السلام عليكم
عندي كذا استفسار واتمنى احصل اجوبه الله يجزاكم بكل خير

1- بخصوص طريقة كتابة الاسم في التامين الطبي وكشف الحساب و تعريف العمل هل ينكتب حسب الجواز اسم العايلة اول وبعدين اسمي او عادي ماتفرق اسمي وبعدين اسم العايلة

2- وكمان بسال عن كرت العايلة وبطاقة الاحوال هل ضروري ترجمته !!

3- انا سفرتي راح تكون لثلاث دول ايطاليا 5 ايام وسويسر 7 ايام وفرنسا 7 ايام وراح اطلعها من السويسرية ( علما بان الوصول لروما )هل يطلبون مني اثبات للتنقل بين الدول انا ان شاء الله راح اتنقل بينهم بالقطار بس لسى ماحجزت ( هل ضروري تذاكر قطار )

4- لمن طبعت الموعد لي ولزوجتي ( طبعا الموعد منفصل لكل واحد ) تكررت اسمائنا مراتين اول مره الرسوم 295 ثاني مره 301

5- هما طالبين صورة من بطاقة الفيزا وانا بطاقتي اسم العايلة يختلف عن الجواز بحرفين تمشي والا مايقبلونها بالاضافة انو انا اخذت كشفين حساب لمدة 6 اشهر ( احتياط ) اللي ينزل عليه راتبي الشهري و حساب حاط فيه مبلغ معين



شكرا مقدما
والله يسعد كل من يرد علي ��

مرحبا اخي

بالنسبة لكتابة الأسم بالتأمين الطبي الشركة هم يعرفون وش يكتبون فقط قلهم تأمين سفر لدول الشنغن

بالنسبة لأثبات التنقل أنا أخوي قبل اسبوع مطلع الشنغن من ايطاليا وهو بيطلع لسويسرا وطلبوا منه اثبات لطريقة التنقل وطلع من عندهم وحجز وهمي لسيارة ومشت أموره وتختلف طلبات سفارة عن سفارة.

الموعد تقدر تحجز موعد لكم جميع برقم حجز واحد وبالنسبة لتغير الرسوم أعتقد ان الرسوم عندهم باليورو ولذلك يتغير السعر حسب السفر مثل رسوم التأشيرة باليورو وحسب سعر الصرف وقت تقديمك

اخيرا أعتقد أنه من المهم أن يكون اسمك على التأمين وكشف الحساب والتعريف بالراتب كلها حسب ما هو مسجل بجوازك

الاسم على الفيزا اشوف أنه ما يدققون على الاسم اعرف كم واحد قدم والاسم يختلف قليلاً عن الجواز ومشت أمورهم شكلهم متوعدين علينا

نصيحة أخيرة أن كان بالأمكان تطلع التأشيرة من فرنسا فهو أفضل لأنهم يعطون أربع سنوات للتأشيرة اذا كان الجواز اصداره جديد

الله يعطيكم ألف عافية

بس حبيت اسال من فين اقدر احجز سيارة ويكون وهمي لمن اطلع الفيزا والغيه لاني بحجز قطارات

وكمان حاولت احجز قطار من انترلاكن الى انسي من موقع ريل يورب بس ماطلع لي مسارات ( ايش المشكلة ) او في موقع ثاني افضل لحجز القطارات

هلا عزيزي

مافيه حجز سيارة أو قطار وهمي
اذا كنت مسافر فعلاً احجز حسب خطتك للسفر

ممكن تحط استفسارك بالبوابة السياحية تأجير السيارات
و الجميع ما يقصر

انا قصدي بالحجز الوهمي للسيارة
هو أذا كنت مستعجل للسفارة وبتقدم لهم أي اثبات لوسيلة السفر سواء قطار أو سيارة مثلا تعطيهم حجز سيارة ويكون فيه الغاء مجاني حق تقديم الفيزا
وبعد ماتقدم الفيزا بامكان مثلا تلغي حجز السيارة وتشري تذاكر قطار أو تثبت على حجز السيارة وهكذا

أتمنى أن الفكرة وصلت وشكرا

دامك بتقدم على السويسرية .. عطهم حجوزات سويسرا وقلهم الوصول والمغادرة من سويسرا ويكفي

اذا اختلفت دولة الوصول عن المغادرة لابد تثبت وسيلة التنقلات بينهم

ممكن تحجز سيارة وهمي كحجز مؤكد و تقدمه لهم ثم تلغيه بعد الحصول على الفيزا

لكن انا رأيي طالما مسافر احجز وسيلة التنقل فعلياً من بدري لأنه ارخص لك

ماهو ضروري تقول الوصول ايطاليا والمغادرة باريس !

ورقتين تكفي ( حجز فندق سويسرا كامل المدة ) + ( ذهاب وعودة سويسرا )