X سُعداء بتواجدكم بيننا ونتمنى لكم قضاء وقت ممتع ، نأمل منكم زيارة صفحة شروط الإستخدام ، تفضلوا مشكورين بالتسجيل*** اضغط هنا *** لإثراء الجميع بخبراتكم السياحية
Loading...





عدد المعجبين50الاعجاب
إضافة رد
 
LinkBack أدوات الموضوع انواع عرض الموضوع
قديم 01-09-2018, 02:43 AM   #1

مسافر متميز

 
 
تاريخ التسجيل :  May 2018
رقم العضوية : 19129
الجنس : ذكر
المشاركات : 384



افتراضي اذربيجان نظره واقعيه






سيداتي سادتي .. ايها الشعب الكريم

السلام عليكم ورحمه الله وبركاته



اذربيجان باختصار بلد عادي جدا وليس فيه مايميزه

لكن ان كتب الله لك ورحت هناك كما فعلت فلك هالاضائات
السريعة عن رحلتي .. لعلها تكون مفيده بالنسبة لك ..


*الطيران الارخص هو فلاي دبي

* مطار اذربيجان جميل جدا ومرتب ولاوجود لطلب البخشيش
*اول ماتطلع من البوابة تجد كشك بيع شرائح الجوال تراه دبل السعر عن داخل المدينه ( دبل صدق)



عند الباب الخارجي وانت طالع ع يسارك ( ملاصق للباب من الخارج) هناك تذاكر الباص الجميل الجديد والفخم ب4 ريال يوديك لوسط المدينه .. ركبت وكان معي فقط 3 اشخاص خواجات



-التكاسي يطلبون ميه او 120 ريال والباص بـ 4 ريال



-اطلع مع الباص لاتكون "خليجي "
-الباص يجي كل 30 دقيقه طبعا جوني السواقين ويزامرون ويقولون لك ان الباص مايجي وهم نصابين

( اثبت يابو خلجه لايهزك ريح )



-انزل بنص المدينه ميدان جميل وكله محلات وخذ لك شريحه جوال بنصف قيمه مبيعات المطار



-استخدم اوبر .. اعلى مشوار داخل باكو ماياصل 15 ريال

(طلبوا 250 ريال شريحه وتاكسي من المطار )

اختصرتهم الى 65 ريال

(4 ريال باص و55 ريال شريحه و6ريال اوبرمن نصف البلد للفندق)



- الفنادق رخيصه لكن يغلب على بعضها وجود الملاهي الليليه المزعجه



-خل معك كاش يكفيك لاطلعت من باكو .. لاتبلش

لان مافيه الا دفع كاش والريال السعودي ماراح تلقا احد يقبله خل معك دولار امريكي واصرف من المطار اول ماتنزل (عملتهم اللي يكفيك يومين ثلاثه ) لين تضبط امورك



-صراااف الراجحي يشتغل هناك للطواري .. ابو رجح عابر القارات


-باكو تحتاج منك يومين بالكثير .. ليس هناك مايميزها .. سوى المدينه القديمه وهي مكان يستحق الزيارة



-مطعم فيروز لايفوتك .. مطعم تركي ولايحبون العرب بس مشي حالك



- عند الشرطه اسمنا عربستان



-استاجرت سياره يوميتها حول 100 ريال بس موديلها 2010
لااااا تدور سيارات حديثه في باكو معظم سيارات المكاتب من 2010 -2012



-يقولون لك تامين شامل والغالب يكذب لكن البوليصه مكتوبه بالاذربيجاني فمالك الا توكل على الله وتاخذها وافحصها قبل



- اول مامشيت لفيت من تحت الكوبري واذا بالدوريه وراي وانا ادعس كأني ماانتبهت وهو يدعس وراي .. وانا اتلها لين لحم الصدام بالصدام وولع السفتي قلت ياولد مابدهاش .. وقف بس مع اني كنت اني مشغل شيله حماسية



مالكم بالطويله شد وجذب ويقولي انت عربستان قلت نعم

العلم يافلان قال .. مية للحكومه ( مخالفه) او 50 كاش لي

قلت لك ولا للذيب واعطيه خمسين ويركبني يمين بالدوريه ويوريني اللابتوب ويسوي لمخالفتي (ديليت )



- قوبا كمدينه كذبه كبرى ومافيها شي .. بعد الساعه 9 مساء لو تطلع من الفندق مافيه الا انت والدوريه برا



- سكنت في قوبا بفندق ماودي اقولكم انه بـ 30 ريال



-طلعت الجبل من الصباح التالي جوار قوبا .. ووصلت الى القمه .. مناظر جميلة جدا ..



- التنقل في باكو ليلا امن جدا .. حتى اني راجع من الستي سنتر لفندقي مشي حوالي 4 كلم نصف الليل عادي



-كل المصاريف اللي يذكرونها هنا في المواضيع غير صحيحه

باعتقادي المسافر المنفرد لو حاول يصرف كثير مايقدر .. سياره وفندق ومعيشه ماتاصل كلها 300 ريال باليوم



- في طريقي لقوبا وجدت عائله اصولهم تركيه واركبتهم ( مراد وزوجته وبنته ) ويسولف علي بالاذربيجاني ويحاول يكون لطيف وانا اقوله يس يس والله مااعلم وش يقول

-يعرف ابوظبي لاني قلت له اني اماراتي

- شغلت له شيله (يافاطمه ) الاماراتيه ويحسب انها اهازيج شيعيه واستانس يقول اااه فاتيمه



المهم عزمني على الشاي يوم نزلته وحلفت ومشيت





-لاتدور مساجد في اذربيجان الا ماندر وبين كل مسجد والثاني كيلومترات .. اذان لاتدور .. واللي على الطرق مافيها احد يصلي



- من ضمن نقاط الجذب السياحي الخنفشاريه في قوبا :

ساحه الشهداء >>> في الحقيقه انها مقبره ههههههه
مسجد مسعود مدري وش اسمه>>>> مسجد قديم عادي جدا



بالعربي بيحطون فيها سياحه غصب ..

قلت لاحدهم وانا في باكو اني متجه لقوبا فضحك يدري ان مافيها شي



:::::::::::
البلد رخيص جدا جدا للي يدور الخيارات الرخيصه

الفنادق متوفره وباسعار رمزية جدا وفيه خيارات ارخص

للهوستلات -اللي يحب يخالط الاجانب - لكن معظمها

مستواها نازل


 

alradadi, ضفهد, AL Tunaiji و 5 آخرون معجبون بهذا.
أبولجيـن فهد غير متواجد حالياً   رد مع اقتباس
قديم 01-09-2018, 02:55 AM   #2

مسافر متميز

 
 
تاريخ التسجيل :  May 2018
رقم العضوية : 19129
الجنس : ذكر
المشاركات : 384



افتراضي


مكتب التاجير حاولت اخذ من اللي سمعته زينه

وبقوقل مابس عليه لايكات واراء جيده والا فالمستندات واضح
انها خنفشاريه .. لو تسوي حادث لاسمح الله ممكن تبلش معهم

لان مافيه اوراق واضحه .. مكتوبه بلغتهم وبالروسي ومعها ورقه خارجيه

ترجمه عربيه سقيمه

:::::::

وجدت سائق اوبر يعرف انجليزي بطلاقه فقلت له اني استاجرت سياره وانها
مومنه قال غير صحيح ماعندنا في اذربيجان تامين شامل .. قلت له لقد شرحوا لي واشاروا
لختم دائري على الزجاج الامامي قال هذا تامين طرف ثالث اما شامل مافيه

وكان يظهر من كلامه انه صادق ...


-يطلبون رخصتك الدولية



-المكاتب ياخذون تأمين كاش بالدولار .. اشترط عليهم انهم

يرجعونك لك فوريا في حال اعادتك للسياره حتى لايقولك يومين او ثلاثه ونرجعه لك
خاصه ان كنت ستسلم السياره يوم سفرك ..



انا طلبت احد يتكلم انجليزي وقلت له انا اعرفك انت مباشرة

وتضمن لي الاعاده الفوريه فوافق على مضض بعد ان ذكرني

قائلا اننا بلد اسلامي .. قلت الاسلام خابره بالسعوديه اهم شي

تصدق في تعاملك



لكن باختصار القياده لديهم امنه جدا .. والطرق السريعه السرعه فيها معقوله جدا

وليست الطرق مزدحمه



- اللي يسافر لاي بلد ( دركسونهم يسار) ولا يستاجر سياره فهو مضيع متعته

 

alradadi, AL Tunaiji, الايمان و 4 آخرون معجبون بهذا.
أبولجيـن فهد غير متواجد حالياً   رد مع اقتباس
قديم 01-09-2018, 03:03 AM   #3

مسافر متميز

 
 
تاريخ التسجيل :  May 2018
رقم العضوية : 19129
الجنس : ذكر
المشاركات : 384



افتراضي


................
هذا وصلوا وسلموا على المصطفى عليه الصلاه والسلام

عدد ماذكره الذاكرون وعدد ماغفل عن ذكره الغافلون


 

أبولجيـن فهد غير متواجد حالياً   رد مع اقتباس
قديم 01-09-2018, 07:11 AM   #4

مراقب العرب المسافرون

 
 
تاريخ التسجيل :  Dec 2014
رقم العضوية : 445
المشاركات : 4,400



افتراضي


وعليكم السلام

اللهم صلي وسلم على نبينا محمد


الله يعطيك العافية يابو لجين اخصرت البلد في تقرير صغير وضح الصورة كاملة و قلت الكلام اللي ودي اقوله من زمان

 

توقيع : alradadi

لا اكتب الا في منتدى المسافرون العرب فقط
alradadi غير متواجد حالياً   رد مع اقتباس
قديم 01-09-2018, 02:14 PM   #5

خبير تركيا

 
 
تاريخ التسجيل :  Feb 2015
رقم العضوية : 2001
الجنس : ذكر
المشاركات : 2,053



أوسـمـة: hazim b

كل الاوسمة:1 (more»)
افتراضي


اللهم صلي وسلم على نبينا محمد
ملاحظات وتنبيهات رائعة تختصر كل شيء.
الباص الناقل من المطار لوسط المدينة مهم جدا ولم يسبق لأي أحد ان تطرق اليه واكيد هو مفيد ويغنيك عن التكسي .
بس يا ريت لو تذكرنا بالضبط مكان توقفه بوسط المدينة اذا كنت تعلم لنستفيد من الموقع.
شكرا ابو لجين على المختصر المفيد.

 

آخر مواضيع hazim b

hazim b غير متواجد حالياً   رد مع اقتباس
قديم 01-09-2018, 02:24 PM   #6

خبير تركيا

 
 
تاريخ التسجيل :  Feb 2015
رقم العضوية : 2001
الجنس : ذكر
المشاركات : 2,053



أوسـمـة: hazim b

كل الاوسمة:1 (more»)
افتراضي


ابو لجين ياريت لو تفرد موضوع الباص لحاله بموضوع خاص.
يعني تذكر بالضبط مكانه بالمطار وترفقه بالصور اذا عندك وايضا مكان توقفه بوسط المدينة واسم الميدان مرفوق بالصور ايضا لتعم الفائدة.

 

آخر مواضيع hazim b

hazim b غير متواجد حالياً   رد مع اقتباس
قديم 01-09-2018, 02:56 PM   #7

نائب المدير العام

الصورة الرمزية آخـــرفـــرصـــة
 
تاريخ التسجيل :  Dec 2014
رقم العضوية : 16
الدولة : فضاء العرب المسافرون
الجنس : ذكر
المشاركات : 25,254



افتراضي


رائع يابو لجين
جبت المختصر المفيد


فرق كبير بين اسعار المطار والمدينة
والباص خيار ممتاز و ارخص بكثير


نقاط هامة

الله يعطيك العافية

 

توقيع : آخـــرفـــرصـــة



لا أكتب الا في شبكة و منتديات العرب المسافرون

آخـــرفـــرصـــة غير متواجد حالياً   رد مع اقتباس
قديم 01-09-2018, 03:23 PM   #8

مشرف السعودية

الصورة الرمزية بن قوت
 
تاريخ التسجيل :  Mar 2015
رقم العضوية : 2455
الدولة : الظهران
الجنس : ذكر
المشاركات : 4,576



افتراضي


مشكور ابو لجين
احسنت في الاختصار
وتبقى وجهات نظر في تقيم البلد
قد يتفق معك وقد نختلف معك في بعض النقاط
مشكور على طرح وجهة نظرك

 

توبليرونمعجبون بهذا.

توقيع : بن قوت

بن قوت متواجد حالياً   رد مع اقتباس
قديم 02-09-2018, 11:28 PM   #9

مراقبة العرب المسافرون

الصورة الرمزية الايمان
 
تاريخ التسجيل :  Dec 2014
رقم العضوية : 331
الدولة : الكويت
الجنس : انثى
المشاركات : 9,135



أوسـمـة: الايمان

كل الاوسمة:1 (more»)
افتراضي


شكرا يا ابو لجين على نقل تجربتك ووجهة نطرك في اذربيجان

 

توبليرون و بن قوت معجبون بهذا.
الايمان غير متواجد حالياً   رد مع اقتباس
قديم 03-09-2018, 12:16 AM   #10

مسافر جديد

 
 
تاريخ التسجيل :  Jul 2018
رقم العضوية : 20971
الجنس : ذكر
المشاركات : 58



افتراضي


أخوي الله يسعدك ،، هذا الباص على قد ماجلسنا في أذربيجان ماشفناه ،،

سردك حلو ولو أنك زودت البهارات شوي ،، خصوصاً مسألة المصاريف ،، ولكن مشي حالك

الحمد لله ع السلامة ،، بس لاتعودها يالذيب

 

توبليرون و بن قوت معجبون بهذا.
اسمر وغالي غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
دبي او اذربيجان . مسافره والجو غيم بوابة الامارات 9 23-11-2018 10:15 PM
اذربيجان صيف 2017 Meme Bahrain بوابة جورجيا و اذربيجان 66 10-08-2018 03:35 PM
اذربيجان abdziz بوابة جورجيا و اذربيجان 6 18-06-2018 02:42 PM
السفر الى باكو اذربيجان private بوابة جورجيا و اذربيجان 2 03-09-2017 04:09 PM
فيزا اذربيجان memo فيزا دول اخرى 8 11-03-2017 02:03 AM

الساعة الآن 08:52 PM
Powered by vBulletin® Copyright ©2000 - 2020, Jelsoft Enterprises Ltd.
Search Engine Friendly URLs by vBSEO