خواطر مسافر عبر بوابه 7 B

أبولجيـن فهد · اليوم, 12:16 AM

خواطر مسافر عبر بوابه 7

احاول جاهدا ان اهدا واستعد للتقاعد من السفر ( المتكرر)
ماتجي من سفر الا يراودك هاجس السفر مره اخرى ..
ولكن هذه المحاولات تبوء بالفشل ..
سحر المطارات .. ووسواس التحقق من لوحه البيانات
والتأكد ثلاث مرات ان بوابتك 7 B
من يشيله من روسنا ههههههههه
/
مع تعدد السفر المفترض ان تنتهي تلك الخواطر
ولكنها ( لجمالها ) تتكرر بشكل درامي
\
من يبعد عنك هاجس ( الذئب المنفرد ) وانت تمر من عند 7 بي وتنظر لهم وتتاكد من اللوحه فوق الباب وجهتك .. ثم تروح تصلي او تجيب قهوه وانت تضمن انك صح وتنفي عن
مخيلتك رعب ( تغيير البوابه في اللحظه الاخيرة )
/
كمسافر وحيد دائما .. صوت الذات والحوار الداخلي
عندي عاااالي جدا بالمطار
\
لمحه :
المنحنى الاخيرالى اليسار من مسار الصعود
للطائره له سحر خاص .. وانت بنزول خفيف
مااجمل منظرهم وهم لسا مااكتملوا بالداخل .. نشوه
النصر انك اخر واحد ( مجنونه ) ..
ثم يمرك اللي معه اوراق ذاك ( اخر من يشيك مع الطاقم)
اخر الواصلين يالقيصر

/
عيون الصقر
وانت تدخل الاخير وتحاول جاهدا اقتناص مقعدين جنب بعض فاضيات .. تلمع لميع هههه تتعدى رقم مقعدك وتمر جوار المضيفه اللي تدخل بالمقعد الايمن وتتمنى ان لاتسألك عن بوردنق سموك
/
نظرات الثعلب
وانت تراقب مدخل الطائرة خوفا من ان يجي احد
على المقعد الفارغ جوارك ..خصوصا ذاك اللي باخر
لحظه يجي يمشي ( بالعرض)
/
تقترب المذيعه الشقراء .. فتبتسم وتقول لها بانجليزيه
مرتبكه واسلوب استفهامي :
( نو مور باسنجرس ) جوابها على شكلين اما تقول
ييس مقتضبه او ترفع يديها لتغلق المخازن العلوية يعني ييس
ضمنيه .. التفت ونزل قشك على المقعد الاخر ( غنيمه )
/
الأدب الزائد امام كونتر الدخول ( حاله غريبه)
وتسوي انك محترف وانت تبحث عن كاميرته لتنظر
لها مباشرة ..
//
والله اني اجي من السفر وأنا ممتلأ بالدراما

وكتبه ابولجين ذات مساء .. هاديء

أبولجيـن فهد · اليوم, 12:24 AM

نومة الــ 50 دقيقه

تدخل الفندق تجدع الشنطه جنب السرير ثم تاخذ نظره
بانوراميه للغرفه ( دائما دافئه شوي ) .. تشغل المكيف ..وتناظر بلامبالاه الى الورقه اللي معلقه داخل الباب نقطه حمراء
( يو ار هير ) وسهم ماتدري وين يودي
ههههههههه
ثم تمني نفسك بنومه عميقه .. لكن الذيب داخلك
ينام 50 دقيقه ويصحى
ثم يجيك ( شيطانك ) ويقولك طيب انزل استكشف المنطقة
/
من جد احسد من ينام لعدة ساعات اول يوم

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
خواطر عن السياحة	صاحبُ الإبتسامةِ	البوابة العامة	23	11-12-2020 06:53 AM
خواطر أسفار	المعلم العماني	البوابة العامة	6	18-06-2020 07:45 AM
خواطر انطباعية عن جنوب افريقيا..	abumohmd	بوابة جنوب افريقيا	32	16-09-2019 04:58 PM
✈ خواطر ✈ مسافر ✈	وجهات أوروبية	عام	43	03-11-2015 01:44 PM
خواطر من سفرتي	ابا رواء	تركيا	12	02-10-2015 09:21 PM