|
اقتباس:
والله ياصديقي ماهنا تميز ... مدري ليه اشوفهم كلهم صفة وحده ماهنا فروقات .. كلهم مثل بعض ونفس المنيو ... حتى السوري الشاب اللي يحطونه يناديك ( نسخه مع كل مطعم ) :24: |
اقتباس:
بداية الحفله كلامك = عندي صفر وبعدها ماني معلق .. علشان الاصدقاء والصديقات اللي هنا |
اقتباس:
تحياتي لسموك |
محطات عبر الأيام بداية اسطنبول مدينه مزدحمه جدا .. وهي مثل بانكوك الا ربع المشاوير فيها مزعجه جدا جدا .. لذلك البديل الافضل والاسرع ( كرت المواصلات ) اللذي يمكنك من ركوب المترو والترام والباصات ..تشتريه وتشحنه بطريقه سهله ومرنه واجهزه الشحن منتشره عند مواقف الترام والمترو و و الخ من الاماكن التي زرتها : ساحة اورتاكوي : وهي مكان جميل مطل على البحر وحيوي جدا .. مع القوارب الكبيره ( رحلات بحرية ) وانواع المطاعم وخاصه صديق السفر ( ستار بكس) .. وحولها العديد من الاسواق ومحلات الهدايا .. مكان جميل لقضاء مساء جميل ... هذه الايام مايصلح الا في اخر العصر الوصول لها مزعج شوي ... الترام لايصل اليها يجب ان تنزل وتواصل بالباص ( كل خمس دقائق ) يتوقف جوار الساحه 200 متر / لاتشيل هم التسوق .. على طول كذا محطه للترام يمين ويسار كلها اسواق ومحلات وساحات مزدحمه / التوقف على الجسر بين الجزئين ( مضيق بحري) جميل جدا / برج غلاطه او غلطه فتحت التكتك وقلت نشوف اراء جديده عن المواقع والناس كلها تتكلم عن برج غالاطه .. وهو برج اثري في اعلى قمة جبل .. والصراحه تبون رأي الشخصي انه مكان سخيف جدا ولايسوى الطلوع له في اعلى الجبل .. لكن الناس مهايطيه وحقين تصوير .. يقلب الواحد الكاميره وموسيقى خلفيه ويصور لك البرج وكأنه شي وااااااو .. والحقيقه انه برج بايخ وباهت ولافيه شي جديد والارتفاع له يحتاج من الشخص ان يكون بسيقان نعامه ولياقه سلقه صيد هههههههههههههه بالطلوع تبلش .. وتتحرك في سيقانك عضلات ماسبق وتحركت وبالنزول ( تحدي حقيقي) لنظام البريك الانساني فيك .. لكن يالله .. معلم سياحي لازم تقول ان زرته ... العزاء في هالصعود الشاهق انك اذا نزلت .. فيه منطقه تسوق جميله اسفل المرتفع .. على البحر .. / السوق المصري سوق جميل وتقليدي وسياحي مقابل البحر .. يبعد عن محطه الترام 300 متر .. بامكانك الوصول له بسهوله .. وساحاته لطيفه واهم شي بياعين الايسكريم .. مطل على الساحه جامع كبير على الطراز العثماني .. يصورونه الخواجات .. وبعض ربعنا لقيتهم يصورونه تهاويل :14::14: |
المطاعم في اسطنبول بالعموم ( اللي عليها رفيو كثير ) وشكلها جيد ..اسعارها دبل الاسعار عندنا وعليك الحساب وكميات الاكل يحسسونك انك فلبينيه من قلها ماهي واجد / اسعار الترام رمزيه بالريالات بس والله ماركزت فيها تحط البطاقه وتسحب اوتوماتيك .. / استخدم فيزا من الراجحي .. سعرها مساوي لما يتم سحبه .. بدون فروقات عمله كبعض العملات الاخرى .. |
هههههههههه حلوة سالفة برج غلاطة الصعود والنزول اشوه ان في سوق حلو عقب هالبرج |
الوعد اذا رجعت تدهن سيقانك بفكس |
بالفعل يابو لجين بعض المعالم ما ودك تزورها عليها كلام واجد لكن ما تستاهل الشريحة الالكترونية مهمة للانترنت داخل المطار عدا ذلك الشريحة العادية من البلد أفضل منها جربت AIRALO ما أعجبتني لكن المرة الجاية بجرب برق متابعين :e032: |
اقتباس:
برق جربتها ممتازه جداً تركيا الآن حذت حذو بعض الدول بحظر الشرائح الألكترونية لأنها كسرت السوق لذالك الأفضل تفعيل الشريحة قبل الدخول للدولة قبل تركب الطيارة فعلها ودربك خضر |
صح كلامك برج غلاطة الصعود لها متعب جدااا بس اللي يهون المشوار الكافيهات وتنوع المحلات فيها ارتاكوي من اجمل مناطق اسطنبول بس لازم الواحد يتحمل زحمة الباصات :( متابعين معاك :e306: |
| الساعة الآن 01:25 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Friendly URLs by vBSEO