|
ام حسين في باريس 2022 باريس 2022 :gyjftyjc: صباح او مساء الخير للجميع تقريري الجديد من الكويت لباريس نبدي بالحجوزات والاجراءات اللازمة في شهر 9 سبتمبر قررنا نروح باريس لو اسبوع بس لان الدوامات بدت وكانت باريس هي المفتوحة بدون حجر بس فحص pcr المطلوب والتطعيمات طبعا عبينا الابلكيشن من الموقع هذا https://kw.ambafrance.org/ وبعدها حطينا موعد للفيزا بمكتب فيزا شنغن باريس بالكويت وصار موعدنا اول شهر 11 يعني نوفمبر حجزنا تذاكر السفر خمس اشخاص 800 دينار تقريبا السفر في 28 / 1 / 2022 الشخص الواحد هذه تذكرته https://www.arabtrvl.com/up/uploads/...225213192.jpeg :e443::e443::e443: صار موعدنا ورحنا طبعا احنا بنروح مبجر من الوناسة موعدنا الساعه 10 الصبح تريقنا بالديرة وتمشينا بمول الراية لان المكتب بالمول وتقهوينا خوش ريوق بمطعم كونكريت https://www.arabtrvl.com/up/uploads/...192710124.jpeg] https://www.arabtrvl.com/up/uploads/...225309766.jpeg https://www.arabtrvl.com/up/uploads/...927088932.jpeg https://www.arabtrvl.com/up/uploads/...998194521.jpeg https://www.arabtrvl.com/up/uploads/...998201752.jpeg https://www.arabtrvl.com/up/uploads/...927109845.jpeg :e443::e443::e443: وهذا مجمع الراية https://www.arabtrvl.com/up/uploads/...253305711.jpeg https://www.arabtrvl.com/up/uploads/...225318499.jpeg https://www.arabtrvl.com/up/uploads/...225324710.jpeg صار الموعد ورحنا ما يدخلون الا بالموعد والكل حاضر انتظرنا والمكتب كل شوي ينترس من الناس خلصنا اوراقنا والتصوير عندهم علشان اضبط بما يبونه الحمدلله خلصنا وسلمنا كل الاوراق وسوينا التأمين عندهم وطلع في تأمين صحي بعد نسويه بره المهم خلصنا ودفعنا للكل تقريبا 300 دينار صورة وحيدة من المكتب وقال لنا ممنوع التصوير مع ان مصورين بره https://www.arabtrvl.com/up/uploads/...225198221.jpeg بعد 3 ايام وصلت الجوازات فيها الفيزا لمدة ستة اشهر فقط الحمدلله على كل حال حجزنا شقة الدفع قبلها بيوم :e443::e443::e443: بعد ما اتضحت الرؤية للاجازات قالو البنات في اجازة قبل سفرتنا نبي نروح نغير الموعد راحو وجدموا الموعد الى 12 /1 وطبعا اخذ منهم لزوم التغيير مبلغ تقريبا 50 دينار وسوينا التأمين ضد الكرونا ب 35 دينار للخمسة اشخاص وباقي لنا قبل السفرة بيومين لازم نسوي الفحص رحنا نسوي الفحص وطلعت النتيجة ايجابية لابوحسين وغنومة ضاق خلقنا عدل ههههه وهذا احنا محرصين لحد يخالط لا يصير فيكم كرونا الحمدلله على كل حال تم الغاء الحجوزات وتم ارجاع المبالغ من التأمين والتذاكر قالو لنا مفتوحة لنا مدة سنة :e443::e443::e443: بعد اسبوعين وحنة البنات على السفرة والفيزا بتنتهي على اول يوم العيد قالو ماكو الا نحجز بأيام العيد الوطني وحجزنا مرة ثانيه وتغيير بعد واخذوا مبلغ بعد المهم يعني تقريبا تذاكرنا كملت الواحد 200 دينار وصار الحجز ليوم 23 / فبراير / 2022 وحجزنا فندق غرفتين بمبلغ لمدة اسبوع فندقنا غراند هوتيل نورماندي اربع نجوم https://www.arabtrvl.com/up/uploads/...839103241.jpeg ورجعنا سوينا تأمين الكرونا وارفقنا اوراقه مع التذاكر المهم والاهم صار ان الفحص غير مطلوب لباريس والكويت بعد غير مطلوب للدخول الحمدلله حمدا طيبا كثيرا افتكينا من الفحص قبل السفرة بثلاثة اسابيع سويت عملية سحب ماي كان يضغط من بين الفقرات وهو اللي يضغط على العصب يسبب الام والديسك بعد متعبني قلت بسويها علشان اسافر والحمدلله العملية سهالة ماخفت الا بعد العملية ولما راح البنج لما سألني الدكتور حركي ريلج اليمين حركي ريلج اليسار حركتهم اشوه ههههه اهني اخترعت ان لا سمح الله يصير شي موعد مراجعتي صار قبل السفرة بيوم وعطاني فيتامينات وكريمات ومغنسيوم ريحتني بعد هناك جهزنا الجناط اخيراا وصار موعد السفرة الساعه 7 الصبح واحنا بالمطار الساعه 4.30 https://www.arabtrvl.com/up/uploads/...0624779322.jpg وصلنا المطار تيرمنال 4 والى صالة المغادرون https://www.arabtrvl.com/up/uploads/...6247798473.jpg https://www.arabtrvl.com/up/uploads/...5689844213.jpg خلصنا التشيك ان والجناط مقاساتهم زينه لاننا نستخدم الميزان https://www.arabtrvl.com/up/uploads/...6247815756.jpg https://www.arabtrvl.com/up/uploads/...6247820287.jpg وبعدها دخلنا الصالات الداخلية والسوق الحرة https://www.arabtrvl.com/up/uploads/...0624783079.jpg https://www.arabtrvl.com/up/uploads/...2478354610.jpg https://www.arabtrvl.com/up/uploads/...2478401511.jpg https://www.arabtrvl.com/up/uploads/...2478448812.jpg https://www.arabtrvl.com/up/uploads/...2478555814.jpg وصعدنا فوق عند البوابات وهذه بوابتنا https://www.arabtrvl.com/up/uploads/...6247858215.jpg وريحت شويه انطر الآذان الكراسي بعد الكرونا لازم حواجز https://www.arabtrvl.com/up/uploads/...6279273923.jpg وتريقنا من ستاربكس https://www.arabtrvl.com/up/uploads/...2478611816.jpg وهذه طيارتنا https://www.arabtrvl.com/up/uploads/...2478767320.jpg وعلشان العيد الوطني كشخت بقلبي خريطة الكويت https://www.arabtrvl.com/up/uploads/...6279283135.jpg وسفرت الدنيا وبانت طيارتنا عدل https://www.arabtrvl.com/up/uploads/...6279295437.jpg وجوازاتنا تنطر ينادونا للصعود https://www.arabtrvl.com/up/uploads/...6279300698.jpg وأخيراا https://www.arabtrvl.com/up/uploads/...6279265312.jpg وممر السعادة واحنا بسعادة https://www.arabtrvl.com/up/uploads/...6279309210.jpg يتبع.... :gyjftyjc: |
1000 لابأس عليك أم حسين الحمد لله سهالة العملية وهذي الرحلة فترة نقاهه زين اللي انفكيتوا من الفحص لأنه متعب ويأخذ وقت بس حلو أنكم مرتبين كل شئ من بدري والبنات المرة هذي مهتمين للرحلة أكثر منك متابعين درجة أولى لتقرير من أوله 5 نجوم :e32f::e32f::e32f::e32f::e32f: |
اقتباس:
الله يسلمك ويعافيك يابو غسان شكراا لك اي والله نقاهة من سنتين كرونا والعملية كنت خايفة اتعب من المشي وما استانس ههههه علشان جذيه كلشي على البنات وهم اللي متحمسين جد من ذوقك يابو غسان ومتابعه ان شاءالله تكون ممتعه |
ما شاء الله تبارك الرحمن .. و بدأ التقرير الفاخر "ألف لا بأس عليك أختي أم حسين" باريس مدينة تعتبر من الأجمل في أوروبا و فرنسا بشكل عام جميلة تستحق الزيارة و مهما تكررت الزيارات لها طابع مميز من المؤكد سوف نستمتع بالرحلة و تفاصيلها و ننتظر المزيد |
اقتباس:
تسلم وجزاك الله خير جميله من اول زيارة لي لها حبيتها وكررتها الحين صارت الزيارة الثالثه وان شاءالله ما تنقطع الزيارات لها ان شاءالله تكون متابعة ممتعة مفيدة |
ماشاء الله تبارك الرحمنٰ . اي والله من القلب اقولها ع التقرير لمدينة الأناقى و الهدوء و الرومنسية و العشق باريس يا أم حسين راح استمتع معكِ عزيزتي بهذه المدينة التى لا يُمل منها ابداً:58: |
اقتباس:
وان شاءالله بيعجبج التقرير ولو شي بسيط ابدا لا تمل باذن الله رادين لها شرفتي التقرير يام معتز |
حياك الله ام حسين وماتشوفين شر والحمد لله على سفرتكم بعد الغيبة وغريبة فرنسا وانتي من عشاق لندن بل مدمنة عليها صدقتي اكره شي الفحص تقعد على اعصابك:20: حلو سرد الاحداث قبل الرحلة معاك متابعين الرحلة الفواحة الفرنسية |
الله يعطيك العافية أم حسين والحمدلله على سلامتكم بعد العملية بداية التقرير جميلة جدًا والتفاصيل حاضرة كعادتك متابعين ومستمتعين معك لمدينة النور ~ باريس |
اخيراااااااااااا نزل التقرير سلامات يا الغالية ام حسين ماتشوفين شر ان شاءالله باريس معاج غير :e032: |
اقتباس:
|
هههههههههههههههههههه تبادل ادوار |
اقتباس:
حلوة باريس وحلوة اوربا كلها قول يارب ازورها كلها اما لندن خلاص مالتنا ما نهدها هههه اي والله الحمدلله بدون فحص وحجر اي والله صارت الثالثة ثابته الحمدلله ومتابعة ممتعة باذن الله يكون التقرير على ذوقكم |
اقتباس:
والله يسلمك ويبعد عنكم كل شر ان شاءالله التقرير يكون على ذوقكم متابعة ممتعة باذن الله |
اقتباس:
ان شاءالله اظل اكتبه بدون توقف ومتابعتكم غيير وان شاءالله يعجبكم التقرير |
اقتباس:
|
اقتباس:
|
:gyjftyjc: اجراءات المطار سهالة بسرعه خلصنا مع ان الطيارة فل بس ما طولنا وطلعنا على سير الجناط انا قعدت والبنات وابوهم قاموا بالواجب مكتوب بالعربي شي حلوو https://www.arabtrvl.com/up/uploads/...6459664219.jpg https://www.arabtrvl.com/up/uploads/...6459643496.jpg كنا طالبين سايق مع سيارة فان لخمس اشخاص مع خمس جناط من الفندق بسعر 130 يورو لقيناه واقف بالاسم ورحنا معاه للسيارة https://www.arabtrvl.com/up/uploads/...6459671811.jpg https://www.arabtrvl.com/up/uploads/...4596674510.jpg https://www.arabtrvl.com/up/uploads/...4596886814.jpg صالات المطار واحنا ماشين منطقة المطار كبيره وهذا اللي شفته من مسار السيارة https://www.arabtrvl.com/up/uploads/...4596930815.jpg https://www.arabtrvl.com/up/uploads/...6459699216.jpg :e443::e443::e443: مبنى مرينا عليه https://www.arabtrvl.com/up/uploads/...4597071517.jpg https://www.arabtrvl.com/up/uploads/...4597103118.jpg https://www.arabtrvl.com/up/uploads/...2352885461.jpg https://www.arabtrvl.com/up/uploads/...4597240220.jpg يتبع ... :gyjftyjc: |
:gyjftyjc: ووصلنا فندقنا https://www.arabtrvl.com/up/uploads/...338586281.jpeg وتصويري للفندق الريسبشن الصغير https://www.arabtrvl.com/up/uploads/...3529671517.jpg من جهة مقابلة https://www.arabtrvl.com/up/uploads/...3529398212.jpg من جهة الاصنصير https://www.arabtrvl.com/up/uploads/...3529363711.jpg الكمبيوتر للي يحب يخلص شغله https://www.arabtrvl.com/up/uploads/...3529534714.jpg مقابله هذه الطاولات والبوفيه للافطار الشخص 14 يورو https://www.arabtrvl.com/up/uploads/...2352915316.jpg وفي ضيافة مجانيه من شاي وقهوة وكيك للشاي https://www.arabtrvl.com/up/uploads/...2352910785.jpg وهذه غرفة نمر منها لدورة المياه اللي تخدم الريسبشن المطبخ يمين والغرفة يسار https://www.arabtrvl.com/up/uploads/...3235292548.jpg https://www.arabtrvl.com/up/uploads/...2352891422.jpg https://www.arabtrvl.com/up/uploads/...2352898823.jpg وهذا تكرمون الحمام https://www.arabtrvl.com/up/uploads/...2352906824.jpg ونرجع للطاولات والقعدات اللي ننطر فيها وشايفين الثلاجة هذه عليها تكون الضيافة اي شي تبون ماي بغرشه وشاي وقهوة وكيك بس اللي بالثلاجة بفلوس https://www.arabtrvl.com/up/uploads/...3529338410.jpg https://www.arabtrvl.com/up/uploads/...2352928569.jpg المنور يبين لنا باقي الفندق وغرفة بناتي تطل عليه https://www.arabtrvl.com/up/uploads/...3235294713.jpg اخذنا الباسورد للانترنت من الريسبشن https://www.arabtrvl.com/up/uploads/...3529624716.jpg وننطر يخلصون التشيك ان https://www.arabtrvl.com/up/uploads/...3529750919.jpg الاصنصير https://www.arabtrvl.com/up/uploads/...2352921867.jpg وهذا الممر اللي يطلعك بره للباب اللي الموجود في اول صورة https://www.arabtrvl.com/up/uploads/...3529719218.jpg وصعدنا غرفنا بالدور الاول غرفتنا تطل على ساحة محطة القطار سانت لازار منطقة الاوبرا https://www.arabtrvl.com/up/uploads/...3529787820.jpg https://www.arabtrvl.com/up/uploads/...2396952881.jpg https://www.arabtrvl.com/up/uploads/...3529787820.jpg الغرفة يعني صغيرونه بس الحمدلله شايلتنا ونقدر نصلي في وسع شوي وهذا تكرمون الحمام صغير بعد https://www.arabtrvl.com/up/uploads/...2396958782.jpg https://www.arabtrvl.com/up/uploads/...2396966093.jpg https://www.arabtrvl.com/up/uploads/...2396971034.jpg يلا نروح حق غرفة البنات ثلاثية هذا الممر جهة يسار غرفتنا https://www.arabtrvl.com/up/uploads/...2396978525.jpg ولما امشي يمين اروح هالممر اللي يطلعني على الاصنصير وغرفة البنات اللي اول غرفة جدام الاصنصير https://www.arabtrvl.com/up/uploads/...2396984166.jpg :e443::e443::e443: ووصلنا غرفتهم غرفة 201 https://www.arabtrvl.com/up/uploads/...3970376520.jpg سرير نفرين واهم ثلاثة https://www.arabtrvl.com/up/uploads/...2397008412.jpg والا يطلع ان السرير الثالث في غرفة داخل الغرفة الكبيره وايد حلووو استانست دانه تحب العزلة https://www.arabtrvl.com/up/uploads/...2396991848.jpg وهذه تبع غرفتها https://www.arabtrvl.com/up/uploads/...2396996199.jpg طبعا الموجود لهم كلهم https://www.arabtrvl.com/up/uploads/...3970012610.jpg تكرمون حمامهم كبير وواسع https://www.arabtrvl.com/up/uploads/...3970125113.jpg https://www.arabtrvl.com/up/uploads/...3970200315.jpg https://www.arabtrvl.com/up/uploads/...3970235416.jpg الغرفة اللي تطل على المنور https://www.arabtrvl.com/up/uploads/...3970284117.jpg وطاوله جانبيه https://www.arabtrvl.com/up/uploads/...3970310418.jpg وخلصنا من الفندق ونشوف وين نروح عقب شوي :gyjftyjc: |
الحمدلله على السلامة أم حسين، طهور إن شاء الله. الله يتم شفاءك على خير. ألف مبروك على الرحلة الباريسية بعد عذاب كورونا ومبروك أنهم لغوا الفحوصات. عقبال ما يلغونها عننا في أبوظبي. مازال غير المطعم يحتاج فحص للسفر والمطعم جرعتين. جميل الفندق حتى وإن كانت غرفتكم صغيرة المهم نظافة المكان وتوفر الخدمات. في انتظار الآتي أرجو لك التوفيق. |
اختيار موفق لموقع الفندق أتوقع ناويه على تسوق الله يعين أبو حسين لأنه جنب القاليري لافيي ومجمع الأسواق :32: الغرف مقاسها حلو مقارنةً بغرف فنادق باريس متابعين مع البداية الجميلة |
الحمدالله على السلام ام حسين تقرير من الطبيعي بيكون رائع وذو قيمة ومفيد سؤال هل اجراءات المطار نفسها قبل كورونا الان خاصة أن رحلتكم تقريبا كانت بعد ما شبه انقطعت كورونا يعني هل في تشديد وايش اللي طلبوا منكم في المطار والله يعطيك العافية |
ماشاءالله يا أم حسين كل شي جميل ف الفندق ومرتب والموقع ممتاز باريس بنسبه لي وجربتها هو المشي فايكون الفندق موقعه دائماً هو اول الاختيارات عند ابو معتز للوصول لبعض المناطق ع الاقل ( ونشوف وين نروح عقب شوي ) وتفضلي شوفي وين تروحون بعد كذا وانا معكم بتخيل :18: |
أهم شي البلاليط على الخطوط الكويتيه لذيذه جدا واختيار موفق ماشاءالله الخطوط الكويتية مبدعين في منيو الوجبات |
مبين فندقكم مرتب وموقعه ممتاز اغلب فنادق باريس غرفها صغيره |
الفندق واضح إنه جميل ومرتب وأهم حاجة إنه بجنب محطة القطار ومراكز التسوق فإختيار رائع ما شاء الله |
اقتباس:
يبارك فيج وايد ريحونا من الفحوصات ان شاءالله يلغون اجراءات الكرونا عنكم باذن الله الفندق جميل والاهم طبعا النظافه والموقع متابعة ممتعة باذن الله |
اقتباس:
لازم نتسوق بس مو كله على بوحسين احنا صارفين فلوسنا معانا كاش ومعانا كروتنا البنك الحمدلله :32: والا بوحسين بينحاش هههه وايد واسعة غرفة البنات وحتى الغرفة الداخلية واسعة ان شاءالله نتابع معاكم للآخر |
اقتباس:
ان شاءالله بيكون مفيد وممتع اكثر الاجرائات احنا كلنا مطعمين ثلاث جرعات وهي كانت المطلوبه في وقتنا صورنا شهادات التطعيم والكاونتر اخذ الجوازات كلها مع بعض وصور التطعيم مادري شيك عليهم والا لأ ولازم الكمام طبعا بس مافي شي ثاني يعني كأنه طبيعي نفس قبل الكرونا بس شوف الجزء الياي متابعة ممتعه باذن الله |
اقتباس:
اييي اهم شي الموقع والمشي ضروري وان شاءالله نشوف معاكم باذن الله |
اقتباس:
والحمسه بعد لذيذه |
اقتباس:
والاهم النظافة الحمدلله الغرف وسعها زين |
اقتباس:
عاد محطة القطار رئيسية بس ما استخدمنا قطارها الاهم مراكز التسوق لنا والمطاعم التركية لابوحسين :29: متابعة ممتعه |
:gyjftyjc: نكمل يوم وصولنا وهو اليوم الاول طبعا احنا وصلنا تقريبا الساعه 11.40 الظهر بتوقيت باريس وخلصنا الاجراءات واستلام الجناط طلعنا 12.40 ووصلنا الفندق على الساعه 1.20 تقريبا المهم بعد ما حطينا اغراضنا بالغرف وريحنا وصلينا عاد وصل الجوع اشده الساعه 2 وشي رحنا نتغدى بس قبل الغدا لازم نسوي شي مهم جداا وهو تنزيل برنامج التطعيمات من اي صيدلية والحمدلله يمنا صيدلية وطلعنا من الفندق وهذه ساحة محطة القطار ومجسم الساعات هذا من باب الفندق مصورته https://www.arabtrvl.com/up/uploads/...2416224711.jpg وهذه المحطة وهذا الشارع مهم لنا بعدين اقول لكم ليش https://www.arabtrvl.com/up/uploads/...2416238143.jpg هذا ليش لانه مواقف التكاسي هني https://www.arabtrvl.com/up/uploads/...2416245254.jpg ونروح للمبنى المقابل فيه الصيدلية https://www.arabtrvl.com/up/uploads/...3241623192.jpg https://www.arabtrvl.com/up/uploads/...2477472571.jpg محطة قطار سانت لازار https://www.arabtrvl.com/up/uploads/...2477478522.jpg وهذه الصيدليه نزلو لنا البرنامج وطبعنا اوراق بعد يمكن ما يفتح البرنامج تكون هناك صورة للباركود https://www.arabtrvl.com/up/uploads/...2477486083.jpg هذا البرنامج لازم ننزله https://www.arabtrvl.com/up/uploads/...576932991.jpeg وهذه الورقة اللي طبعناها https://www.arabtrvl.com/up/uploads/...5689799312.jpg وهذا من الجهة الثانية للمبنى اللي فيه الصيدلية بوسط ساحة محطة القطار وتشوفون مجسم الجناط من بعيد كنا ساكنين في اخر سفره لنا شقة بالشوارع اللي هناك https://www.arabtrvl.com/up/uploads/...2477490224.jpg وهذا مجسم الساعات ايونس شكله https://www.arabtrvl.com/up/uploads/...3247750026.jpg :e443::e443::e443: خلاص الحين جعنا وتعبنا رحنا مطعم تركي قريب نفس شارع الفندق لازم الحين اي مكان ندخله مطاعم او مولات او محلات صغيره وحتى بقاله صغيرة يطلبون منا نفتح البرنامج لهم يتأكدون من التطعيم ولازم لبس الكمامة دخلنا بعد ما شافو تطبيق الكوفيد وخليتهم يطلبون لي مثلهم انا ودانه وابوها طبعا التفاهم بالتركي عن طريق دانه تعرفونها ممتازه بالتركي https://www.arabtrvl.com/up/uploads/...2477506047.jpg واللبن ضروري https://www.arabtrvl.com/up/uploads/...4775208511.jpg والغدا سندويشات كباب تركي وبطاط https://www.arabtrvl.com/up/uploads/...4775259812.jpg https://www.arabtrvl.com/up/uploads/...4775303413.jpg وبعدها رجعنا اخذنا غفوة ساعه تقريبا ..... يتبع ... :gyjftyjc: |
:gyjftyjc: وبعد الراحة طلعنا نتمشى وبعد نشتري خط تلفون مع انترنت للجميع ورحنا على يسار الفندق عبرنا الشارع ودخل الا ذاك المول الحلوو طبعا اول ما ندش اي محل يطلبون نفتح التطبيق https://www.arabtrvl.com/up/uploads/...4775359114.jpg https://www.arabtrvl.com/up/uploads/...4775405515.jpg مول متوسط دورين وسرداب والاهم شي فيه ابو نجمة عرفتوووه قربو الصوره وتعرفونه https://www.arabtrvl.com/up/uploads/...4775450216.jpg https://www.arabtrvl.com/up/uploads/...4775493217.jpg وطلعنا من المول لممشى ومحلات متنوعه https://www.arabtrvl.com/up/uploads/...4775541518.jpg https://www.arabtrvl.com/up/uploads/...5689733710.jpg دخلنا هالسوق الصغير فيه شغلات وماركات حلوة https://www.arabtrvl.com/up/uploads/...3253839062.jpg https://www.arabtrvl.com/up/uploads/...2538394923.jpg https://www.arabtrvl.com/up/uploads/...2538399754.jpg وغنومة وفرفر ماكانو متغدين قالو نبي ناكل من هالبرغر سامعين عنه ولقوه جدامهم https://www.arabtrvl.com/up/uploads/...8325384035.jpg وحتى علشان نقعد قالو لنا رواونا التطبيق https://www.arabtrvl.com/up/uploads/...2538407626.jpg https://www.arabtrvl.com/up/uploads/...2538411177.jpg وطلعنا الى هذا برينتمبس ههههه ما اعرف اقراها https://www.arabtrvl.com/up/uploads/...5689893614.jpg https://www.arabtrvl.com/up/uploads/...2538427611.jpg ما دخلناه بس رجعنا ولقينا محل يبيع خطوط وعلى ما سوينا كل تلفوناتنا رجعنا الفندق وهذا للخط الواحد https://www.arabtrvl.com/up/uploads/...5384328712.jpg وشرينا بعد افياش كهرباء لان نسينا افياش السفر بالكويت كل وحده شرت واحد حق نشحن التلفونات اهم شي :e443::e443::e443: وبعدين رحنا للتكاسي وطبعا مافي تكاسي كبيره الا بالتلفون وهني عندنا تكاسي قريبه اخذنا اثنين والى الشانزليزيه حسيته فاضي هالمره https://www.arabtrvl.com/up/uploads/...2538438613.jpg دخلنا على هالمحل للماكرون لذيذ جداا وتلاقون محلاته منتشره بالمولات https://www.arabtrvl.com/up/uploads/...5384444614.jpg https://www.arabtrvl.com/up/uploads/...5384492715.jpg الاسم مكتوب على العلبة https://www.arabtrvl.com/up/uploads/...5384550816.jpg https://www.arabtrvl.com/up/uploads/...5384634417.jpg] https://www.arabtrvl.com/up/uploads/...1571061681.png المحل يبيع مكرون وكيك وعطور https://www.arabtrvl.com/up/uploads/...5384698418.jpg https://www.arabtrvl.com/up/uploads/...5384741619.jpg] بعدها دشينا كذا محل ما صورتهم اهم واحد دزني ستور وضاق خلقنا لان مالقينا العاب وشخصيات فيلم * انكانتو * حق زيونه موصيتنا نشتري لها كل شي على قولتها https://www.arabtrvl.com/up/uploads/...1571066552.png وهذا ديور https://www.arabtrvl.com/up/uploads/...2568937211.jpg و لوي فيتون ما يبين من بعيد https://www.arabtrvl.com/up/uploads/...2568943832.jpg https://www.arabtrvl.com/up/uploads/...2568948993.jpg ووصل الجوع مبتغاه والحل ماكدونالد https://www.arabtrvl.com/up/uploads/...2568952244.jpg https://www.arabtrvl.com/up/uploads/...3256896227.jpg وبعد العشا قال بوحسين خلاص نرجع لأن الجو بارد والتعب وصل حده وهذا قوس النصر من بعيد ووسط الشارع اصوره واحنا نعبر الشارع بنروح مواقف التكاسي https://www.arabtrvl.com/up/uploads/...2568966968.jpg https://www.arabtrvl.com/up/uploads/...2568970469.jpg تصوير غنومة https://www.arabtrvl.com/up/uploads/...1571068563.png ورجعنا الفندق والنوم من التعب الجو كان بالغرفه شوي حار فتحنا الدريشه شويه استبردنا عقب سكرناها ههههه :gyjftyjc: وبجذيه خلص اول يوم والى الملتقى باجزاء الثاني بس لما انزل صوره |
اقتباس:
الله يسعدك وشكرا على التوضيح أكيد بكون متابع للتقرير حتى نهايته |
باريس هي باريس ما تتغير بس الشانز فاضي ما فيه أحد كوفيد أثر على كل شي حتى السياح فقدوا الرغبة في السفر |
اول يوم متعب جدا طيران من الفجر الله يعينكم مستمتعين يا ام حسين في الاجواء الباريسية :6: |
اقتباس:
ان شاءالله تكون على قد المستوى |
| الساعة الآن 11:22 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO