عشقي لها يزداد عامن بعد عام ( الكويت 2019 )

هاوية الاسفار · 12-06-2019, 12:14 AM

السلام عليكم و رحمة الله و بركاته

صباح و مساء الخير للجميع

هذه المرة الثالثة أو الرابعه احاول أكتب التقرير لكن النت معاندني

المهم كانت لنا زيارة خفيفه و سريعه و من غير تخطيط لمعشوقة الكثير و هي دولة الكويت الحبيبة

اليوم الجمعة

5 / 4 / 2019

طبعا مثل ما الاغلب عارفين مشكلتنا مع إجازة زوجي صعب جدا ياخذ اجازه مع اجازة المدارس

الكل مخطط و حاجز و بدأ بالسفر الا انا و أختي اللي أكبر عني ما عندها اجازة

بدت اجازة المدارس و الناس سافرت و أنا انتظر الفرج من الله

لين ما جاء يوم الخميس الظهر و قال وافقوا على الاجازة لمدة 5 أيام

من الأحد لين الخميس بس اذا بنمر الدمام باخذ يومين زياده

طبعا يلعب بأعصابي و أنا مب متحملة فكرة الجلوس في الدولة النفسية كانت في الانحدار

و غصبا عني لازم أوافق قلت خلاص تم قال نسافر بالسبت أو الاحد قلت بكيفك

و الا شو رايج نسافر باجر الجمعه

و أنا من الصدمة ما قدرت أفكر على طول وافقت

و دخلت المطبخ اجهز الغدا و خلصنا و العصر على طول بيت الوالد أبشرهم و اسلم عليهم

و عزمت عيال اختي على السفره وافقوا في البداية بس يوم قلت بنمر الدمام غيروا رايهم

و أنا طبعا مب حاجزه لا فندق و لا غيره قلت بصبر لين السبت عشان اذا عيال اختي

غيروا رايهم قلتلهم تعالوا بالطيارة و انا بحجز الشقة

رجعت بعد العشاء اجهز الشنط و الاغراض و قعدت لين الساعة وحده

الكل نام و أنا بعدني اسكر الشنط

و طبعا أول وحده أبشرها بالسفر الغالية أم حسين

أدري طولت عليكم لكن لكل قصة بداية و نهاية و اتمنى البداية تكون مشوقة للجميع

توبليرون, الفراهيدي, q8ya metnaqla و 5 آخرون معجبون بهذا.

هاوية الاسفار · 12-06-2019, 01:10 AM

بسم الله نبدأ رحلتنا

بما انه راح نمر الدمام فساعات الرحلة بتكون اقل قلنا بنتأخر في الخروج شوي

جهزت دلال الشاي و القهوة و شنطة العزبة ( المؤونه )

و طلعنا من البيت الساعة 9 و ربع تقريبا

و الجو مغيم و يبشر بالخير

و أول المشاوير

خذنا سندويشات جبن و بيض و كبده و كله بخبز البراتا

و كملنا المشوار باتجاه مدينة أبوظبي

الغيم زاد و نترقب المطر

اقتربنا من الحدود

طلعنا من حدود الامارات و دخلنا حدود السعودية

توبليرون, الفراهيدي, q8ya metnaqla و 3 آخرون معجبون بهذا.

توبليرون · 12-06-2019, 01:35 AM

وأول وحده اتفاجئ بالتقرير
كملي

الفراهيدي, هاوية الاسفار, الايمان و 1 آخرون معجبون بهذا.

هاوية الاسفار · 12-06-2019, 03:42 AM

و أول محطة بعد الدخول في الاراضي السعودية محطة سحاب

وصلنا وقت الصلاة و على طول دخلنا صلينا و رجعنا عشان نتغدى من البخاري اللذيذ

و طبعا هالوجبة ما تتفوت لكن مرات نكون شبعانين أو يكون الصبح ما نوقف

خلصنا الغدا الحمدلله و طلعنا و خلينا العمال يصوبنون السيارة لانها تعتبر جديده

و أول مرة نسافر فيها لكن للأسف زوجي نسى يحط المخفي الشفاف من برع الزجاج

لحماية الزجاج الأمامي من الخدوش و نسى بعد الصابون و جدامنا غبار و هوا

انطلقنا في ربوع الأراضي السعودية و كلنا شوق لهالأجواء

استمتعوا معنا بالمناظر الطبيعية و السحب

و امطري يا سماء و انعشي كل من ينظر اليك

شواطيء سلوى زادوا فيهم الالعاب على الكورنيش و الجلسات

قالولنا في شارع جديد و أقرب المدخل يكون باتجاه منطقة العقير

مسليات الطريق

و هذا البسكوت من أسبانيا لذيذ جدا و توه واصل فريش

الفراهيدي, q8ya metnaqla, توبليرون و 2 آخرون معجبون بهذا.

الفراهيدي · 12-06-2019, 07:45 AM

اهلين وسهلين فيكـ

ما شاء الله

السفر بالسياره له طقوسه ووناسه

متابعين معاكـ

توبليرون, هاوية الاسفار و الايمان معجبون بهذا.

q8ya metnaqla · 12-06-2019, 08:13 AM

يا حي الله أهل الإمارات

نورت بوابة الكويت والكويت بكبرها

واااي كل شي صار معاج حده حده بس حلو وله طعم خاص

متابعين يا ام علي

Sent from my iPhone using Tapatalk

الفراهيدي, توبليرون, هاوية الاسفار و 2 آخرون معجبون بهذا.

آخر مواضيع q8ya metnaqla

- هُنا إمبــــراطـــوريــ اليــابــان ــــة
- استفسارات اليابان
- رحلة صيفية بحرية في ربوع الجبل الأسود (مونتينيغرو 7/2024)
- حي الله هالقطري حي الله حبه ربى في حشاي .. مانحتاج حق السري سراينا هالجاي
- هنــــــــا سنغــافورة الكفــاح الإصــرار التعليــم التطــور

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

كتكات783 · 12-06-2019, 09:02 AM

أهلاً وسهلاً بأم علي ...

بداية مفصّلة كعادة تقاريرك ...

بانتظارك في قادم الأجزاء وكلنا لهفة برؤية وطن الصباح بقلمك ونقلك ..

الفراهيدي, توبليرون, هاوية الاسفار و 2 آخرون معجبون بهذا.

هاوية الاسفار · 12-06-2019, 03:06 PM

نكمل معاكم الاجواء الغائمة

طبعا احنا متعودين على زيارة الكويت في الشتاء و الاجواء تكون غائمة و ممطره

لكن السنه ما حالفنا الحظ نسافر بالشتاء لكن الحمدلله الله عوضنا في هالشهر

و البروده لا زالت موجوده و الامطار و الغيوم

وصلنا لشاطيء نصف القمر ( هف مون )

عندنا واحد عنده طراد ( قارب ) و ياخذ الناس لرحلات و جت سكي و سوالف وناسه

وقتها كان موجود و العيال طول الوقت يقولون نزلونا عنده و بنرجع وياه الدمام و يدورون

سيارته اذا كانت موجوده و ابوهم خاف من الوضع و ما نزلهم لانه الجو غبار و هواء و امطار

المنطقة فيها شاليهات و فنادق اعتقد اسمها العقير اذا ما خاب ظني

قلت ان شاء الله يكون لنا نصيب في المبيت فيها في السنوات القادمة

وصلنا الدمام الساعة 4 و نص تقريبا قبل أذان المغرب ب 5 دقائق

و تباشير الخير هلت من أول ما دخلنا المنطقة

وصلنا البيت عند الجماعة أهل زوجي و صلينا و ريحنا و أنا في خاطري أمر السيف غاليري

صلينا العشاء و طلعت مع زوجي و اصحاب البيت يجهزون عدة الشوي

خذت جدر الضغط الكهربائي اللي الكل يمدحه و بعدني ما استخدمته

للبنات

طلعنا من المحل و عندهم أغراض بصراحه جميلة جدا و اغلبهم أواني زجاجيه

تموا في خاطري بس خفت انهم يتكسرون و بشرونا انهم بيفتحون فرع في أبوظبي

طبعا وقت الخروج الدنيا تتطاير برع و بسرعة ركبنا السيارة قبل لا نطير

و نبارك لأهل الدمام افتتاح محطة بترول اينوك للحظة حسيت اني في الامارات

رجعنا البيت و لقينا العشا جاهز و هذا نصيبي طبعا ما كلت غير الكباب

الحمدلله تعشينا من العشا اللذيذ و تسلم اياديهم و ما قصروا ويانا

و قعدنا سوالف و شاي و قهوة مع صاحبة البيت لين تعبنا و النوم ينادينا

و بهذا انتهى يومنا الأول في الدمام و بعدنا ما حجزنا فندق في الكويت

انتظروني في اليوم الثاني و ان شاء الله ما أطول عليكم

دمتم بود

q8ya metnaqla, توبليرون, الايمان و 2 آخرون معجبون بهذا.

q8ya metnaqla · 12-06-2019, 04:01 PM

عليكم بالعافيه

مو من عوايدج تتأخرين في حجز الفندق

Sent from my iPhone using Tapatalk

هاوية الاسفار, توبليرون, الايمان و 1 آخرون معجبون بهذا.

آخر مواضيع q8ya metnaqla

- هُنا إمبــــراطـــوريــ اليــابــان ــــة
- استفسارات اليابان
- رحلة صيفية بحرية في ربوع الجبل الأسود (مونتينيغرو 7/2024)
- حي الله هالقطري حي الله حبه ربى في حشاي .. مانحتاج حق السري سراينا هالجاي
- هنــــــــا سنغــافورة الكفــاح الإصــرار التعليــم التطــور

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

بن قوت · 12-06-2019, 07:27 PM

حياك الله ام علي
في ربوع المنطقة الشرقية

انتي ملكة الخطوط البرية
ماشاء الله عليكم
اهنيكم على سعة بالكم
السفر بالسيارة متعة اذا اخذناها تمشية ووقفات متعددة

تستاهل الكويت واهلها المشوار
الكويت صارت وجهة سياحية للخليجين
خاصة في الاجازات القصيرة

العقير

ميناء قديم تم تطويرة بمتياز
واصبح منطقة جذب للمتنزهين لما يحوية من كورنيش جميل جدا فية المسطحات الخضراء والمرافق الجميلة

q8ya metnaqla, توبليرون, هاوية الاسفار و 1 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الف مبرووك ل * عشقي السفر *	توبليرون	أخبار واعلانات الأعضاء	51	22-10-2021 02:03 AM
الخطوط الكويتية تطلق خط الكويت طرابزون الكويت	Gunner10	تركيا	10	08-02-2018 01:01 PM
الكويت ...وما ادراك ما الكويت	توبليرون	بوابة الكويت	32	21-01-2016 12:38 AM
استفسار يااهل الكويت الكريم وكل من سافر الكويت	جميله	بوابة الكويت	11	31-03-2015 12:54 AM