المشاركة الأصلية كتبت بواسطة ضفهد (المشاركة 583764) بالنسبة لي أشوف ان الطيران الاقتصادي تفوق على الطيران التقليدي بكل شي .. لكن يفترض ان يكون الشخص اللي يبي يحجز عليه يكون خبير و ملم بجميع الجوانب .. و يبي يجيكم طيران wizz air و تشوفون الطيران الاقتصادي الحقيقي .. طبعا الطيران التقليدي هو بالاساس حكومي و تم انشاؤه لتسهيل عمل الموظفين .. و طبعا هو مدعوم من الحكومات و خدماته التجارية تعتبر ثانوية ..لذلك تحصلهم ما يهتمون برغبة و راحة العميل .. لان سوقهم ماشي

يا هلا بالخبير العالمي ضفهد …
في أي دولة بالعالم غالباً يوجد طيران أقتصادي لذا تجد بعض الشركات مثل في أوروبا تسير رحلات دولية بين دول الأتحاد الأوربي و بكثرة نظراً كون الرحلات مدتها لا تصل إلى ساعتين
و الركاب على على الرحلات فل لا يتوفر مقاعد …
و نفس المثال في أمريكا الطيران الأقتصادي بين الولايات الأمريكية
متوفر و بكثرة و بمنافسة شرسة بين الشركات لكسب المسافرين

أما مناطقنا العربية و أن توفر الطيران الأقتصادي يظل محدود
و شركات تعد على أصابع اليد و في بعض قد يصل سعر التذاكر قريب إلى سعر تذكرة نفس الوجهة على الطيران التقليدي

أما طيران wizz air من وجهة نظري أنا بيكون مناسب و منافس
للأشخاص اللى يسافرون خفاف شنطة ظهر و انت ماشي

المشاركة الأصلية كتبت بواسطة ضفهد (المشاركة 583855) يا هلا والله وغلا بخبيرنا الغالي ابومعتز .. و ازيدك من الشعر بيت .. ان طيران wizzair ممكن يدلعك .. لكن كل شي بحقه المعقول .. تبغى كرسي مناسب يعطيك اياه بسعره المعقول .. تبغى تحمل معك شنطه يحسبها عليك .. تبغى تشحن شنطه ايضا يحسبها عليك .. تبغى اولوية بوردنق يحسبها لك .. تبغى اولوية اركاب يحسبها بحقها .. تبغى تقص بوردنق عن طريق الانترنت يحسبها بسعرها .. اي شيء تبغاه بحقه .. ودك تطرب نفسك ادفع بالمعقول .. اما الطيران التقليدي يدفعك حق كل شي و لا يعطيك الا الفتات .. اكثر ما يناسب اللي رايحين انتدابات .. غيرهم ما لهم قيمة

ماش أخوي ضفهد … ما فيك حيلة الطيران الأقتصادي ضارب أطنابه و شكلك من مؤيديه :25:

طبعاً ما نختلف أن السفر في رحلة للسياحة تختلف حسب الأشخاص
شخصياً .. مستحيل أغامر على الطيران الأقتصادي مهما كانت الرحلة
أما لو كنت في الخارج و هناك خيارات كثيرة بيكون الوضع عادي
يعني بشيل شنطتي و بطلع المطار و بالتأكيد بلاقي رحلة لوجهتي

المشاركة الأصلية كتبت بواسطة ضفهد (المشاركة 583962) كنت زيك خبرنا ابومعتز .. متخوف و لا عندي رغبة في المغامرة .. حتى اضطريت قبل تقريبا ١٠ سنوات اني احجز على الطيران الاقتصادي ..لانه ما كان فيه خيار ثاني .. و بعد ما جربته ما شفت فيه فرق .. بعدها صرت اتنقل بين هذا وهذا و كان التركيز على التقليدي لوجود افكار معششة في راسي .. و السنه هذي بالذات كان عندي رحلات شبه اسبوعيه بين الرياض وجده .. و جربت فيه جميع الخطوط و بشكل مكثف .. لذلك اشوف الطيران الاقتصادي مناسب جدا للرحلات و لا فيه فرق عن الطيران التقليدي .. بل ممكن تحصل عندهم اهتمام براحة الراكب اكثر من الطيران التقليدي .. الطيران التقليدي عادة يوجهون اهتمامهم على الدرجة الاولى لانه هو هدفهم الاساسي .. و بيني وبينك اركز في جميع رحلاتي على الطيران المباشر .. و لو يكون فيه تفاضل بين تقليدي و اقتصادي .. طبعا اعطي الافضلية لراحتي ورفاهيتي بالمبلغ اللي راح ادفعه .. ان كان بالتقليدي او الاقتصادي .. و غالبا يكون الاختيار و الافضلية للاقتصادي

بالعكس ماني متخوف من التجربة ... إلا جربت شركات كثيرة من الطيران الأقتصادي و القائم على مبدأ توفير رحلة بأقل التكاليف و في الوقت المناسب للعميل
سبق لي السفر مع شركات طيران في أوروبا حتى يمكن أسم ما لها :14:
و طياراتهم من اللى إذا بغت تقلع يدفونها رجالين يفرون مقدمتها إلى المدرج
و تطير و قبل تنزل تطفي المحركات :32::32:

بالنسبة للشركات المحلية عندنا (ناس + أديل + مناسك) بصراحة ما أعتبرها طيران أقتصادي
هذي تعتبر شركات رديفة للخطوط السعودية لأن أحياناً إذا بغيت حجز لقيتها
أغلى من الخطوط السعودية إذا دفعت حق المقعد و شحنت شنطة
و هذا اللى حصل لنا قبل شهر بالضبط على رحلة من الرياض إلى جدة
السعر على أحدى الشركات كان الفرق بينه و بين الخطوط السعودية يفرق 70 ريال أو أقل شوي و بدون الشنطة و الوجبة لاحظ !!!

اللى يبي يجرب الطيران الأقتصادي و يحكم صح إذا كانت الشركات تعرض سعر
تنافسي يفرق عن الشركات الأخرى 50% أقل منهم و في وقت السفر مو تقول
إذا حجزت بدري بتلاقي سعر مناسب !!

الموضوع شيق للنقاش و تبادل الأراء