|
نكبات السفر ( تسلية و فائدة ) السلام عليكم و رحمة الله و بركاته ,, خطر في بالي موضوع , و أكيد كلنا صادفتنا مواقف في السفر مضحكة أو مخيفة أو متعبة .. صارت بعضها ذكريات جميلة و بعضها كرهتنا في البلاد الي رحناها :26: و قلت لو نطرح هالمواقف في هالموضوع ناخذ دروس , فالسعيد من اتعظ بغيره ( يعني بنتعظ فيكم هههه ) أنا باذكر 3 مواقف صارت لي في تركيا و ماليزيا و في صلالة . - الموقف الأول في تركيا كان سنة 2012 , حجزت مرشد سياحي عن طريق رقم اخذته من أحد الأقارب , و كانت عبارة عن أمرأة كبيرة في السن تتكلم عربي مع سائق خاص , و مادري كيف أقنعتني الصراحة أن حجزي للفنادق بيكون مكلف أكثر و خاطئ , و أنا ما تعرفت على البوكنق في ذاك الوقت . كنت جديد على السفر و كانت ثاني رحلة لي برع الخليج . المهم قالت لنا باحجز لكم شقق نظيفة و مرتبة , وافقنا و يوم الوصول اخذتنا في شقة بعيدة نوعا ما و اطرقت الباب و اذا بامرأة حزينة تفتح الباب و كلمتها بالتركي بصوت عالي و مسكينة المرأة راحت جهزت شنطتها و طلعت . دخلنا الشقة و هي لا بأس بها و لكن في الأدراج ملابس و في الحبل مازالت بعض ثياب الغسيل معلقة :26: قلنا لها غيري الشقة قالت بكرة الحين مافي مجال نغير احنا دفعنا لهم خلاص حق يومين. اكتشفنا لاحقاً أن البنت الي طلعت من الشقة هي زوجة ولدها :15: مسكينة ابتلت بحماتها الشريرة هههه طبعاً اكتشفنا هالشي لأن شفنا صور العجوز مع أحفادها معلقة في البيت < و معلقة صورها في الشقة بعد . و بعدها غيرت شقتنا لمكان افضل ولله الحمد و لكن كانت أيضاً شقة لأحد أقاربها و لكن مهيئة للإجار يعني مافيها اغراض شخصية و اطلالتها حلوة , على العموم كانت رحلة غير منظمة وبلا ترتيب . الفائدة : نظم رحلتك بالاطلاع الذاتي في المنتديات و تويتر و غيره , و إن كان ولا بد عن طريق شركة سياحية معروفة و ليس عن طريق أرقام أشخاص تجدها هنا و هناك . اذا عجبكم الموضوع و تفاعلتوا معاه باكتب الموقفين في ماليزيا و صلالة :58: . |
و عليكم السلام ورحمة الله وبركاته موضوع مميز وراح نستفيد منه كلنا ونشوف اخطاء الغير اقتباس:
اللي ما يعرف للمنتديات وتويتر اقتباس:
بالتأكيد بأنتظارك |
بالنسبة لي موقف في رحلتي الأخيره لأسطنبول الحجز كان عرعر - الرياض اسطنبول .. جواز المدام انتهى قبل السفر وجددته بدون بصمة عن طريق احد الشباب بالجوازات لأن المعروف ما تستخرج جواز الأ بعد ما تمر الأحوال المدنية وتبصم وبعدها تجدد الجواز او تستخرج جديد المهم طلعنا من مطار عرعر ووصلنا مطار الرياض صعدنا للصاله الدوليه وصلنا الجوازات بنختم بسم الله اخذ الجواز الموظف قال بصم فيه جهاز قدامه كل شي تمام جت المدام تبصم ؟؟؟؟؟؟؟؟؟؟؟؟؟؟؟؟ ما فيه بصمات لها قال كيف طلعت الجواز بدون بصمه انا هنا طقتني ام الركب باقي عن الرحله ساعه وش اسوي الحين قلت يا بن الحلال رح الجوازات وقدمت الأوراق وعطوني الجوازات قال طيب رح لعبدالله هذا كونتر بعيد عنه شوي قلت شكلنا طحنا بورطه ويرجعنا والأ يسوي لنا سالفه .. وصلنا عبدالله قال للمدام تعالي بصمي بالجهاز اللي عنده وبصمت والحمد لله ختم الجواز وعدت كل الكلام هذا دار في دقيقتين او اقل بس لحظات صعبه مرتبط بحجوزات وفنادق وطيران داخلي ودافع فلوس وخالص موقف صعب \ نلتقيكم في مواقف اخرى |
موضوع حلو يابو صلوح اما العجوز مصيبة هذي خخخخخخخخ عشان تبطل الواسطات يا فراهيدي ههههههههه |
اقتباس:
من منفذ الحديثه وما فيه بصمات ولا طلبوا اي شي بس على قولتكـ خليك سيده ولا تدور واسطات |
وعليكم السلام ورحمة الله وبركاته هههههههههه فكرة الموضوع حلوة عاد المواقف إلي مريت فيها كثيرة موقف روما 2013 كنت مسافر مع أخوي أنا مشجع لنادي روما وأخوي يشجع يوفينتوس في المطار أول ما وصلنا سألنا واحد (قال تبون تاكسي ؟) أنا وأخوي وافقنا واحنا في الطريق سألني (تشجع أي نادي؟) قلت له روما فجأة قلب وجهه عطاني هذي النظرة :11: ورد علي الإيطالي (أنا أشجع لاتسيو وهو أفضل من روما) للعلم نادي لاتسيو الغريم التقليدي لنادي روما والناديين من نفس المدينة بعدها سأل أخوي (أنت تشجع أي نادي ؟) فجاوبه ( اممم .. لاتسيو .. لاتسيو) وفرح الإيطالي بالإجابة طالعت أخوي وقلت له بالعربي علشان ما يفهم كلامنا السايق (بسرعة تخليت عن فريقك من وصلنا روما) قالي (أخاف أقوله أشجع يوفينتوس ينزلنا .. خلنا نوصل بسلام):32: وبالأخير نصب علينا وأخذ 100 يورو على التوصيله أنا ما كنت أعرف وقتها قيمة التوصيل من المطار كم تكلف في أوروبا وطبعا ما كان تاكسي بس مجرد شخص عادي يوصل الناس بسيارته موقف ثاني في نفس السفرة كنا متجهين لملعب المباراة بين روما ولاتسيو كان في جسر لازم نعبره علشان نوصل الملعب أول ما صعدنا الجسر سألنا واحد انتوا تشجعون روما قلنا له إي !! ليش ؟! قال هذا جسر لاتسيو وما أنصحكم تعبرونه ومعاكم شعارات نادي روما روحوا الجسر الثاني :20: طلع لكل نادي جسر يوصل لبوابة مختلفة تعصبهم مو طبيعي :e11d::8: موقف ثالث وأخير عند نقطة التفتيش قبل دخولنا الملعب أحد أصدقاء أخوي كان معاه علم الكويت يبي يرفعه بالملعب ما سمح له الشرطي فقال له "أنا من قبل حضرت مباريات وكان عادي أدخل العلم معاي" رد عليه الشرطي "لأني ما كنت موجود :cool:" |
موضوع جميل :) .. رهيب الشرطي اللي قال لأني ما كنت موجود ! واثق من نفسه :D أصعب موقف مر علي بالسفر في لاتفيا .. بمجرد وصولي تعرضت لطارئ صحي وحاولت اروح الطوارئ وما ساعدوني، لحد ما جت سيارة الاسعاف نقلتني لمستشفى بعيد قضيت فيه ليلتين هم أصعب ما مر بحياتي كلها. يوم ما طلعت من المستشفى طلعت اتمشى المسا وانتشلت محفظتي - أول مرة بكل سفرياتي انسرق، وطبعا قضيت اليوم الي بعده في مخفر الشرطة احاول افهمهم اللي صار عشان بس اثبت السرقة واقدر اطلع أوراقي من بلدي .. الصعوبة انه لأول ليلة ما حدا كان عارف وين أنا.. حتى الناس اللي مسافرين معي، لأني وصلت غرفتي وبعد خمس دقائق تعبت ونزلت للاستقبال، قالوا لي في مركز طوارئ مقابل الفندق تقريبا ومن هناك اخدتني الاسعاف. ما كنت لسه حاملة تلفون محلي، وبالمستشفى ما فيه انترنت. تاني يوم قدرت اتواصل مع زوجي بالمسجات وهو بالاردن، وهو عمل اتصالاته لحد ما عرفوا الجماعة مكاني عن طريق الاسم .. المشكلة التانية انه اهل البلد غالبيتهم ما بتحكي انجليزي ولا اي لغة معروفة بالنسبة لي. الطبيبة فقط كانت تحكي انجليزي، وبعدها مكان العمل ارسلوا مسؤولة بتحكي انجليزي.. المخفر طبعا ما في امل يفهموا عليك .. كلهم 2 مليون نسمة بالبلد وعندهم لغة خاصة فيهم :4: الزيارة كلها كانت منحوسة وما صدّقت ارجع بلدي بالسلامة :14: والله لا يعيدها |
موضوع جميل متابعين مواقفكم ونكباتكم |
موضوع جميل وصعب انك تتعرض لمواقف في السفر خصوصا السرقة او عدم وجود حجوزات مسبقة... متابعين وان تذكرت شي من رحلاتي ذكرته ان شاء الله... |
رهيب الشرطي يا برنس هذا ينحط في متحف سلامات دينا والحمد لله عدت على خير موقفي حصل في البرازيل 2006 قررت احضر مباراة في الماركانا وكانت لفريقين غريمين في الريو فلامنجو و بوتوفاغو طبعاً الكل ما يتكلم انقليزي و أنا بينهم ضايع اللي بشباك التذاكر اعطتني التذكرة بـ 10 ريال و مكتوب عليها القيمة 5 ريال برازيلي ما انتبهت الا بعد ما وصلت الفندق ههههه لأني كنت اشرح لها اني ابغى القسم الابيض وهو بالمنتصف قالت نهارك أبيض زي الفل و اعطتني درجة ثانية دخلت الماراكانا وين أروح قلت اوقف وشوي الفريق يسجل هدف كل الناس تجري و تحضن بعض و طبعاً الكل يحضني :1: و وقف واحد جنبي يحلل المباراة يا رب كيف اتخلص منه !!! ماهو متوقع أبداً أني ماني برازيلي قلت اسوي نفسي أبكم و اعطيه اشارات الغريب أن الملعب حوله زي الخندق واذا دخلوا اللاعبين و الحكام للملعب يشيلوا الجسور عشان ما أحد من الجمهور يدخل الملعب ههههه هذي تنفع عندنا وعشان الملعب فل يبيعوا تذاكر زيادة و يرصوا الجمهور على سور الملعب من الداخل يعني ما بينه و بين الملعب الا الخندق و قريب من دكة الاحتياط و المدرب نزلت تحت لقيت مجموعة اوروبيين حايسين ولما قربت منهم يسألوني تتكلم انقليزي ؟ قعدت أضحك قلت لهم اكيد ورطانيين أنا مثلكم اتكلم انقليزي بس ولا كلمة برتغالي غير شكراً و كيف حالك كان فيه صراعات جامدة خارج الملعب بين أنصار الفريقين و من حسن حظنا انتهت المباراة تعادل 2/2 |
| الساعة الآن 10:07 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO