ياهلا ومرحبا اختي الكريمه

اي افضل انج تلغين باريس في ظل ها الاوضاع
نقول ممكن تهدى الاوضاع من الحين لين شهر 4 لكن المشكله في الحجوزات وترتيب السفره عشان مايتخربط ترتيبج

بالنسبه لأنسي الكل عارف انها منطقه فرنسيه
وفرنسا بكبرها حاله طوارئ وليست العاصمه باريس فقط

لكن راح تكون هالمناطق الحاله فيها اقل واهدى من العاصمه هذا شي اكيد
ماراح تكون صعبه كثير
لكن بعد الافضل نشوف الاوضاع هاليومين وين راح توصل

ومخططج هذا ممتاز جدا
وانتي الي اعرفه تبغين فنادق الغاء مجاني
ولو هدت الاوضاع ممكن تمرين انسي وتضيفينها من ضمن السفره راح تترتب ان شاء الله

انا اشوف تزيدين يوم في جنيف مع الغاء مجاني
على اساس اذا تعدلت الاوضاع تقضينها في انسي دام انها في خاطرج
اما اذا كانت الاوضاع مش ولابد ممكن تحطين هالليله بأي منطقه اعجبتج