حبيبتي الله يعطيك الف عافية ويجيب لك الخير ويرزقك الماجستير والدكتوراة وكل اللي بتتمنيه ..

متعب جدا تنزل التقارير والكتابة والصور لكن فعلا متعة هائلة ..

انا عندي عالاقل 5 تقارير بدي انزلهم وما عم الاقيلهم وقت ابدا . .. خايفة اظلمهم معي لو كتبتهم وانا مستعجلة ..


كلامك عن الشعب التركي كأني انا اللي بتكلم.. في البداية رحنا مدن الجنوب وقلت يمكن مختلفين عن اهل اسطنبول. صراحة كل انطباعاتي عن الاتراك اخدتها من المنتدى من سنيييين طويلة وبقيت أقاوم زيارة اسطنبول لهالسبب تخيلي!

بعدها كتبلي ربنا زيارة اسطنبول قبل كم شهر وتفاجأت بحسن أخلاقهم وتعاملهم .. ولا اي محاولة استغلال أو اسلوب سيء بالكلام .. وين اللي بكرهوا العرب يا جماعة؟ واحد شافني بحاول اشحن بطاقة المترو ومش لاقية خيار اللغة الانجليزية.. اجا على طول ساعدني وزوجته سألتني ان كنت محتاجة اي شي .. اي انسان أسأله عن مكان أو معلومة كان يقدمها بكل رحابة صدر، وموظفين الأوتيل كانوا من أروع ما يكون وسمحوا لي اعمل تشك ان الساعة 10 صباحا..و التشك أوت حوالي 4 العصر بدون تكلفة ..

كتير شغلات صعب أذكرها هلأ لكن فعلا ندمت اني ما رحتها قبل هيك واستمتعت فيها اكتر.. لكن ان شاء الله الجايات اكتر وخاصة بعد تقريرك اللي ذكرني بمكانتها الحلوة بقلبي ..


طولت عليك بس لازم أحكي خاصة انه الموضوع خلص وهاد شي محزن بيخلي الذكريات تهلّ ...

الله يجزيك الخير على كل كلمة كتبتيها