الزين كله في لندن

توبليرون · 16-09-2022, 11:51 PM

الزين كله في لندن
اليوم الأول
الجمعة 12 / 8 / 2022

الطيران والوصول

وعد ولازم نوفيه
كان وعد بوحسين للزين ان سفرة الصيف للندن للعايلة كلها والأهم الزين فيها

وقت الحجز تعذر والدا الزين عن الروحة معانا بسبب الشغل
وقلنا لهم الزين معانا لأن السفرة لها وقالو مافي مانع مع اجدادها وعماتها وعمها العود وحرمه

وحجزنا التذاكر ليوم 12 / 8 / 2022 والعودة يوم 27 / 8 / 2022

كان سعر التذكرة 225 دينار كويتي اونلاين
بس احنا اخذناها من المكتب بالأفنيوز ب 247 دينار

المكتب احسن لان ماتعرف الظروف نحتاج تغيير التاريخ او غيره ترجع لنا المبالغ اما الاونلاين ماترجع وتروح علينا

هذا سعر الاونلاين

وهذا السعر للتذكرة من المكتب

ملاحظة كان جواز الزين بينتهي بعد شهر وقلت للموظفة ان تسجلها وقالت اذا غيرنا الجواز لازم نراجع علشان تجديد البيانات وهذا اللي حصل بس تاكدوا من البيانات ورجعوا لي التذكرة اوكي

ورتبنا حجوزاتنا والفيزا الالكترونيه قبل موعد السفرة
وكان سعر الشخص الواحد ب 30 £

ويوم 11 / 8 جهزنا الجناط ونومة خفيفة للساعه 3 الفجر ونروح المطار

وصلنا ابو زيونه ودخل معانا على اساس يطلع ورقة او شي كفالة ان تكون معانا قالو له ما يحتاج اي شي

وهذه الزين كله بداية دخول المطار ونصورها للذكرى

وعند اللافتة

وهذا رقم كاونترنا

وخايفة على جنطتها عند الوزن بالكاونتر

الحمدلله الوزن اقل من المسموح طبعا لان الروحة الجناط خفيفة والعودة بتكون ثقيلة
والميزان اليدوي لازم يسافر معانا

خلصنا الاجرائات كانت زحمة خفيفة
ورحنا لدخول البوابات والسوق الحرة
الحين السوق الحرة ما نتمشى الا على الخفيف ولكن الريوق لابد منه

كل مجموعة راحو صوب

بدينا ندلع زيونه اشتري شي
ماتبي لان الجنطة متروسه بفك وحلاو والعاب

وانا قلت مابي الا عصير ليمون بارد

كينز الذ دياي مقرمش عنده بس ما يفتح الفجر

وبعد التمشي والريوق رحنا فوق قعدت انا جهة المصلى انطر الآذان

صليت والبنات ناس تصلي وناس تقعد مع الاغراض وبعدين رحنا عند البوابة
والا كله اسيوين نازلين ترانزيت وبيواصلون معانا لندن

واحنا قاعدين مروا علينا المضيفات يشيكون على التذاكر والجوازات وقلت لها تضيف لي الأميال وضافتهم بالبطاقة

والعلم في الصغر كالنقش في الحجر

بعدين اسمحوا ندخل عند بوابة العبور بس قعدونا الساعه 4.30 دقيقه
وننطر وننطر تاخروا وقالو لأن الطيارة توها واصلة من تايلند وقاعد ينظفونها وهذه بوابتنا

وننطر بعد قالو في تأخير ساعه وعقب دخلونا الطيارة اخيراا الساعه 6 المفروض نكون طايرين قبل ثلث ساعه
المهم ندخل الطيارة وممر السعادة

دخلنا وشافو تذكرتي قال ما يصير انتي تقعدين هني مع ان حاجزة الكراسي الاماميه لي ولابوحسين ودافعة مبلغ 40 دينار للكرسي الواحد
هذه تذكرتي غير رقم الكرسي

بس ليش العمر واكيد علشان باب الطوارئ
قلت له طيب غير مع الوسط اذا شباب يقعدون هني وانا اقعد مكانهم قال اوكي بس نشوفهم الحين روحي مع العيال ورا وقعدني مع زوج وزوجته حامل بالشهر السادس هنود
والعيال جدامي وابوحسين جدام مكانه ماغيروه

بس مر المضيف قلت له ها شصار على مكاني قال لي تعالي
وخلاني اقعد جدام عيالي في كراسي محد ماخذهم ويت عندي بنتي ووسعنا على بعض
صار كل اثنين بينهم كرسي فاضي الا زيونه مع ثنتين من عماتها
المهم اقعد عدل ويم الدريشة لان في وسع امد ريلي اليسار

وهذا كله والطيارة للحين واقفه
ونتنفس الصعداء لما تحركت الطيارة الساعه 7.30 بالضبط
وتمشي الطيارة على الأرض ثلث ساعه وعقب طارت الحمدلله يعني ساعتين تأخير
شوفو مسارها على الارض الى مدرج الطيران
اول شي دعاء الركوب

نوع طيارتنا

اراقب اشلون بنطوف من الجسر

اشوه لف يسار جهة المدرج الرئيسي
تقول زيونه لما شافت الصور انا كنت نايمه ماشفت هذا حبيبتي نامت او ما صعدنا سهرانه

واخيراا طارت

صور مباني الكويت تحتنا

صورة الابراج من الطيارة

وهذا جسر جابر

الجزر الاصطناعيه للجسر

يتبع .....

المسافر2020, A.Alsubhi, عبدالرحمن الصلال و 7 آخرون معجبون بهذا.

توبليرون · 08-10-2022, 01:13 PM

‏نتابع ....

‏

بعد ما استقرت الطيارة بالجو وزعوا علينا منيو لوجبة الريوق

وهذه اهي

‏

اخترت فيلم من القائمة الباجي شايفه اثنين في سفرة باريس والباجي ما اعجبوني وهذا حليوو

‏

وصلت الوجبه انا اخترت هذه

‏

‏

طبعا زيونه نامت من اول ما صعدنا الطيارة

وبانت تحتنا تركيا و اوربا

‏

وباقي ساعه وشوي

‏

بينت الغيوم

‏

وقدمو لنا وجبة خفيفة

‏

وبينت الاراضي البريطانية

‏

‏

‏

‏

‏

‏

‏

‏

شوفو الاراضي والجفاف من الشمس

‏

‏

‏

‏

‏

وطبت الطيارة الساعه 10,40 دقيقة بتوقيت لندن

‏

‏

‏

طبعا الطيارات ما توقف في مطار هيثرو واحنا بالمدرج شفنا اكثر من 3

‏

‏

وبنوقف يم ربعنا طيران القطرية

‏

‏

وابتسامة الوصول لزيونة العسل

‏

نزلنا وقعدت هني ننطر سيارة الغولف لي

‏

وراحو ربعي مشي للجوازات وانا انتظر مع الحريم

زهبت جوازي وفيزتي ويلا

‏

وركبنا ورحنا

‏

وشوفو الصالة فاضية
واخر ناس عيالي و عايلة ثانيه

‏

‏

الزحمة صارت صوب الكراسي المتحركة صوبي يعني
عطلتنا وحدة ما معاها احد بس شافت وحدة هندية ماهي فاهمة شي تكسر الخاطر واخذتها معاها يعني تساعدها بس طولو عليها يعني تقريبا سوو لها مشكله
مالكم شغل باحد طيبتنا الزايده بس انت بحدود دولة ثانيه مالك شغل الا بنفسك

‏

المهم انا خلصت بسرعه والموظف اللي مسك العيال بطئ يسأل واحد واحد عن سبب الزيارة

وصلت قبل العيال لسير الجناط والحمدلله اللي تدزني كانت حبوبه اقول لها هذه جنطتنا تطلعها واصلا السير فيه تقريبا بس جناطنا والعايله اللي ورانا
العالم كلها مشت

‏

والحمدلله على اخر جنطة الا العيال وابوهم عندي
والى باب الخروج

‏

اهم شي ندير بالنا على الأمانة

‏

اعلانات بالمطار

‏

‏

والى سرا التكاسي

‏

‏

اخذنا طبعا تكسيين والتكسي الدفع كي نت وبعضهم يكتب اذا الدفع كي نت واذا بتدفع كاش نحن نستقبل

‏

واغلب التكاسي مركبين تكييف

‏

مواقف السيارات

‏

صور من الطريج للفندق

‏

هني بوحسين يقول شوفو هذيل وايد لابسين دشاديش
وبنجابي

‏

قلت له بوحسين نسيت اليوم الجمعة وهذا وقت صلاة الجمعة طلع قريب مسجد

‏

ونكمل صور الطريج

‏

نشوف البيوت ونتمنى طبعا للحين اتمنى اشتري بيت هني

‏

‏

‏

فيديو الطيارة

‏https://youtu.be/UAXLzwuzIMw

‏

الجزء الياي الوصول للفندق

‏

‏

q8ya metnaqla, آخـــرفـــرصـــة, akab و 9 آخرون معجبون بهذا.

q8ya metnaqla · 08-10-2022, 02:05 PM

تستاهل الزين سفره مع يدها ويدتها احلى سفره بتكون لها طعم ثاني
السفر مع اليد واليده غيييير الله يخليكم لها 🙏🏽

وصلنا لندن بالسلامه ومتابعين معاج يا ام حسين التفاصيل الجميلة

آخـــرفـــرصـــة, توبليرون, الايمان و 6 آخرون معجبون بهذا.

آخر مواضيع q8ya metnaqla

- مركاز العرب المسافرون 11
- إندونيسيا استفسارات
- شبه الجـــزيـــرة الايبيـــريـــة ( اسبـــــانيــــا ) 2023
- هنــــا شبــــه الجــــزيــرة الايبيــــريـــة ( البــــرتغـــــال ) 2023
- ريوقنا في the orangery

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

بن قوت · 08-10-2022, 03:53 PM

حياك الله ام حسين
حيى الله التقرير المفصل
حيى الله الزين

ربي يحفضها ويبارك في عمرها
الخطوط الكويتية مدلعتكم في الاكل
اشوف وجباتهم حلوة جدا
باب الطواري مشكلة دايما
اذكر اعطوني محاضرة في احد رحلاتي
لاني مسؤل عن الباب في حالة طواري
ههههههههه
هلا فعلا تبين تشترين في لندن
اشوف الكويتين اغلبهم شارين في بورصة
والان في البوسنة

آخـــرفـــرصـــة, توبليرون, الايمان و 3 آخرون معجبون بهذا.

بن قوت · 08-10-2022, 03:53 PM

متابعين معك

آخـــرفـــرصـــة, توبليرون, الايمان و 2 آخرون معجبون بهذا.

الايمان · 08-10-2022, 06:17 PM

يازين لندن ويازين الزين فيها

استغرب ليش غيروا مقاعدكم المفروض لما سويتوا البوردينغ تقولين لهم عن حجز المقاعد
ام حسين حتى الحجز عن طريق موقع الكويتيه تقدرين ترجعين قيمة التذاكر بعد 45 يوم

آخـــرفـــرصـــة, توبليرون, A.Alsubhi و 3 آخرون معجبون بهذا.

توبليرون · 08-10-2022, 11:35 PM

اقتباس : المشاركة الأصلية كتبت بواسطة q8ya metnaqla

تستاهل الزين سفره مع يدها ويدتها احلى سفره بتكون لها طعم ثاني
السفر مع اليد واليده غيييير الله يخليكم لها 🙏🏽

وصلنا لندن بالسلامه ومتابعين معاج يا ام حسين التفاصيل الجميلة

الله يسلمج ويخلي لج الوالد والوالدة ومن تحبين
وان شاءالله يكون القادم اجمل حبيبتي وتشرفنا بأول مرور حلووو

آخـــرفـــرصـــة, الايمان, عبدالرحمن الصلال و 3 آخرون معجبون بهذا.

توبليرون · 08-10-2022, 11:44 PM

اقتباس : المشاركة الأصلية كتبت بواسطة بن قوت

حياك الله ام حسين
حيى الله التقرير المفصل
حيى الله الزين

ربي يحفضها ويبارك في عمرها
الخطوط الكويتية مدلعتكم في الاكل
اشوف وجباتهم حلوة جدا
باب الطواري مشكلة دايما
اذكر اعطوني محاضرة في احد رحلاتي
لاني مسؤل عن الباب في حالة طواري
ههههههههه
هلا فعلا تبين تشترين في لندن
اشوف الكويتين اغلبهم شارين في بورصة
والان في البوسنة

الله يحييك يابونواف
ويحفظ لك كل غالي
ايي الكويتيه أكلهم لذيذ من زمان اخترب فترة ورجع تسنع الحين
اليوم حاطين استفتاء بحسابهم بالانستغرام عن شنو تحبون نوع الاكل والاغلبيه مختارين الاكل الكويتي

اي والله انا ما انتبهت ان المكان الاول في باب طوارئ
المهم حصلت مكان مريح بالأخير

اي والله ودي اشتري بلندن
الكويتين من زمان عندهم شقق وبيوت بلندن وضواحيها ههه
الحين بعد اشتروا في ميلتون كينز قريبه من لندن وريدنغ فيها
كويتين

افضل لندن على بورصه والبوسنه بس لو يرخصون لي

اشوف ان شراء بيت في اي دوله يحكر سفراتك بس لها وهذا اللي اخاف منه خلينا على الفنادق وجولات من دوله لدوله بدون تقييد

الحمدلله على كل حال

شكراا شرفتنا بالمرور الثاني بارك الله فيك

ومتابعة ممتعة

q8ya metnaqla, آخـــرفـــرصـــة, الايمان و 3 آخرون معجبون بهذا.

توبليرون · 08-10-2022, 11:50 PM

اقتباس : المشاركة الأصلية كتبت بواسطة الايمان

يازين لندن ويازين الزين فيها

استغرب ليش غيروا مقاعدكم المفروض لما سويتوا البوردينغ تقولين لهم عن حجز المقاعد
ام حسين حتى الحجز عن طريق موقع الكويتيه تقدرين ترجعين قيمة التذاكر بعد 45 يوم

تسلمين يالغالية والزين انتو أهله
مادري عنه قالت له بنتي بس مادري يوم شافني المظيف غير
المهم ان مكاني صار عندي وسع واقدر ارفع ريلي على الكراسي
اها امون بس تعرفين احنا عندنا يغير رايه يمكن بيوم السفره لما اصعد الطياره يالله اتأكد اني طرت

شكراا شرفتينا بالمرور الثالث
ومتابعة ممتعه باذن الله

آخـــرفـــرصـــة, الايمان, عبدالرحمن الصلال و 1 آخرون معجبون بهذا.

بن قوت · 09-10-2022, 02:23 AM

اشوف ان شراء بيت في اي دوله يحكر سفراتك بس لها وهذا اللي اخاف منه خلينا على الفنادق وجولات من دوله لدوله بدون تقييد

صدقتي والله
هذا الكلام الصح

توبليرون, آخـــرفـــرصـــة, الايمان و 3 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الصين تعدل نظام تأشيرة السعوديين لدخول الصين	alradadi	بوابة الصين وهونج كونج	4	04-12-2018 09:42 PM
افضل شركات الشحن في لندن	Hind sa	بوابة بريطانيا	3	22-11-2018 01:18 AM
خبراء لندن ( جدول لزيارة لندن )	محمد mk	بوابة بريطانيا	2	14-06-2018 07:28 AM
استفسار بسيط بخصوص المصروف اليومي في لندن .. الى خبراء لندن !!	omar1987	اوروبا	7	05-10-2015 09:28 PM