المقهى الجميل (بيير لوتي) + فيالاند

زهرة نيسان · 07-01-2015, 06:28 PM

مقهى بيير لوتي

يقع المقهى في منطقة السلطان ايوب
منطقة تطل على القرن الذهبي
واطلقوا عليها هالاسم نسبة لوجود مسجد الصحابي ابي ايوب
الانصاري وقبره (رضي الله عنه)
وكان مشارك في حرب الروم بقيادة يزيد بن معاوية
وأوصى إنه يدفن عند سور القسطنطينية ولمى مات نفذوا وصيته
وهذا المسجد أول مسجد بناه العثمانيون في إسطنبول بعد فتح القسطنطينية
وكان من عادة السلاطين العثمانيون لمى يتولون الملك أن يقيموا احتفال ديني في مسجد أبي أيوب
وفيه بهالمنطقة هضبة وهالهضبة تعتبر مقبرة عثمانية فيها قبور قديمة وحديثة
لانه كثير من الشخصيات العثمانية المهمة يوصون بدفنهم في هالمكان

هضبة بيير لوتي
في هذي الهضبة كان فيه كاتب فرنسي يتردد عليها ويجلس لكتابة رواياته
وتكريماً له اطلقوا عليها اسم الكاتب (بيير لوتي) ... ماينلام والله

هذا بيير لوتي

وهذي الصورة بعد مالعبت في حسبته اسطنبول ههههه

هذا المقهى في نهاية شهر ابريل

أعتقد المبنى الخشب هذا هو المطعم

وهذا المطل الي يرد الروح

وهذي في اغسطس الناس كأنهم في علبة ساردين والاخلاق لك عليها

الشاي

وسميت بالجبن

نزلنا من المقهى لقينا كذا شخص يبيع مويه رحنا لاقرب واحد نشري منه
قال لنا لا روحوا اشتروا من هذاك .... لانه رجال كبير بالعمر لاحظت عندهم تقدير عجيب لكبار السن
صراحة في اسطنبول تمر عليك مواقف متناقضه

وأسهل طريقة للوصول للمقهى ومنطقة ايوب عموماً
العبارة من ميناء امينونو
وممكن بالباص لكن المشوار طويل والباص يوقف كل شوي
العبارة توقفك على الشارع الامامي للمقهى بس قطعة شارع وشوية مشي وبعدين تطلع بالتلفريك
شوفوا بنهاية الشارع فيه كوخ هذا مكان العبارات الي تودي امينونو

والعبارات تمشي في القرن الذهبي على شكل (Zig Zag)
توقف تأخذ ركاب وهذي الصور من العبارة

فيالاند

موجوده في منطقة قريبة من منطقة ايوب

مكان الباصات المجانية ومواعيد الانطلاق:

السلطان احمد
( خلف جامع السلطان أحمد من أمام جامعة مرمرة )

تقسيم
( أمام مركز أتاتورك الثقافي على يمين فندق مرمرة وسط تقسيم

* الباصات ميني باص وزحمه عليها أنا ما ركبتها
بس شفت الناس واقفه وما ركب إلا عدد قليل من الي ينتظرون

* مواعيد الدوام تختلف على حسب الموسم
و اسعار التذاكر متغيرة لكن تقريباً :

وسط الاسبوع الكبار 55 ليرة والصغار 50
نهاية الاسبوع الكبار 65 ليرة والصغار 55 ليرة

المكان متعوب على ديكوراته وشكله لكن كألعاب أنا من وجهة نظري ما تستحق الزيارة
العابها محدودة وتناسب الاطفال اكثر يمكن لأني مجربة مدن العاب افضل منها
(الكلام بيني وبينكم لا تسمع مشرفتنا فتاة الدمى )

هذي لعبة فيها كل شعوب العالم ... إنبسطت فيها انا

وهذي تتكلم عن فتح القسطنطينية

وهذي أخطر لعبتين

أنا اعجبتني لعبة تركب عربة تكفي 4 اشخاص وكل شخص له مسدس
وفيه اهداف تصوب عليها ونهاية اللعبة يصورون الاشخاص في العربة مع نتائج
التصويب ...
أحلى شي إني انا الفايزة وصورنا طالعة حلوه بس خساره ما اخذتها

وبعد ما خلصنا رحنا ندور على مطعم
وفيه عند مدخل الالعاب كم مطعم من ضمنهم برقر كنج
موقعهم استراتيجي الناس تطلع جوعانة وما فيها حيل تمشي

وحصلناهم زحمه قلنا نروح للمطاعم الي في المول التابع لفيالاند
هذا المول

المول رايق وهاديء وفيه باص يلف فيك بالمول

(ونشوفكم في تقارير ثانية من معشوقتي)

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
المقهى الجميل (بيير لوتي)	زهرة نيسان	بوابة تركيا	40	28-08-2018 05:35 AM
فيالاند	زهرة نيسان	تركيا	27	22-08-2017 09:56 AM
كل عام وانتم بخير	أبوهمس	بوابة اثيوبيا	11	16-07-2015 04:40 AM
نرد الجميل	شارلوك هولمز	عام	15	11-03-2015 12:24 AM