تابع اليوم الثامن:


20 ديسمبر 2015



مثل ما قلت لكم انه الغرفه بيعطونها لنا الساعه 4


وبما انه اليوم محسوب علينا

حطينا اغراضنا وطلعنا للثيم بارك



الثيم بارك فيه عده اقسام





اول شي طلعنا من الباب الخلفي للفندق

والباب مايفتح الا بكرت لسكان الفندق فقط








والاطفال لازم يصورون عند كل الشخصيات

















ودخلنا بالتذاكر اللي عطانا اياها الفندق





مو قلت لكم مهتمين بكل التفاصيل




كل شي ليغو



و اول مادخلنا شفنا هذا المحل


يوزع هدايا للاطفال ليغو صغار

و تكتب اسم الطفل والساعه 3 عندهم سحب

والله خوووش هدايا عطو الفايزين.. ليغو بوكس بس حجم كبير

يعني شي محرز









و انطلقنا للاكتشاف




والله فن والشخص اللي يسويهم مبددددع





ومن هني نقدر نشووف الووتر بارك



وكل طفل يحطون له ستيكرز باسمه على ملابسه في حال اذا ضاع او اي شي حصل يعرفونه منو ويتصلون على اهله






يتبع ....

اول شي

الليغولاند فاتح بماليزيا سنه 2013

واعتقد للحين مو مؤهلين بالتنظيم واستقبال اعداد كبيره


مادري شنو مشكلتهم


بس اليوم كانت الشمس حااااره جدااااا .. استغرب من بدل عارف انه جوه طول السنه حر و مطر ورطوبه لكنه ما يعمل على انه يعالج هالاشياء


يعني المكان المفروض يكون مسكر او مسقف عالاقل مظلات او وسيلة تبريد


غير جذي العماله قليله


يعني هذا اللعبه للاطفال فقط




وقفنا دور اكثر من ساعه بالحر علشان بس يركب الطفل بس دوره وحده وينزلونهم


واللي يشتغل شخص واحد داخل اللعبه

اهو اللي يدخل الاطفال
اهو اللي يركبهم ويربط لهم الحزام

اهو اللي يشغل اللعبه

واهو اللي يوقفها

واهو اللي يسااعد الاطفال بالنزول


وكل الالعاب كانت جذي

فوااايد يصير تعطيل وتأخير عاللعبه الوحده



يبيلهم تأهيل بصراحه لازم يتعلمون يمشووون الدور بسرعه

الطفال تعبووو



خلصنا اللعبه

رحنا المسرح قالولنا انه عرض حلو مايتطوف






شخصيات الليغو نينجا

الاطفال يعرفون اساميهم بس انا ماعرفهم

مسموح الاكل والتصوير داخل العرض





العرض حلو وفيه مؤثرات حلوه



بس شايفين اللي لابسين اسود

اهم يحركون الشخصيات

حسيته مسرح عرايس







رحنا القطار وجوله بالحديقه










وهذا الميني لاند





فندقنا




بعض الالعاب الاخرى





وايد دقيقين بسالفه الطول

يعني في العاب اصلا ماتستاهل طول

بس الطفل اللي اقل من طول معين مايدخلونه


شدعوه

ماكو شي يدعو للقلق














يتبع ....

الميني لاند

تصاميم لبعض الاماكن كلها بالليغو


فن فن





















وستار وارز موجود




ومن داخل ستار وارز






ولازم كل لعبه نطلع منها يدخلون المحل التابع له






انا ما ابي احبط محبي الليغو

لكن هذي اللعبه مثلا

ننطر دور علشان اللعبه ما تطول 10 ثواني

وكلهم جذي

بالكثير 15 ثانيه






وهذي اللعبه مادري شنو انا مادخلت لانه ولدي الصغير مادخلوه بسبب الطول

بس بدر وابوه وانا نطرتهم برا مع حمد








خلاص لازم نريح ونتغداا


اخترنا هذا المطعم عند مدخل البارك





اي نقطه ثانيه

يعني بارك مثل ليغو المفروض يحطون مطارات ماي او للبيبسي اللي نشتريها شي مرتب

شي عدل

شي زين

بس هذا اللي عطونا اياه كلش مو مستوى ليغو لاند




المفروض يكونون نفس مستوى ديزني لاند

يونيفرسال ستديو



اما الاكل



استغفر الله ...الله يديم النعمه

الساندويش مطلعينه من الثلاجه باااارد ما ينوكل اصلا


بس اكلنا هذا .. بطاطا مع جبنه





تاريخ الليغو











طبعا احنا ردينا الفندق واستلمنا الغرفه وردينا طلعنا مره ثانيه

يعني اللي تشوفونه مو كله بوقت واحد






للكبار فقط






في البدايه لمن دخلنا البارك غير المحل اللي يوزع هدايا

كان في كوبونات تعبونها وقالولنا السحب عالهدايا الساعه 6 بس لازم الحضور الشخصي

يعني اذا طلع اسمك وانت مو موجود تروح عليك


رحنا العرض




قعدنا مع الجمهور

بعدين طلب منا احد العاملين بالبار ان ياخذ عيالي و يشاركون عالمسرح




اسألوهم بعض الاسئله عن بابا نويل شلون صاير ...

زين انه العرض بالانجليزي مو بالماليزي


وخلص العرض وماطلع اسمنا بالسحب


وصار المغرب



والبارك يسكر الساعه 7


وطلعنا






على طول جدام البارك في مول


وهذي ساحته





بس يمكن انه يديد توه فاتح

مافي شي






في محل رياضي

في مايوهات اسلاميه للي يبي

والله زينين احسن من اللي عندنا






حتى حجابات البحر زينين وكل الماليزيات لابسين مثله






و بعدها تعشينا في KFC

و رجعنا الفندق


شربنا قهوه والاطفال لعبو بالفندق


وخلص اليوم

جزء راااااائع .. ويبدو بأنه حصري للمرة الأولى يُسلط عليه بالبوابة ..

الفندق فكرته جميلة جداً جداً .. كسر للروتين وملفت للأطفال .. بس الساعة ٤ ( الجيك إن ) فعلاً الأمر مزعج

الثيم بارك روووعة وملاحظاتك أتفق معك ( جربتها في ديزني هونق كونق ) الطوابير بالساعة والساعتين ..

كانت من سلبيات ديزني .. الوضع مرهق جداً خصوصاً إذا كانت الأجواء مشمسة ..

مستمتعين كثيييير بالتقرير ( جديدة وحصرية ) بانتظار بقية الأجزاء ..

مقدّرين هذا الجهد وهذا الطرح للتقرير .. بارك الله بجهودك ..

اليوم التاسع:


21 ديسمبر 2015




اليوم ثاني ايامنا في ليغو لاند

واليوم مخصص للسباحه







اول شي نعرفكم على مطعم الفندق





المطعم ممتاز شامل كل الاصناف وكل شي فيه

حتى الوان الطاولات والاطباق مناسبه جدا للفندق





بس الفتره اللي احنا رايحين لها زحمه كانت

حتى في ايام ماكنت محصله حجز بالفندق

هذا التاريخ الوحيد اللي ناسبنا وغير جذي الغرفه اللي كنا نبيها ماحصلناها لانه الفندق زحمه


فتخيلو بالريوق شنو الوضع





زحمه وااايد وازعااااج واصوات اطفال

وبعد وانت تمشي معاك قهوه او شايل بيدك شي لازم تنتبه لانه عاااادي جدا الاطفال يركضون بالمطعم وممكن يطيح منك






المدخل




قبل الزحمه













وبعد ما خلصنا

رحنا الووتر بارك



الووتر بارك واااااايد حلو

واستمتعنا فيه جداااا






والى اللوكرات





نحط اغراضنا باللوكر مقابل مبلغ بسيط





واللي مايعرف يسبح وللاطفال

ضروري




















وفي الخيمه تتأجر بالساعات

و الستاره الي فيها تتسكر للي يحب يرتاح





يتبع....

ماقصرتي
بس كل لعبه وعامل وسعر التذكره عالي مقارنه بالأنشطع في ماليزيا

ما فيه باس يدخلني بدون انتظار

كانت توقعاتك عن الخدمات أكبر ؟؟؟؟؟

تابع الجزء التاسع:













وهذا مطعم للي يحب ياكل ويكمل سباحته بعدين


من رايي الشخصي:

الوتر بارك وااايد احلى من الثيم بارك

ومن رايي وكل واحد له وجهة نظر تختلف لاي حاب يزور ليغو يوم واحد كااافي و زايد عليها

الصبح لي الظهر الوتر بارك وباقي اليوم بالثيم بارك وخلاص..


بس حجزو بالفندق بس بروووحه سياحه




عقب ماخلصنا وتعبنا اصلا من السباحه لي الظهر عالساعه 3 طلعنا






رحنا المول او الساحه اللي مقابل البارك نبي نتغدا


شفنا هذا المطعم






قعدنا وطلبنا


3 اطباق بس

كل طبق يوصل ناكله وننطر الطبق اللي وراه

مادري الظاهر شيف واحد بس داخل المطبخ

يطبخ طبق طبق



البطاط باين انه مقلي بدهن صارله اسبوع مو مغيرينه



اما هذا الطبق لذيذ

شي شي

عيش و بطاط وربيان وفوقه باشميل مادري شنو الخلطه بس شي لذيذ




الحمدلله عالنعمه

عقب دخلنا مره ثانيه الثيم بارك

بس الشمس كانت حاميه


هذا المكان عند المدخل واهو المكان الوحيد اللي فيه ظل

اغلب الناس قاعده هني




وهذي وحده من الالعاب اللي مادخلو ولدي الصغير لانه طوله مايسمح

واللعبه ترا مافيها شي بس تدور كانها لعبه الاكواب




وهذي يدخلون داخل ويطلعون راسهم بالكره البلاستيكيه

















ما طولنا بسرعه طلعنا

لانه اصلنا تعبانين من السباحه

والشمس صدعتنا زياده

رجعنا الفندق

قعدنا لي بالليل بالغرفه

تخيلو ان كلش ما ملينا من كثر ما الفندق والغرفه فيها اشياء حلوه

و بالليل بوبدر طلع ياب لنا عشا من برجر كينج وتعشينا بالغرفه