اليوم الاول 4\2

الوصول للفندق عن طريق التكسي

وبعد الراحه وتاجير سياره

التوجه الى التايم سكوير ودخول المقهى الثلجي وبعد ذالك التوجه الى الامارات مول ودخول سكاي دبي ممكن تكتفي بالامارات مول وسكاي دبي لك الحريه انا حطيت التايم سكوير لانه على الطريق وتجربه جديد لك



اليوم الثاني 5\2

الباص السياحي بدبي صراحه مامره جربته لكن حاطته ببالي لانه ياخذك بجوله بدبي وباهم المعالم بدبي وينزلك باهم المعالم تتوجه الى مركز برجمان وتنزل بالمركز وتحجز من المكتب الخاص فيها او عن طريق النت ومقع كروبون مثل ماتفضل الاخ ليث يوجد نوعين للباصات الباص العجيب (البرمائي ) ياخذك بجوله في بر دبي وينزل في الخور (جوله بريه +بحريه ) مدتها 1:30 والنوع الثاني وهو اللي اقصده هو باص الجولات الساحيه وهذا رابطهم

Sightseeing Bus | Hop-on Hop-off Bus | Big Bus Tours

اللي اعرفه انه ينزلك في كل مكان فتره 10 او 15 دقيقه تاخذ فكره عن المكان ويتصور
ممكن في هذا اليوم تحجز من دبي مول تذاكر لدخول برج خليفه لان الجوله في من خلالها زياره لدبي مول

وبعد كذا التوجه الى فيستفال سيتي وممكن دخول السينما واخذ جوله في الممرات البحريه في المول
وبعد كذا التوجه الى حديقه الخور وقريه البوم بجانبها والعشاء في الباتو (عشاء على السفينه مدته 2 ساعتين ) تنطلق من قرية البوم


اليوم الثالث 6\2
تتوجه لسوق مدينه الجميره وهو عباره عن ممرات مائيه ومجمع صغير ومطاعم ومقاهي على الممرات وممكن تشوف برج العرب منه وفنادق (ميناء السلام والقصر والمصيف ) والفنادق يوجد فيها مطاعمها الخاصه ومقاهييها والسوق وتركب في القوارب اللي تاخذك في جوله في الممرات المائيه
وبعد كذا وتكمل الى الجي بي ار ومرسى دبي على امتداده الجي بي ار
وتستمتع بالالعاب المائيه الموجوده هناك مثل الجي تي وغيرها وممكن تاخذ قارب ياخذ فيك جوله وتسهر في الجي بي ار


اليوم الرابع 7\2
تتوجه الى جميرا بيتش (الشاطئ المفتوح )وتقضي بعض الوقت انا صراحه ماعجبني لانه عباره عن شاطئ مخصص للسباحه ورياضه المشي ويوجد فيه اماكن لممارسه بعض الرياضات مثل السكستي ويتجمعون ويستعرضون (زيارتي له كانت بالليل يمكن كان هذا سبب عدم اعجابي فيه )
ممكن زياره مجمع ميركاتوا (مول رايق وهادي على الطراز الايطالي ممكن تتغدون فيه قريب جدا من الشاطئ او التوجه الى بولفارد الشيخ محمد شارع قريب جد من دبي مول ممكن تمر فيه وانت متوجه الى المول وبعد كذا
لدبي مول وتدخلين الاكواريوم او تدخل برج خليفه حسب حجزك وبعد كذا تتوجه للنافوره واذا وصلت النافوره راح تلقي جسر يربط بين دبي مول وسوق البحار (مجمع صغير وعادي اللي يميزه المطاعم اللي تطل على النافوره ممكن تروحه من خلال الجسر وتلقي نظره وتقضين الليله على النافوره وتركب القارب وممكن تزور برج خليفه لاول لانه له وقت ويقفل ممكن تحجز تذاكر عن طريق موقعهم الالكتروني او قبل بيوم كثل ماهو واضح لك فوق

Home | Burj Khalifa

ملاحظه : انا احب النافوره بالليل لذلك اجعل دبي مول في اخر النهار

اليوم الخامس 7\2

ممكن تاخذ اليوم هذا 1- لرحلة سفاري بالبر اذا حاب او 2- تخليه للاكوافيشر المائيه 1- السهر في الاتلانتس او 2- مجمع ابن بطوطه و السهر في الجي بي ار
ارشح الخيار الثاني

اليوم السادس 8\2

اليوم خاص للقريه العاليمه وممكن تمر على حديقه الزهور قبل (مايريكل جاردن ) وحديقه الفراشات المقابله لها تم الى القريه العالميه


اليوم السابع 9\2

ممكن تخليه للتسوق اذا حاب تروح سوق نايف وسوق المرشد وبعدهم تتوجه الى سوق التنين ( السوق الصيني)

وتسهر في 1- القريه العالميه لانهي قريبه منك 2- السهر في الجي بي ار بعيد عنك
3- السهر في الوات لت دبي قريب من القريه العالميه عباره عن ماركات مخفضه 4- السهر في احد المجمعات وحضور السينما


اليوم الثامن 10 \2

مول مردف سيتي سنتر وتجرب الاي فلاي تجربه ممتعه لكم كشباب


http://wonderbusdubai.net/arToursAnd...aspx?TourId=18


باقي اليوم حريه لك اذا كنت تحب ترجع لمكان سبق زرته
اليوم التاسع 11\2
العوده للوطن


ورحله سعيده

اعذرني اخوي اذا قصرت لكن اول مره اكتب جدول لمجوعه شباب ماعندي خلفيه عن ميولهم واللي يحبون يزورونه لكن قد ما اقدر حاولت اكتب الاماكن اللي ممكن تعجنكم واترك الباقي لاخوانا الشباب اذا لهم اقتراحات اخر تناسبكم