شبكة و منتديات العرب المسافرون - احتاج مساعدة لسفرة تركيا !!

اقتباس:

المشاركة الأصلية كتبت بواسطة Om.fahad (المشاركة 582235)

السلام عليكم و رحمة الله و بركاته

انا و زوجي قررنا نسافر مع بعض لاول مره بعد كورونا ، و صراحة محتارين بين تايلند و تركيا ، بس الامور اللي مخليتني اتجنب تايلند هي انها ما تلبي رغباتي صراحة انا انسانه احب الحياة و الزحمة و السهر ( يعني اخرج في الليل عشان لا احد يفهم غلط 😜😂 ) و في نفس الوقت احب البحر و اجواء البحر و التشميس و كذا ، حسيت تايلند من بعد مغيب الشمس خلاص تنتهي الحياة خصوصا في الجزر بس في بانكوك يقولو في حياة ليلية بس مو امان و حسيت انو ممكن تكون غير امنه في الليل و الاماكن فيها مو نظيفة و ماهي فخمه ( صححولي لو انا غلطانه ) انا انسانه ابدا مااحب الطبيعه و خضار و جبال مو شي يستهويني ، ففكرت في تركيا بس في نفس الوقت مابغا اروح بس اسطنبول ، و طربزون و ازنجول و ذي الاشياء مو جوي صراحة ، انا جوي اسطنبول و بودرم و انطاليا بس للاسف يقولو بودرم خلص موسمها صحيح هالكلام ؟؟ الله يسعدكم ابغا اراءكم و مساعدتكم و لو رشحتولي تركيا هل اقدر اروح بودروم كم يوم بعدين اسطنبول ؟ و يلوا كمان قالولي حلوة و زي مدينة صغيرة مره محتارة صراحة 😭 المدة ما بين 7 الى 10 ايام لان خلااااص احس مره احتاج سفره اعمل فيها ريفرش لمخي و نفسيتي و حياتي و كل شي 😅🥲 و بس والله اسفه طولت عليكم ☺

هلا مرحبا أختي أم فهد
بخصوص تركيا أنه ما قط رحتها
أما تايلند فرحت لها أكثر من 5 مرات
وراح أكلمك بخصوص تايلند
تايلند شغالة 24 ساعة .. وخصوصاُ في بانكوك وبوكيت
في النهار الرحلات السياحية زيارة الشواطئ ورحلات الجزر والمجمعات والأسواق
وبالليل الأسواق الليلية اللي بعضها يكون متواجد لين الفجر وبعض الرحلات السياحية المحدودة جداً
وتايلند بلد آمن جداً وشعب بشوش وطول الوقت مبتسم .. ولكن النقطة المهمة وهذا الشيء في كل بلد (إذا راح تحترم قوانين البلد وتحترم الشعب راح تعيش بسلام، أما إذا ما راح تحترم قوانين البلد ولا راح تحترم الشعب طبعاً النتيجة راح تكون سلبية) وفي تايلند الكل في حاله ومحد يتدخل في أحد كلش ..