مغامراتي البحريه في الكروز MSC للأراضي النروجيه

هداوه · 20-10-2015, 08:52 AM

صباح الخيرات

اليوم ناشه بدري غير عادتي

اليوم قررت أرد دايما ع أول رد بعد ما أنزل جزء يديد ويكون ردي عليه بروحها بس

مايكون جماعي

يعني يكون مميز

فاللي حاب يكون مميز عندي يحاول يرد أول واحد

أسوي تنافس بينكم وأخاف محد يسويلي سالفه ههههههههههههههه

اقتباس : المشاركة الأصلية كتبت بواسطة glidoes

تنظيم الدخول للسفينة رائع

عملية اخذ بطاقات الائتمان واعطائك بطاقة بديلة للشراء داخل السفينة غريبة

بس يمكن لتفادي عدم وجود شبكة في وسط البحر

الوصول في نفس يوم السفر مخاطرة بصراحة

متابعين بشوق لمعرفة يوميات الكروز لا تتأخري علينا

دمتي بخير

جدا جدا رائع والصراحه فاجئني التنظيم

ما أعرف شو هدفهم واحسها شغله متعبه عليهم

لأنه مايخصمون من حسابك الا آخر يوم لما توقع ع الكشف انه كله أوكي

هيه والله خاطرت وما أنصح حد يخاطر شراتي

أصلا صار موقف لنا في مطار دبي أنا ماذكرته عشان ما أطول عليكم

لما يينا نسوي شيك ان وايد أخرونا والسبب انه حاجزين للناس ع هاي الرحله

أكثر من عدد الكراسي

وهاي أول مره أشوف هاي الحركه من شركة طيران

فمابالك اذا كانت العملاقه طيران الامارات

وتأخرنا وايد وعصبت عليهم وعقب دخلونا

ولما دخلنا الطياره

كنا نركض لانه النداء الاخير

والله ستر وماراحت الطياره عنا

الافضل انكم تسافرون قبلها بيوم وترتبون اموركم

حتى ممكن في أمانات الفندق تتركون شي من شنطكم اذا كان عندكم وايد

واذا ناوين عقب تيلسون في هالبلاد كم يوم

هاي التجارب تعلمنا انه نتدارك أخطائنا في المستقبل

أحاول اني ما أتأخر عليكم ولكن فعلا تحضير جزء يدي ياخذ وقت طويل

وانا حسب ظروفي ووقتي

شكرا ع مشاركتك واسعدتني

وتستاهل هاي الورده عشان أول واحد يرد

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلة الأحلام المتوسطيه في الكروز EPIC	وجهات أوروبية	رحلات الجزر والكروز	157	05-08-2019 04:10 PM
رحلات الكروز cruise Tasik فى بحيرة بوتراجايا الرائعة	أبوعبدالله (الاسفار )	ماليزيا	16	07-12-2017 05:40 PM
رحلة فردية للأراضي الامريكية ...	Tamem	بوابة امريكا	108	20-11-2015 08:37 AM
اريد قائمة لاسماء شركات الكروز من تقوم برحلات على المضايق النرويجية وجزيرة ايسلندا	غرام الامل	بوابة اسكندنافيا	3	25-02-2015 03:00 PM