من دار الظبي احييكم و في قصر الامارات مبيتنا 2015 - الصفحة 3

هاوية الاسفار · 18-11-2015, 04:26 PM

السلام عليكم و رحمة الله و بركاته

كانت لنا رحله الى ابوظبي بعد اجازة عيد الفطر السعيد و المخطط كان في رمضان

قررنا نحجز في اي من فنادق ابوظبي

دخلت موقع بوكينج قبل العيد بايام على اساس يكون الحجز بعد العيد في الويكيند ( نهاية الاسبوع ) شفت

الاسعار في كذا فندق و وقعت عيني على فندق قصر الامارات و شفت السعر خيالي كان 1200 لليله الواحده

و هذا الفندق من زمان كان في خاطري اسكن فيه لكن بسبب الاسعار المرتفعه كنت اعارض زوجي لانه كان

يقول بنسكن ليله وحده و انا اقول بدال ما ادفع للفندق مبلغ و قدره راح اسكن بفندق ارخص و اتسوق على

راحتي لانه لابد من التسوق

خبرت زوجي اني حصلت في قصر الامارات بهالسعر انصدم و قال متأكده قلت اكيد قال خلاص توكلي على

الله و احجزي فيه حجزت ليلتين في غرفه ديلوكس مع الفطور

انطلقنا الى ابوظبي في يوم 23 / 7 / 2015 الخميس بعد صلاة الظهر و الوجهه كانت ياس مول لتجربة مطعم

روجوس الجديد لكن للاسف جلسات المطعم مافيها خصوصية ابدا و كل طاولة تحوي 12 او 10 كراسي اذا

كان عددكم اقل تيلسون على الطاولة انتوا و عوايل ثانيه كانوا زوجين قاعدين و بعدها صاروا 4 و باقي 6

كراسي قال النادل تعالوا هذا مكانكم طبعا انا رفضت و قلت في طاولات فاضيه خلنا نقعد عليهم ما وافق و

قال يمكن حد غيركم يحضر او شباب يحضرون ما بترضون تقعدون وياهم قلنا اكيد طبعا زوجي قال عادي

بنيلس و كل واحد مع زوجته و جدامنا مثل حاجز عليه كاسات و فازات و اشياء وايده رفضت و قلت خلاص

نشوف مطعم ثاني و طلعنا و شفنا جدامنا مطعم آشاز الهندي فكان اختيار موفق و انتظرنا تقريبا 10 دقايق

لين تفضى طاولة و هذا المنيو

ضيافة المطعم

اول الطلبات سمبوسة خضار

و هذا عصير زوجي نسيت اسمه لكن لذيذ

طلب زوجي دجاج بالكاري و توهم منزلينه في المينيو طلب جديد

طلبي صدور دجاج طبعا الاكلات لها اسامي هنديه بس للاسف نسيتهم

مثل راشمي كباب / سيخ كباب / دجاج تندوري / مورغ ماكني المهم انه الاكل عيبنا وايد و احلى من قصر الهند اللي متعودين عليه

هذا عصيري لذيذ وراه برياني دجاج للعيال

و اخيرا طلبت راس مالاي للتحلية

بس للاسف ما عيبني وايد و الفاتوره طلعت بمبلغ و قدره و اول مره ندفع مبلغ بهالسعر

يمكن البعض يشوف ان السعر عادي جدا لكن من تجربتنا الكثيره للمطاعم السعر غالي جدا

المهم ان الاكل كله لذيذ خلصنا من الغدا و على طول توجهنا لفندقنا قصر الامارات

طبعا مب اي حد يقدر يدخل الا ساكنين الفندق

هذا مدخل خاص و مغلق و له بوابه خاصه فيه

يتبع

أبن السلطنة و السفيرة *ب* معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
هنا أضع بين ايديكم جميع استفساراتي في موضوع واحد ،، بالترتيب وشكرا الف	So true	ماليزيا	28	12-12-2015 12:45 PM
.. جدول سفرتي وضعته بين ايديكم حتى استفيد وأفيد ..	الحبوب	بوابة البوسنة	10	20-09-2015 08:23 AM
من اسطنبول احييكم	mahmood	تركيا	10	09-09-2015 11:05 PM