|
رحلتي السياحية الى الولايات المتحدة الأمريكية يونيو 2023م الإخوة والأخوات الأعزاء أعضاء منتديات العرب المسافرون جميعاً بدون استثناء، السلام عليكم ورحمة الله وبركاته،،، معاكم أبو لانا يمني مقيم في المملكة العربية السعودية الأرض الطاهرة الغالية على قلوبنا جميعاً وأهلها الطيبين الغاليين, وعضو مميز سابقاً في منتدى العرب المسافرون القديم, وقبل كل شي اشكر الله عز وجل الذي رزقني من فضله واعانني على هذه الرحلة الجميلة فلله الفضل والمنه والشكر على كل شيء ثم للمملكة الغالية ثم لزوجتي ورفيقة دربي أم لانا اللي كانت سندي في هذه الرحلة ثم الشكر لأعضاء هذا المنتدى الغالي اللي هيضوني للسفر بمواضيعهم الجميلة والرائعة, ولله الحمد والمنة وصل عمري الآن 40 سنة: بسم الله الرحمن الرحيم ﴿فَتَبَسَّمَ ضَاحِكًا مِّن قَوْلِهَا وَقَالَ رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ ﴿19﴾ ﴾ [النمل آية:19, الله يحفظنا ويحفظكم جميعاً. بالبداية تدرون ان الصيف قرب وان معظم الناس قامو يخططون للسفر وكل واحد قام يخطط ويقدم طلب اجازه عند مديره من بدري 😊 وأنا وأم لانا سبق لنا زيارة أمريكا في مايو 2013م وكانت رحلة من الأحلام ونجاح رحلتي السابقة كانت بفضل الله ثم بفضل الأعضاء بالمنتدى القديم والتقارير اللي ترد الروح والحمد لله حصل تقريري القديم لرحلة أمريكا في 2013م على جائزة افضل تقرير وهذا اعلان أسماء الفائزين واسمي mmmr240: https://www.arabtrvl.com/up/uploads/...3829465678.jpg وهذي صورة حصرية لكم محتفظ فيها للذكرى وهو خبر اغلاق منتديات مكتوب ومن ضمنها منتدى العرب المسافرون: https://www.arabtrvl.com/up/uploads/...3829460917.jpg ولا انسى الزملاء في المنتدى القديم مازلت أذكر أسمائهم إلى الآن وهم: الأخ العزيز الغالي فيصل مدير المنتدى والأخ IMPACT الغني عن التعريف مشرف الولايات المتحدة الأمريكية والأخ المبدع أبو سعودQ8 من دولة الكويت الشقيقة والأخ سعود بن محمد والأخ aziz20012001 و الأخ شكبم والأخ kakashi9 والاخ عادل الردادي والأخت سوسو الصغيرة والأخ Usas والأخت -ريانة دهن العود- والأخ أسامه أحمد والأخ عاشق الخالد والأخت قطرية كول مميزة بريطانيا والأخ بورمث والأخ بن كارترايت والأخ ولد الديرة 2008 والأخ بقايا ليل والأخ أبو معاذ العمري والأخ Al Osaimi والاخ الانسياب المتزن عميد بوابة أوروبا والأخت ام عزيـــز والعضو القدير الغردقاوي ارجو من اللي ذكرت اسمائهم اذا كانو موجودين حالياً ياليت يكتب لنا في الردود او اذا عندكم خبر عنهم ياليت تبلغونا لأننا كنا مثل الأهل وعائلة واحدة يجمعنا حب السفر. وفي هذا المنتدى الغالي ما انسى حبايب القلب واخص بالذكر شيخ المنتدى وشيخ بوابة أمريكا الأخ الغالي Abu Muataz و um Muataz و مراقبتنا الكبيرة q8ya metnaqla ومديرتنا الكبيرة توبليرون وحبيب الشعب وملح المنتدى و الــ CEO للمنتدى أخونا الغالي آخر فرصة والأخت الايمان والاخ المراقب بن قوت اللي ابدعو بمواضيعهم صراحة ولا يهونون باقي الأعضاء. كيف قررت اسافر أمريكا هذي السنة؟ كنت اقلب في صور رحلة أمريكا القديمة والفيديوهات وشاش راسي وحنيت اروح لها مرة ثانية لأن المرة الماضية ماأخذت بناتي الله يحفظهم رحت أنا وأم لانا لحالنا, بناتي ودهم يروحون أمريكا ويشوفون بلاد العم سام, فقلت يابو لانا لازم تقدم على الفيزا من بدري قبل الزحمة وتشوف نصيبك اذا جات الموافقة على التأشيرة كان بها وإن ماجات شفنا لنا دولة ثانية, وبعد استشارة زوجتي ام لانا فديتها وفديت اهلها ماقصرت صراحة لقيتها متحمسة وحبيت اشارككم تجربتي خطوة بخطوة. احدثكم الآن وأنا قاعد أجهز الشناط مع عيالي وبإذن الله بنزل لكم تقرير عن رحلتي بالكامل وبالتفصيل من الألف إلى الياء: https://www.arabtrvl.com/up/uploads/...3829445622.jpg جهزوا البيبسي والشاي والفشار والمكسرات لأن التقرير شوي دسم وبتكلم فيه كثير وبسرد لكم الرحلة كاملة مع نصائح ومعلومات تهم المسافر لأول مرة إلى أمريكا وكيفية التجهيز للسفر والتقديم للتأشيرة وحجز التذاكر والفنادق والسيارة الى الوصول والعودة بإذن الله فبسم الله نبدأ: التقديم على التأشيرة هنا حطيت لكم موضوع عن تجربتي في استخراج فيزا أمريكا: مقيم يمني وعائلته وتجربتنا في استخراج فيزا سياحية لأمريكا https://www.arabtrvl.com/vb/t52353.html مدة الرحلة 15 يوم – يوم السفر ويوم العودة مايحسب لأنك بتوصل تنخمد على خشتك ومالك خلق تروح اي مكان تاريخ السفر من 24/06/2023م إلى 09/07/2023م الوجهة 4 ليالي نيويورك و 11 ليلة اورلاندو معلومات هامة عن أمريكا: الإنترنت الإنترنت في امريكا سريع وكل شي مفتوح جميع المواقع مفتوحة فإنتبهو وعلموا عيالكم وأهلكم وخلوهم ينتبهون اذا بغو يستخدمون النت. شرائح الجوال تقدر تشتريها من المطار بتلقون مكاتب لشركة AT & T وT.Mobile قيمتها 40 دولار لـ 28 يوم وعندهم نظام شريحة الكترونية E-Sim تريحك من سالفة الشرايح, انا عن نفسي مابشتري شريحة وبفعل باقة التجوال الدولي من STC فيها نت واتصال لمدة أسبوعين قيمتها 300 ريال عشان الشغل اصير اقدر اتصل للسعودية واستقبل بأسعار ممتازة و تفاصيل الأسعار تلقونها في تطبيق الشركة نفسه سواء STC او موبايلي أو زين وغيرها من الشركات. الحياة الإجتماعية شعب امريكا طيب جداً للأمانة بغض النظر عن أي شيء لكنها دولة متفتحة جداً يعني ممكن في اي لحظة تلقى منظر قدامك غير مألوف لك مثل حضن وبوس سواءً في الشارع او المطعم او الباص او الملاهي خصوصاً اورلاندو لأنها ملتقى السياح يعني في اي مكان ولا تقول والله مادريت انهم كذا وكلن في حالة هناك مالهم شغل في احد – اعذروني على الصراحة لكن علشان يستفيد الجميع. نصيحة من القلب ياغريب كن أديب, لاتتدخل بأي شي تشوفه سواءً جيد او سيء او سياسي او أي معتقدات دينية عندهم, وتذكر انت رايح عندهم وموافق على شروطهم وقوانينهم فألتزم بالقانون وانت رايح سياحة فقط فخليك في السياحة ياعسل 😊 النقاب والحجاب في امريكا النقاب في امريكا عادي جداً ولقيت منقبات ومحجبات كثير لكن المشكلة الوحيدة ان النقاب يلفت الأنظار بشكل غير طبيعي وتلقى العالم كلهم يناظرون في المنقبة وكأنها معلم سياحي وتلقاهم يحاولون يصورونها لأن بعضهم اول مرة يشوف النقاب على الطبيعة. اما بالنسبة للحجاب فهو ممتاز مع لبس نظارة شمسية كبيرة وكمامة واموركم بتكون تمام التمام وماراح تلقى احد يناظر فيك والحمد لله امريكا ملياااااانه محجبات وفي الأول والأخير القرار لك سواءً نقاب أو حجاب. نظرتهم للمحجبة بصراحة قمة الاحترام والتقدير للمحجبات احرجوني بأخلاقهم ودايما مبتسمين لنا بكل احترام. تفصيل العباية المناسبة لأمريكا انصح بتفصيل عباية لأخواتي المسافرات تكون خفيفة وتقدرون تطبعون صور من النت وتودونهم للخياط يفصلها لكم, وهذي صور عبايات من النت: https://www.arabtrvl.com/up/uploads/...3829444161.jpg البقشيش في امريكا الصورة هذي تشرح لكم كيف تعطيهم بقشيش: https://www.arabtrvl.com/up/uploads/...3829457945.jpg الميزانية تختلف من شخص لشخص في ناس مقتدرين وفي ناس وضعهم المادي متوسط ونصيحتي للجميع اذا تبغى تنبسط وتستانس زود الميزانية شوي خصوصاً اذا معك عائلة وأطفال لأنك بالأول والأخير رايح تستانس وتنبسط انت وعيالك فلا تبخل على نفسك ولكن بالمعقول. المصروف اليومي 300 دولار من باب الاحتياط لأن عددنا 4 واعتقد ان هذا المبلغ كثير كمصروف يومي لكن هذا الاحتياط والمتبقي يرحل لليوم اللي بعده, وعندي ملاحظة اني دايماً اذا سافرت ومعي دولارات ارجع من السفر وباقي في جيبي تقريباً 2500 دولار 😊 مااصرفها اخبيها للسفرة الجاية وانساها 😊 اجي وقت السفر القى عندي 2500 دولار على جنب ياسلام 😊 تذاكر الطيران الذهاب: (على الخطوط التركية) من الدمام إلى إسطنبول 4 ساعات وربع + ساعتين انتظار في مطار اسطنبول + 11 ساعة من إسطنبول إلى نيويورك مطار JFK العودة: (على الخطوط الإماراتية) من اورلاندو الى دبي 14 ساعة متواصلة + انتظار ساعتين في مطار دبي + ساعة ونص من دبي الى الدمام نصيحة: يفضل لما تحجز تذاكر انك تخلي فترة الانتظار لاتقل عن ساعتين من باب الاحتياط لاقدر الله اذا كان المطار زحمة والبوابة قد تكون بعيدة خصوصاً للي مسافرين ترانزيت على اكثر من خطوط فيكون عندك وقت كافي تلحق على الرحلة وانت مرتاح الطيران الداخلي عن طريق خطوط دلتا Delta من نيويورك الى اورلاندو مدة الرحلة 3 ساعات حجز السيارة استأجرت سيارة من مطار اولاندو عن طريق Booking من شركة Dollar طلع علي سعرها 2146 ريال لمدة 12 يوم (أبو معتز الغالي عطاني نصايح بخصوص اجار السيارة لكن تأخرت وكان المفروض أستشيره قبلها بوقت كافي, بسرد لكم تجربتي معاهم لما نوصل بالسلامة ان شاء الله وايش التأمين والأشياء اللي ضفتها للسعر) حجز الفنادق نيويورك – 4 ليالي في فندق New York Marriott Marquis في وسط التايمز سكوير يعني من الآخر كل شي جنبك ومطل على التايمز 😊 وهذا عنوانهم https://goo.gl/maps/u9uLip9sLNue5Rdk7 وهذا موقع الفندق في نص التايمز: https://www.arabtrvl.com/up/uploads/...3829453473.jpg حط في بالك ان فيه رسوم إضافية وضرائب لكل ليلة غير اللي مكتوب بسعر الفندق يعني احنا علينا يومياً 30 دولار في 4 أيام = 120 دولار. اورلاندو – 11 ليلة في منتجع Regal Oaks IDILIQ Hotels & Resorts وهذا عنوانهم https://goo.gl/maps/FyMXS3zq4yg3dEVE9 وهذا المنتجع سالفته سالفه وعنده رسوم غير عن نيويورك ضروري تشيكون على التفاصيل قبل الحجز وأكثر الناس تنصدم لما توصل المنتجع انهم يطلبون منهم مبالغ مايدرون عنها وهذي التفاصيل للرسوم اللي بندفعها غير عن سعر الحجز: - تأمين 200 دولار للتلفيات مسترجع وقت الخروج. - رسوم التنظيف 100 دولار لمدة الإقامة كاملة. - رسوم استخدام مرافق المنتجع 27 دولار في الليلة لمدة 11 يوم = 297 دولار وتشمل التالي: * المسبح * الجاكوزي * مناشف سباحة * الجيم * النادي الصحي * منطقة العاب الأطفال والآركيد * مركز الاعمال (ورق/كمبيوتر/نت/اتصال) * صندوق امانات بالغرفة * القهوة اللي بالغرفة * خدمة Concierge يعني مساعدتك وارشادك لو بغيت تحجز او تسأل عن أنشطة سياحية * منطقة غسيل ملابس (طبعاً بفلوس مش ببلاش) يعني مثل ماانتم شايفين خدمات يفترض انها مشمولة مجاناً لكن هذي قوانينهم. التجهيز للسفر - ارسل صورة من الجوازات مع التأشيرات إلى ايميلك الخاص لأنك بتحتاجهم اذا ضيعت الجوازات لا قدر الله. - احرص يكون معاك بطاقة فيزا لأنها مهمة جداً لحجوزات التذاكر والفنادق وإيجار السيارة, وتكون من النوع اللي الأرقام فيها بارزة مش مطبوعة. - لازم تجيب معاك رخصة القيادة السعودية. - بالنسبة للعزبة لا تجيب معك رز أو اندومي أو سوائل ممنوع واخذوهم علينا بالمطار والخضار و الفواكه لو جبتها وشافوها مخيسة او فيها عفن ياويلك ويلاه عليها غرامات مالية باختصار جيب معك معلبات فقط سواءً بهارات أو أكل لازم يكون معلب وما يكون مفتوح وبتتسهل امورك. - حول لك مبلغ 2000 دولار كاش (مو كل الأماكن في أمريكا عندهم ابل باي او جوجل باي). - بطاقة فيزا يكون فيها مبلغ طيب للاحتياط. - اذا وصلت نيويورك اشتري مظلة من البائعين بالشارع او من المحلات ضرورية جداً للمطر والشمس. - اشتري لك جوتي رياضي اكرمكم الله لأنك بتمشي مشي مو طبيعي. - أدوية بسيطة = حرارة, كحة, كريم شمس, بندول اكسترا, بخاخ للأنف. - ملابس شتوية وصيفية. - سجادة صلاة. - احرص انك محمل تطبيق STCPay او MobilyPay او غيره للاحتياط لاقدر الله احتجت فلوس تقدر تحول لنفسك حوالة دولية وتستلمها بنفسك 😊 عن طريق Western Union وهذي فروعهم في نيويورك مانهاتن كثير جداً يعني امورك ان شاء الله في السليم: - حمل تطبيقات التوصيل مثل Uber و Lyft عشان المواصلات اذا احتجها, انا بالنسبة لي ضبطت اموري في المواصلات بطريقة مريحة بشرحها لكم بالتقرير. - جيبو معاكم أفياش وشواحن وهذي منافذ و افياش أمريكا: بالنسبة لتقرير الرحلة أحتاج تفيدوني هل يناسبكم أنزل التقرير على شكل يوميات أو مرة وحدة لما ارجع اجهز كل شي واسرده لكم بالكامل؟ أفيدوني ... نقطة أخيرة وماأدري هل مسموح في المنتدى أو لأ, هل مسموح أشارك سنابي للي حاب يتابعني في الرحلة بنزل فيه نصايح ويوميات في أمريكا... أخوكم/ أبو لانا. |
يعطيك العافيه يابو لانا وشكرااعلى تذكيرنا بسوالف المنتدى قبل التعديل والحمدلله اغلب اللي ذاكرهم اعضاء هنا بس قلت مشاراكاتهم والله يردهم لنا بالسلامه الف مبرووك الفيزا والسفره ان شاءالله توصلون بالسلامة وتستمتعون باذنه تعالى تقرير جميل بانتظاره على احر من الجمر شكراا على النصائح والارشادات المهم انتو استمتعوا بالسفره واكتب ملاحظات صغيره عندكبمذكره او ملاحظات الموبايل عندك وبعد ما ترجع اكتب التقرير بهداوة وبالتفصيل الممل لان بالسفره ما راح تقدر تكتب وانت بالسفر هذا رأيي اما السناب عندنا في بوابة التواصل الاجتماعي كل واحد يقدر يحط معرفه للسناب او الانستغرام اوغيرهم وممكن تكتبه هني عادي موضوع معرفات الاعضاء في برنامج السناب https://www.arabtrvl.com/vb/t25771.html وان شاءالله نتابع معاكم رحلتكم بس ننتظر التفاصيل بالمنتدى |
رحلة موفقة و ناطرين التقرير |
تفصيل جميل ... وان شاء الله تروحوا وترجعوا بالسلامة .. اورلاندو رائعة للعائلة خصوصا ديزني لاند فيها اربع حدائق كل حديقة تستاهل يومين .. ان شاء الله الجو ما يكون حار كثير في فلوريدا زرتها مرتين في الشتاء وفي الصيف وكانت في الشتاء افضل لان صيفهم حار.. عندك شواطئ فلوريدا رائعه زرت ديتونا بيتش رائع وكذلك كلير واتر في تامبا جميل ويستاهل ليلة تحياتي لكم وللعائلة الكريمه |
السلام عليكم و رحمة الله و بركاته أخي الفاضل أبو لانا يسعدني أن أشكرك على جميل أطرائك و كلامك الرائع بحقنا و بحق أخوة كانوا معانا و بعضهم لا يزال و البعض قد تكون ألهتهم مشاغل الحياة و لكن هم لا زالوا في الذاكرة جميل جداً ترتيبك و التخطيط المبكر يعتبر هو دينمو و قلب الرحلة سنكون سعداء بمتابعة رحلتك و أن شاء الله سوف نستمتع بتقرير مميز عن أمريكا خصوصاً عندما يأتي من عاشق لأمريكا مثل أبو لانا نتمنى لكم رحلة سعيدة و ترجعون بالسلامة |
حياك الله اخونا ابولانا وفي البداية اشكرك على مشاعرك الطيبه تجاه بلدنا الغالي السعوديه ولاهو غريب منك هذا الكلام لانك اصيل ثانياً الله يسعدك وامريكا انا من عشاقها وشهادتي فيها مجروحه يكفي امريكا انها مجموعة دول وتغني عن السفر كل سنه في دوله ،، يعني ممكن تزور كل سفره اكثر من ولايه ،، مشتاقين للتقرير وبالنسبه لي متعطشين للتقرير كل يوم.. بالنسبه لمنتجع ريقال فأعتقد مافيه احد سكنه كثر ماسكنته فقد يتعدى مجموع ماسكنته اكثر من 4 شهور متفرقه في كل رحلاتي لكن مع الاسف الصيف الماضي تجربتي معهم سيئه ومع بوكنق ايضاً ولم يكونوا متجاوبين وبهذلونا لكن اللهم لك الحمد الخيرات كثيره وباسعار منافسه . . بأذن الله اذا الله احيانا وكتب فان لنا رحلة قريبه بعد اسبوع تقريباً وعسى الله يسهل لنا وللجميع |
ابو لانا ابن اليمن العزيز بلد الشهامة والكرم لقد اضهرت معدنك الطيب في ذكر من كان له فضل بعد الله لك ولل المنتدي اثرت في نفسي ذكر الاخوان الطيبين من خدم المنتدي وافاد الزوار بارك الله لك في عائلتك الكريمة وسهل الله دربك في كل رحلات لك مني كل التقدير والاحترام اخوك بن قوت |
نصيحة من القلب ياغريب كن أديب, لاتتدخل بأي شي تشوفه سواءً جيد او سيء او سياسي او أي معتقدات دينية عندهم, وتذكر انت رايح عندهم وموافق على شروطهم وقوانينهم فألتزم بالقانون وانت رايح سياحة فقط فخليك في السياحة ياعسل 😊 احسنت ابو لانا نصيحة تكتب بذهب |
شركة Dollar من افظل الشركات في التاجير السيارات السعر ممتاز جدا |
نترقب تقريرك ان شاء الله في رجعتك |
شكرا ابو لانا على هالكلام الطيب هذا من طيب اصلك والذكرى الحلوه للاعضاء اللي لما الحين في منهم معانا.. ماشاءالله تخطيط وترتيب ممتاز لبلاد العم سام فندق ماريوت ممتاز من كل النواحي ,, اذا تقدر يوم بيومه اكيد بنقول اي واذا ماقدرت عادي ننطر رجعتكم بالسلامه ,, رحله سعيدة |
حياك الله ابو لانا وهلا وغلا بالمبدع والمميز انت من سفرائنا في الولايات المتحدة من قديم وحديث الله يحفظك وعائلتك الكريمة ومنتظرين كالعادة تقرير ولا في الاحلام اكيد انا فزيت من مشاهدة اسمي في بداية تقريرك ( ولد الديرة 2008 ) يالله على تلك الايام والمنتدى القديم الممتع وخلاص كلنا كبرنا وشيبنا ووصلت الى عمر 42 :47: هههه كلنا في الهوا سوا الله يبارك لنا في اعمارنا واعمالنا ويجعلها شاهدة لنا لا علينا وكل عام والجميع بخير يا رب ،،، |
لقد عدنا عدنا والعود أحمد 😊 السلام عليكم ورحمة الله وبركاته, رجعنا بحمد الله ورعايته إلى أرض المملكة الغالية وكانت رحلة ناجحة بكل المقاييس والشكر لله ثم لكم. بالبداية أشكر كل الأعضاء على ردودهم الجميلة اسعدتوني الله يسعدكم :13: بكمل معاكم كتابة التقرير على دفعات حسب الوقت وارجو المعذرة منكم... https://www.arabtrvl.com/up/uploads/...0933021241.png يوم السفر https://www.arabtrvl.com/up/uploads/...1041771721.png طبعاً احنا عددنا 4 وقبل السفر كنت متفق مع أم لانا نآخذ 4 شناط صغيرة بعددنا اللي مسموح تدخل للطيارة بحيث نوفر وقت وجهد في انتظار الشناط توصل والطوابير والزحمة وغيره, كنت مخطط اننا نكون خفيفين ومن أمريكا نشتري شنطة او شنطتين كبار ونعبيها أغراض وهدايا من هناك, لكن الخطة فشلت وأم لانا أصرت اننا ناخذ شنطة كبيرة شحن لان اغراضنا كثير ☹ فقلت اوك خلاص تم. جهزنا الشناط وكنا مستعدين والرحلة كانت يوم السبت 24/06/2023م الساعة 1 الصبح يعني من يوم الجمعة بالليل بنكون بالمطار من قبل الرحلة بـ 5 ساعات من باب الاحتياط. وبما ان الرحلة عن طريق الخطوط التركية سبحان الله قلبي ماكان مطمن وكنت أقول هل كيمنيين نحتاج فيزا لدخول تركيا واحنا رايحين ترانزيت ساعتين ؟!؟! انا طبعاً رحت مكتب الخطوط التركية بنفسي مرتين وسألتهم قالو اذا عندك تأشيرة أمريكا سارية امورك طيبة ماتحتاج, لكن أبو لانا حريص وسبحان الله فتحت اللابتوب يوم الجمعة عشان اصدر البوردنغ ودخلت موقع الخطوط التركية وبديت اعبي البيانات وطلب مني معلومات تأشيرة أمريكا وطلب معلومات تأشيرة تركيا؟!؟!؟! حاولت اعدي هذا الخيار ماقدرت ضروري اعبيه, ومن هنا نغزني قلبي وقلت يابو لانا شكل التأشيرة التركية مطلوبة ☹ والرحلة تعتبر الليلة 1 الصبح ☹ قلت بسم الله ودخلت الموقع الرسمي لتأشيرة تركيا www.evisa.gov.tr واخترت Apply Now: واتبعت الخطوات وعبيت البيانات لي وللعائلة وقيمة التأشيرة اونلاين للشخص 60$ الواحد, وهذي الشروط الواجب توفرها عشان تقدر تأخذ تأشيرة تركيا أونلاين: لاحظ هذا الشرط اللي انا محدده (ضروري يكون معاك إقامة او تأشيرة سارية في دول الشنقن او في أمريكا أو بريطانية أو أيرلندا) فتوكلت على الله وسويتها ودفعت وفي نفس اللحظة وصلتني التأشيرات 😊 كذا أنا ارتحت 😊 صحيح اني خسرت 900 ريال قيمة التأشيرات لكن ماني مستعد اخرب الرحلة كلها عشان خطا بسيط. رجعت للموقع اعبي بيانات التأشيرة عشان اطلع البوردنغ وتمت العملية ولكن بالاخير قالي Error توجه الى الكاونتر بالمطار لاصدار البوردنغ... توجهنا مطار الملك فهد الدولي بالدمام قبل الرحلة بـ 5 ساعات وكان فل فل فل مليان عالآخر ماشاء الله في عز موسم السفر, كاونتر البوردنغ يفتح قبل الرحلة بـ 3 ساعات ماقدرت اطلعها أونلاين, خلصنا الإجراءات والزحمة وانتظرنا الكاونتر يفتح, فتح الكاونتر والحمد لله الخطوط التركية ماكان عليها زحمة مثل باقي الخطوط, لما جاء دورنا الموظفة اخذت الجوازات وقالت لي وين مسافرين؟ قلت أمريكا, قالت وريني التأشيرة, وريتها وقالت عندك تأشيرة لتركيا؟؟؟؟ انا هنا ابتسمت وقلت نعم عندي 😊 😊 😊 قالت وريني ووريتها, سألتها وقلت لها هل ضروري تأشيرة لتركيا واحنا بس ترانزيت؟! قالت نعم للجنسية اليمنية والمصرية والسورية والسودانية ضروري تكون معاك تأشيرتين !!!! انا قلت الحمد لله اني ماصدقت المكتب واخذتها احتياط 😊 قلت لها ترى رحت مكتب الخطوط وقالي عادي؟ّ قالت الجنسية اليمنية من قبل أسبوعين جانا التعميم بضرورة الحصول على التأشيرة التركية حتى لو عندك أمريكية!!! قلت شكراً جزيلا يعني جاء القرار بعد ماسألت الخطوط التركية ☹ يعجبكم أبو لانا حريص 😊 الحمد لله خلصنا امورنا وحطينا الشنطة الكبيرة مع شنطة صغيرة والباقي معانا بالطيارة. ملاحظة: هنا فايدة انك تروح المطار قبل الرحلة بـ 5 الى 6 ساعات تحسباً لأي مشكلة تواجهك يكون عندك وقت تصدر تأشيرات وتحل مشاكلك قبل الإقلاع. خلصنا الجوازات وختمنا وتوجهنا لبوابة الصعود, طبعاً باقي على الرحلة 3 ساعات تقريباً وانا عندي قاعدة اذا عيالي معي ضروري ادخل اللاونج وسألت هناك قالو مافي بالصالة الدولية الا لاونج واحد اسمه (Plaza Premium Lounge بلازا بريميوم لاونج) رحت هناك وللأسف بطاقتي الفيزا مافيها خدمة LoungeKey حق صالات المطارات فأضطريت أدفع وكنت حاسب حسابي لذا الشي, قيمة الشخص 120 ريال. دخلنا وريحنا وكان مزحوم صراحة لكن الحمد لله لقينا مكان مريح وريحنا واكلنا من البوفيه اكل خفيف وتقهوينا وجاء موعد الرحلة وانطلقنا بحفظ الله ورعايته. تقييمي للاونج 6 من 10 بين الجيد والجيد جداً وهذي الصور اللي لقطناها: https://www.arabtrvl.com/up/uploads/...1021836381.jpg https://www.arabtrvl.com/up/uploads/...3102185612.jpg العصافير الشيخة لانا والشيخة نور مبسوطين ومتحمسين للرحلة https://www.arabtrvl.com/up/uploads/...1021874823.jpg كنا متوقعين ان الخطوط التركية بتكون فاضية وكل واحد يأخذ اكثر من كرسي وينام براحته لكن العكس صحيح ماشاء الله الرحلة فل ولا كرسي فاضي ☹ وصلنا مطار إسطنبول بالسلامة وتوجهنا للرحلات المواصلة عشان نلحق على رحلتنا والترانزيت مدته ساعتين تقريباً وصراحة كانت شوي بعيدة ومشينا كثير لين وصلنا ولقيت شاشة الرحلات صورتها بسرعة عشان نلحق وقلت بقراها واحنا ماشيين شوفو كمية الرحلات تقول طلاسم مايمديك تلقاها: بعد مامشينا مسافة طويلة وصلنا للبوابة وصراحة المطار حلو لكن حر حر كأن المكيف طافي ؟! رحنا للبوابة كان فيه تفتيش فتشونا انا والبنات وكانت الريحة مااحكيكم اكرمكم الله مو قصد من شي او إهانة لا والله لكن الموظفين والحر مافي تكييف فكانت ريحتهم وهم يفتشونا صنننة تصن راسك مؤذية جداً لاتليق بموظفين مطار وأتمنى ماحد يزعل مني, المهم خلصنا ورحنا نبغى نجلس ننتظر مع الناس بالكراسي قدام البوابة لكن للأسف كل واحد حاجز اربع كراسي ونايم حتى النساء كلهم نايمين على اربع كراسي, طيب واحنا وين نقعد مع عيالنا؟! لقينا كراسي شوي بعيدة قلت تعالو نروح هناك .... البنات يبون دورة مياه الله يكرمكم وكانت جنبنا بعد البوابة كلمنا الموظف ورفض قال لااااااا لازم ترجع وتروح مكان ماجيت وتلقى دورات المياه هناك واذا رجعت للبوابة هنا ترى بنفتشكم من جديد ؟!؟! انا قلت للعيال باقي نص ساعة ونطير تتحملو؟ قالو ايه نتحمل ولا نعيد نفس الإجراءات مرة ثانية... ابشركم لقينا كراسي اخيراً وجاء موعد الرحلة وانطلقنا بحفظ الله ورعايته وكذلك هذي الرحلة كل الركاب اتراك فل فل فل ولا كرسي فاضي ☹ https://www.arabtrvl.com/up/uploads/...1196596522.jpg يوزعون شنطة صغير فيها معجون اسنان ونعال سلبر اكرمكم الله https://www.arabtrvl.com/up/uploads/...1221072491.jpg https://www.arabtrvl.com/up/uploads/...1221092182.jpg الاكل https://www.arabtrvl.com/up/uploads/...1196577961.jpg https://www.arabtrvl.com/up/uploads/...1221112283.jpg بعد رحلة طويلة وطفش الوقت طويييل وصلنا بالسلامة مطار JFK ولما وصلنا حصل لنا موقف, لما جينا ننزل من الطيارة استأذنت من اللي على يساري اني اطلع من قدامه انا وعايلتي لأننا في اربع كراسي مع بعض وقال تفضل, طلعت انا الأول واخذت الشنطة ومشيت على بالي عيالي وراي بيلحقوني الا ام لانا تناديني وتقول وقف وقف الرجال ماسمحلي امشي ؟!؟!؟! انا وقفت وانتظرت وخليت نفس الرجال اللي استأذنت منه يعديني وجات ام لانا عندي والعيال وطلعنا سوى وقلت لها ايش فيه؟؟ ليش مالحقتيني ؟! قالت اللي استاذنت منه مارضى قام ينافخ عليها ويقول نون و نو ؟!؟! يعني انا مستأذن منك طيب وانت وافقت تقوم تمشيني وعيالي لأ ؟!؟! حزت بخاطر ام لانا المسكينة وطول الوقت زعلانه منه قلت لها ولا يهمك مو كل اصابعك سوى ولا تخلي شي يعكر علينا الرحلة 😊 واحمدي ربك على نعمة العرب والإسلام والمسلمين ونعمة السعودية والخليج والله ماتلقي اطيب منهم ولا أطيب من العرب😊 الله اكرمنا بالإسلام. ملاحظة: انا وام لانا مازرنا تركيا قبل وكنا مخططين نروح لها لكن بعد الموقف اللي حصل بالمطار من الكراسي المزحومة وريحة التفتيش ودورة المياه اللي ممنوع تستخدمها واللي مايتسمى بالطيارة ماخلانا نمشي, خلاص قررنا نكنسل السفر الى تركيا نهائياً حتى الخطوط التركية بنحاول نتجنبها لأن الكتاب واضح من عنوانه... المهم نزلنا مطار JFK بعد رحلة طويلة والصدمة كان طابور الجوازات فل فل فل ماعدا مواطنين ومقيمين أمريكا وكندا لهم طابور لحالهم, ونوقف بالطابور ساعة ونص ☹ ☹ فوق التعب تعب ☹ ☹ وصلنا وختم جوازات العيال وسألني كم سؤال وقالي خلي عيالك يروحون يستلمون العفش وانت الحقني للمكتب ☹ انا طبعاً متوقع هذا الشي لأن تأشيرتي فيها نجمتين تحت (**) هذي علامة يحطونها بالتأشيرات اللي عنده نجمه * اموره طيبة واللي نجمتين ** تدقيق اكثر واللي 3 نجوم *** تدقيق وتفتيش واكثر. https://www.arabtrvl.com/up/uploads/...1221131524.jpg شوفو الزحمة :24: https://www.arabtrvl.com/up/uploads/...1221149235.jpg دخلت المكتب وكان فيه تقريباً 8 اشخاص منتظرين معي واحد سعودي والباقي عرب ومن جنسيات مختلفة حتى امريكان موجودين, انلطعت نص ساعة وام لانا ترسل لي مسجات (انا مفعل التجوال لي وللعيال 😊) تقول وش فيه؟ قلت لها لاتخافي إجراءات عادية اخلص واجيكم خذو الشناط واستريحو... جا دوري ناداني موظف اسمراني طيب وحبيب وداني داخل مكتب وقفل وقدمه كمبيوتر وقالي هذي اجراءات طبيعية ولا تقلق وبدأ يسألني اسأله معتادة: كم معاك كاش؟ وين بتسكن و و و و ..... أبو لانا يعجبكم واثق من نفسي ومبتسم واتكلم انجليزي بلبل وهو انبسط ومسك معي خط سواليف يقولي كيف السعودية حلوة؟ قلت له السعودية اجمل وافضل بلد بالعالم وهو استغرب يقول لي How?? وبديت اشرح له كيف اني مبسوط وعايش فيها بسلام وراحة وقلت له تعال بنفسك زور السعودية وبتشوف ان كلامي صحيح 😊 ... المهم تدرون وش فاتح بالشاشة؟ كان فاتح الابليكيشن حقي اللي قدمت فيه التأشيرة وقاعد يسألني اسأله من نفس الابليكيشن ويطابقها مع اجاباتي حتى سألني سؤال قالي هذا رقم مين... قلت له هذا رقم زوحتي, وهذا رقم مين؟ قلت هذا رقم مدير الـ HR بالشركة وقالي عطني اسمه .... 😊 المهم سألني كل شي بالابليكيشن لكن اعيد وأكرر أبو لانا حريص ويعجبكم حافظ الابليكيشن كله ومعلوماتي صحيحة ولا عندي شي اخبيه على احد, وبعد مرور ساعة ونص ختم جوازي وقالي Welcome to USA يعني قضينا بالمطار 3 ساعات كاملة ☹ رحت للعيال وقلت لهم يله مشينا وعلى طول اخذت تكسي للفندق. خلوني اشرح لكم وش افضل خيار لك من مطار JFK الى الفندق: الطريقة الأولى: عن طريق الباصات العامة (تصلح للي ساكنين في أمريكا ومتعودين عليها). الطريقة الثانية: عن طريق باصات Shuttle الجماعية (تكلف 40$ للشخص وتصلح للعزابي). الطريقة الثالثة: التكسي الأصفر وهو الأفضل بالنسبة لي كعائلة يكلف مع البقشيش من 80$ الى 90$ ولاتنسي لما تركب تقول له Flat Rate يعني التسعيرة الثابتة بدون عداد (التسعيرة الثابته فقط من المطار او الى المطار اما داخل المدينة ممنوع وضروري يشغل العداد). الطريقة الرابعة: تطبيقات التوصيل مثل Uber و Lyft يكلف 100$ للجميع لكن لازم تآخذ باص مجاني خاص بالمطار اسمه Free Shuttle يوديك لمكان تكاسي تطبيقات التوصيل يعني فيها حوسة وتعب. الطريقة الخامسة: عن طريق المترو ويسموه AirTrain وهذا الأرخص يكلف الشخص 20$ دولار لكن اضربها في 4 يطلع لي نفس التكسي فالتكسي الأصفر افضل خيار ناسبني 😊. وهذي نيويورك من التكسي: https://www.arabtrvl.com/up/uploads/...1221168046.jpg https://www.arabtrvl.com/up/uploads/...1221186117.jpg https://www.arabtrvl.com/up/uploads/...1221204488.jpg https://www.arabtrvl.com/up/uploads/...1254808151.jpg https://www.arabtrvl.com/up/uploads/...1254828252.jpg https://www.arabtrvl.com/up/uploads/...1254847813.jpg وصلنا :14: https://www.arabtrvl.com/up/uploads/...1254866394.jpg ====================== (نيويورك) (اليوم الأول – يوم الوصول) الجدول: - تسجيل الدخول للفندق - عالم هيرشيز Hershey’s Chocolate World - عالم M & M’s - مخبز وحلويات Carlo’s Bakery المشهور - سوبر ماركت Target - منتزه Bryant Park - حديقة The Channel Gardens في ساحة Rockfeller Plaza - محل FAO Schwarz قريب ساحة Rockfeller Plaza - مخبز Bread Bakery ملاحظة/ ماقدرنا نخلص كل الأماكن فخلينا بعضها ليوم ثاني لأننا كنا شوي تعبانين هذا رابط جوجل مابس جاهز للي حاب يستخدم خطتنا (طبعاً كله مشي قريب) وصلنا بالسلامة فندقنا الجميل الساعة 3 العصر وكنا تعبانين بعد الـ 3 ساعات في المطار, لما نزلنا استقبلتنا موظفة الفندق حق تحميل الناط وقالت لي هل تحتاج اساعدك واطلع لك الشناط لفوق؟ قلت لها لا انا بشيلها بنفسي, قالت لي الاستقبال في الدور الـ 8 انا استغربت شوي ولما دخلت طلع تصميم الفندق غريب وحلو بنفس الوقت (الدول الأرضي فيه تكاسي و خدمات سياحية و مقهى ستار بكس ومصاعد للي عنهم حجوزات) طلعنا للدور الـ 8 عند الاستقبال وطلع الفندق ضخم ضخم وكبير فيه صالات للعروض المسرحية ومطاعم ومقاهي و و و و و أشياء واجد يعني يبيلك يومين تختم الفندق وكل هذا تشوفه وانت طالع بالمصعد. سوينا تسجيل الدخول وطلبت من موظف الاستقبال يحطنا في دور عالي مطل على التايمز سكوير, قالي الاطلالة تكلفك 100$ زيادة, قلت له كنسل يامدير 😊 وجناحنا كان بالدور الـ 41 😊 ولما دخلنا تفاجأنا انه مطل عالتايمز سكوير مباشرة 😊 يسعد جوه عطانا إياها ببلاش 😊 على طول ريحنا و بدلنا ملابسنا واخذنا شاور وصحصحنا قلت لهم فيكم حيل والا تعبانين؟ قالو فينا حيل وجوعانين... قلت لهم يالله البسو نطلع نقضي اول يوم ونستغل الوقت مادام وصلنا بدري. الشيخة نور عندها Wishlist قائمة امنيات تبينا نسويها لها قلت لها تحت أمرك 😊 وهذي القائمة: - Jollibee - Miniso - كوكيز Levain Bakery - Mcdonald's Grimace Shake هذا مشروب موجود بس في أمريكا لمدة محدودة بمناسبة ميلاد شخصية Grimace وهذي صورة المشروب https://www.arabtrvl.com/up/uploads/...1294190271.jpg وهذي شخصية Grimace https://www.arabtrvl.com/up/uploads/...1294193812.jpg العصافير في اللوبي جاهزين للطلعة https://www.arabtrvl.com/up/uploads/...1254887015.jpg قالت ابغى نتغدى في مطعم Jollibee يشبه كنتاكي بس بنكهة مختلفة, وطلع جنب الفندق بالضبط وهذي ميزة انك تسكن في التايمز تختصر على نفسك جهد ووقت وفلوس, لما طلعنا من الفندق التايمز كان فل فل فل مليااااان عالآخر توجهنا للمطعم والحمد لله رغم الزحمة لقينا طاولة وطلبنا اللي في خاطر الشيخة نور والصراحة كان لذيذ عجبنا تحسه كذا دسم ومو صحي عشان كذا لذيذ 😊 بس قولو له مانبغى أي شي فيه بيكن Bacon. خلصنا الغداء المتأخر الحمد لله وطلعنا نآخذ لفة في التايمز وكان فيه عروض كثير بالشارع, اخذنا كم صورة https://www.arabtrvl.com/up/uploads/...1254928787.jpg محدثكم https://www.arabtrvl.com/up/uploads/...1254949238.jpg وصلنا عالم هيرشيز Hershey’s Chocolate World وعينك ماتشوف الا النور, كل واحد اخذ له سله لحاله ويعبيها حلويات وشوكلت 😊 وهنا حبيبات قلبي مبسوطين https://www.arabtrvl.com/up/uploads/...1312399461.jpg بعدها توجهنا الى عالم M & M’s وماطولنا فيه لأنه كان كل شي ملون (افهم يافهيم :24:) بدأ الليل يخيم والتايمز يزدحم اكثر وأكثر وشفنا العروض وريحنا شوي وخذنا كم صورة مثل ماانتو شايفين زحمة زحمة بس وناسة https://www.arabtrvl.com/up/uploads/...1312420832.jpg https://www.arabtrvl.com/up/uploads/...1312440913.jpg بعدها توجهنا الى مخبز وحلويات Carlo’s Bakery المشهور https://www.arabtrvl.com/up/uploads/...1338250913.jpg اخذنا شوي حلى https://www.arabtrvl.com/up/uploads/...1338213421.jpg https://www.arabtrvl.com/up/uploads/...1338231972.jpg بعدها رحنا سوبر ماركت Target لكن للأسف طلعت مقفلة يقفلون 9 المساء, واصلنا طريقنا ورحنا منتزه Bryant Park هذا المنتزه عام وفيه مقاهي وعروض مجانية للجميع وفيه محل مشهور يبيع وافل لذيذ لكن مالحقنا نجربه كنا شبعانين وتعبانين, تمشينا فيه شوي وقررنا نرجع الفندق نرتاح وننام علشان نتجهز لليوم الثاني مطل الغرفة عالتايمز بالليل خيااال لكن للاسف نسيت اصوره :24: وجبت لكم اقرب صورة لنفس المطل من النت https://www.arabtrvl.com/up/uploads/...1407641331.jpg اكتفي بهذا القدر ونشوفكم في اليوم الثاني, خليكم قريبين .... |
يعطيك العافية ننتظر باقي تقرير رحلتك بفارغ الصبر |
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
|
الحمد لله على سلامتكم يابو لانا بداية موفقة لتقرير جميل متابعين معك 👍🏼 |
اقتباس:
الله يسلمك ابو كيان الغالي, المعذرة على التأخير وقاعد اكتب حالياً الجزء القادم ... |
تقرير جدا رائع ومميز أخي الكريم وكمية معلومات مهمة وتفصيل دقيق ماشاء الله ياليت عندي الوقت الكافي لكتابة تقاريري عن أمريكا :24: العام قبل الماضي قطعت أمريكا من فلوريدا ميامي (كي ويست) جنوبا الى ماساتشوستس بوسطن شمالا ثم زرت كلا من نيفادا وكاليفورنيا وأريزونا ويوتا غربا وعندي كمية معلومات كثيرة ومفيدة وأي سؤال أنا حاضر وهادي السنة أن شاء الله رحلتي نهاية الشهر لمدة 50 يوم وسوف أقطع أمريكا من الشرق الى الغرب (طريق 66 التاريخي ) شيكاقو الى لوس أنجلوس واتمنى يكون عندي الوقت لكي أشارككم رحلتي بأدن الله ننتظر باقي التقرير أخي أبو لانا:(125): |
الحمدلله على السلامه بولانا الحمدلله على التساهيل و عليكم بالعافيه ما شاء الله سرد جميل ومعلومات وايد حلوه ومهمه ونقاط اول مره اعرفها مثل نجوم الفيزا توني اعرف عنهم .. حسافه على تركيا الشعب يخرب على عمره للاسف .. اشوه انك سويت فيزا تركيا ممتاز شغلك بولانا الهدوء والردود الصحيحه 👌🏽👌🏽 حتى معلومة الفلات ريت وايد حلوه ما عندي علم فيها .. ما شاء الله مخطط وصح وعارف عدل بالشغل اهنيك👏🏽👏🏽 الله يحفظ العايله والبنات الجميلات 🙏🏽🙏🏽 يستاهلون هذي الرحله الجميلة اللي مبينه من بدايتها اصعب شي الطيارة تكون فل الحمدلله انها عدت موقع الفندق والاطلالة خياليه عشره من عشره واشوه انها يتكم مجانًا 👏🏽👏🏽 جدول مدروس عدل في الزيارات لليوم الاول وتستاهل نور شلون الحلو عند كارلوس ؟؟ مطعم جوليبي اعتقد انه فليبيني ويعتبر من مطاعم الفاست فود عليكم بالعافيه متابعه معاكم هذا الابداع الخطير |
اقتباس:
ماشاء الله عليك اخوي العابر تحب الخطوط الطويلة, انا عيالي يطفشون :24: ومانستغنى عنك وعن آرائك واذا عندك وقت اكتب لنا تقرير خلينا نستمتع ونعيش اللحظة معاكم |
اقتباس:
الله يسلمك من الشر مراقبتنا الغالية, شرف لي متابعتك للتقرير المتواضع وكلامك يثلج الصدر. الحلى عند كارلوس لذيذ بس ماقدرت اصور لأن كل شي كان ملون :( (اتوقع فهمتي) فأخترت بس اللي في الصورة وكان لذيذ وكنت اتمنى اشتري غيره لكن ماقدرت :( |
اقتباس:
هههههههه ايي فاهمه 😂😂الله يعين وعليكم بالعافيه |
اقتباس:
فالك طيب يالله حطيت اليوم الثاني تحت :) |
الأخوة والأخوات الكرام, نكمل معاكم التقرير ... لما خلصنا نتمشى اليوم الأول ختمناها في مطعم فايف جايز ورجعنا الفندق للنوم والاستعداد لليوم الثاني :) (نيويورك) (اليوم الثاني ) الجدول: - فطور في أي Bakery قريب - مبنى Rockefeller Center وصعود قمة Top of The Rock - متحف الشمع Madame Tussauds - تجربة RiseNY - حديقة الحيوانات في السنترال بارك Central Park Zoo - مبنى Empire State Building وصعود القمة - ايطاليا المصغرة Little Itally - تمثال الحرية وركوب الفيري من Castle Clinton National Monument تجربة باص The Ride - الراحة بالفندق - تمشية في التايمز بالليل مثل ماإنتو شايفين ان جدول اليوم الثاني مكلف وكل الأماكن اللي بنزورها تحتاج تذاكر وعددنا 4 فقلت في نفسي كيف بتصرف بالمواصلات؟ وكيف بتصرف بالتذاكر؟ فبحثت ولقيت الحل الأمثل والأرخص والأنسب لي ولعيالي وقد يناسب اشخاص غيري وقد مايناسب لأنه يعتمد على نشاط الجروب وحركتهم اذا فيهم حيل للمشي والاكشن طول اليوم فهذا الحل ينفعهم وهو كالتالي: بطاقة New York Sightseeing Pass https://www.arabtrvl.com/up/uploads/...6558241981.jpg هذي البطاقة بإختصار تدخلك 90% من الأماكن في نيويورك مجاناً وبنص السعر تقريباً وفوقها تعطيك يوم واحد فقط تستخدم في الباص السياحي من الصباح الى الساعة 7 المساء, ادخلو الموقع وبتلقون انه حط لكم كل شي في نيويورك مجاناً اذا شريت منهم. توكلت على الله واشتريت البطاقة لنا الـ 4 لمدة 3 ايام Flex Pass ادخل فيها اي مكان ابغاه مذكور بالموقع بالإضافة الى يوم واحد فقط بالباص السياحي, شريتها وطلعت على الواحد 200دولار لـ 3 ايام يعني 800 دولار للجميع يعني انا ربحان في كل الاحوال وفوقها مواصلات يوم :) وهذا موقعهم وللمعلومية ترى فيه أكثر من شركة تقدم نفس الخدمات لكن انا اخترت هذي والخيار لكم https://www.sightseeingpass.com/en/new-york الباص السياحي فيه Downtown و Uptown وكل جهة لها باصات مختلفة بسم الله صحينا من النوم وتجهزنا وكلنا نشاط وتوكلنا على الله وفتحنا جووجل ماب ندور اقرب Bakery وفعلاً طلع قريب من الفندق :) وإسمه Patis Bakery وصلنا وحجزنا طاولة وكل واحد يختار الفطور اللي يعجبه وكل شي يفتح النفس والأسعار متوسطة, وبالطريق لقطنا كم صورة لنا في التايمز https://www.arabtrvl.com/up/uploads/...2663135521.jpg صورة مع الاميرات https://www.arabtrvl.com/up/uploads/...6631376612.jpg وصلنا الـ Bakery https://www.arabtrvl.com/up/uploads/...6558247572.jpg https://www.arabtrvl.com/up/uploads/...6558252143.jpg الأكل لذيذ والجو رايق https://www.arabtrvl.com/up/uploads/...6558270954.png بعد الفطور توكلنا على الله الى مبنى Rockefeller Center وصعود قمة Top of The Rock قريب 10 دقايق مشي لكن فجأة نزل مطر قوي :) :) وناسة https://www.arabtrvl.com/up/uploads/...6558271215.jpg ام لانا الله يحفظها حريصة وجابت لنا من السعودية لبس خاص للمطر وكفر جزمات اكرمكم الله خاص بالمطر, لبسناها ومشينا :) https://www.arabtrvl.com/up/uploads/...6609605691.jpg وصلنا Top of The Rock والمطر وقف وهذي صور لي من القمة https://www.arabtrvl.com/up/uploads/...6614216641.jpg بعدها توجهنا الى متحف الشمع Madame Tussauds وكله جنب بعض قريب تروح له مشي, وعصافيري الله يحفظهم مبسوطين https://www.arabtrvl.com/up/uploads/...6643961451.jpg وهذي اسعار التذاكر لكن احنا مجاناً :) بالإضافة الى عرض Marvel 4D مشمول :) https://www.arabtrvl.com/up/uploads/...6645666481.jpg الأميرات لانا ونور مبسوطين https://www.arabtrvl.com/up/uploads/...6667154811.jpg https://www.arabtrvl.com/up/uploads/...6656444312.jpg https://www.arabtrvl.com/up/uploads/...2665646593.jpg https://www.arabtrvl.com/up/uploads/...6656486024.jpg https://www.arabtrvl.com/up/uploads/...6656506635.jpg https://www.arabtrvl.com/up/uploads/...6656527286.jpg بصراحة المكان جداً روعة عجبنا كثير ويستاهل التجربة بعدها قريت في موقع التذاكر عن تجربة RiseNY وكانت قريبة من متحف الشمع وقلت مادام انها مشمولة بالبكج مااحنا خسرانين نحللها وبسم الله توجهنا لها https://www.arabtrvl.com/up/uploads/...6669116361.jpg في البداية تحس بالملل لأنه كله شاشة وتسمع الكلام ومن مكان لمكان وبالأخير وصلنا للمطلوب اللي هو تجربة RiseNY مركبة حلوة تحس انك تطير تستاهل التجربة عجبتنا بس التصور كان ممنوع. خلصنا وتوجهنا الى حديقة الحيوانات في السنترال بارك Central Park Zoo لكن بعيد ونحتاج مواصلات, فقررنا نستخدم الباص السياحي اليوم :) وفعلاً كان قريب من الفندق وريناهم التذاكر المجانية وطلعنا الدور الثاني المكشوف والجو كان حلو والهواء يهفهف :) كلمنا الباص قلنا له اذا قربت من موقف السنترال بارك بلغنا ننزل, وصلنا :) ملاحظة: السنترال بارك في قسم Uptown اذا بتركبون الباص السياحي تأكدو منهم هذي أسعار الدخول للحديقة لكن احنا دخلنا مجاناً :) https://www.arabtrvl.com/up/uploads/...6682686841.jpg وهذي الحديقة حلوة وفيها حيوانات كثير https://www.arabtrvl.com/up/uploads/...6682692752.jpg خلصنا وطلعنا الباص وتوجهنا لمبنى Empire State Building وصعود القمة, وصلنا مبنى Empire State Building ودخلنا المبنى وطلبو مننا التذاكر والحجوزات المسبقة واللي ماعنده حجز مسبق يصف طابور للحجز, لكن ابو لانا يعجبكم حاجز مسبق ومحدد الوقت من بدري :) وطريقة الحجز سهلة, من نفس موقع التذاكر New York Sight Seeing تختار وين تبي تروح ويعلمك هل يطلب حجز مسبق او لا ويحط لك رابط تضغطة وتحجز وكل مكان له رابط مختلف. دخلنا المبنى ووريناهم التذاكر والحجز ودخلنا من جنب الزحمة مباشرة على الاصانصير وطلعنا, وهذي صور الأميرات من القمة مبسوطين ومستانسين :) فعاليات https://www.arabtrvl.com/up/uploads/...6690657681.jpg https://www.arabtrvl.com/up/uploads/...6690677572.jpg بعدها توجهنا الى Little Itally عشان نريح ونتغدى وماأخفيكم البنات بدأ التعب عليهم :))) وصلنا Little Itally وكل مطعم احلا من الثاني وقررنا ندخل اقرب مطعم نسيت اصورة لكن لحقت اصور البيتزا https://www.arabtrvl.com/up/uploads/...6697792561.jpg https://www.arabtrvl.com/up/uploads/...6697812322.jpg بعد الغداء والراحة واليوم الطويل رجعنا لنقطة ركوب الباص وتوجهنا الى تمثال الحرية وركوب الفيري من Castle Clinton National Monument وهذي صورة من الباص لجسر مانهاتن https://www.arabtrvl.com/up/uploads/...6701721831.jpg لا اخفيكم تعبنا كلنا كان يوم طويل وحافل لكن اصرينا نكمل, وصلنا نقطة الوقوف تبع الباص جنب مبنى Castle Clinton National Monument دخلنا وتوجهنا لشباك التذاكر ووريتهم الباركود تبع New York Sightseeing و دخلنا مجاناً :) وتوجهنا للفيري ومن حظنا الوقت اللي وصلنا فيه كان آخر رحلة لليوم :) وماكان زحمة :) وصل الفيري ودخلنا اول ناس وعالدور الثاني ولقطنا صورة https://www.arabtrvl.com/up/uploads/...6704769481.jpg قربنا من تمثال الحربة https://www.arabtrvl.com/up/uploads/...6710065791.jpg https://www.arabtrvl.com/up/uploads/...6710084382.jpg وصلنا https://www.arabtrvl.com/up/uploads/...6721270341.jpg https://www.arabtrvl.com/up/uploads/...6721287832.jpg جزيرة تمثال الحرية جميلة فيها مقاهي ومطاعم ومحلات آيسكريم وحديقة والناس مستمتعين, خلصنا وركبنا الفيري راجعين وهذي صور ابراج نيويورك https://www.arabtrvl.com/up/uploads/...6721307533.jpg https://www.arabtrvl.com/up/uploads/...6721326585.jpg وصلنا لنقطة الباص وركبنا ولقطت صورة لبرج التجارة https://www.arabtrvl.com/up/uploads/...6731261641.jpg بعد الرحلة الطويلة واليوم الشاق وصلنا التايمز والتعب بلغ اشده, استشرت ام لانا والبنات قلت لهم باقي لنا بس شي واحد ونختم اليوم وهو تجربة باص The Ride التذاكر مجانية ومشمولة وقريب مننا فالتايمز كم شارع ونوصل وش رايكم نروح؟؟ جاملوني وقالو عادي والا انا عارف انهم تعبانين خلاص :) المهم وصلنا نقطة انطلاق باص The Ride https://www.arabtrvl.com/up/uploads/...6738649371.jpg كان فيه طابور طويل وهذي آخر رحلة لليوم :) دايماً متأخرين احنا لكن الحمد لله عندي حجز مسبق من الموقع وتعديت الطابور ووريتهم الحجز وقالو لكم الأولوية تفضلو :) https://www.arabtrvl.com/up/uploads/...6738655192.jpg تبغون الصراحة؟ التجربة كانت جداً جداً تستاهل واستمتعنا كثير وراح التعب كله :) فكرة الباص كأنك في مسرح والكراسي مواجهه للقزاز مثل ما إنتم شايفين وفيه ثنتين معاهم مرفونات يشرحون لنا ويكلمون الناس بالشارع وضحك ضحك طول الوقت الناس مبسوطين https://www.arabtrvl.com/up/uploads/...2673866163.jpg بعد ما خلصنا التجربة نزلنا وعطيناهم بقشيش يستاهلون وتوجهنا للفندق للراحة, بعد ماريحنا حل الليل وأنا وأم لانا فاضيين قلت لها وش رايك ننزل التايمز نتمشى قالت مشينا :) وكان ماشاء الله زحمة زحمة وعروض الشارع في كل مكان :) استمتعنا وروقنا وشرينا حلا وكيك وقهوة من محل حلويات في التايمز وبعدها رجعنا الفندق واحلا نومة استعداداً لليوم الأخير في نيويورك... بسرد لكم اليوم الثالث في اقرب وقت,,, خلوكم قريبين ... |
الله يعطييك العافية يابو لانا ويحفظلك الأبناء تقرير مشووووق 👍🏼 |
مبدع يا بولانا شنو هالترتيب ما شاء الله البطاااااقه ممتازة اللي شريتها اشوه انك علمتنا عليها عشان نعتمدها للسفرات اليايه ان شاء الله شغلكم مضبوط ما شاء الله واختيار الانشطة وايد حلو الحجز المسبق مجانا ولا تدفع ؟ الامباير من ضمن البطاقه ولا لما حجزت حجز مسبق دفعت مبلغ غير البطاقه ؟ |
يا هلا ومرحبا أبو لانا دايم رحلاتك ترسخ في البال القديمة والجديدة لأن طريقة عرضك مميزة والمعلومات غزيرة في التقرير كثير راح يستفيد من هذي المعلومات بالتأكيد يوميات جميلة في نيويورك اطلالة الفندق روعة على التايمز سكوير بالفعل اذا سكنت جنبه أغلى بس توفر على نفسك كثير خاصة في المواصلات بسبب زحمة نيويورك الله يحفظ لك العصافير وأم لانا ما شاء الله عليهم دايم جاهزين لأي مزار ما يتكاسلون في نيويورك لابد تستغل كل لحظة لأنها من المدن اللي لو تجلس فيها أسبوعين ما تخلص مزاراتها مستمتعين ومتابعين :e306: |
اقتباس:
اقتباس:
اقتباس:
|
(نيويورك) (اليوم الثالث والأخير) الجدول: - الفطور في اقرب Bakery - منتزه Bryant Park - المكتبة العامة New York Public Library - محطة Grand Central Terminal - لعبة الهروب The Escape Game - كوكيز Levain Bakery - ساحة Rockefeller Center - محل F.A.O Schwarz - افتتاح مطعم Canes في التايمز - بولينغ Bowlero Times Square بعد يوم شاق وتعب صحينا نشيطين مستعدين لليوم الثالث واللي كان اخف بكثير من اليوم الثاني. جدول اليوم الثالث اعتمدت فيه على الأماكن القريبة من التايمز اللي اقدر اروح لها مشي ماعدا محل الكوكيز استخدمت أوبر. توكلنا على الله لأقرب Bakery وفطرنا, المخبز إسمه Zeppola Bakery, في نيويورك مخابز كثير وين مارحت طب وتخير, البنات هم اللي اختارو https://www.arabtrvl.com/up/uploads/...1223734661.jpg https://www.arabtrvl.com/up/uploads/...1223755542.jpg الشيخة نور قاعدة برى https://www.arabtrvl.com/up/uploads/...1231531691.jpg بعد الفطور رحنا منتزه Bryant Park كان قريب مننا مكان رايق خصوصاً اذا كان الجو حلو ورشة مطر, العصافير مبسوطين https://www.arabtrvl.com/up/uploads/...1231551522.jpg https://www.arabtrvl.com/up/uploads/...1288896996.jpg جنب المنتزه على طول المكتبة العامة New York Public Library دخلناها وهي مجانية ماتحتاج تذاكر ولا حجز وهذي صور للمكتبة https://www.arabtrvl.com/up/uploads/...1236021591.jpg بعدها رحنا محطة Grand Central Terminal وكانت قريبة من المكتبة, المحطة كبيرة وفيها محلات ومقاهي حلو تمرون عليها بس حدها نص ساعة https://www.arabtrvl.com/up/uploads/...1236026542.jpg خلصنا وتوجهنا للعبة الهروب The Escape Game طبعاً ضروري تذاكر لكن كانت مشمولة ضمن بكج New York Pass ودخلنا مجاناً :) كان في ناس قبلنا وانتظرنا تقريباً ربع ساعة وجا دورنا, اخترنا اقرب واسهل تجربة وكانت رهيبة عجبتنا كلنا فيها تفكير وعصرة مخ لكن للاسف خسرنا قبل النهاية :( المهم كانت جميلة وتستحق التجربة https://www.arabtrvl.com/up/uploads/...1241340691.jpg البنات الله يحفظهم من قبل السفر يقولون بابا ودينا كوكيز Levain Bakery في نيوروك وكانت من ضمن خطتهم فتوكلنا على الله بعد لعبة الهروب الى الكوكيز عن طريق اوبر وكلفنا المشوار تقريباً 22$ للذهاب والعودة 25$ المواصلات شوي غالية هناك فالخيار الأفضل هو الباص السياحي لكن احنا البكج يشمل يوم فقط ويقدر اي واحد يحجز تذاكر اضافية للباص السياحي اي وقت يحب موجودين بكثرة بالشوارع في كل مكان وكل واحد سعره يختلف عن الثاني, كاسروهم :) وصلنا محل الكوكيز الشهير https://www.arabtrvl.com/up/uploads/...1241343162.jpg المحل صغير وشوي مزحوم والكراسي محدودة, جا دورنا والبنات يختارو وهذي الكوكيز والأسعار https://www.arabtrvl.com/up/uploads/...1241347693.jpg بعدها اخذنا تكسي عادي وتوجهنا الى ساحة Rockefeller Center عشان نزور محل F.A.O Schwarz وهذا المحل هو اللي صورو فيه فلم (كيفين) (Home Alone 2: Lost in New York بحسب الأخبار المنتشرة انه هو نفسة, لكن لما سألت الموظفة قالت هذاك المحل اصلاً صوروة في شيكاجو وعدلو على الفيديو انه في نيويورك لكن الناس تعودت ان هذا هو المحل :) https://www.arabtrvl.com/up/uploads/...1250707751.jpg وصلنا Rockefeller Center ومحل F.A.O موجود تحته مباشرة https://www.arabtrvl.com/up/uploads/...1250710662.jpg https://www.arabtrvl.com/up/uploads/...1250715543.jpg المحل كبير وفيه العاب كثير وحلويات https://www.arabtrvl.com/up/uploads/...1250721524.jpg https://www.arabtrvl.com/up/uploads/...1250727985.jpg https://www.arabtrvl.com/up/uploads/...1250734256.jpg لانا ونور مبسوطين بالحلويات والألعاب https://www.arabtrvl.com/up/uploads/...1250740657.jpg https://www.arabtrvl.com/up/uploads/...1250760778.jpg المحل حلو ويفتح النفس ويستاهل الزيارة مع العايلة بيعجبه, طلعنا للساحة وأخذنا صورة للاميرات لكن للاسف الساحة كلها (ملونة) وحاولت آخذ صورة بدون ماابين شي :) https://www.arabtrvl.com/up/uploads/...1267167651.jpg بعدها البنات داهمهم الجوع من كثرة المشي وكان وقت غداء والفندق قريب والبنات خاطرهم في ماك, وصلناهم الفندق ونزلت ماك تحت الفندق مباشرة وطلبت لهم وطلعتا لهم وانا وام لانا باقي مو جوعانين فتوجهنا الى محل بولينغ Bowlero Times Square وكان قدام الفندق مباشرة شارع واحد بس :) اختيار موقع الفندق يختصر عليك وقت وجهد ومال. طبعاً انا ليش اخترت هذا المحل لأنه من ضمن البكج حق New York Pass مشمولة لعبة البولينغ للجميع مجاناً فرحنا له ودخلنا https://www.arabtrvl.com/up/uploads/...1273930391.jpg طبعاً كان بالدور ودورنا بيآخذ تقريباً ساعة ونص :( قلت مو مشكلة احجزي سجلي اسمائنا وبنرجع لكم بعد ساعة ونص يكون جاء دورنا. انا وام لانا جوعنا وقلت لها اختاري مطعم قالت خلينا ندخل مطعم Canes في التايمز وكان وقتها أول يوم افتتاح لفرع التايمز:) يعني ولا دقيقتين من محل البولينغ :) لكن المفاجأة كان زحمة مووووت والطابور واصل لين محل البولينغ :) قالت ام لانا ماعندنا شي ننتظر https://www.arabtrvl.com/up/uploads/...1288869591.jpg https://www.arabtrvl.com/up/uploads/...1288877042.jpg https://www.arabtrvl.com/up/uploads/...1288881663.jpg كان الطابور يمشي بسرعة وكان مساعدنا ان عددنا 2 بس لأن معظمهم عددهم 4 وفوق فينتظرون أكثر, جاء دورنا ودخلنا وكان المطعم فل عالآخر :) أم لانا حجزت مكان لنا وانا رحت أطلب https://www.arabtrvl.com/up/uploads/...6128888634.jpg بصراحة رغم الزحمة والازعاج الا إن الأكل جهز بسرعة وكان حار ولذييييييذ يستاهل الإنتظار, من بعدها حطيت Canes من ضمن المطاعم المعتمدة عندنا :) بعدها رجعنا لمحل البولينغ وانتظرنا تقرباً ربع ساعة وجاء دورنا وقلت للموظفة احنا عندا 4 تذاكر بس احنا اثنين ممكن تعطينا قيمين بدال واحد؟ قالت Yeah Sure وسجلت لنا قيمين وفوقها عطتنا كروت العاب آركيد قالت مشمولة مع تذاكركم 4 كروت العاب مشحونة 5 دولار لكل كرت :) لعبنا البولينغ و كالعادة اترك ام لانا تفوز عشان ماتزعل :) https://www.arabtrvl.com/up/uploads/...1288890835.jpg بعدها رحنا نلعب آركيد بس الألعاب ماتسوى حق اطفال المهم خلصنا الكروت ورحنا للفندق نرتاح وجا الليل وطلعت انا وأم لانا عكالعادة نقعد في التايمز نشوف العروض ونشتري لنا حلى وكيك ورجعنا للفندق ونمنا استعداداً للتوجة الى أورلاندو :) والى هنا اكون خلصت معاكم نيويوك, انتظروني في قسم أورلاندو وهو القسم الدسم والمتعب في الرحلة :) أخوكم / أبو لانا,,,,, خلوكم قريبين ..... |
نيويورك جميلة والحلو فيها تعيشك الاجواء اللي شفتها في الافلام يوم ممتع وجميل عشناه معاكم بولانا ومعاك الى اورلاندو |
جميل روكفيلر سنتر والمطعم اللي تحت فيه كوفي ترك تقدم قهوة رائعة كينز من المطاعم الأمريكية المعروفة بس أشوف طعمه في امريكا يفرق عن هنا المواصلات غالية في نيويورك والافضل استخدام الاندرقراوند ويا سلام على حديقة براينت يسووا فيها تمارين جماعية أما قراند سنترال واجبة الزيارة تم تصوير أفلام كثيرة فيها :e306::e306: |
ماشاء الله .. بصراحة إبداع في السرد والتصوير .. ذكرتنا بأيام زمااان وتقارير المنتديات الجميلة .. :62: |
ما شاء الله عليك أخوي أبو لانا ... (الله يحفظ لك العائلة ..) شوقتنا إلى أمركيا و نيويورك بشكل خاص و خليتنا نقلب في الجواز الفيزا جاهزة باقي فيها حوالي 3 سنوات :18: تغطية نيويورك جميلة و بصراحة تستأهل مهما جلست فيها تكتشفها أكثر كنت أستمتع بالتمشية و الجلوس في السنترال بارك (أن شاء الله نزورها قريباً) متابعين معاك الأبداع الأمريكي الذي لا يقاوم :e306::e306::e306: |
اقتباس:
اقتباس:
اقتباس:
اقتباس:
|
أورلاندو (اليوم الأول) الجدول: - تسجيل الخروج من فندق نيويورك - استئجار تكسي عادي من الفندق للمطار - عمل تشيك ان للشنط بالمطار 30 دولار لكل الشناط - غداء بالمطار - التوجه لبوابة الاقلاع (الإقلاع الساعة 12 الظهر والوصول 3 العصر) - استلام السيارة من مطار اورلاندو MCO - التوجه للمنتجع وعمل تشيك ان - الراحة والنوم والاستعداد بكره لأول يوم في Disney - شراء جيني بلس للجميع الطيران الداخلي عن طريق خطوط دلتا Delta من نيويورك الى اورلاندو مدة الرحلة 3 ساعات حجز السيارة استأجرت سيارة من مطار اولاندو عن طريق Booking من شركة Dollar طلع علي سعرها 2146 ريال لمدة 12 يوم (أبو معتز الغالي عطاني نصايح بخصوص اجار السيارة لكن تأخرت وكان المفروض أستشيره قبلها بوقت كافي, بسرد لكم تجربتي معاهم لما نوصل بالسلامة ان شاء الله وايش التأمين والأشياء اللي ضفتها للسعر) الفندق اورلاندو – 11 ليلة في منتجع Regal Oaks IDILIQ Hotels & Resorts وهذا عنوانهم وهذا المنتجع سالفته سالفه وعنده رسوم غير عن نيويورك ضروري تشيكون على التفاصيل قبل الحجز وأكثر الناس تنصدم لما توصل المنتجع انهم يطلبون منهم مبالغ مايدرون عنها وهذي التفاصيل للرسوم اللي بندفعها غير عن سعر الحجز: - تأمين 200 دولار للتلفيات مسترجع وقت الخروج. - رسوم التنظيف 100 دولار لمدة الإقامة كاملة. - رسوم استخدام مرافق المنتجع 27 دولار في الليلة لمدة 11 يوم = 297 دولار وتشمل التالي: * المسبح * الجاكوزي * مناشف سباحة * الجيم * النادي الصحي * منطقة العاب الأطفال والآركيد * مركز الاعمال (ورق/كمبيوتر/نت/اتصال) * صندوق امانات بالغرفة * القهوة اللي بالغرفة * خدمة Concierge يعني مساعدتك وارشادك لو بغيت تحجز او تسأل عن أنشطة سياحية * منطقة غسيل ملابس (طبعاً بفلوس مش ببلاش) يعني مثل ماانتم شايفين خدمات يفترض انها مشمولة مجاناً لكن هذي قوانينهم. https://www.arabtrvl.com/up/uploads/...8024395272.jpg في بداية اليوم صحينا الصباح في نيويورك وتوجهنا لكاونتر الاستقبال لتسجيل الخروج, واستلام مبلغ التأمين 400$ (طبعاً نسيت أقول لكم اغلب الفنادق تأخذ تأمين وبالعادة يسحب من الكردت كارد وقت تسجيل الدخول ويتم استرجاعة خلال اسبوعين من الخروج) وبالفعل لما رجعت السعودية وصلني مبلغ التامين 400$. طبعاً الفندق فيه ميزة انك بس تنزل للدور الأرضي في هناك مسار مخصص للنزلاء بس توقف بالطابور والتكاسي تجي لين عندك بشكل دوري وتأخذ الركاب :) وصل التكسي وقلت له مطار JFK - Terminal 4 وقلت له Flat Rate اللي ذكرته سابقاً مبلغ مقطوع من المطار وإلى المطار وبالعادة يكون بين 80-90 دولار ملاحظة: حط في بالك ساعتين احتياط وانت متوجه للمطار لأن نيويورك زحمة جداً ويمكن تمسك زحمة وتروح رحلتك. وصلنا المطار خلال تقريباً ساعة والطريق فاضي فكيف اذا كان زحمة, حاسبت التكسي طلع مسلم من نيجيريا حبيب وطيب وضروري تعطون بقشيش من 10 الى 15 دولار, دخلنا التيرمينال 4 وتوجهنا لكاونتر Delta وكان شبه مزحوم والشيك ان عندهم اما طابور او انك تروح للجهاز الذاتي وفيه موظف يساعدك. في موظف شافني وناداني على طول وقال لي تعال وسحب الشناط معي ووداني كاونتر كان مقفل وفتحه لي وقاعد يخلص اجراءاتي (انا سألت نفسي وقلت لا يكون هذا يبغى مني فلوس وانا اصلاً ماطلبت منه اي شي فكيف يجي كذا من الباب للطاقة يساعدني ويسحب الشناط ويفتح لنا كاونتر وهي لابس بدلة وكرفته؟؟) المهم قلت كيف ماجات تجي :) طلع عندنا 3 شناط زايدة وكل شنطة عليها 30$ وكنت حاسب حسابي لكن قال لي ولا يهمك بحسب لك بس شنطة وحدة 30$ والباقي مجاناً ضبطتك :) طبعاً انا دفعت واستلمت ايصال رسمي وانا اقول في نفسي الحين بيطلب مني فلوس :( .... المهم خلصنا بسرعة وطبع البوردينغ وقال لي هناك بوابتكم بالسلامة ؟!؟!؟! انا قلت له شكراً تحتاج مني شي؟! قال لي No thank you, have a safe flight good luck انا استغربت صراحة وسحبته على جنب وقلت له ليش ساعدتني بدون مقابل؟! ابستم وقال لي هذا واجبي :) انا قلت الحمد لله اللي سخر لنا هذا الموظف الطيب. توجهنا للبوابة وطلعنا الطيارة وتوكلنا على الله 3 ساعات وصلنا مطار MCO استلمنا الشناط وطلعنا القطار بالمطار يوصلك للصالة الرئيسية, وصلنا وتوجهت لسيارات الأجار وكانت من حظنا كل الشركات فاضي الا شركة Dollar كانت فل :( انلطعنا تقريباً ساعة ونص وجائ دورنا بعد عناء شديد... اجار السيارة: طبعاً انا حاجز عن طريق بوكينغ تويوتا راف 4 بمبلغ 2146 ريال لمدة 12 يوم وفوق هذا لما توصل الكاونتر يسألك هل تبي تأمين شامل؟ قلت نعم, هل تريد بنزين فل وترجعه فاضي عادي؟ قلت نعم, هل تريد جهاز الدفع للطرق السريعة؟ قلت نعم. قالت حسابك = 400$ + 200$ ضمان مسترجع, يعني 400$ + 2146 ريال = 3646 ريال لمدة 12 يوم يعني باليوم = 303 ريال شامل كل اللي طلبته وريحت راسي :) وان شاء الله ابو معتز مايزعل مني ويجي يقول لعبو عليك :) :) استلمنا السيارة بعد اتظار طويل وشغلنا Google Maps وتوكلنا على الله للفندق - الدور الأرضي = صالة وحمام (اكرمكم الله) ومطبخ ومخزم صغير وحوش فيه جاكوزيhttps://www.arabtrvl.com/up/uploads/...8038665631.jpg اورلاندو جميلة جداً والمناظر تفتح النفس لكن يعيبها جوها الحار بالصيف, وصلنا المتجع وسوينا تسجيل دخول وكانت الاجراءات سريعة مافي زحمة وحددت لنا الفيلا تبعنا https://www.arabtrvl.com/up/uploads/...8162228661.jpg ملاحظة ضرورية جداً جداً: لما تحجز أي فندق تأكد من تفاصيل الحجز لأن الضرائب غير مشمولة وكذلك خدمات الفندق غير مشمولة وكل هذا اجباري تدفعه لهم وقت تسجيل الدخول, يعني قبل ماتحجز اقرأ كل الشروط وخليك مستعد انك بتدفع مبالغ اضافية لكل فرد عشان ماتنصدم لما توصل :) وهذي صورة من شروط حجز منتجع Regal Oaks https://www.arabtrvl.com/up/uploads/...8024395272.jpg وصلنا الفيلا وكانت واسعة وشرحة عبارة عن دورين: - الدور الأول = غرفتين نوم ماستر مع حمام منفصل لكل غرفة, الغرفة الأولى سرير كنج والثانية سريرين منفصلين (يعني عز الطلب هذا اللي ابغاه :), الفيلا شرحة ومريحة لكن مش فخمة 5 نجوم يعني اعطيها 4 نجوم, المنتجع كبير جداً وفيه تقريباً 3 بحيرات ومسبح عام وجيم ومركز رياضي وتنس ارضي وبلياردو وهذي صور الفيلا https://www.arabtrvl.com/up/uploads/...8024401713.jpg https://www.arabtrvl.com/up/uploads/...8024405994.jpg https://www.arabtrvl.com/up/uploads/...8467853641.jpg https://www.arabtrvl.com/up/uploads/...8467860112.jpg بعدها نمنا وريحنا استعداداً لليوم الشاق بكره لأول يوم في عالم ديزني Disney World عالم ديزني Disney World كبير ومتشعب وبحاول اشرح لكم كل التفاصيل من الحجز الى الدخول, تابعو معي الخطوات والنصايح: نصائح مهمة جداً قبل زيارة ديزني: - ادخل موقع ديزني الرسمي أورلاندو وسجل حساب جديد + حمل تطبيقهم (مهم جداً) - احجز التذاكر أون لاين من موقعهم الرسمي حتى لو لقيته برى بسعر ارخص لأن عن طريقهم تكون التذاكر مرتجعة اذا هم قفلو بسبب الامطار او الاعاصير, اما اذا حجزت طريق الموزعين مافي ضمان وماراح يرجع لك ولا ريال :( - اسعار التذاكر تختلف من تاريخ لتاريخ بحسب الموسم, في الموقع يبين لك الأسعار - اذا حجزت التذاكر بيوم معين الموقع بيعطيك صلاحية من 5 ايام من تاريخ الشراء والتحديد - اشتري تذكرة Genie+ من التطبيق بنفس يوم الدخول - اربط التذاكر في محفظة Apple Wallet او Google Wallet - خذ معاك نظارة شمسية ضروري - خذ معاك ماء صحة ثلج 3 او 4 حبات تكون مثلجها قبل بليلة ضروري :) طريقة حجز التذاكر ادخل موقعهم https://disneyworld.disney.go.com/ https://www.arabtrvl.com/up/uploads/...8366036171.jpg اختار نوع التذكرة https://www.arabtrvl.com/up/uploads/...8300320121.jpg حدد الأيام https://www.arabtrvl.com/up/uploads/...8300322872.jpg اختار التواريخ ويبين لك كل تاريخ له سعر اختار اللي يناسبك https://www.arabtrvl.com/up/uploads/...8300325323.jpg روابط مفيدة رابط التطبيق https://disneyworld.disney.go.com/pl...e/mobile-apps/ رابط خريطة عالم ديزني كاملة https://disneyworld.disney.go.com/attractions/#/ احنا اخترنا 3 باركات: - Magic Kingdom - Animal Kingdom - Hollywood Studios بارك Epcot ماحطيناه في القائمة لأنه حق شيبان وناس رايقة واحنا مجانين مايصلح لنا :) نظامنا كان يوم بيوم, يعني يوم نروح ديزني واليوم اللي بعده راحة واستكشاف اورلاندو أورلاندو (اليوم الثاني) الجدول: - عالم ديزني Magic Kingdom https://www.arabtrvl.com/up/uploads/...8379022781.jpg بسم الله صيحنا الصباح وام لانا الله يحفظها سوت لنا فطور يحبه قلبكم https://www.arabtrvl.com/up/uploads/...8379024252.jpg توجهنا الى Magic Kingdom وكانت تبعد فقط 8 دقايق من المنتجع :) وصلنا دفعنا قيمة المواقف ليوم كامل 25$ واذا وصلت المواقف ضروري جداً تصور الموقف وتحفظ موقعه عشان ماتضيعه وبالمواقف اسأل عن القطار الصغير اللي يوصلك للبوابة مجاني وسريع لأن الجو حار وشمس, بعد ماتوصل فيه عندك اكثر من طريقة للدخول احنا اخترنا القطار السريع لأنه يستوعب عدد كبير وسريع يوصلك البوابة بسرعة وهنا وصلنا بوابة الدخول https://www.arabtrvl.com/up/uploads/...8425207341.jpg وصلنا البوابة وعطيناهم باركود التذاكر وبصمونا وعطونا كروت https://www.arabtrvl.com/up/uploads/...3842521352.jpg انا احتياطاً حطيتها في Apple Wallet بحيث اي لعبة ادخلها مااحتاج الكرت بس بالجوال يكفي :) https://www.arabtrvl.com/up/uploads/...8425221554.jpg ملاحظة: للأسف الشديد الجو كان حار جداً :( وشمس في المخ فضروري النظارة و الكاب للجميع او مظلة اذا تقدر طيب السؤال هنا ايش تلعب في Magic Kingdom ؟؟ ووين المطاعم والمقاهي ؟؟ وكيف تختصر على نفسك وقت ؟؟ الحل عندي تحت: قبل ماتروح ديزني اشتري من التطبيق خدمة Genie+ (خدمة الدخول السريع للألعاب) وتقدر تشتريها فقط وانت في امريكا ويبدأ بيعها الساعة 12 الصباح وتكلف على الشخص تقريباً من 15-25 دولار لكن تستاهل لأن بدونها بيضيع يومك ومالعبت الا لعبتين او ثلاثة بالكثير من كثر الزحمة والطوابير, وهنا شرح للتطبيق وكيف تشتري Genie+: افتح التطبيق وسجل لك حساب https://www.arabtrvl.com/up/uploads/...8366040892.jpg اربط عائلتك بحسابك من اعدادات التطبيق https://www.arabtrvl.com/up/uploads/...8366046026.jpg طريقة استخدام Genie+: ماراح يبدأ تفعيل الخدمة الا اذا دخلت البارك وسويت سكان للتذاكر اوتوماتيك بيتفعل معاك وتقدر تحجز لعبة وحدة بس وماتقدر تحجز بعدها اي لعبة الا بعد ساعتين, يعني اول ماتدخل البارك افتح التطبيق وروح لقائمة Tip Board واختار لعبة من الألعاب المذكورة تحت وتحتها بتلقى خيارين (وقت الانتظار العادي بالطابور) و (وقت الحجز للدخول السريع ومكتوب LL Disney Genie وهذا المطلوب) خذ لفة على قائمة الالعاب واذا لقيت اي لعبة منهم حتى لو بعيدة بس الدخول السريع متوفر خلال نص ساعة بالكثير على طول احجزها وتوجه لها وادخل من مسار الدخول السريع :) ملاحظة مهمة جداً: اول ماتدخل اللعبة اللي حجزتها وسويت سكان للكروت على طول افتح التطبيق واحجز اللعبة اللي بعدها :) وكذا بتكون تلعب كل الالعاب وانت مرتاح بدون طوابير :) وبعذ الالعاب للاسف الشديد عليها زحمة مو طبيعية حتى المسار السريع يقفلوه فلحق واختار الالعاب اللي تعجبك بغض النظر عن موقعها, وبعض الالعاب فيها خيار ثالث انك تدفع كاش غير Genie+ وتتدخل بفلوسك :) وتكلف على الشخص للعبة الوحدة 25$ فعشان كذا خلوكم على Genie+ افضل https://www.arabtrvl.com/up/uploads/...3836605387.jpg https://www.arabtrvl.com/up/uploads/...8366041343.jpg https://www.arabtrvl.com/up/uploads/...8366042954.jpg https://www.arabtrvl.com/up/uploads/...8366044475.jpg رابط فيديو شرح استخدام Genie+ رابط فيديو يشرح لك طريقة الاستخدام https://disneyworld.disney.go.com/genie/get-started/ الباركات كلها مقسمة على اجزاء مثل المدن وكل مدينة فيها العاب مختلفة, وبذكر لكم اقسام Magical Kingdome بالتفصيل وهل تستاهل تجربها Main Street, U.S.A: - Meet Mickey at Town Square Theater تقدر تقابل ميكي ماوس وتصور معاه المطاعم: - Main Street Bakery - The Plaza Restaurant برجر سعره متوسط 23 دولار - Casey’s Corner نقانق كبير ونجتس تقريباً 12 دولار Tomorrowland: - Monsters, Inc. Laugh Floor® عرض جميل وممتع - Tomorrowland Speedway سيارات حلوة للعائلة لكن مش سريعة - Tomorrowland Transit Authority PeopleMover عربة تاخذ فيك لفة على المدينة مدتها 10 دقايق (تستاهل لكن زحمة) - Carousel of Progress عرض 20 دقيقة مسرح يدور ودمى متحركة (اذا فاضي وعندك وقت روح لها) - Buzz Lightyear's Space Ranger Spin اللعبة هذي للأطفال عبارة عن مركبة فيها مسدس تطلق وتجمع نقاط - Astro Orbiter لعبة اطفال مرتفعة يعني مو ذاك الزود اذا في وقت روح لها - Space Mountain من افضل واروع الالعاب لكن زحمة وتحتاج Genie+ لأن الانتظار فيها فوق الساعة - TRON Lightcycle من افضل واروع الالعاب لكن زحمة وتحتاج Genie+ لأن الانتظار فيها فوق الساعة المطاعم: - Cosmic Ray’s Starlight Café برجرات ودجاج تقريباً 13 دولار Fantasyland: - Meet Merida at Fairytale Garden للأطفال تقابل ميريدا وتصور معاها - Mad Tea Party لعبة اطفال خايسة لاتتعب نفسك - Dumbo the flying Elephant لعبة اطفال خايسة لاتتعب نفسك - The Barnstormer قطار حلو للعائلة سرعته وسط يستاهل - Walt Disney World Railroad قطار يوصلك للبوابة الرئيسية او يرجعك مدته 20 دقيقة ماتحتاجه لاتتعب نفسك - Under the Sea - Journey of The Little Mermaid عربة تمشي وفيها مجسمات وشخصيات, حلوة للعائلة اذا في وقت - Seven Dwarfs Mine Train قطار رهيب للعائلة لازم تجربوة لكن زحمة ويحتاج Genie+ - The Many Adventures of Winnie the Pooh عربة تمشي وفيها مجسمات وشخصيات, حلوة للعائلة اذا في وقت - it's a small world عربة تمشي وفيها مجسمات وشخصيات, حلوة للعائلة اذا في وقت - Peter Pan's Flight طيارة رهيبة للعائلة لكن زحمة وتحتاج Genie+ - Mickey's PhilharMagic عرض مسرحي ثلاثي الأبعاد ميكي ماوس ضرووري تحضروه المطاعم: - Pinocchio Village Haus بيتزا برجرات و دجاج 13 دولار - The Friar’s Nook نقانق و نجتس 13 دولار Liberty Square: - Haunted Mansion بيت الرعب لاااازم تحضروه وتقدر تحجزه من Genie+ - Liberty Square Riverboat رحلة كروز 17 دقيقة اذا مو زحمة جربها - The Hall of Presidents ماتستاهل لاتضيع وقتك المطاعم: - Sleepy Hollow وافلز و حلويات Frontierland: - Tom Sawyer Island ممشى جميل - Big Thunder Mountain Railroad قطار حلو للعائلة سرعته متوسطة لازم تجربوه - Country Bear Jamboree عرض مسرحي خايس اذا فاضي روح له المطاعم: - Golden Oak Outpost بطاطس ودجاج ستربس و نجتس 13 دولار - Pecos Bill Tall Tale Inn and Cafe تاكوز و برجر 16 دولار Adventureland: - A Pirate's Adventure ~ Treasures of the Seven Seas ماله داعي اذا فاضي روح له - Pirates of the Caribbean عربة تمشي حلوة جداً جربوها - Walt Disney's Enchanted Tiki Room عرض خايس - Jungle Cruise قارب ضروووري تحضر Genie+ - Swiss Family Treehouse بيت شجرة خايس - The Magic Carpets of Aladdin لعبة اطفال خايسة - Meet Characters from Aladdin in Adventureland قابل علاء الدين وصور معاه - Frontierland Shootin' Arcade العاب اركيد خايسة المطاعم: Tortuga Tavern نقانق وبرجرات و بوريتو 13 دولار اول مادخلنا مشينا ولقينا القصر :) https://www.arabtrvl.com/up/uploads/...8425215423.jpg البنات مبسوطين https://www.arabtrvl.com/up/uploads/...8441675671.jpg محدثكم https://www.arabtrvl.com/up/uploads/...8441696622.png ومنطقة Tomorrowland جنبنا بدخلت التطبيق ولقينا حجز دخول سريع لعرض Monsters, Inc. Laugh Floor® حجزنا ودخلنا وكان روعة يستاهلhttps://www.arabtrvl.com/up/uploads/...8451697532.jpg https://www.arabtrvl.com/up/uploads/...8451691681.jpg بعدها لقيت حجز سريع للعبة Tomorrowland Speedway لعبة سيارات حلوة للعائلة, كانت زحمة جداً حتى المسار السريع زحمة لكن 5 دقايق ودخلنا :)https://www.arabtrvl.com/up/uploads/...3849440651.jpg بعدها لقيت حجز لعبة The Barnstormer قطار حلو للعائلة سرعته متوسطة انصح فيه البنات انبسطو :) https://www.arabtrvl.com/up/uploads/...8494412952.jpg بعدها رحنا Under the Sea - Journey of The Little Mermaid عربة تمشي وفيها مجسمات وشخصيات, حلوة للعائلة https://www.arabtrvl.com/up/uploads/...8494418923.jpg بعدها توجهنا لعرض Mickey's PhilharMagic عرض ثلاثي الابعاد رهيييب لازم تجربوه https://www.arabtrvl.com/up/uploads/...3849442274.jpg طبعاً وانت ماشي فجأة تلقى عروض حية https://www.arabtrvl.com/up/uploads/...8494426275.jpg https://www.arabtrvl.com/up/uploads/...8494432526.jpg الكل مبسوط :) https://www.arabtrvl.com/up/uploads/...8494438817.jpg استراحة عالسريح + حلى :) https://www.arabtrvl.com/up/uploads/...8494458268.jpg طبعاً انا ماصورت لكم كل الالعاب اللي لعبناها بسبب انشغالنا بالمشي والتعب والارهاق كان يوم متعب جداً جداً خصوصاً Magic Kingdom هذي يبغالها استعداد وضروري ضروري تنتظر لليل الساعة 8 او 9 علشان تشوف العرض الأخير اللي مايتفوت وكان زحمة مو طبيعية والناس كلهم واقفين لان مافي مكان للجلوس https://www.arabtrvl.com/up/uploads/...8520049821.jpg https://www.arabtrvl.com/up/uploads/...8520055872.jpg https://www.arabtrvl.com/up/uploads/...8520076143.jpg https://www.arabtrvl.com/up/uploads/...8527259041.jpg العرض 100% ولا غلطة :) بعد ماخلص العرض مشينا لبوابة الخروج وكانت زحمة واستخدمنا القطار نفسة اللي جابنا ورحنا للسيارة تعبانين عالآخر وتوجهنا للفندق وأحلى نومة .... كذا اكون خلصلت اول يومين في اورلاندو, انتظروني فللحديث بقية ... أخوكم / أبو لانا |
السلام عليكم اخوي ابو لانا ماشاءالله من اول التقرير الامريكي وانا معك لن افوت تقرير عن البلد الجميل ابد ابد ما نمل منها كل شي صورته او تكلمت عنه كان رائع صراحة . وكل شي مرتب والى أن وصلت الى أورلاندو أجمل متنفس لرحلة وسط فلوريدا بلد الترفية والمتعة والاستجمام كانت ترتيبات جميلة والسكن ايضاً أختيار موفق لانو مريح للعوائل احلا شي فيه الأمان وفيه حرية الطبخ وشوي لمن رغب كل شخص له الحرية. فعلا الجو حار عن تجربة كانت لكن لاجل عين تكرم مدينة أورلاندو تستحق اكدت لي اهتمامك بالرحلة من كل النواحي ماشاءالله الحرص والاهتمام ينتج عنه رحلة مرتبه ومريحة ذكرتني ف ابو معتز ايضاً كل هذا لراحة العائلة الحمدالله . الله يحفظ لك أم لانا والبنات يا كريم ويجعلك ذخراً لهم . استمتعت معك واستفدت هذا الاهم واختلطت لدي مشاعر الشوق وذكريات .. متابعه معك القادم من الاماكن الاكثر سعادة ف أورلاندو لاسترجاع الذكريات . وأشكرك يا أخوي ابو لانا لذكر اسمي ف بداية تقريرك وانت تشكر الاخوه ولاخوات هذااندل فا نما يدل ع الذوق والتقدير والاحترام برغم اني جديدة اشكرك .:7: |
يعطيك العافيه يابو لانا أشكرك على كلامك الجميل والحمدلله المنتدى عرفنا على الناس الطيبه ذكرتنا بزملائنا السابقين ان شاءالله يرجعون للمشاركة بالمنتدى الله يحفظ أم لانا والبنات متابعين للتقرير الامريكي الجميل |
زين تسوي يا ابو لانا انك رديت بهدوء وكنت حافظ الابلكيشن والله يهدي الشعب التركي بعضهم اسلوبهم ينرفز ويقهر أهم شي بالسفر ان الواحد يطنش ويستمتع بالسفره |
جولة جميلة جدا من أول يوم ومطل الغرفه وااايد حلو |
الله يعينكم على التعب اول يوم واتوقع السبب الرئيسي بالتعب اختلاف التوقيت وخربطة النوم New York Pass ممتازة |
| الساعة الآن 10:44 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO