|
رد: رحــلــتــي الــثــانــيــة إلــى مــالــيــزيــا (مــايــو 2015) ... جميل النقاش بيبي فيس وبوراشد .. أنا متشوقة ازور تايلاند لكن بعد ما زرت ماليزيا حسيت اني اكتفيت من جنوب شرق آسيا لانها نموذجية وفيها كل شي بدنا ياه :) نقاشكم افادني ببعض النقاط |
رد: رحــلــتــي الــثــانــيــة إلــى مــالــيــزيــا (مــايــو 2015) ... هلا أخوي أبو عمر هذي المشاريع الضخمة ولا بلاش بصراحة السكن بالنسبة لي بالقرب من البرجين أفضل من شارع العرب والفور سيزون من الفنادق المعروفة بفخامتها ================ من ذوقك يا أخوي Haksa77 وحياك الله وإن شاء الله تستمتع بمتابعة التقرير والله يعافيك يا أخوي ================ من ذوقج يا أختي Deena وهذي وجهات نظر وكل شخص له وجهة نظر وكل شخص يذكر تجاربة وبيبي فيس أخت عزيزة وغالية فالنقاش في بعض الأحيان يكون مفيد للجميع |
رد: رحــلــتــي الــثــانــيــة إلــى مــالــيــزيــا (مــايــو 2015) ... أنا معاك في كل كلمة قلتها السكن في منطقة البرجين بالنسبة لي افضل بكثير من شارع العرب في بينانج بيفتتحون بداية عام 2016 فندق الهيلتون في شاطئ الباتو فرينجي الشهير وبيكون الفندق خراااااافي مكون من 318 غرفه وجناح و3 مطاعم ومعظم الغرف بتكون اطلالتها ع البحر http://www.tonshare.com/images/49213636793858285512.jpg http://www.themalaysianinsider.com/a.../DTRHP_(4).jpg |
رد: رحــلــتــي الــثــانــيــة إلــى مــالــيــزيــا (مــايــو 2015) ... أهلا أخوي أبو عمر يا سلام شيء عجيب ورائع لكن هل سيكون أفضل من الراسا ساينغ والجولدن ساندس وحتى لو كان أفضل منهم هل سيكون سعره نفس سعرهم أو مقارب لهم أو بكون سعره خيالي |
رد: رحــلــتــي الــثــانــيــة إلــى مــالــيــزيــا (مــايــو 2015) ... اقتباس:
الظاهر بوراشد بيطردنا وبيقفل الباب عنا :(37): إنتي ولاء تايلندي من الأساس فزين إنها مشت معاج وحبيتيها والله ياختي حاولت أقنع نفسي ماقدرت ولا حتى أهلي والله كلهم لاعت جبدهم وحطو عليها إكس :yolks00730: |
رد: رحــلــتــي الــثــانــيــة إلــى مــالــيــزيــا (مــايــو 2015) ... الأخ الكريم بوراشد وجهة نظرك أحترمها ومثل ماقلت لك تايلند لها عشاقها وأنا والله مستغربة لكني والله سألت نفسي وايد عن سر هالحب مالقيت فيها شي واحد ينحب :yolks00590: خلني أنا حتى ريلي وأختي وريلها وأمي حتى ولدي واليهال كلهم تمللو هناك ويحنون يبون نرجع ماليزيا بسرعة بالنسبة للجو أنا من تجاربي أجوف حر ماليزيا مقبول مقارنة بتايلند هناك الحر لا يطاق ولا يساعد على الطلعة كل مكان فيه أجانب وتعري صح لكن تايلند بشكل فاضح وعلني شي مخجل والله أمي هاوشتني تقول ضاعت حجتي في تايلند :yolks0060: جفنا مشاهد تعري في بينانغ على الشواطيء وفي الصنواي لاغون لكن مافيه دعوة علنية للفجور والشذوذ أكرمك الله تايلند في هالسوالف غنية عن التعريف تراني في المرتين سكنت في الباتونغ بيتش مرة في الملينيوم والثانية في ذا كي مصنفين 5 و 4 نجوم وسمعتهم طيبة وريتهم عالي لكن بعد مارتحت إلا يوم رجعت ماليزيا أمي كانت تقول ديرة مافيها صوت أذان ولا فيها أحد لابس ثياب ولا ينعرف الريال فيها من المرة هههههههههههههههههههه بالنسبة للأكل توهقنا حتى مطاعم الفاست فود أغلبها مب حلال وأكل التايلنديين الله يديم النعمة ريحته توصلك من على بعد ميل ماينبغى يلا ماعليه ياخوي تحملني هذي راي شخصي يمكن الكثير مايتفق معاي فيه ومابي أشطح وأخرب على موضوعك أكثر إسمح لي |
رد: رحــلــتــي الــثــانــيــة إلــى مــالــيــزيــا (مــايــو 2015) ... مستمتعين بالتقرير بانتظار البقيه ..... يعطيك العافيه |
رد: رحــلــتــي الــثــانــيــة إلــى مــالــيــزيــا (مــايــو 2015) ... اقتباس:
وهذا رابط لموضوعي عن الفندق http://www.arabtrvl.com/vb/t8234.html |
رد: رحــلــتــي الــثــانــيــة إلــى مــالــيــزيــا (مــايــو 2015) ... أهلين أختي بيبي فيس لا عادي أختي أخذي راحتج المكان مكانج ومثل ما قلت لج كل شيء وله وجهة نظر مختلفة =============== الله يعافيك يا أخوي مسافر وبس وحياك الله يا أخوي =============== هلا أخوي أبو عمر يالله إن شاء الله تكون الأسعار في متناول اليد وراح يكون إضافة إلى بينانغ وخصوصاً شاطئ الباتو فرينجي وتسلم يا أخوي أبو عمر على هالأخبار الحلوة |
رد: رحــلــتــي الــثــانــيــة إلــى مــالــيــزيــا (مــايــو 2015) ... اليوم السادس (25 مايو 2015) قعدنا الساعة (8:00) صباحاً وطبعاً على حسب التخطيط أن اليوم راح نروح إلى كيدزينيا، وبعد ما تجهزنا نزلنا إلى مطعم الإفطار وتفطرنا، وبعدها أخذنا تاكسي من أمام الفندق إلى كيدزينيا الموجود في مجمع كيرف. http://www.arabtrvl.com/up/uploads/a...5602425061.png تعريف كيدزينيا : كيدزانيا هو مركز للترفيه التعليمي حائز على جوائز في هذا المجال ويتميز بالأمان والخصائص التفاعلية، حيث يمثل الأطفال أدواراً يتمنونها في كيدزانيا، ليتعلموا كيف يكونون راشدين في مزيج من المتعة والفائدة، ويحوي المركز أكثر من (80) دورٍ مختلف للاختيار منها بما في ذلك أدوار الجراحين ورجال الإطفاء والطهاة والمهندسين وعارضات الأزياء والممثلين والفنانين ومذيعي الراديو والمصورين ومقدمي برامج التلفزيون ومصممي المجوهرات والميكانيكيين وغيرهم مما يجعل كل زيارة إلى كيدزانيا تجربة جديدة ومثيرة للأطفال. ويبعد كيدزينيا عن فندق أسكوت حوالي (35 دقيقة) وهذي صور للمكان من الخارج http://www.arabtrvl.com/up/uploads/a...5602425072.jpg http://www.arabtrvl.com/up/uploads/a...3560242513.jpg وبعد ما وصلنا ودخلنا كان كاونتر التذاكر نفس كاونترات المطار وكأنك راح تسافر وعلى الكونترات شعارات طيران إير آسيا ويوم وصلت ما كان في أحد على الكانترات ورحت للموظف وقالي جم تذكرة تبي قلت له (2) كبار و (2) صغار، قالي الكبار (38) رينغت، والصغار (75) رينغت، وسألني عن أعمار عيالي وقلت له (6 ـ 3) سنوات، قالي اللي عمرة (6) تدفع له (75) رينعت واللي عمرها (3) تدفع لها (38) رينغت وقالي الضرائب (11) رينغت، المهم دفعنا له كامل (200) رينغت وأعطونا الساعات للدخول والشيكات للأطفال وهذي صورة للكاونتر http://www.arabtrvl.com/up/uploads/a...5602425124.jpg طبعاً البعض بيقول ليش اللي عمره (6) سعره غير عن اللي عمره (3)، آنه بقولكم السبب، السبب أهو أن بعض الألعاب لا تقبل الأعمار الأقل من (4) سنوات، فيعني اللي عمره أقل من (4) سنوات ما راح يقدر الألعاب كلها عكس اللي عمره (6) سنوات يقدر يلعب كل الألعاب وهذا أهو السبب، ملاحظة وهي إنك إذا تحجز عن طريق الانترنت تطلع عليك التذاكر أرخص تقريباً بـ (10%). المهم ما أعطونا الساعات قالوا لنا أصعدوا الطابق الخامس، وصعدنا عبر السلالم المتحركة إلى الطابق الخامس ورحنا للبوابة وكل واحد يدخل بساعته، وقالوا لنا روحوا على البنك وصرفوا الشيكات علشان الأطفال يلعبون بالفلوس، وبدوا الأطفال بنشاط الشرطة وبعدها تحضير البرغر والتصوير والجراحة والطيران والمطافي وهندسة الكمبيوتر وصناعة اللعصائر وصناعة صابون لايفبوي والرسم الكاشير في الجمعية وغيرها من الأنشطة، وهذي صور منوعة من داخل كيدزينيا http://www.arabtrvl.com/up/uploads/a...5602425135.jpg http://www.arabtrvl.com/up/uploads/a...5602425156.jpg http://www.arabtrvl.com/up/uploads/a...5602425197.jpg http://www.arabtrvl.com/up/uploads/a...5602425218.jpg http://www.arabtrvl.com/up/uploads/a...5602425239.jpg http://www.arabtrvl.com/up/uploads/a...6024252410.jpg http://www.arabtrvl.com/up/uploads/a...5602747721.jpg http://www.arabtrvl.com/up/uploads/a...5602747742.jpg http://www.arabtrvl.com/up/uploads/a...5602747763.jpg http://www.arabtrvl.com/up/uploads/a...5602747784.jpg http://www.arabtrvl.com/up/uploads/a...3560274785.jpg http://www.arabtrvl.com/up/uploads/a...5602747816.jpg http://www.arabtrvl.com/up/uploads/a...5602747837.jpg http://www.arabtrvl.com/up/uploads/a...5602747858.jpg http://www.arabtrvl.com/up/uploads/a...5602747869.jpg http://www.arabtrvl.com/up/uploads/a...6027478810.jpg http://www.arabtrvl.com/up/uploads/a...5602917691.jpg http://www.arabtrvl.com/up/uploads/a...5602917752.jpg http://www.arabtrvl.com/up/uploads/a...5602917783.jpg http://www.arabtrvl.com/up/uploads/a...3560291784.jpg http://www.arabtrvl.com/up/uploads/a...5602917887.jpg http://www.arabtrvl.com/up/uploads/a...3560291798.jpg كنت متوقع أن راح ندخل الساعة (10:30) ونطلع على الساعة (1:30) وبعدها نروح إلى بتروساينز، لكن الأطفال مع اللعب ما خلصوا إلى (4:30) ولا وما يبون يمشون بعد ما شبعوا، وبعد ما خلصنا من كيدزينيا نزلنا عبر السلالم إلى الطابق الأول ومن الطابق الأول في ممر مكيف يطلع من مبنى كيدزينيا ويمر فوق الشارع يوصلك إلى الجهة الأخرى اللي فيها مجمع كيرف، وأول ما دخلنا المجمع قعدنا نبحث عن المطاعم وفي طريقنا لقينا صيدلية وشرينا لزقات ضد الماء حق شوق علشان نغطي بهم الجرح عن الماء، وبعدها كملنا بحث عن المطاعم لين ما حصلناهم وكان في مطاعم كثيرة وحلوة لكن الله يهداهم الأطفال ما يبون إلا ماكدونالدز قلنا يالله ما نزعلهم هالسفرة علشانهم ورحنا ماكدونالدز وكان في قعدات برع وقعدنا برع لأن الجو كان روعة وكان ينزل مطر خفيف والسماء كلها غيوم، وهذي صور للساحة اللي قعدنا فيها. http://www.arabtrvl.com/up/uploads/a...5602917836.jpg http://www.arabtrvl.com/up/uploads/a...5602917815.jpg وبعد ما خلصنا من الغداء ما قمنا عاجبتنا الأجواء الحلوة وأشترينا أيسكريم وكملنا قعدتنا لين ما خصلنا الآيسكريم مشينا ورحت سألت الأمن في المجمع عن مكان وقوف التكاسي ودلني عليهم، ورحنا إلى مواقف التكاسي وحظنا كان تاكسي أحمر سيارة قديمة يمكن موديل الثمانينات أو السبعينات وسائق شايب ما يتحاجى وأصوات غريبة في السيارة مستغرب شلون تمشي السيارة، المهم قلت له فندق أسكوت قالي أركب وركبنا معاه ويمشي على سعته على سرعة (80) كم ويوم وصلنا جريب كوالالمبور وجان تصيدنا الزحمة وبعد ساعة وربع وصلنا إلى الفندق وكانت الساعة تقريباً (7:30). قلت لأم العيال شكله ما في وقت نروح مكان ثاني خلني أروح البقالة وأشتري لكم روتي سليس للعشاء ونتعشى روتي توست مع جبن، ورحت البقالة وشريت الروتي والعصائر وصعدنا إلى الشقة خذينا دوش وبدلنا ملابسنا وتعشينا وخلينا الأطفال مع التلفزيون وأحنا قعدنا نرتب أغراضنا وشنطنا لأن اليوم اللي بعده راح نطلع من كوالالمبور ونتوجه إلى بينانغ، وبعد ما خلصنا نومنا الأطفال ونمنا. هذي مصاريف اليوم السادس http://www.arabtrvl.com/up/uploads/a...5603247491.jpg ووصلنا إلى نهاية اليوم السادس أنتظرونا قريباً سنعرض لكم مجريات اليوم السابع بإذن الله |
| الساعة الآن 04:25 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO