|
اقتباس:
الحر لابد منه وكل سنه يزيد عن اللي قبلها بس ما نقول الا الحمدلله حر ولا كوارث طبيعيه القهوة الشعبيه يمكن بالليل يحطون مراوح او شي لازم اروح واجرب بس عموما الشواطئ تكون ابرد وخاصه بالليل من النهار امس كنا على البحر استبردنا لان الجو كان حلوو وتسبحنا بالبحر طلعنا بردانين بس ساعات يصير الجو حار حتى بالليل والرطوبه بعد تفطس |
عليكم بالعافيه احب المباركية في الشتا و الريوق فيها شقردي حطوه عشان مو على كيفهم الحمالية يشيلون ويعطون أسعار على كيفهم لأهل الخليج عقب ما اشتكينا عليهم حطوا هالشركة مع تحديد السعر ما قلتي شنو رايج في واحد فلافل ؟؟ الجيت مول لما الحين ما دشيته الشميميري حبيبكم عليكم بالعافيه شدعوه عليهم چان انطروا اشوي مو يقومونكم من أكلكم مستمتعين معاج ام علي Sent from my iPhone using Tapatalk |
الكويت دوله جميلة |
تقرير جميل مستمتعين بمتابعته شكرًا لك أختي هاوية الأسفار |
ماشاء الله تبارك الله ... فندق آدمز .. سمعته جيدة كأحد خيارات السكن في الكويت .. المقاهي الشعبية في الكويت ذات طابع حميمي جميل ... مطعم دار حمد .. ومقهى الشميمري .. كذا مره أحطهم في بالي وأرجع دون زيارتهم ... مستمتعين كثيييييراً بهذه الجولات .. |
اقتباس:
الله يعافيج و يسلمج زين سويتوا لانه الحمالي يعطيج سعر قبل لا يمشي وياج و يوم توصلين السياره يقول لا هذا شويه أنا وايد مشيت وياكم عطوني زياده و يمشي و هو زعلان و يتحرطم واحد فلافل زوين بس مب مثل المديح اللي كنت أسمعه يوميا تخيلت اني آكل ثلاث أربع سندويشات من لذته بس كان عادي جدا ما فيه شي مميز الجيت مول وايد حلو و هادي و فيه كل شي تبغينه يعني اذا تبغين مكان هادي و تتشرين فيه على راحتج الجيت مول بيكون خيار ممتاز الشميمري و الله قلنا في خاطرنا عل الأقل احترموا الضيوف يبين علينا مب كويتيين بس عادي عندهم ما همهم ضيف و الا غيره مع انه الشياب بعدهم قاعدين في الدواوين ما مشوا مشكوره عل المتابعه و اهم شي انكم مستمتعين :14: |
اقتباس:
شكرا على المتابعه |
اقتباس:
فندق آدامز بتكلم عنه في نهاية التقرير ان شاء الله المقاهي جميله في الكويت و الجلسات الخارجيه أجمل بس يا ريت يمنعون التدخين عشان الواحد ياخذ راحته و يستانس بالجلسه دار حمد في اللي أحلى منه كثير لكن المقهى انصحك تجربه و بشده تسلم عل المتابعه |
صباح و مساء الخير على الجميع اليوم الثالث الثلاثاء 9 / 4 / 2019 هالسفره كان غير مخطط لها بتاتا يعني كل يوم نصحى و نقرر وين نطلع و وين نتريق و مرات تتغير الخطة و طبعا صرنا خبره في الكويت لكنها ما شاء دايما متجدده طلعنا عشان نتريق و كان مخططي نختار من المطاعم الموجوده في السالمية و يا مكثر المطاعم عاد زوجي لازم يتحرطم يقول متأكده في مطعم و عندهم ريوق حلو و أنا اقول اكيد في مطاعم و احنا و حظنا لازم نجرب و الجو يبشر بالخير صراحة من أحلى أيامنا في الكويت https://www.arabtrvl.com/up/uploads/...0691310110.jpg حصلنا مجمع ذ كيوب و أعتقد هو نفسه اللي تعشينا فيه مره مع السفيرات https://www.arabtrvl.com/up/uploads/...0803634392.jpg اخترنا مطعم دلة و تدلل الاسم و شكل المطعم هو اللي يغريني بصراحه https://www.arabtrvl.com/up/uploads/...0803634433.jpg ديكورات المطعم من الداخل https://www.arabtrvl.com/up/uploads/...6913101211.jpg https://www.arabtrvl.com/up/uploads/...6913101412.jpg https://www.arabtrvl.com/up/uploads/...6913101613.jpg المطعم فاضي و قررنا نقعد برع و نستمتع بالجو https://www.arabtrvl.com/up/uploads/...6913101914.jpg الوقت كان متأخر و زوجي متعود يقعد من الفجر و يتريق و احنا الساعه 10 تونا نطلع من الفندق و الجوع 1000 هذا مجمع تجاري و عدال المطعم فندق ايبيس https://www.arabtrvl.com/up/uploads/...6913102115.jpg https://www.arabtrvl.com/up/uploads/...6913102316.jpg كان في زوج و زوجته قاعدين و اثنين شباب بعد ما يتريقون على طول يشغلون السيجاره و هالشي وايد كان يضايقنا نتمنى انهم يمنعون التدخين عل الأقل في المطاعم عشان الواحد ياكل و هو متطمن انه ما في تلوث في أكله الموضوع هذا عندج أبرار شدي حيلج :25: https://www.arabtrvl.com/up/uploads/...6913102517.jpg الأكل طول وايد و أول الواصلين شاي حليب https://www.arabtrvl.com/up/uploads/...6913102718.jpg https://www.arabtrvl.com/up/uploads/...6913102919.jpg و طلبنا الصينيه بتاع كلو https://www.arabtrvl.com/up/uploads/...6913103120.jpg فول و فلافل و لبنه و قشطة و زعتر و حلوم مشوي ماااااااالح و قلنا بيض و طماط بس يابت بيض عيون و شكله ما يشهي الحليب بصراحه كان لذيذ لكن الأكل اعطيه 4 من 10 ما عجبنا الفلافل يابسه و البيض مب مستوي عدل و الفول ما فيه طعم و الحلوم مالح و يذبح بس اللبنه و القشطة و الزعتر حلوين عم بتشتي الدني و نزلت المطرات علينا :e04b: https://www.arabtrvl.com/up/uploads/...0803634341.jpg https://www.arabtrvl.com/up/uploads/...0803634454.jpg و طلعنا و كنا نتجول في شوارع الكويت الجميله https://www.arabtrvl.com/up/uploads/...0803634495.jpg https://www.arabtrvl.com/up/uploads/...0803634526.jpg أبراج الكويت أشهر من نار على علم https://www.arabtrvl.com/up/uploads/...0803634567.jpg https://www.arabtrvl.com/up/uploads/...6080363468.jpg و رجعنا لمقر اقامتنا لييييش لأن العيال يبغون يتسبحون في الحوض طلعوا مع ابوهم و أنا قعدت و خذت شور على راحتي من غير ازعاج و رتبت الاغراض و الشنط عشان ما تعب ليلة السفر |
اقتباس:
بصراحة ما يستحون |
| الساعة الآن 08:40 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO