|
طلعنا من محل المصانع و توجهنا للسالمية لعصائر المنعش و خذنا سندويشات من كوردو https://www.arabtrvl.com/up/uploads/...1235680461.jpg طبعا رجعنا الشقة الجو حار و ما عندنا مكان نسير نتمشى فيه و ما نبغي مجمعات طلعنا قبل المغرب و الوجهة سوق المباركية https://www.arabtrvl.com/up/uploads/...6123568052.jpg https://www.arabtrvl.com/up/uploads/...1235680513.jpg https://www.arabtrvl.com/up/uploads/...1235680554.jpg https://www.arabtrvl.com/up/uploads/...1235680575.jpg وصلنا و بدت الدنيا تحمر و تصفر ما ندري هو مطر و لا غبار https://www.arabtrvl.com/up/uploads/...1235680596.jpg و قعدت عشان العيال يلعبون شوي و الجو كان حلو ما كان حار https://www.arabtrvl.com/up/uploads/...1235680617.jpg صلينا المغرب و بعدها دخلها نتمشى شوي في السوق https://www.arabtrvl.com/up/uploads/...1235680628.jpg https://www.arabtrvl.com/up/uploads/...1235680649.jpg طلعنا و الوجهة كانت مقهى الشميمري للقاء الغالية على قلبي أم حسين طبعا قبل السفر كلمتها و قلت يمكن ما نتلاقى هالمره لأني بكون ويا عيال أختي و المده قصيره يمكن ما يكون عندي وقت لكن ما قدرت أوصل الكويت بدون ما أشوفها و لا أسلم عليها و أبرار كان عندها عزا خالها الله يرحمه و أمون مسافره فقررنا نلتقي في المقهى عشان العيال و أبوهم يكونون في نفس المكان طلبنا غوري شاي https://www.arabtrvl.com/up/uploads/...2356806610.jpg خبز رقاق بالزعتر و بالجبن و العسل https://www.arabtrvl.com/up/uploads/...2356807111.jpg و كباب لحم و شيش طاووق https://www.arabtrvl.com/up/uploads/...2356807513.jpg كلنا و سولفنا و ضحكنا و كنت أشوف اضاءة أقول برق و أم حسين لا ليزر :32: هذا سوق شرق و شوفوا القطوة متكية عدالنا و اللي ورانا و جدامنا يصارخون من الخوف https://www.arabtrvl.com/up/uploads/...2356807714.jpg الحمدلله اللقاء كان سريع لكن و الله استانسنا و فرحنا بشوفة بعض و الله يجمعنا دايما على الخير و لا يفرقنا طلعنا الساعة 10 و نص لأن خلاص بيسكرون و أم حسين وراها مشوار طويل https://www.arabtrvl.com/up/uploads/...2356807915.jpg https://www.arabtrvl.com/up/uploads/...2356808116.jpg https://www.arabtrvl.com/up/uploads/...2356808317.jpg و طبعا لازم وداعية للعصاير قبل السفر https://www.arabtrvl.com/up/uploads/...2356808518.jpg و رجعنا الشقة نجهز أغراضنا للسفر و خليت زوجي ينزل الشنط لأن الجو كان ممطر و قلت يمكن نصبح و المطر يزيد و خلص يومنا على خير نلقاكم يوم مغادرة دولة الكويت و التوجه للدمام دمتم بود :rdgd: |
هههههههه حسبته ليزر وطلع برق ماصورتي الخبز بالبحر هههه ياحلو قعدتج يام علي والله استانست يوم قلتي يلا خل نتشاوف وايد القعده حلوه والجو حلوو والصغير يهبل يسولف معانا زواره رحت له مرتين اول ما فتح وبس مانقدر نكرر المطاعم بالكويت وايد من كثرهم بس حلو وفكرة المنيو عجييبه نفس دفاتر ارقام التلفونات قبل جذيه الكل يكتب فيه وتعليقات حلوه :14: الافنيوز حلو منطقة السوق حلوه شكلها نفس المباركيه عليكم بالعافيه العصاير وحسافه بينتهي التقرير نتمنى لج سفرات ممتعه واهمها سفرة للكويت بس يتعدل الجو ان شاءالله |
عوااافي ام علي وان شاءالله اليايات اكيد بنشوفج و نلتقي فيج الافنيوز احلى وقت الصبح زين سويتوا رحتوا هالحزة والمباركية الحبيبة والشميمري الاكل مبين حلوو عليكم بالعافية الشعبية قناتي المفضل و الطرب القديم :) حياكم الله وتنورونا |
حسافه ماشفناج هالمره يا ام علي الله يجمعنا على خير ان شاءالله محل العطور اسمه دار الطيب وايد عطوراته حلوه وثابته انصحج فيه الحمدلله ان مطعم زواره عجبكم بصراحه ماجربته لان بالكويت مانبي ناكل بمطاعم كويتيه :32: |
اقتباس:
الله يعافيج و يسلمج لا ما كان واضح الخبز صورت كم مره بس ما يبين الافنيوز بيت عشان بؤ العيال كل مره يقول ليش ما تحبين الافنيوز أقول و الله شبعانة من المولات عندنا ان شاء المرات اليايه نزوركم و نقعد وياكم اكثر مشكوره على الزيارة الحلوه |
وعليكم السلام ورحمه الله وبركاته مساء الخير ما شاء الله سريع سريع الرحله السياره متعه بالسفره صراحه والاجواء تساعدكم محطه اينوك من الشركات اللي يسمح لها فتح محطات بالسعوديه تشغيل انشاء استثمار السعوديه في تطور حقيقه في مجال السياحه والاهتمام عالي بالأمر كلنا مستغرين حجزك متأخر للسكن في الكويت حمدلله علي الوصول للكويت السكن مناسب والمطعم اول يوم سعره جدا رائع المباركيه لازم يزوها الشخص لو زيارات بالعشرات للكويت مطاعم مختاره مشهوره حركه مقهي الشميري تضيق الصدر صراحه التدخين بمكان للعامه غير صحي حلو فيروز وحلويات كيفك الأحلا بالعافيه عليكم الافنيوز شي ثاني رحله جميله وموفقه والكويت تنحب |
اقتباس:
الله يعافيج هيه و الله حتى الشارع ما كان فيه زحمه الله يحييج ان شاء الله نزوركم كل سنه وكل حول تسلمين |
اقتباس:
ان شاء الله المرات اليايه نلتقي كلنا ما شاء الله المطاعم عندنا و عندكم صارت اكثر من الشعب نفسه :32::32: تسلمين |
اقتباس:
حيا الله مديرنا الفاضل السعودية صحيح انها في تطور لكن تطور مخيف جدا و الله المستعان الحجز مثل ما ذكرت بسبب السفره المفاجئة و المطاعم كلها تجربه أولى الا بعضهم لابد من تكرار الأكل فيها التدخين مشكله في كل البلدان حتى عندنا بعض الأماكن ودك في الجلسات الخارجية لكنها مخصصة للمدخنين فقط و احنا نتحسر على المكان أكيد الكويت تنحب و تنعشق بعد و ما نستغنى عنها شكرا عَل المرور و الكلام الطيب تسلم |
| الساعة الآن 07:18 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO