شكرا

اقتباس المشاركة الأصلية كتبت بواسطة FuNnY GIRL توني جيت من البحرين من اسبوعين اول مره زرت البحرين اتوقع في 2004 كنت صغيره وقتها وكان الهدف اني رايحه مع امي تبي دكتور عيون هناك وحسيت اني ماحبيتها وكنت صغيره على اني استوعبها نظرتي غير عن الحين وماجيتها الا تو من اسبوعين في ديسمبر 2014 عشر سنيين الفرق ترى زينة الكريسمس عندهم حلووووه احلى من دول اوروبيه كثيره شفتها في هالوقت ابهرتني


البحرين راقيه وشعبها راقي ومثقف حتى الشياب والعجايز اتحسونهم غير عن شيابنا فيهم دكاتره في العلم مشاءالله عليهم متعلمين الله يعطيهم الصحه والعافيه البحرين صحيح انها صغيره بس حسيت ان لها تاريخ وحبييييت شعبها على طول مبتسم وطيبين وسمعت انها كانت معروفه بالجامعات من سنيين


سكنت في الفندق اللي كان اسمه كمبنسكي اللي داخل مجمع ستي سنتر انصح فيه واهم ميزه ان مافي ملل تقومون من النوم وتروحون المجمع والشوبنق في هالمجمع ممتع والحلو ان اللي يشتغلون بحرينين وبحرينيات حبيت التعامل وياهم حسيت صدق لايعه كبدي من الفلبن عندنا شريت بالهبل وعجبني انهم يعطوني رايهم حتى بالالوان مايحسسونكم انهم طمعانيين ويبونكم بس تشترون لا كلش محشومين عن هالشي


اول مره اعرف عن الحديقه المائيه في ستي سنتر ماكنت عارفه وانا هناك وجزيرة امواج فيها مكان اسمه تي كلاب عجييييييييب هالمكان شنو روقااان انصح فيه والمطاعم هناك رهيبه طحنا في كافيه ليلو اذا ماخانتني ذاكرتي اتوقع كذا اسمه حبيته انصح فيه بعد ،، مادري لييش احنا فاهين السياحه الخليجيه بس اكل ههههه للاسف اني قعدت في البحرين بس يومين لكن حابه اكرر زيارتي لها واتعرف عليها اكثر


واسمحلي اني ذكرت هالاشيا في موضوعك بس حبيت اني افيد لوبشي بسيط


وموضعك جا في وقته ترى اللي كتبته ماعرف منه الا شي بسيط ان شاءالله استفيد منه في زيارتي الثانيه للبحرين


البحرين جميلة حتى لو مارحتي مكان ..




اهلا وسهلا فيكم في بلدكم الثاني