والله ما ادري وش اقول كلام الاعضاء اكثر من رائع

ولكن باشارك

والله بيورط نفسه مع اني اشوف ان البطاقات الائتمانيه وكأنها قرض

استخدم المبلغ اللي فيها ثم سدد البطاقة وان تأخر تبدأ رسوم التأخير والفائدة وتصير مشكلته مشكلتين

انا ضدها صراحة ضد القرض او الدين سواء في السفر او الحياة الروتينية

انا ربي رزقني بعقل عجوز وشايب في تجميع الفلوس لو ابغى اشتري أي شيء

يعني لو قدرت احدد مبلغ السفر الكامل باعرف كيف اوصل له بتقسيم الراتب

لكن أمانة اهون علي ان اتأخر سنة او سنتين عن السفر ولا اقترض هللة وحدة

انا لي فترة اتعلم على بطائق فيزا مسبقة الدفع وممتازة بشكل كبير

كنت اودع فيها دائما وكأنها حصالة اجمع فيها الفلوس .. لان فيها ميزة اقدر احول الفلوس منها للحساب الجاري بشكل سهل

فالافضل ان الواحد لا يستعجل مهما كان يحاول يشيل فكرة القرض من رأسه ولا يحطها ضمن خططه

والله انها تجيب الهم لكن لو هو مجبور فيقترض من بنك لا يقترض من شخص يتبهذل ويحرج نفسه معه

الله يعطيك العافية

مرحبا بالجميع من جديد
بالنسبة للاقتراض من اجل السفر اشوف انه شئ شخصي راجع للشخص نفسه

موضوع جميل ومفيد اخوي مشاري الف شكر

اما موضوع الاقتراض عشان السفر وخاصة اذا الشخص مديون فهذي مصيبة والله يكون بعونة
وانا ضد رأي ابوغسان حقيقة الشخص العاقل ومن يعرف مصلحتة لا يتاثر بمحيطه كل شخص وقدراته المالية فيه طرق يقدر الشخص يوفر من دخلة الشهري لمدة عام او اكثر ويسافر وهوا مرتاح
فيه واحد من الشباب ماشاء الله علية انسان راقي وفاهم ومقتصد في اموره المالية لمن اسمع سوالفه والله استانس ودائما ادعيله وشبه سنوي يسافر بفضل اقتصاده وتوفير جزء من راتبة يكون خاص للسفر ويشهد الله ان الرجال كريم لابعد الحدود في بيته ومع الناس
طريقتة في السفر يقول اوفر كل شهر 2000 ريال وخلال السنه اللي يبي يسافر فيها يحاول يقص التذاكر من راتب شهر او شهرين خارج عن اللي جمعه ولمن يسافر يقول اخلي تاريخ سفري مع الراتب مباشرة عشان يكون عندي غير اللي جمعته خلال السنه راتب شهر كامل وكمان يقول مصروف البيت الشهري لو توفر منه شي اضيفه ع الالفين اللي اجمعها شهريا ويطلع لي مبلغ محترم واسافر وانا مبسوط وارجع احيانا ومعي من مصاريف السفر .. الله يوفقة وين ماكان

لا ازيد ع كلام الاخوان فالسفر من الكماليات ولكن مايكون ع حساب الاهل والاولاد ومتعة اسبوع او اسبوعين وارجع في ديون وقروض وهم فلا بارك الله فيه من سفر
واثق ان نص الشعب يسافر بقروض هههههههههههه

آخر مواضيع فارس من خيال

- من أجمل ما رأت عيني (جزيرة جيجو - كوريا ) - استطنـــــ(في خاطري شوق وحكايات واسرار)ـــبول - على اطلال (هونج كونج)2017 - هَِنأّ يِّفِّيِّض أّلَأحٌَّسأَّّس وِتّشٍبِعٌ أّلَحٌوِأَّّس(أوِروِبِــًـِـُـأّ) - بين الكلام والصمت جمال (نيوزيلــــ New_Zealandـــــدا)

توقيع : فارس من خيال

يوماً ما سَـأرحل دُون »وَداع« أَتمنى أن يَذْكرني أحدكم بدَعــوهْ Save

الاخ صاحب الموضوع
لازلت اقول ان هذا شي شخصي خاص بالشخص نفسه
هو اللي يقترض كيفه يتحمل التسديد
سألتني قلت لو سألتك عن منتزه او فندق ؟!
هل هو امر شخصي
مادري ايش علاقة الفندق او المنتزه بالامر الشخصي
اتمنى تتفهم وجة نظري
الاقتراض من اجل امور كثيره بالحياة قد يكون من بينها السفر وهو شي شخصي بحت
الا اذا اقترض منك وهو مايسدد المبلغ لا تعطيه لانه بيسافر