|
عشقي لها يزداد عامن بعد عام ( الكويت 2019 ) السلام عليكم و رحمة الله و بركاته صباح و مساء الخير للجميع هذه المرة الثالثة أو الرابعه احاول أكتب التقرير لكن النت معاندني المهم كانت لنا زيارة خفيفه و سريعه و من غير تخطيط لمعشوقة الكثير و هي دولة الكويت الحبيبة اليوم الجمعة 5 / 4 / 2019 طبعا مثل ما الاغلب عارفين مشكلتنا مع إجازة زوجي صعب جدا ياخذ اجازه مع اجازة المدارس الكل مخطط و حاجز و بدأ بالسفر الا انا و أختي اللي أكبر عني ما عندها اجازة بدت اجازة المدارس و الناس سافرت و أنا انتظر الفرج من الله لين ما جاء يوم الخميس الظهر و قال وافقوا على الاجازة لمدة 5 أيام من الأحد لين الخميس بس اذا بنمر الدمام باخذ يومين زياده طبعا يلعب بأعصابي و أنا مب متحملة فكرة الجلوس في الدولة النفسية كانت في الانحدار و غصبا عني لازم أوافق قلت خلاص تم قال نسافر بالسبت أو الاحد قلت بكيفك و الا شو رايج نسافر باجر الجمعه :14: و أنا من الصدمة ما قدرت أفكر على طول وافقت و دخلت المطبخ اجهز الغدا و خلصنا و العصر على طول بيت الوالد أبشرهم و اسلم عليهم و عزمت عيال اختي على السفره وافقوا في البداية بس يوم قلت بنمر الدمام غيروا رايهم و أنا طبعا مب حاجزه لا فندق و لا غيره قلت بصبر لين السبت عشان اذا عيال اختي غيروا رايهم قلتلهم تعالوا بالطيارة و انا بحجز الشقة رجعت بعد العشاء اجهز الشنط و الاغراض و قعدت لين الساعة وحده الكل نام و أنا بعدني اسكر الشنط و طبعا أول وحده أبشرها بالسفر الغالية أم حسين أدري طولت عليكم لكن لكل قصة بداية و نهاية و اتمنى البداية تكون مشوقة للجميع |
وأول وحده اتفاجئ بالتقرير كملي :18: |
و أول محطة بعد الدخول في الاراضي السعودية محطة سحاب https://www.arabtrvl.com/up/uploads/...2432449613.jpg وصلنا وقت الصلاة و على طول دخلنا صلينا و رجعنا عشان نتغدى من البخاري اللذيذ https://www.arabtrvl.com/up/uploads/...5524324515.jpg و طبعا هالوجبة ما تتفوت لكن مرات نكون شبعانين أو يكون الصبح ما نوقف خلصنا الغدا الحمدلله و طلعنا و خلينا العمال يصوبنون السيارة لانها تعتبر جديده و أول مرة نسافر فيها لكن للأسف زوجي نسى يحط المخفي الشفاف من برع الزجاج لحماية الزجاج الأمامي من الخدوش و نسى بعد الصابون و جدامنا غبار و هوا انطلقنا في ربوع الأراضي السعودية و كلنا شوق لهالأجواء https://www.arabtrvl.com/up/uploads/...5244542992.jpg https://www.arabtrvl.com/up/uploads/...5244543013.jpg https://www.arabtrvl.com/up/uploads/...5244543044.jpg استمتعوا معنا بالمناظر الطبيعية و السحب https://www.arabtrvl.com/up/uploads/...5244543086.jpg https://www.arabtrvl.com/up/uploads/...5244543117.jpg https://www.arabtrvl.com/up/uploads/...5244543148.jpg و امطري يا سماء و انعشي كل من ينظر اليك https://www.arabtrvl.com/up/uploads/...5244543169.jpg https://www.arabtrvl.com/up/uploads/...2445431810.jpg https://www.arabtrvl.com/up/uploads/...2445431911.jpg https://www.arabtrvl.com/up/uploads/...2445432212.jpg https://www.arabtrvl.com/up/uploads/...2445432813.jpg شواطيء سلوى زادوا فيهم الالعاب على الكورنيش و الجلسات https://www.arabtrvl.com/up/uploads/...5244543314.jpg قالولنا في شارع جديد و أقرب المدخل يكون باتجاه منطقة العقير https://www.arabtrvl.com/up/uploads/...2445433115.jpg مسليات الطريق https://www.arabtrvl.com/up/uploads/...2445433316.jpg https://www.arabtrvl.com/up/uploads/...2445433517.jpg و هذا البسكوت من أسبانيا لذيذ جدا و توه واصل فريش https://www.arabtrvl.com/up/uploads/...2445433718.jpg |
اهلين وسهلين فيكـ ما شاء الله السفر بالسياره له طقوسه ووناسه متابعين معاكـ |
يا حي الله أهل الإمارات نورت بوابة الكويت والكويت بكبرها واااي كل شي صار معاج حده حده بس حلو وله طعم خاص متابعين يا ام علي Sent from my iPhone using Tapatalk |
أهلاً وسهلاً بأم علي ... بداية مفصّلة كعادة تقاريرك ... بانتظارك في قادم الأجزاء وكلنا لهفة برؤية وطن الصباح بقلمك ونقلك .. |
نكمل معاكم الاجواء الغائمة https://www.arabtrvl.com/up/uploads/...2445433919.jpg https://www.arabtrvl.com/up/uploads/...5244543420.jpg طبعا احنا متعودين على زيارة الكويت في الشتاء و الاجواء تكون غائمة و ممطره لكن السنه ما حالفنا الحظ نسافر بالشتاء لكن الحمدلله الله عوضنا في هالشهر و البروده لا زالت موجوده و الامطار و الغيوم https://www.arabtrvl.com/up/uploads/...5267054231.jpg https://www.arabtrvl.com/up/uploads/...5267054262.jpg https://www.arabtrvl.com/up/uploads/...5267054283.jpg https://www.arabtrvl.com/up/uploads/...5267054366.jpg https://www.arabtrvl.com/up/uploads/...5267054377.jpg https://www.arabtrvl.com/up/uploads/...5267054449.jpg وصلنا لشاطيء نصف القمر ( هف مون ) عندنا واحد عنده طراد ( قارب ) و ياخذ الناس لرحلات و جت سكي و سوالف وناسه وقتها كان موجود و العيال طول الوقت يقولون نزلونا عنده و بنرجع وياه الدمام و يدورون سيارته اذا كانت موجوده و ابوهم خاف من الوضع و ما نزلهم لانه الجو غبار و هواء و امطار https://www.arabtrvl.com/up/uploads/...2670544610.jpg https://www.arabtrvl.com/up/uploads/...5267054511.jpg https://www.arabtrvl.com/up/uploads/...2670545312.jpg https://www.arabtrvl.com/up/uploads/...2670545713.jpg المنطقة فيها شاليهات و فنادق اعتقد اسمها العقير اذا ما خاب ظني قلت ان شاء الله يكون لنا نصيب في المبيت فيها في السنوات القادمة https://www.arabtrvl.com/up/uploads/...2670545914.jpg وصلنا الدمام الساعة 4 و نص تقريبا قبل أذان المغرب ب 5 دقائق و تباشير الخير هلت من أول ما دخلنا المنطقة https://www.arabtrvl.com/up/uploads/...2670546115.jpg https://www.arabtrvl.com/up/uploads/...2670546216.jpg https://www.arabtrvl.com/up/uploads/...2670546417.jpg وصلنا البيت عند الجماعة أهل زوجي و صلينا و ريحنا و أنا في خاطري أمر السيف غاليري صلينا العشاء و طلعت مع زوجي و اصحاب البيت يجهزون عدة الشوي خذت جدر الضغط الكهربائي اللي الكل يمدحه و بعدني ما استخدمته :24: للبنات https://www.arabtrvl.com/up/uploads/...2670546618.jpg طلعنا من المحل و عندهم أغراض بصراحه جميلة جدا و اغلبهم أواني زجاجيه تموا في خاطري بس خفت انهم يتكسرون و بشرونا انهم بيفتحون فرع في أبوظبي طبعا وقت الخروج الدنيا تتطاير برع و بسرعة ركبنا السيارة قبل لا نطير https://www.arabtrvl.com/up/uploads/...2670547120.jpg و نبارك لأهل الدمام افتتاح محطة بترول اينوك للحظة حسيت اني في الامارات https://www.arabtrvl.com/up/uploads/...2670546919.jpg رجعنا البيت و لقينا العشا جاهز و هذا نصيبي طبعا ما كلت غير الكباب https://www.arabtrvl.com/up/uploads/...5267391451.jpg الحمدلله تعشينا من العشا اللذيذ و تسلم اياديهم و ما قصروا ويانا و قعدنا سوالف و شاي و قهوة مع صاحبة البيت لين تعبنا و النوم ينادينا و بهذا انتهى يومنا الأول في الدمام و بعدنا ما حجزنا فندق في الكويت :2: انتظروني في اليوم الثاني و ان شاء الله ما أطول عليكم دمتم بود :thtrt: |
عليكم بالعافيه مو من عوايدج تتأخرين في حجز الفندق Sent from my iPhone using Tapatalk |
حياك الله ام علي في ربوع المنطقة الشرقية انتي ملكة الخطوط البرية ماشاء الله عليكم اهنيكم على سعة بالكم السفر بالسيارة متعة اذا اخذناها تمشية ووقفات متعددة :72: تستاهل الكويت واهلها المشوار الكويت صارت وجهة سياحية للخليجين خاصة في الاجازات القصيرة :e116: العقير ميناء قديم تم تطويرة بمتياز واصبح منطقة جذب للمتنزهين لما يحوية من كورنيش جميل جدا فية المسطحات الخضراء والمرافق الجميلة |
اقتباس:
و احلى وحده حياج الله |
اقتباس:
بالفعل متعة السفر بالسيارة و خاصة في الشتاء حياك الله خلك بالقرب |
اقتباس:
اقتباس:
الله يحييج و يعافيج منوره باهلها هيه و الله كل شي عالسريع ما حبيت احجز الفندق و بعدين اكنسل و ينكسر خاطري |
اقتباس:
يا هلا فيك خلك قريب و شكرا عَل المتابعة |
اقتباس:
هالمره سبقتي حنتي عليج بكتابة التقرير ماشاءالله الغيووم كانت حلوه والجو هالسنه لاول شهر مايو وهو جمييل الدمام حلوه بأهلها الطيبين وما شاءالله عساها جمعة حلوه مع الاهل عليكم بالعافيه الغدا والعشا والتسالي اللذيذه ننتظر القادم:e304: |
اقتباس:
الله يحييك شكرا على اللقب الجميل فرحت وايد و الله السفر حلو بالسيارة لكن مع العيال و صياحهم و ضرابتهم زوجي طول السفر و هو يقول اخر مره اسفركم بالسيارة بس اول ما نوصل البلاد يقعد يقول المره اليايه ان شاء الله و يبدا يخطط و انا أقول بتسافر بعد بالسيارة قلت اخر مره يقول بس كلام :32: فعلا المنطقة حلوه و مكتضه بالناس و ما في مكان فاضي كله مليان شكرا لك على المتابعة و المداخلة الجميلة |
شنو هالمفاجأة الحلوه يا ام علي ان شاءالله لي عودة على رواق للتقرير الحين بالدوام بس حبيت اسلم |
اقتباس:
هالمرة كنت ناويه انزله اول ما رجعت من السفر و تعرفين معاناتي كيف كانت الله يعافيج و يسلمج الحمدلله توفقنا بالسفر و الجو الحلو خليج بالقرب |
اقتباس:
أهلا و سهلا فيج خذي راحتج التقرير توه بأوله و حياج الله |
صباح و مساء الخير على الجميع نكمل وياكم التقرير اليوم الثاني في الدمام صحينا و تريقنا في البيت و ما صورت اي صورة لليوم طلعنا المول ندور فساتين اعراس و ما عجبني و لا شيء بس اللي حبيتهم ما حصلت مقاسات مناسبة لي و بعدها قضينا اليوم كله في البيت و المغرب طلعت لعالم التوفير و رامز و عندهم زجاجيات و مواعين تبهر للأسف ما عندنا مثلهم في الامارات و الشباب معزومين على عزبة أخو صاحب البيت و توكلوا على الله و أنا حجزت في فندق آدامز ما لقيت غير غرفة و صالة و الشباب عيال أختي اعتذروا و قالوا ما بيون و عشانا كان بروستد لانهم يعرفون اذا وصلت الدمام لازم آكل بروستد و خلص يومنا اليوم الأحد 7 / 4 / 2019 اصبحا الصبح و تريقنا في البيت و تجهزنا و طلعنا باتجاه دولة الكويت https://www.arabtrvl.com/up/uploads/...5267391482.jpg https://www.arabtrvl.com/up/uploads/...5267391523.jpg طلعنا من الدمام باتجاه مدينة الجبيل https://www.arabtrvl.com/up/uploads/...5267391564.jpg https://www.arabtrvl.com/up/uploads/...5526739166.jpg https://www.arabtrvl.com/up/uploads/...5267391717.jpg و بعدها باتجاه مدينة رأس الخير https://www.arabtrvl.com/up/uploads/...5267391758.jpg https://www.arabtrvl.com/up/uploads/...5267391769.jpg الشارع ما شاء الله سالك و نظيف و ما فيه ازدحام https://www.arabtrvl.com/up/uploads/...2673917910.jpg https://www.arabtrvl.com/up/uploads/...2673918311.jpg https://www.arabtrvl.com/up/uploads/...2673918512.jpg |
أنا القطار السريع طوط طوط :e01e::e01e: https://www.arabtrvl.com/up/uploads/...5267391914.jpg https://www.arabtrvl.com/up/uploads/...2673919115.jpg https://www.arabtrvl.com/up/uploads/...2673919316.jpg https://www.arabtrvl.com/up/uploads/...2673919617.jpg الأرض ما شاء الله ربيع https://www.arabtrvl.com/up/uploads/...2673919918.jpg https://www.arabtrvl.com/up/uploads/...2673920119.jpg https://www.arabtrvl.com/up/uploads/...2673920320.jpg https://www.arabtrvl.com/up/uploads/...5275105581.jpg https://www.arabtrvl.com/up/uploads/...5527510562.jpg و بعض الاماكن ما شاء الله غرقانه من مياه الأمطار https://www.arabtrvl.com/up/uploads/...5275105643.jpg https://www.arabtrvl.com/up/uploads/...5275105664.jpg https://www.arabtrvl.com/up/uploads/...5527510575.jpg https://www.arabtrvl.com/up/uploads/...5275105746.jpg |
يا زينها و زين طاريها :18::18: https://www.arabtrvl.com/up/uploads/...5275105777.jpg وصلنا منفذ النويصيب https://www.arabtrvl.com/up/uploads/...5275105818.jpg https://www.arabtrvl.com/up/uploads/...5275105859.jpg عربات الآيسكريم و لاحظنا هالسنه موجودين بكثرة في كل مكان و كل شارع https://www.arabtrvl.com/up/uploads/...2751058810.jpg https://www.arabtrvl.com/up/uploads/...5275105911.jpg تبدأ تتزايد دقات القلب كل ما اقتربنا من المدينة :e32a::e32a::e32a: https://www.arabtrvl.com/up/uploads/...2751059713.jpg وصلنا فندقنا المفضل آدامز و الساعة كانت 3 و نص خذنا تقريبا 4 ساعات https://www.arabtrvl.com/up/uploads/...2751059914.jpg اول ما ندخل تكرمون الحمام عند الباب https://www.arabtrvl.com/up/uploads/...2751060215.jpg https://www.arabtrvl.com/up/uploads/...2751060416.jpg https://www.arabtrvl.com/up/uploads/...2751060617.jpg https://www.arabtrvl.com/up/uploads/...2751060818.jpg حمام غرفة النوم https://www.arabtrvl.com/up/uploads/...2751061219.jpg المطبخ https://www.arabtrvl.com/up/uploads/...2751061320.jpg https://www.arabtrvl.com/up/uploads/...5275521041.jpg على طول بدلنا و صلينا و ريحنا تقريبا ساعة و الوجهه كانت لدار حمد اللي كل سنه اقول بجرب آكل فيه و أنسى لكن هالمرة خليته في اول يوم عشان ما أنساه https://www.arabtrvl.com/up/uploads/...5275521216.jpg الصحن جميل جدا https://www.arabtrvl.com/up/uploads/...5275521092.jpg ما شاء الله المطعم مزدحم و مكتض بالناس https://www.arabtrvl.com/up/uploads/...5275521113.jpg ديكوراتهم جميلة جدا https://www.arabtrvl.com/up/uploads/...5275521134.jpg |
ضيافة المطعم https://www.arabtrvl.com/up/uploads/...5275521175.jpg جبن بالشطة و تمر و طحينه و خبز رقاق مقرمش و لذيذ https://www.arabtrvl.com/up/uploads/...5275521338.jpg طلبنا كبة بطاط بحشوة الدجاج لذيييييييذه https://www.arabtrvl.com/up/uploads/...5275521257.jpg سلطة جرجير بالحبوب https://www.arabtrvl.com/up/uploads/...5275521379.jpg برياني دياي https://www.arabtrvl.com/up/uploads/...2755213910.jpg مشوي جدر https://www.arabtrvl.com/up/uploads/...2755214111.jpg و طلبت شراب البيذان لازم اجربه في كل مطاعم الكويت و الفاتوره https://www.arabtrvl.com/up/uploads/...2755214512.jpg صور المدخل https://www.arabtrvl.com/up/uploads/...2755214713.jpg https://www.arabtrvl.com/up/uploads/...2755214814.jpg https://www.arabtrvl.com/up/uploads/...5275521515.jpg https://www.arabtrvl.com/up/uploads/...2755215216.jpg تقييمي للمطعم 8/10 و السبب انه البرياني كان عادي جدا و ما فيه نكهة مميزه و مشوي الجدر المفروض يكون باللحم لكن 80 % كان بطاط |
طلعنا من دار حمد و توجهنا لمقهى السالمية مقابل المطعم و لازم نمر دام العيال شافوه https://www.arabtrvl.com/up/uploads/...0636210011.jpg https://www.arabtrvl.com/up/uploads/...2755215417.jpg https://www.arabtrvl.com/up/uploads/...2755215618.jpg العيال دخلوا يلعبون و أنا قلت بسير أصلي عشان ما انسى و أكون تعبانه بعدين https://www.arabtrvl.com/up/uploads/...0636210216.jpg المكان شبه فاضي https://www.arabtrvl.com/up/uploads/...0636210052.jpg https://www.arabtrvl.com/up/uploads/...6063621013.jpg طلبنا شاي و قعدت مع زوجي لين يخلصون لعب https://www.arabtrvl.com/up/uploads/...0636210124.jpg https://www.arabtrvl.com/up/uploads/...0636210165.jpg و هذا دار حمد مقابل المقهى https://www.arabtrvl.com/up/uploads/...0636210267.jpg طلعنا و الوجهة كانت لمعشوق الجماهير سوق المباركية https://www.arabtrvl.com/up/uploads/...0636210288.jpg https://www.arabtrvl.com/up/uploads/...6063621039.jpg و نزل علينا المطر و ما أحلاها من صدفة https://www.arabtrvl.com/up/uploads/...6362103110.jpg https://www.arabtrvl.com/up/uploads/...6362103311.jpg https://www.arabtrvl.com/up/uploads/...6362103712.jpg وصلنا و ما شاء الله طول الوقت زحمه و بالغصب نحصل موقف https://www.arabtrvl.com/up/uploads/...6362103913.jpg الجدار المشهور https://www.arabtrvl.com/up/uploads/...6362104114.jpg المطعم المشهور في الكويت و اللي يقلدونه خارج الكويت https://www.arabtrvl.com/up/uploads/...5606372321.jpg دخلنا السوق و لازم نتمشى و نتشرى https://www.arabtrvl.com/up/uploads/...6362104515.jpg و بعدها قعدنا نحلي و نتقهوى في مطعم ملح و خل https://www.arabtrvl.com/up/uploads/...6362104816.jpg https://www.arabtrvl.com/up/uploads/...0636210517.jpg مطعم الشمم https://www.arabtrvl.com/up/uploads/...6362105218.jpg و نهاية اليوم أكيد كان يوم جميل و مميز و رائع و أجواء حلوة خلص يومنا الاول في الكويت و انتظروني في اليوم الثاني دمتم بود :rdgdg: |
الاجواء جميله والغيوم زادت من حلاة الرحله وسهلتها لان لو شمس چان علوووم آدمز حلوو اشرايج فيه تغير والا نفس اول ما فتح ؟ بالعافيه الامل عند دار حمد انا جربته مره وحده وكان لذيذ الكبب والقبوط واما العيش عادي بس مشوي الجدر حلوو يمكن نقصهم اللحم ههههه اما القهوة الشعبيه والمباركيه هذه حبج الكبير مستمتعين معاج يام علي واهم شي انج كنتي مستانسه بالسفره |
اقتباس:
آدامز بتكلم عنه بالتفصيل في التقرير دار حمد الحمدلله جربته مره و ما بعيدها لانه ما شاء الله المطاعم وايد عندكم القهوة و المباركيه احلى مكانين و ما نمل لو يوميا نمر عليهم عَل الأقل ساعة وحده يوميا الحمدلله استانسنا و غيرنا جو و تغيرت النفسيه 100% شكرا عَل المتابعة |
حجزتوا ادمز ؟؟ توقعتج اتغيرين اليوم افتحوا فندق متحف بيت العثمان عجيييب بسوي تغطية عنه ان شاءالله دار حمد ما كليت في لما الحين و لا افكر احس أكله عادي بس أخذ صيت وسعره غالي بعد القهوة الشعبية اتهبل القعده فيها من زمان عنهم والله أشوه صادفتكم امطار المباركية معشوقة أهل الخليج وفريج صويلح عليكم بالعافيه |
اقتباس:
حاولت أغير عن آدامز بس تقريبا الأغلب أسعارهم متشابهه و خفت اجرب و انصدم مثل المرات اللي طافت صح دار حمد أكله عادي جدا الله يعافيج و يسلمج يقولج قديمك نديمك لو اليديد أغناك شكرا عَل المتابعة |
ماشاءالله أجواء الغيم والمطر روعه بالطريق تخفف عليكم المسافه تصدقين مطعم دار حمد للحين مارحت له |
اقتباس:
فعلا بالمطر ما تحسين بالوقت ودج تطولين في السياره المطعم ما عنده شي مميز بس ما يمنع انج تجربينه لو مره |
بالانتظار يا حلوو:e419: |
صباح و مساء الخير على جميع من يمرون من أمام هذا التقرير اليوم الثاني الأثنين 8 / 4 / 2019 صحينا الساعة 9 و تجهزنا للخروج و الوجهة معروفة من غير معرف https://www.arabtrvl.com/up/uploads/...6362105319.jpg و درجة الحرارة ما تبشر بالخير و التوقيت توقيت الامارات نقصوا ساعة https://www.arabtrvl.com/up/uploads/...6362105520.jpg المسجد الكبير https://www.arabtrvl.com/up/uploads/...0690835881.jpg وصلنا للوجهة :e022: ( سوق المباركية ) https://www.arabtrvl.com/up/uploads/...6069083592.jpg https://www.arabtrvl.com/up/uploads/...0690835943.jpg مطعمنا المفضل دلق سهيل https://www.arabtrvl.com/up/uploads/...0690835964.jpg المطاعم فاضية https://www.arabtrvl.com/up/uploads/...0690835995.jpg طلبنا المعتاد صحن خصوصي بيض و طمام https://www.arabtrvl.com/up/uploads/...0690836036.jpg خبز التنور من أحلى ما يكون حتى لو نغمسه في الحليب يشبع https://www.arabtrvl.com/up/uploads/...0690836057.jpg طلبت حمسة فاصوليا و أول مرة أجربها فعلا لذييييييييذه و يوم رجعت حاولت أسويها بس مستحييييل تطلع نفس الطعم و لين الحين في خاطري اجرب نفس الطعم https://www.arabtrvl.com/up/uploads/...0690836078.jpg بلاليط ( شعيرية ) لولدي الصغير بس حسيته معجن مب مستوي عدل https://www.arabtrvl.com/up/uploads/...0690836099.jpg و اللي أكيد ما نستغني عنه شاي بالحليب ( كرك ) https://www.arabtrvl.com/up/uploads/...6908361210.jpg الحمدلله خلصنا و شبعنا و انتقلنا لداخل السوق https://www.arabtrvl.com/up/uploads/...6908361511.jpg عربانات التوصيل و هالمرة يايبين عمال أفارقة و الجملة راااائعه جدا https://www.arabtrvl.com/up/uploads/...6908361712.jpg تجهيزات رمضان و القرقيعان https://www.arabtrvl.com/up/uploads/...6908361913.jpg و لابد من شراء الفواكه قليلا https://www.arabtrvl.com/up/uploads/...6908362114.jpg طلعنا لسوق السلاح و اشتريت زولية ( حصير ) لأختي لازم كل سنه آخذ حق طلعات البر https://www.arabtrvl.com/up/uploads/...6908362315.jpg عطور و هدايا https://www.arabtrvl.com/up/uploads/...6908362516.jpg رسومات جميلة على الجدران تعطي طابع جميل للمكان https://www.arabtrvl.com/up/uploads/...6908362717.jpg |
و من المباركية انتقلنا لمنطقة الري و بالتحديد خلف الافنيوز لغسيل السيارة لكن للأسف محطتنا المعتاده مكانها خالي و تم هدم المكان و اخترنا محطة ثانية https://www.arabtrvl.com/up/uploads/...6908363118.jpg قعدنا ننتظر تقريبا ساعة و نفكر وين ممكن نسير بعدين الافنيوز قريب لكن تعبانين و ما نقدر على التمشي فيه طلعنا و توجهنا للفندق لكن مرينا قبلها على مطعم واحد فلافل اتابعهم على الانستقرام و السندويشات تشهي عندهم https://www.arabtrvl.com/up/uploads/...0691309891.jpg خذنا سندويشات و مرينا على محل عصاير بجانب الفندق و رجعنا للشقة كلنا و نمنا لأنه بصراحة اليوم حر و تمشينا وايد و اللي ما خبرتكم عنه أنه و احنا يايين الكويت في الدرب كنت أصور سناب و شافته صديقتي اللي سافرنا وياهم النمسا قبل و كانوا موجودين في الكويت و هي طبعا أول مرة تسافر للكويت و سألتني عن مكان تفصيل الجلابيات ( الدراريع ) و قلتلها اذا تبغين أنا اليوم سايره افصل و اتفقنا بعد المغرب نتلاقى عند جيت مول https://www.arabtrvl.com/up/uploads/...0691309922.jpg توجهنا للموقع و أول ما وصلنا دخلت أصلي و انتظرهم و بعدين العيال شافوا ديب اند ديب و قالوا بنقعد ناكل و قعدت لين يوصلون الجماعة و يخلصون الصلاة و هذي طلبات العيال https://www.arabtrvl.com/up/uploads/...0691309933.jpg https://www.arabtrvl.com/up/uploads/...0691309954.jpg طبعا تأخرنا وايد و فصلنا و قلنالهم بنستلمهم و احنا متجهين للسعودية يوم الخميس هذا مول 89 جديد توه فاتح لكن ما لحقنا ندخله https://www.arabtrvl.com/up/uploads/...0691309975.jpg طلعنا من منطقة العقيلة متجهين للمكان الجميل مقهى الشميمري و الوقت كان متأخر https://www.arabtrvl.com/up/uploads/...0691310047.jpg باقي على الاغلاق نص ساعه قلنا بنطلب بسرعة و الحمدلله المطاعم بعدها شغالة يلسنا على البحر و مقابلنا سوق شرق https://www.arabtrvl.com/up/uploads/...0691310016.jpg طلبنا شيش طاووق و عرايس و كباب https://www.arabtrvl.com/up/uploads/...0691310068.jpg https://www.arabtrvl.com/up/uploads/...0691310089.jpg أول ما بدينا ناكل سكروا علينا الليتات و باقي تقريبا 20 دقيقة على الساعة 11 و الناس بعدهم قاعدين و مستانسين انتقلنا للداخل لأنه ما نقدر ناكل في الظلام قعدنا تقريبا 5 دقايق و سكروا علينا الليتات اللي داخل واحد ورا الثاني كلنا بسرعة و طلعنا و خذنا باقي الأكل و قلنا نكمل في الشقة أحسن و انتهى يومنا الثاني و الحمدلله استانسنا و استمتعنا بيومنا و نشوفكم في اليوم الثالث دمتم بود :dfvd: |
حلوو ريوق دلق سهيل القعده فيه بالشتاء احلى بوايد اما المباركيه حلووه بكل اوقاتها صبح والا ليل واحد فلافل لذيذ عليكم بالعافيه حلوو بالسفر تلاقين ربعج وتطلعين معاهم لو مره تصير ذكرى حلوه ومنطقة العقيله وايد مولات حلوه تخدمالعايله بكل شي ياحلوو قعدة الشميمري حسافه وصلتوا لها متآخر معوضين خير :29: متابعين يا عسل |
الكويت تستأهل من يشد لها الرحال 💙 |
وزيارتها عن قريب بإذن الله |
بس ننتظر يبرد الجو |
أتوقع هالشهرين ماينفع السفر لها نفس دائرتنا |
اقتباس:
أكيد بالشتاء احلى بس الحمدلله الوقت وايد ناسبنا فعلا استانست يوم عرفت انهم موجودين بس ما صادف نلتقي مره ثانيه قعدة الشميمري ما تنمل بس ما ادري عنهم كيف في الصيف يحطون تكييف و الا يقعدون في الحر مشكوره عَل المتابعة |
اقتباس:
اقتباس:
اقتباس:
اقتباس:
فعلا تستاهل و في الشتاء بتكون احلى و احلى و الحين موجة حر فضيعه عندهم الله المستعان شكرا عَل المرور |
| الساعة الآن 08:38 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO