باريس 2022




صباح او مساء الخير للجميع
تقريري الجديد من الكويت لباريس

نبدي بالحجوزات والاجراءات اللازمة

في شهر 9 سبتمبر قررنا نروح باريس لو اسبوع بس لان الدوامات بدت
وكانت باريس هي المفتوحة بدون حجر بس فحص pcr المطلوب والتطعيمات طبعا

عبينا الابلكيشن من الموقع هذا







https://kw.ambafrance.org/-عربي-

وبعدها حطينا موعد للفيزا بمكتب فيزا شنغن باريس بالكويت وصار موعدنا اول شهر 11 يعني نوفمبر حجزنا تذاكر السفر خمس اشخاص 800 دينار تقريبا السفر في
28 / 1 / 2022


الشخص الواحد هذه تذكرته









صار موعدنا ورحنا طبعا احنا بنروح مبجر من الوناسة موعدنا الساعه 10 الصبح
تريقنا بالديرة وتمشينا بمول الراية لان المكتب بالمول وتقهوينا

خوش ريوق بمطعم كونكريت



]





























وهذا مجمع الراية





















صار الموعد ورحنا
ما يدخلون الا بالموعد والكل حاضر

انتظرنا والمكتب كل شوي ينترس من الناس
خلصنا اوراقنا والتصوير عندهم علشان اضبط بما يبونه

الحمدلله خلصنا وسلمنا كل الاوراق وسوينا التأمين عندهم وطلع في تأمين صحي بعد نسويه بره
المهم خلصنا ودفعنا للكل تقريبا 300 دينار


صورة وحيدة من المكتب وقال لنا ممنوع التصوير مع ان مصورين بره









بعد 3 ايام وصلت الجوازات فيها الفيزا لمدة ستة اشهر فقط

الحمدلله على كل حال

حجزنا شقة الدفع قبلها بيوم



بعد ما اتضحت الرؤية للاجازات قالو البنات في اجازة قبل سفرتنا نبي نروح نغير الموعد

راحو وجدموا الموعد الى 12 /1 وطبعا اخذ منهم لزوم التغيير مبلغ تقريبا 50 دينار
وسوينا التأمين ضد الكرونا ب 35 دينار للخمسة اشخاص
وباقي لنا قبل السفرة بيومين لازم نسوي الفحص

رحنا نسوي الفحص وطلعت النتيجة ايجابية لابوحسين وغنومة
ضاق خلقنا عدل ههههه وهذا احنا محرصين لحد يخالط لا يصير فيكم كرونا

الحمدلله على كل حال تم الغاء الحجوزات وتم ارجاع المبالغ من التأمين والتذاكر قالو لنا مفتوحة لنا مدة سنة





بعد اسبوعين وحنة البنات على السفرة والفيزا بتنتهي على اول يوم العيد

قالو ماكو الا نحجز بأيام العيد الوطني وحجزنا مرة ثانيه وتغيير بعد واخذوا مبلغ بعد المهم يعني تقريبا تذاكرنا كملت الواحد 200 دينار وصار الحجز ليوم

23 / فبراير / 2022

وحجزنا فندق غرفتين بمبلغ
لمدة اسبوع

فندقنا

غراند هوتيل نورماندي
اربع نجوم








ورجعنا سوينا تأمين الكرونا وارفقنا اوراقه مع التذاكر

المهم والاهم صار ان الفحص غير مطلوب لباريس والكويت بعد غير مطلوب للدخول الحمدلله حمدا طيبا كثيرا
افتكينا من الفحص


قبل السفرة بثلاثة اسابيع سويت عملية سحب ماي كان يضغط من بين الفقرات وهو اللي يضغط على العصب يسبب الام والديسك
بعد متعبني قلت بسويها علشان اسافر والحمدلله العملية سهالة
ماخفت الا بعد العملية ولما راح البنج لما سألني الدكتور حركي ريلج اليمين حركي ريلج اليسار حركتهم اشوه
ههههه اهني اخترعت ان لا سمح الله يصير شي

موعد مراجعتي صار قبل السفرة بيوم وعطاني فيتامينات وكريمات ومغنسيوم ريحتني بعد هناك

جهزنا الجناط اخيراا وصار موعد السفرة
الساعه 7 الصبح
واحنا بالمطار الساعه 4.30










وصلنا المطار تيرمنال 4
والى صالة المغادرون












خلصنا التشيك ان والجناط مقاساتهم زينه
لاننا نستخدم الميزان














وبعدها دخلنا الصالات الداخلية

والسوق الحرة
























وصعدنا فوق عند البوابات
وهذه بوابتنا





وريحت شويه انطر الآذان

الكراسي بعد الكرونا لازم حواجز







وتريقنا من ستاربكس





وهذه طيارتنا






وعلشان العيد الوطني كشخت بقلبي خريطة الكويت







وسفرت الدنيا وبانت طيارتنا عدل










وجوازاتنا تنطر ينادونا للصعود





وأخيراا







وممر السعادة واحنا بسعادة







يتبع....

1000 لابأس عليك أم حسين
الحمد لله سهالة العملية
وهذي الرحلة فترة نقاهه
زين اللي انفكيتوا من الفحص لأنه متعب ويأخذ وقت
بس حلو أنكم مرتبين كل شئ من بدري
والبنات المرة هذي مهتمين للرحلة أكثر منك

متابعين درجة أولى
لتقرير من أوله 5 نجوم

ما شاء الله تبارك الرحمن .. و بدأ التقرير الفاخر
"ألف لا بأس عليك أختي أم حسين"

باريس مدينة تعتبر من الأجمل في أوروبا و فرنسا بشكل عام جميلة
تستحق الزيارة و مهما تكررت الزيارات لها طابع مميز

من المؤكد سوف نستمتع بالرحلة و تفاصيلها و ننتظر المزيد

ماشاء الله تبارك الرحمنٰ . اي والله من القلب اقولها ع التقرير لمدينة الأناقى و الهدوء و الرومنسية و العشق باريس يا أم حسين


راح استمتع معكِ عزيزتي بهذه المدينة التى لا يُمل منها ابداً

اخيراااااااااااا نزل التقرير
سلامات يا الغالية ام حسين ماتشوفين شر ان شاءالله
باريس معاج غير