|
اذربيجان نظره واقعيه سيداتي سادتي .. ايها الشعب الكريم :e10e: السلام عليكم ورحمه الله وبركاته اذربيجان باختصار بلد عادي جدا وليس فيه مايميزه لكن ان كتب الله لك ورحت هناك كما فعلت فلك هالاضائات السريعة عن رحلتي .. لعلها تكون مفيده بالنسبة لك .. *الطيران الارخص هو فلاي دبي * مطار اذربيجان جميل جدا ومرتب ولاوجود لطلب البخشيش *اول ماتطلع من البوابة تجد كشك بيع شرائح الجوال تراه دبل السعر عن داخل المدينه ( دبل صدق) عند الباب الخارجي وانت طالع ع يسارك ( ملاصق للباب من الخارج) هناك تذاكر الباص الجميل الجديد والفخم ب4 ريال يوديك لوسط المدينه .. ركبت وكان معي فقط 3 اشخاص خواجات -التكاسي يطلبون ميه او 120 ريال والباص بـ 4 ريال :e131: -اطلع مع الباص لاتكون "خليجي " :) -الباص يجي كل 30 دقيقه طبعا جوني السواقين ويزامرون ويقولون لك ان الباص مايجي وهم نصابين ( اثبت يابو خلجه لايهزك ريح ) -انزل بنص المدينه ميدان جميل وكله محلات وخذ لك شريحه جوال بنصف قيمه مبيعات المطار -استخدم اوبر .. اعلى مشوار داخل باكو ماياصل 15 ريال (طلبوا 250 ريال شريحه وتاكسي من المطار ) اختصرتهم الى 65 ريال (4 ريال باص و55 ريال شريحه و6ريال اوبرمن نصف البلد للفندق) - الفنادق رخيصه لكن يغلب على بعضها وجود الملاهي الليليه المزعجه -خل معك كاش يكفيك لاطلعت من باكو .. لاتبلش لان مافيه الا دفع كاش والريال السعودي ماراح تلقا احد يقبله خل معك دولار امريكي واصرف من المطار اول ماتنزل (عملتهم اللي يكفيك يومين ثلاثه ) لين تضبط امورك -صراااف الراجحي يشتغل هناك للطواري .. ابو رجح عابر القارات :) -باكو تحتاج منك يومين بالكثير .. ليس هناك مايميزها .. سوى المدينه القديمه وهي مكان يستحق الزيارة -مطعم فيروز لايفوتك .. مطعم تركي ولايحبون العرب بس مشي حالك - عند الشرطه اسمنا عربستان :) -استاجرت سياره يوميتها حول 100 ريال بس موديلها 2010 لااااا تدور سيارات حديثه في باكو معظم سيارات المكاتب من 2010 -2012 -يقولون لك تامين شامل والغالب يكذب لكن البوليصه مكتوبه بالاذربيجاني فمالك الا توكل على الله وتاخذها وافحصها قبل - اول مامشيت لفيت من تحت الكوبري واذا بالدوريه وراي وانا ادعس كأني ماانتبهت وهو يدعس وراي .. وانا اتلها لين لحم الصدام بالصدام وولع السفتي قلت ياولد مابدهاش .. وقف بس مع اني كنت اني مشغل شيله حماسية :e32f: مالكم بالطويله شد وجذب ويقولي انت عربستان قلت نعم العلم يافلان قال .. مية للحكومه ( مخالفه) او 50 كاش لي قلت لك ولا للذيب واعطيه خمسين ويركبني يمين بالدوريه ويوريني اللابتوب ويسوي لمخالفتي (ديليت ) :42: - قوبا كمدينه كذبه كبرى ومافيها شي .. بعد الساعه 9 مساء لو تطلع من الفندق مافيه الا انت والدوريه برا - سكنت في قوبا بفندق ماودي اقولكم انه بـ 30 ريال :10: -طلعت الجبل من الصباح التالي جوار قوبا .. ووصلت الى القمه .. مناظر جميلة جدا .. - التنقل في باكو ليلا امن جدا .. حتى اني راجع من الستي سنتر لفندقي مشي حوالي 4 كلم نصف الليل عادي -كل المصاريف اللي يذكرونها هنا في المواضيع غير صحيحه باعتقادي المسافر المنفرد لو حاول يصرف كثير مايقدر .. سياره وفندق ومعيشه ماتاصل كلها 300 ريال باليوم - في طريقي لقوبا وجدت عائله اصولهم تركيه واركبتهم ( مراد وزوجته وبنته ) ويسولف علي بالاذربيجاني ويحاول يكون لطيف وانا اقوله يس يس والله مااعلم وش يقول :) -يعرف ابوظبي لاني قلت له اني اماراتي - شغلت له شيله (يافاطمه ) الاماراتيه ويحسب انها اهازيج شيعيه واستانس يقول اااه فاتيمه :17: المهم عزمني على الشاي يوم نزلته وحلفت ومشيت :e432: -لاتدور مساجد في اذربيجان الا ماندر وبين كل مسجد والثاني كيلومترات .. اذان لاتدور .. واللي على الطرق مافيها احد يصلي - من ضمن نقاط الجذب السياحي الخنفشاريه في قوبا : ساحه الشهداء >>> في الحقيقه انها مقبره ههههههه مسجد مسعود مدري وش اسمه>>>> مسجد قديم عادي جدا بالعربي بيحطون فيها سياحه غصب .. قلت لاحدهم وانا في باكو اني متجه لقوبا فضحك يدري ان مافيها شي ::::::::::: البلد رخيص جدا جدا للي يدور الخيارات الرخيصه الفنادق متوفره وباسعار رمزية جدا وفيه خيارات ارخص للهوستلات -اللي يحب يخالط الاجانب - لكن معظمها مستواها نازل |
مكتب التاجير حاولت اخذ من اللي سمعته زينه وبقوقل مابس عليه لايكات واراء جيده والا فالمستندات واضح انها خنفشاريه .. لو تسوي حادث لاسمح الله ممكن تبلش معهم لان مافيه اوراق واضحه .. مكتوبه بلغتهم وبالروسي ومعها ورقه خارجيه ترجمه عربيه سقيمه ::::::: وجدت سائق اوبر يعرف انجليزي بطلاقه فقلت له اني استاجرت سياره وانها مومنه قال غير صحيح ماعندنا في اذربيجان تامين شامل .. قلت له لقد شرحوا لي واشاروا لختم دائري على الزجاج الامامي قال هذا تامين طرف ثالث اما شامل مافيه وكان يظهر من كلامه انه صادق ... -يطلبون رخصتك الدولية -المكاتب ياخذون تأمين كاش بالدولار .. اشترط عليهم انهم يرجعونك لك فوريا في حال اعادتك للسياره حتى لايقولك يومين او ثلاثه ونرجعه لك خاصه ان كنت ستسلم السياره يوم سفرك .. انا طلبت احد يتكلم انجليزي وقلت له انا اعرفك انت مباشرة وتضمن لي الاعاده الفوريه فوافق على مضض بعد ان ذكرني قائلا اننا بلد اسلامي .. قلت الاسلام خابره بالسعوديه اهم شي تصدق في تعاملك :) لكن باختصار القياده لديهم امنه جدا .. والطرق السريعه السرعه فيها معقوله جدا وليست الطرق مزدحمه - اللي يسافر لاي بلد ( دركسونهم يسار) ولا يستاجر سياره فهو مضيع متعته |
................ هذا وصلوا وسلموا على المصطفى عليه الصلاه والسلام عدد ماذكره الذاكرون وعدد ماغفل عن ذكره الغافلون |
وعليكم السلام اللهم صلي وسلم على نبينا محمد الله يعطيك العافية يابو لجين اخصرت البلد في تقرير صغير وضح الصورة كاملة و قلت الكلام اللي ودي اقوله من زمان |
اللهم صلي وسلم على نبينا محمد ملاحظات وتنبيهات رائعة تختصر كل شيء. الباص الناقل من المطار لوسط المدينة مهم جدا ولم يسبق لأي أحد ان تطرق اليه واكيد هو مفيد ويغنيك عن التكسي . بس يا ريت لو تذكرنا بالضبط مكان توقفه بوسط المدينة اذا كنت تعلم لنستفيد من الموقع. شكرا ابو لجين على المختصر المفيد. |
ابو لجين ياريت لو تفرد موضوع الباص لحاله بموضوع خاص. يعني تذكر بالضبط مكانه بالمطار وترفقه بالصور اذا عندك وايضا مكان توقفه بوسط المدينة واسم الميدان مرفوق بالصور ايضا لتعم الفائدة. |
رائع يابو لجين جبت المختصر المفيد فرق كبير بين اسعار المطار والمدينة والباص خيار ممتاز و ارخص بكثير نقاط هامة الله يعطيك العافية |
مشكور ابو لجين احسنت في الاختصار وتبقى وجهات نظر في تقيم البلد قد يتفق معك وقد نختلف معك في بعض النقاط مشكور على طرح وجهة نظرك |
شكرا يا ابو لجين على نقل تجربتك ووجهة نطرك في اذربيجان |
أخوي الله يسعدك ،، هذا الباص على قد ماجلسنا في أذربيجان ماشفناه ،، سردك حلو ولو أنك زودت البهارات شوي ،، خصوصاً مسألة المصاريف ،، ولكن مشي حالك الحمد لله ع السلامة ،، بس لاتعودها يالذيب :18: |
الحمدلله على السلامه تقريرك حلو وملخص جميل بس ليش ماتحطون صور لنا |
اقتباس:
|
اقتباس:
الاخ الكريم انت كذوب وتحسب الناس مثلك الباص المذكور يقف امام بوابه المطار عبر المواقف 100 متر فقط وجهاز التذاكر ملاصق لبوابه المطار من الداخل وبامكانك البحث عنه في صفحه المطار وستجده وربما ان الكثيرين هنا شافوه .. وان رديت علي هنا .. خلال فتره قصيره فبامكاني قدام الشباب كلهم اجيب لك رابط له وصور واسعاره ( من موقع المطار ) ونعرف حينها من الكاذب الواحد اذا سوى موضوع يتحرى الدقه فيما يطرحه لعل المعلومه تفيد شخص اخر يقراها طال الزمن ام قصر فيدعو له وانت جاي تتهمني اني اكذب في معلومه باص المطار اللي كل العالم تعرفه .. كانك ماتعرف انجليزي ولاتقدر تبحث هذي مشكلتك واقرا ان شئت : company has launched express bus service (H1 route) to Baku airport from the city centre (28 May tube station). Modern comfortable İveco buses run mainly from 06:00 to 00:00 every 30 minutes (less frequent during the night but it operates 24 hours a day). Express bus will stop only for 1 minute to collect passengers at «Koroglu» tube station. To take a bus a traveller will have to proceed to bus stop that is located just outside the exits from Terminal 1 and Terminal 2. The cost of the ride is 1,30 manat (less than $1 USD). Unfortunately, but you cannot pay with cash. You need to buy a BakiKart. To get one of these at the airport, there is a machine. You will find it just outside the terminal building. You will need AZN cash. The instructions are not in English but there'll be lots of locals about who will help you. You'll be able to use your BakiKart during your stay in Baku for the metro and some of the buses. No need to purchase BakiKart for every single traveler, one will do for several travelers, as long as you have sufficient credit on BakiKar والرابط هذا هو How to transfer from Baku airport to city الزم العلم لاقلنا لك شي ... كانك كذوب فالرجال ماتكذب يالاخو |
الاخ حازم اهلا وسهلا وضعت رابط في ردي على الاخ اللي يكذب الناس اعلاه :) لاسامحه الله دنيا واخره كان في وجهه دم بيجي ويقرا ويعتذر والباص ياصديقي باختصار جهاز التذاكر على بوابه المطار الزجاجيه مباشره من الخارج (ملاصق للزجاج) ب2 مانات او حول كذا ( بامكانك تصرف عمله من مكتب الصرافه قبل البوابه ) مكتب الصرافه يبعد عن الجهاز حق التذاكر 30 متر .. والباص كل نص ساعه يتحرك لوسط المدينه باص مكيف مرسيدس جديد جدا ركبته وانطلق فينا وليس فيه الا 2 او 3 اشخاص ( مافيهم عريبيا ) لان ربعنا الخلايجه بعضهم مايقرون ولا يركبون مثل الناس لازم مصري او سوري يلعب عليهم وياخذ قروشهم ويسوق فيهم وياكل من اكلهم عشان يحسون انهم سواح |
اقتباس:
قد فعلت |
اقتباس:
معلومات كافية ووافية عن الباص وان شاء الله الكل بيستفاد منها. شكرا مرة ثانية لمجهودك . |
مشكور اخوي بالفعل المعلومات الي ذكرتها صحيحه بلد غصب يصير سياحي بس انت ذكرت انها بلد رخيص لكن من خلال تجربتي ومقارنة الاسعار مع الكويت فالبلد غالي جدا الشي الوحيد الرخيص هو النقل والتاكسي انا رحت من المطار الى فندق قفقاز باكو سيتي بـ 11 مانات عن طريق اوبر |
الحمد الله على السلامة تقرير جميل ومختصر وذكرت فيه اهم النقاط كم يوم جلست هناك؟ |
اقتباس:
اهلا ياصاحبي وحياك الله .. انا قلت نصا حفظني الله : البلد رخيص جدا جدا للي يدور الخيارات الرخيصه ولعلنا نتفق ان اهم بنود المصاريف في الرحله غير التذاكر هي ( الفنادق واستئجار السيارة والمطاعم) وهذي كلها مجتمعه في باكو بقيمه معقوله جدا |
اقتباس:
اهلا اهلا والله يسلمك 6 او سبع ليالي وجيتك معود وعوضتها بتوقف في دبي رحت فيها ( سينما ومطعم عروس دمشق) :32: |
سر : دائما اجد معارضه وعدم تصديق من البعض في عرضي لمصاريف رحلاتي ..لأن جماعتنا ثقافتهم استهلاكيه .. لا احب اهايط واجيب كلام خنفشاري وارقام فلكيه للمصاريف حتى اكون كشخه اني شخص عادي جدا ورحلاتي لله الحمد محافظه والفنادق نظامي فيها اهم شي فندق نظيف وهادي -احسن عندي من الفنادق الكبيره الصاخبه - لذلك كل مره لما اقول للاصدقاء والزملاء عن ميزانية السفر الاقي انتقاد وتشكيك باني اقلل من الرقم ليست المتعه بالسفر بالتكلفه |
ما شاء الله الحمدلله على السلامة وبارك الله فيك وبجهودك الطيبة أخي الكريم أبولجيـن فهد تقرير رائع ومختصر بالمفيد واقتصادي من الدرجة الأولى ومحشومين من الكذب وهذا كلام اخوان يمونون على بعض ومن عفا وأصلح فأجره على الله :64: ومعنى إنك تجد أذربيجان رخيصة لأنك شخص واحد وترضى وتمشي حالك بالقليل والفنادق المتواضعة حفظك الله وأسعدك ورعاك |
اقتباس:
في النهايه من بكره انا واللي سكن فندق بـ 1127 ريال مثلا .. كلنا بنسوي شيك اوت :1: الناس حره في خياراتها ولكني اعتقد ان المتعه ليست بالتكلفه .. والكلام عن السفر يكون بالقياس على مصاريف عامه الناس .. وخيارات السكن بـ 3 نجوم مثلا .. الطبقه المخمليه موجوده في كل وقت وهولاء لو يروح للكويت صرف بالليله 3 الاف :1: هذا والله يحفظكم :::: لمحه : تقولين ترضى وتمشي حالك بالقليل .. اقول لك ياسيدتي والله لو بغيت اصرف زود مااقدر معي سياره واتعشى بمطعم وساكن بفندق نظيف وشلون اصرف زود :1: |
يعطيك العافيه |
يعطيك العافية ابو لجين على التقرير الجميل مختصر وملاحظات مهمة جدا |
تقرير وسرد جميل وملاحظات ونقاط مهمة وكل بلد له ما يميزه من إيجابيات وسلبيات |
مرحبا ابو لجين بعد مراجعة التقرير لاحظت بانك لم تذكر الفندق اللي سكنته بباكو !!! |
معلومات جميلة شكرا لك |
النيه اذربيجان بعد كم يوم وانت كرهتنا فيها قبل لانروح قمت اضرب اخماس واسداس احس السفره مالها داعي بعد تقريرك |
:e349: |
اخت شهد اهي وجهات نظر انا وحده استمتعت بسفرتي وعجبتني الديره مع انها مبتدأه في مجال السياحه حطي جدول واختاري فنادق مناسبه وتوكلي على الله واذا متردده غيري الوجهه بكل بساطه |
اخت شهد مساك الله بالخير لعلك لو قرات اول الاسطر من موضوعي لرأيتي اني قلت مانصه : اذربيجان باختصار بلد عادي جدا وليس فيه مايميزه لكن ان كتب الله لك ورحت هناك كما فعلت فلك هالاضائات ::: انا من المؤمنين بالمدرسة الواقعية واحب ان اكتب من خلالها يعني ياسيدتي ادخلي قوقل واكتبي الاماكن السياحيه في قوبا ( قوباهم ذي اللي طلعوا لي فيها ) والله انك ستلقين : مسجد جمعه وهو مسجد فاضي مصبوغ بويه جديده ومقبره برا الديره حقت الشهداء :24: بذمتك ذي معالم سياحيه اروح لمقابرهم او مسجد والله صليت فيه مافيه احد انا لازلت اقول انها وجهه عاديه ولا اقول انها لاتصلح ابدا لكن اللي بيروح يتوقع بلد عادي جدا وليس فيه مايميزه ابدا وفالكم التوفيق ولاتنسوا تاكلوا اسكريم من اللي بالمدينه القديمه الحرمه اللي لابسه احمر هذي كل الخلايجه يبتسمون لها ويشترون ايسكريم :24: |
السياحة في اذربيجان تعتبر سياحة ناشئة وواعدة على مستوى العالم، يفضل الكثير من السياح العرب السفر الى اذربيجان من اجل السياحة لما تتمتع به من جمال طبيعي ساحر ومعالم تاريخية ملفتة للنظر. بدأت شمس السياحة في اذربيجان بالسطوع خلال السنوات القليلة الماضية مع تركيز حكومي على الترويج للبلاد وتزايد اعداد السياح من مختلف انحاء العالم لما تتمتع الاماكن السياحية في اذربيجان من تنّوع. و هي دولة اسلامية يمثل المسلمون الغالبية العظمى |
اذربيجان لازالت في طور النضوج السياحي ويكفي انها في وقت وجيز اصبحت سياحية والدليل توافد العرب اليها . من جهتي افضل وقت لزيارة البلد في الشتاء فقط حيث الاجواء اروبية وكأنك في بلد اروبي ويكفي انك تعيش متعت الثلوج في بلد قريب جدا منك ورخيص. اطيب تحية |
. |
مايمدحونها |
اذربيجان غالب من زارها يقول هذه اول و اخر مرة لعدة اسباب منها الحر في العاصمة باكو و عدم وجود معالم سياحية و ضعف الخدمات في الشمال الأذري صحيح يوجد بعض الطبيعة في الشمال و الجو افضل لكن الخدمات صفر . |
شكرا |
شكرررا لك:e32d: |
اقتباس:
|
| الساعة الآن 11:36 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO