|
رد: رحــلــتــي الــثــانــيــة إلــى مــالــيــزيــا (مــايــو 2015) ... إي نعم يا أخوي مثل ما قلت أحتمال تكون في 2017 والله يا أخوي ما يهم بالنسبة لي متى تفتح لكن المهم أنها إذا أكتملت وفتحت أنها تكون على مستوى عالي وجميل وراقي وأفضل من قبل بمراحل كبيرة أتمنى أنها تكون في مستوى ديزني لاند إن شاء الله تستحق هالأنتظار كله |
رد: رحــلــتــي الــثــانــيــة إلــى مــالــيــزيــا (مــايــو 2015) ... أكيد بتكون جميله المشروع في البداية كان 120 مليون دولار بعدين رفعو المبلغ الى 300 مليون دولار مايعادل مليار ومئة مليون ريال سعودي . اكيد بيكون المشروع ضخم جداً وبيكون واجهه للقاره الاسيوية ماشاء الله تبارك الله البلد مشاريعه ماتنتهي في كوالا بيفتتحون قريباً فنادق فخمه جداً ومولات جديده |
رد: رحــلــتــي الــثــانــيــة إلــى مــالــيــزيــا (مــايــو 2015) ... أتمنى ذلك، وأتمنى أنه ينافس ديزني لاند ويكون الوجهة الأولى في القارة الآسيوية وبالتوفيق للحكومة الماليزية في تطوير البلد |
رد: رحــلــتــي الــثــانــيــة إلــى مــالــيــزيــا (مــايــو 2015) ... جنتنغ جمييييييلة وجوها يرد الروح لكن الألعاب الخارجية تبقى السبب الرئيسي لزيارتها خسارة كنت مخططة نسافر الصيف الياي شهر 7 أو 8 إن الله أحيانا عشان نستمتع بجنتنغ اليديدة لكن شكل الإفتتاح مطول اللي مستغربته شلون لقيتو الألعاب الداخلية والمطاعم متوفرة وأنا توني في فبراير راجعة من ماليزيا ورحنا جنتنغ القسم الداخلي 95% مبند حتى المطاعم رحنا ودرنا وسألنا قالو لنا كل شي مبند عدا ماري براون وفعلاً كانت الزحمة عليه مب طبيعية وألعاب مالقينا وتحسفنا على المشوار بالنسبة لتايلند أختلف معاك ياخوي كلش مب عائلية ولا تصلح لليهال وجوها حاااااااااااار لا يطاق ومافيها إلا الفنتازي اللي يستحق الزيارة حتى شاطئ بوكت بصراحة وصخ والمناظر هناك مقززة تفشل وترى رحت بوكت بدل المرة ثنتين على أمل إني أكون غلطانة بس وصلت لحد إني حرمت أحط فلس عشان أروح تايلند ياخي حتى الأكل هناك مايسوى المطاعم العربية غالية ومطاعم الفاست فود أغلبها مب حلال هذي غير الإنحطاط الأخلاقي والتعري الفاضح والشوارع قديمة ووصخة والأمن ضعيف والإستغلال واااااضح عندهم ومعاملة الأجنبي تختلف كلياً عن معاملتهم للخليجيين بالذات أعرف إن في ناس وايد متعصبة لتايلند وتحبها لكن هذي رايي الشخصي كلش كلش كلش ماحبيتها علماً بأن آخر مرة رحت أنا وريلي وعيالي وأختي وريلها وعيالها وأمي معانا يعني عددنا كان كبير ماشاء الله والكل متفق على نفس الراي والله كنا مصدومين من عقب تحضر ونظافة ماليزيا إن الوضع يكون جذي في تايلند وسلامتكم زعت اللي في قلبي هههههههههههههههه |
رد: رحــلــتــي الــثــانــيــة إلــى مــالــيــزيــا (مــايــو 2015) ... اقتباس:
يسمح لنا بو راشد نسولف شوي بتقريره :(125): هلا وغلا بالحلوين يا ويل قلبي كل هذا عن تايلند :yolks00790: من زمان ما رحت واشتقت لها وايد :(127)::(22)::(22):ودي اروووووووووووووح:(22): بس ترا كل الملاحظات اللي قلتيها من زمان هي بتايلند وهذا شي عادي بالنسبة لهم وصدقتي لما قلتي حر ماليزيا جوها ابرد نوعا مااااااااا وااااااااحسرتاه على تايلند:(123)::(123): |
رد: رحــلــتــي الــثــانــيــة إلــى مــالــيــزيــا (مــايــو 2015) ... الله عليك يابو راشد ذكرتني بالايام الحلوه في الديره الحلوه صور متحف ريبلي في جنتنغ روعه ولها ذكريات حلوه عندي تابع يا مبدع |
رد: رحــلــتــي الــثــانــيــة إلــى مــالــيــزيــا (مــايــو 2015) ... يعطيك الف عافية الف شكر لك وياليت التسلسل بالموضع مرة وحدة |
رد: رحــلــتــي الــثــانــيــة إلــى مــالــيــزيــا (مــايــو 2015) ... هلا أختي بيبي فيس .. إن نعم الأفتتاح مطول :( أحنا يوم نروح جنتنغ كان كل شيء فاتح المطاعم والألعاب الداخلية وفي بعد ألعاب وايد جنب مطعم مكدونالدز وكنتاكي وبخصوص تايلند آنه رحت تقريباً 5 مرات وأجوف العوائل بكثرة في تايلند وخصوصاً الإماراتيين والعمانيين الشيخة في تايلند اللي يبي السياحة العائلية موجودة واللي يبي السياحة الشبابية موجودة وكل على حسب أختيارة وبخصوص شاطئ بوكيت وفيه مناظر مقززة وتفشل ترى في كل البلدان اللي فيها أجانب موجودة هالمناظر في تايلند وفي ماليزيا في الشواطئ وفي الصنواي لاجون وحتى دول الخليج البحرين ودبي اللي بيروح عند الشواطئ راح يجوف هالأشياء لكن الواحد يغض البصر وما عليه من اللي حوالينه .. والأفضل إذا الواحد يبي يستمتع بالبحر يسكن في فندق له شاطئ خاص وفي مكان هادء وبخصوص الأكل آنه معاج في هالشيء الوجبات السريعة في تايلند أغلى من ماليزيا بضعف السعر وحتى الطعم يختلف كثيراً لكن بخصوص المطاعم العربية فهي نفس السعر تقريباً لكن الطعم في ماليزيا أحلى وفي مطعم لبناني رحته في بانكوك وهو أفضل مطعم عربي أكلت منه في سفرتي وبخصوص الإنحطاط الأخلاقي آنه معاك في هذي الشيء في تايلند بكثرة ولكنه الواحد اللي يبي يروح علشان يستانس يتحاشى هالأشياء ويغض بصره عنها وأصلاً هالأمكان الواحد المفروض ما يروح صوبها لأن إذا الواحد بيحط باله في هالأشياء وبيطالع بيتعب .. لكن لو يطنش حق هالسوالف وما يحط لها أي أعتبار ولا كأنه يجوفها بيستانس في سفرته وكل ديرة فيها الزين والشين .. لكن الواحد يتحاشى الشين ويروح للشيء الزين .. يمكن أنكم أخترتوا الأماكن الخطأ في السكن والسياحة .. بيت جيرانا أول مرة في حياتهم يسافرون برع الخليج وراحوا سيدة تايلند .. وأول ما وصلوا تايلند راحوا بتايا وجافوا الديرة في النهار زوينه .. ويوم صارت الدنيا ليل الديرة أنقلبت فوق حدر يقولون جفنا شيء ما ينجاف وثاني يوم أطلعوا من بتايا .. والسبب أن أختيارهم للأماكن وللسكن كان خاطئ وبدون استشارة وبدون أي معرفه سيدة حجزوا وسافروا .. وهذي ردة فعل تخلي الناس تكره تايلند .. وصح كلامج بخصوص أن في ناس وايد متعصبة لتايلند وتحبها وفي ناس أعرفهم راحوها مرة وكرههوها وأعرف صديق لي راح يوم ورجع اليوم الثاني يقول شنو هالبلد وإذا على الطقس بعض الأحيان يكون جو تايلند أفضل بكثير من ماليزيا وفي أغلب الأحيان تكون درجة حرارة تايلند أبرد من ماليزيا .. الناس أذواق .. يا الشيخة تايلند لا تقارن بماليزيا في العمران والتطور والنظافة والثقافة في فرق شاسع .. لكن لكل بلد إيجابياته وحاجته .. ========================= أخذي راحتج أختي قصة حب المكان مكانج وإذا ما شالج التقرير نشيلج فوق راسنا وبعيونا ========================= من ذوقك يا أخوي تركي الجبيل والله يذكرك بالخير إن شاء الله وحياك الله أخوي وإن شاء الله تستمتع بمتابعة التقرير |
رد: رحــلــتــي الــثــانــيــة إلــى مــالــيــزيــا (مــايــو 2015) ... اقتباس:
الان بيعملو فندق قريب من البرجين بيكون ضخم جداً الفور سيزون يتكون من 65 طابق وبيكون فيه بركة سباحة بتكون اعلى بركة في جنوب شرق اسيا وفي فندق ثاني بيعملونه قريب من 80 طابق https://vincentloy.files.wordpress.c...pg?w=450&h=637 http://img35.picoodle.com/img/img35/...1m_22ba015.jpg |
رد: رحــلــتــي الــثــانــيــة إلــى مــالــيــزيــا (مــايــو 2015) ... جزء رائع متااابع وياااك يالغالي يعطيك العافية |
| الساعة الآن 08:34 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO