر واحد والثاني ممكن أخليه وقت كتابة التقرير كنت في إيطاليا وتحديداً في فلورانسا بإنتظار سيارة الأجرة وبينما كنت في طابور الإنتظار كان هنالك ياباني يركب التاكسي وعندما ركب لم يغلق الباب !! فهو معتاد على أن الباب يغلق آلياً كما هو معروف في اليابان وكان سائق التاكسي يخاطب الياباني الذي لم يستوعب أن عليه غلق الباب إلى أن نزل السائق وأغلق الباب بنفسه وأتوقع بأنه عند وصوله لن ينزل اليابانب حتى يفتح الباب تلقائيا هههههه هذه إحدى المواقف التي تبين اختلاف الثقافات والتكنولوجيا بين بلدان العالم |
| الساعة الآن 05:46 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO