|
شاطرة يا ام علي حجزتي الفيلا ارخص من سعر الفندق رحلتكم حلوه من الرياض الى الطائف السفر بالسيارة متعه ووناسه متابعين يا ام علي |
سعر الفيلا جداً رائع و حديقة الردف دايم فيها فعاليات بس ماعندكم وقت أما ورد الطائف الاصلي سعره غالي عشان كذا مايكون متوفر بكثرة التميس والفول مع السمن الطائفي مميزة جداً و كمان السليق الطائفي يعد من أشهر الاكلات عندهم فواكه الطائف مثل ما قال أبو صالح والقرود لابد من المرور عليها :e528::e528: |
بالعافيه الريوق الشواذي مايخلون احد متابعين |
كلمت اختي و اتفقت وياها اني اخلي ولدي الصغير عندها لين ما نخلص العمرة https://www.arabtrvl.com/up/uploads/...3658029619.jpg https://www.arabtrvl.com/up/uploads/...6580296510.jpg https://www.arabtrvl.com/up/uploads/...3658426131.jpg وقفنا السياره في مواقف كدي و خذنا تاكسي لين الفندق https://www.arabtrvl.com/up/uploads/...3658426182.jpg طبعا احنا مشغلين قوقل ماب و شفنا وقت الوصول 5 دقايق لكن وين قعد يلف فينا راعي التكسي كان هندي و كل ما نقول ليش وايد ابتعدت يقول الشارع مسكر و طبعا كل تاكسي فيه رقم و اسم الشركة https://www.arabtrvl.com/up/uploads/...2365842623.jpg خذ زوجي الرقم و اتصل على الشركة و سألهم كم المسافة من مواقف كدي لين فندق ساعة مكة قال الموظف 5 دقايق قاله عيل الحين بنكمل 20 دقيقة و هذا يلف فينا من مكان لمكان و احنا بعدنا في التكسي عاد عصب راعي التاكسي و قال الشوارع كلها مسكره و يشتغلون فيهم عرفنا انه يجذب و هذا غير السواقة حسيت كبدي بتطيح كل ثانية يضغط على البريك و زوجي يقول عادي هذي سواقتهم و انا اقول مستحيل مب لهالدرجة المهم وصلنا و خذ اكثر من 25 يمكن 30 تقريبا https://www.arabtrvl.com/up/uploads/...3658426234.jpg https://www.arabtrvl.com/up/uploads/...3658426255.jpg طبعا أنا حجزت الفندق يوم كنت في الرياض لانه في دبي ما لقيت حجز الا الغرف 4 اشخاص تقريا الليلة 2000 و 3 آلاف شوفوا الفرق و هني لقيتها ب 800 اعتقد https://www.arabtrvl.com/up/uploads/...3658426276.jpg https://www.arabtrvl.com/up/uploads/...3658426317.jpg https://www.arabtrvl.com/up/uploads/...3658426338.jpg https://www.arabtrvl.com/up/uploads/...3658426359.jpg https://www.arabtrvl.com/up/uploads/...3658825351.jpg انا يوم كنت احجز كنت احط عددنا 5 بس بعدين قالولي حطي 4 بدون الصغير لأنه اقل من 3 سنوات و فعلا حصلت وايد غرف و غرفتنا كانت ثلاثيه https://www.arabtrvl.com/up/uploads/...3658825372.jpg بس السراير بو نفر و نص https://www.arabtrvl.com/up/uploads/...3658825424.jpg و آخر سرير تحته مرتبة بس ما طلعناها نشوف الغرفة وياكم https://www.arabtrvl.com/up/uploads/...2365882543.jpg https://www.arabtrvl.com/up/uploads/...3658825445.jpg https://www.arabtrvl.com/up/uploads/...3658825466.jpg https://www.arabtrvl.com/up/uploads/...3658825487.jpg https://www.arabtrvl.com/up/uploads/...3658825518.jpg https://www.arabtrvl.com/up/uploads/...3658825539.jpg https://www.arabtrvl.com/up/uploads/...6588255510.jpg https://www.arabtrvl.com/up/uploads/...3730551091.jpg https://www.arabtrvl.com/up/uploads/...3730551133.jpg اطلالة الغرفة https://www.arabtrvl.com/up/uploads/...3730551154.jpg قعدنا 10 دقايق تقريبا أذن العصر و كلمت اختي و يتنا خذت ولدي وياها و كانوا حاجزين فندق فيرمونت بس انا سمعتها تقول رافلز على اساس بحجز وياهم نفس الفندق :27: انزين الحين احنا يواعه نبغي نتغدى و زوجي قال ما شيء غدا اذا تأخرتوا بتصير الزحمه و ما عندنا شيء ناكله البسكويت و الشيبس كله في السياره قال خلاص تصبروا لين نخلص العمره |
اتجهنا للحرم و مريت على أكشاك التمور ابغي التمور اللي يكونون بالحبة و مغلفين قلت تصبيره بس للأسف ما لقيت و يوم وصلنا نبغي نطوف في الصحن قالوا خلاص اكتمل العدد و ما في مكان انزين بننزل تحت ما شيء مسكر تمينا مكاننا و طبعا وايد مزدحم المكان أذن المغرب و وقفنا نصلي و كملنا بعد عناء لأن وايد المكان كبير نفس اللي فوق السطح خلصنا الطواف و انتقلنا للسعي و أنا خلاص ريولي تعورني و ولدي يقول خلاص برجع الفندق قلناله كيف ما يصير كأنك ما اعتمرت لازم تكمل و طبعا كل شوي نقعد و امد ريولي يقولون بناخذلج كرسي متحرك أقوللهم لا بعدني ما عيزت و لازم امشي على ريولي أذن العشاء و ما قدرت أصلي قعدت في مكاني أريح و عقبها الحمدلله خلصنا السعي و نزلنا عند الحلاليق و قبلها في السعي وقفتني حرمة و سحبتني على طرف تبغي تقص شعري قلتلها كيف بعدني ما خلصت قالت خذي المقص و شوي قالت عندي عيال و عندي و عندي قلت ها هذا نوع جديد من الشحاته ما مر عليه قبل عطيتها اللي عندي و قالت بس يعني الطمع وصل فيهم لدرجة انهم يطلبون سعر معين تبغي 100 ريال مشيت و رميت المقص في اقرب زباله تكرمون شكله كان مستعمل و خفت استعمله مع انه ما كان عندي مقص نسيت آخذ ويايه بس قلت بشتري من عند الحلاليق https://www.arabtrvl.com/up/uploads/...3730551175.jpg رجعنا الغرفة و بدلنا و صليت العشاء و على طول طلعنا نتعشى https://www.arabtrvl.com/up/uploads/...2373055126.jpg قالولنا سيروا أبراج مكة عندهم الطازج https://www.arabtrvl.com/up/uploads/...3730551227.jpg https://www.arabtrvl.com/up/uploads/...3730551248.jpg https://www.arabtrvl.com/up/uploads/...3730551269.jpg الطازج كان تيك أوي احنا نبغي ناكل في السنتر ما فينا صبر نرجع الغرفة طلعنا ركن المطاعم و خذنا برجر كنج و صحن رز بالدجاج و الحمدلله شبعنا هذي اطلالة المطاعم https://www.arabtrvl.com/up/uploads/...7305512810.jpg العيال قاموا يغسلون ايدهم و انا قمت وراهم يدوب مشيت خطوتين و الا اييني شد في رجلي اليسار و أنا قبل سنه كانت عندي اصابه و الحمدلله تعالجت بس الألم كان فضيع غير محتمل تميت واقفه في مكاني و قلت حق زوجي ييبلي كرسي متحرك مب قادره امشي قال حاولي شوي شوي وقفت يمكن 10 دقايق و هو طلع يدور كرسي ما لقى و قعدت اسحب ريولي شوي شوي و المكان في الحرم ينسيك الالم سبحان الله https://www.arabtrvl.com/up/uploads/...2400121161.jpg https://www.arabtrvl.com/up/uploads/...4001211622.jpg طبعا انا امشي و اوقف كم دقيقة و ارجع امشي https://www.arabtrvl.com/up/uploads/...4001211653.jpg https://www.arabtrvl.com/up/uploads/...4001211674.jpg https://www.arabtrvl.com/up/uploads/...4001211695.jpg لين وصلت الغرفة و الألم بعده يزيد ما يخف و زوجي نفس الشيء ياه ألم في القدم و قعدت انا في صوب و زوجي في صوب و كل واحد يون من الالم بعدين نزل الصيدلية و خذ مسكن حبوب و رش و حطينا على ريولنا و قلنا ان شاء الله الفجر نكون بخير عشان نسير نصلي في الحرم و نسيت اخبركم انه الحمام كان فاضي من أدوات النظافة و اتصلت الريسيبشن و استغربوا و طرشولنا كيس مليان لانه الله يسلمكم نسيت فرش الاسنان و العطور في السيارة :26: و الحمدلله انتهى أول يوم بعد معاناه مع آلام الرجلين بالنسبة للغرفة كانت نظيفة جدا و واسعة و مريحه لكنها بعيده شوي في آخر السوق و الابراج بس كانت تجربة حلوه لانه من زمان خاطري اسكن في هذا الفندق انتهى اليوم الاول من رحلة مكة و نلقاكم غدا باذن الله دمتم بود :cfynft: |
الحمد لله على سلامة الوصول لمكة وعمرة مقبولة ان شاء الله .. وماتشوفون شر على وجع الرجلين يمكن ارهاق مع السفر والعمرة الافضل الواحد يرتاح من السفر كم ساعة وبعدها يعتمر مكملين معكم التقرير .. |
من مواقف كدي كان ممكن تأخذوا الباص دقائق وأنتوا عند الحرم و بريالين لأن له مسار خاص من النفق الفندق مرتب ونظيف ومعروف بالتأكيد ألم الارجل طبيعي للي ما يمارس رياضة بشكل يومي لأن العمرة مجهود مش بسيط ولو ريحتوا كم ساعة وتعشيتوا ثم اعتمرتوا بعد صلاة العشاء أريح لكم عمرة مقبولة |
عمره مقبوله ان شاء الله استمتعت بالتقرير وفي الصور -- اصحاب التكاسي في كل مكان تحصل اللي ينصب وخاصه في مكه الله يهديهم اوقات الحج امتار قليله يطلب 500 وبعضهم يطلب 800 يقولك موسم :4::4: موسم تذبح خلق الله بالأسعــــــار لاحول الله |
عمرة مقبولة ان شاء الله وما تشفوا شر لو اجلتي العمرة لليوم الثاني كان افضل ولكن ماجورين باذن الله |
| الساعة الآن 06:52 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO