اولا اسعد الله يومكم جميعا
ثانيا مشكورين على المنتدى حاولت واجتهدت لوضع بلان للسفره
بس احتاج ملاحظاتكم علما باني مسافره لحالي ولا اجيد اللغه الفرنسيه (( يعني حابه اكون من الان فاهمه طريقي ومساري باذن الله ))

وصولي لباريس راح يكون صباح الخميس والمغادره راح تكون صباح الاحد
السكن حجزت في فندق عجبني مره اسمه اجنحه فريزر لو كلاريدج شانزليزية .. للتوضيح هوا بجانب الماريوت وعلى الشانزلزيه

راح اذكر البلان بس طبعا ينقصها طريقه المواصلات وكثير اشياء فافيدوني

اليوم الاول
اي افضل طريقه للوصول للفندق تاكسي او مترو او شركه اوبير (( وكم مدته الطريق )) من المطار للفندق
بعد ما اعمل شيك اون اروح للباص الاحمر عرفت انه عند قوس النصر اول الشارع (( الله يخلي قوقل ماب )) اخذ تذكره حقت يومين
وادور على المناطق واخر شي ارجع للشانزلزيه
بعد ه ناويه اروح للاوت لت (( عرفت كمان ان نفس المكان فيه محطه اسمها شارل دي قول اتوال اخذ تذكره واروح للاوت لت )) التذكره اخذها روحه ورجعه ولا كيف

اليوم الثاني
اروح بنفس تذكره الباص الاحمر برج ايفل حابه اروحله قبل وقت الغروب .. ونهر السين في جوله مدتها ساعه
كيف انسق بينهم وايش اعمل من بدايه اليوم (( انا احب اطلع من الصباح اصلي وافطر وانطلق ))
التذاكر اخذها من هنا ولا لما اوصل
عرفت ان الفرق لو اخذها الان ما اوقف في اللاين
طيب عندي سؤال التذكره تكون موقته بساعه معينه ولا مفتوحه اي وقت
وتذكره جوله نهر السين موقته بساعه ولا اي وقت جي اقدر اخل

ثالث يوم
راح اروح دزني من الصباح من نفس المحطه الي ذكرتها حاخذ التذكره

(( حابه اروح متحف الشمع بس مو عارفه متى )) وفين مكانه او كيف اروحله تاكسي او مترو او شركه اوبير لان الباص الاحمر ماروح عليه

الاحد مايمدي اعمل شي غير اني اطلع افطر في الشانز وبعدها على المطار

كيف الترتيب ساعدوني فيه اذا ملخبط او ناقص
من بعد المغرب اكون في الشانزلزيه عرفت انها افضل مكان للامان
وحددي الساعه 9 الى 10

الاهم عندي استغل وقت النهار كله من الصباح


طولت وسالت كثير هذا وانا على بالي اني اجتهدت ورتبت ولو شوي
انتظر رايكم .. سفرتي الاسبوع الجاي باذن الله