ماليزيا ... با احلى الذكريات - الصفحة 13

Deena · 03-02-2016, 11:20 AM

يااااه .. مونوبولي على الأرض!!

بعشق هاللعبة من طفولتي ... يعني أكتر من 30 سنة صار لي بلعبها وهلأ اولادي بيلعبوها معنا .. لو عرفت عنها قبل ما نسافر كان أكيد حطيناها بالجدول، لعله خير

فيصلمعجبون بهذا.

fanda · 04-02-2016, 04:42 PM

حلوه المونوبولي في المول بس احس يبيلها وقت وايد ما تسوى
شنطة ديور الحمرا اليييييمه
عليج بالعافيه كل الي تشريتنه

فيصلمعجبون بهذا.

opera_kw · 11-02-2016, 08:39 AM

اقتباس : المشاركة الأصلية كتبت بواسطة Deena

لا زلت تتحفينا بشي جديد كل يوم يا ام بدر .. متابعة معك ومستمتعة رغم انزعاجي الشديد من الازدحام في اي مكان ومهما كان السبب

مناظر التلفريك جميلة جدا .. والمتاحف اللي من هالنوع بحبها كتير .. مسلية ومفيدة

شكرااا دينا عالمتابعه

ماعندي مشكله مع الزحمه بس اهم شي التنظيم ..

وانا اصبر بس الاطفال مايتحملون

opera_kw · 11-02-2016, 08:39 AM

اقتباس : المشاركة الأصلية كتبت بواسطة Deena

يااااه .. مونوبولي على الأرض!!

بعشق هاللعبة من طفولتي ... يعني أكتر من 30 سنة صار لي بلعبها وهلأ اولادي بيلعبوها معنا .. لو عرفت عنها قبل ما نسافر كان أكيد حطيناها بالجدول، لعله خير

ضروري تعلميني شلون العبها

بدر شاري اللعبه ويقولي لعبي معاي وانا ما اعرف ولا اصلا فهمت شي من قوانينها

opera_kw · 11-02-2016, 08:40 AM

اقتباس : المشاركة الأصلية كتبت بواسطة fanda

حلوه المونوبولي في المول بس احس يبيلها وقت وايد ما تسوى
شنطة ديور الحمرا اليييييمه
عليج بالعافيه كل الي تشريتنه

الله يعافييييج

اي يبيلها وقت بس المجمع اصلا فاضي مافي شي .. يعني كان عادي نلعبها

قصة حبمعجبون بهذا.

opera_kw · 11-02-2016, 08:48 AM

اقتباس : المشاركة الأصلية كتبت بواسطة فيصل

ما شاء الله تبارك الرحمن عليكم
اهم شيء أنتي من النوع اللي يتسوق حق كم شهر قدام أو يرجع كمان ويتسوق من جديد

اللعبه كيف طريقه لعبها بمكان مفتوح مش مقيده بالكرسي والورق

شكرا لك

انا من النوع اللي يتسوق حق سنه جدام مشكلتي او يمكن ميزه فيني .. ما اروح السوق وايد بالكويت الا للضروره

تصدق اذا قلت لك وايد مجمعات بالكويت مادري شنو فيها من محلات

علشان جذي افضل اني اسافر دول فيها سوووق متنوع ومحلات متعدده

اللعبه عالارض يكون الشخص المشارك بدل الحجر المستخدم باللعبه الصغيره .. يعني اهو يتحرك ويوقف بالخانه اللي تطلع له

opera_kw · 11-02-2016, 08:49 AM

اقتباس : المشاركة الأصلية كتبت بواسطة طارق عنايات

جزء مولات و تسوق يعني معشوق النساء

انا

تسلم ايدك

لا خلصنا السوق تعال

الله يسلمك

قصة حبمعجبون بهذا.

opera_kw · 11-02-2016, 09:36 AM

اليوم الخامس عشر:

28 ديسمبر 2015

اليوم اخر يوم لنا في كوالا ...

بدون اي حجز مسبق او متفق مع اي سايق علشان نروح سلانجور ..

قعدنا الصبح ونزلنا نتريق

وعقبها سوينا الجيك اوت

وطلعنا من عند الفندق ندور سايق

وهذا كان خطأ

عندنا وايد جنط كبيره و غير الصغار فأغلب السيارات ما تشيل

لازم سياره كبيره

لكن واحد من السواق عنده فان صغير قال انا بحط الاغراض بالسياره ونشوف اذا تكفي

وفعلا كفت السياره

ونصحنا هذا السايق انه نتفق مع ميني باص لروحه المطار وعطانا رقم واحد يعرفه عنده ميني باص

والله ماقصر

تعجبني الفواكهه بالبوفيهات احبها اكثر من اي شي ثاني

وبعد اذا كانت من دول شرق اسيا .. احلى واحلى

باي باي فندقنا الجميل

واحنا بالتاكسي .. ورانا بعض الاماكن وسألنا اذا كنا رايحين لها

وانا صورتهم علشان احطهم بالخطه للمره اليايه ان شالله

مادري اذا قلت لكم عن ميلكا من قبل

بس كل تاكسي طلعنا معاه قالنا عنها

والوصول الى سلانجور

الايمان, قصة حب و |القحطاني| معجبون بهذا.

opera_kw · 11-02-2016, 10:08 AM

وصلنا فندق البيراميد

انا مو اول مره اسكن فيه

واخترناه هذي المره بعد لانه قريب من المول والمنتجع
ولانه خدمته زينه لا بأس فيها

واستلمنا الغرفه

حرصت انها تكون على اطلاله السن واي لاقون لتشجيييع الاطفال

اخر مره سكنت بهذا الفندق كانت ب 2013

بس هذي السنه حسيت الفندق خلااااص صار قديم متهالك والاثاث مستهلك

لازم يجددونه

ولا ماراح اسكن فيه بعد مره

نزل بو بدر للرسيبشن يقولهم عن مدى تهالك الاثاث والحمام اعزكم الله مو نظيف

قالوله

الخبر السار

انه جزء من الفندق مسكر حاليا لاعمال التجديد والصيانه

وسوف يتم تجديد الفندق بالكاااامل

نرجع لغرفتنا والاطلاله

A.Alsubhi, قصة حب و |القحطاني| معجبون بهذا.

opera_kw · 11-02-2016, 10:17 AM

انا متشوقه اكثر من الاطفال

ابيهم يشوفون ويجربون كل الانشطه اللي انا مجربتها من قبل

اول شي التزلج

حجزنالهم ساعه

عاد يانا واحد .. مادري شافنا عرف لقانا يقص علينا

قالنا انا ادربهم واعلمهم ب200

مارضينا

وقالناله وااايد

قالنا خلاص انا بدربهم واللي بتدفعونه

وبخلال فتره الاطفال صارو محترفين

جان نعطيه والله ماقصر علمهم

طلعنا عقب ماخلصنا ساعه نتجول بالمول

قصة حب, الايمان, |القحطاني| و 1 آخرون معجبون بهذا.

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
احلى بوسة من مصرالمحروسة	الشمس الساطعة	بوابة مصر	9	21-05-2016 01:17 PM
احلى سفرة الى اندونيسيا	علاء الغامدي	بوابة اندونيسيا	13	12-11-2015 09:31 AM
ابحث عن فندق في السلطان احمد	mahmood	تركيا	6	19-09-2015 03:44 PM
مسجد السلطان احمد	F.A.H.D	بوابة الكاميرات	13	07-04-2015 02:32 PM