ماليزيا ... با احلى الذكريات - الصفحة 8

|القحطاني| · 20-01-2016, 11:19 PM

كفو .. اخيرا فيه أسواق

الاطلالة رهيبة .. والله شكل المسبح جميييييل

الدرايش فعلا اذا كبيره بتكون حلوة واهم شيء اطلالتها

جزء جميييل .. اجل يقفلون من بدري من الساعة 10

هههههه سلمات اجل لو ان هيئة الأمر بالمعروف والنهي عن المنكر تدور عندهم وش بيسون

الظاهر كان قفلوا من 6 المغرب

الله يعطيك العافية

Sent from my SM-N920C using Tapatalk

توبليرون و الايمان معجبون بهذا.

A.Alsubhi · 20-01-2016, 11:27 PM

ماشاء الله تبارك الله اجزاء رائعه جداً الله يعطيك الصحة والعافية

بالنسبة لشقق بافليون الجديدة بتكوووووووووووون خرااااااااااااافية

اخر تطورات البنااااااااااااء

عند الانتهاء من الشقق بتكووووووووووووون كذااااااااااااااا

|القحطاني|, فيصل, قصة حب و 3 آخرون معجبون بهذا.

|القحطاني| · 21-01-2016, 12:09 AM

اقتباس : المشاركة الأصلية كتبت بواسطة ابو عمر _ JDH

ما شاء الله اضافة رهيبة يا بو عمر

الاطلالة [emoji24] [emoji24] [emoji180]

Sent from my SM-N920C using Tapatalk

A.Alsubhi, قصة حب و توبليرون معجبون بهذا.

فيصل · 22-01-2016, 03:32 AM

تسلمين
هل التنقل الي كوالمبور تاكسي خاص ام باص

توبليرونمعجبون بهذا.

opera_kw · 22-01-2016, 11:48 AM

اقتباس : المشاركة الأصلية كتبت بواسطة |القحطاني|

كفو .. اخيرا فيه أسواق

الاطلالة رهيبة .. والله شكل المسبح جميييييل

الدرايش فعلا اذا كبيره بتكون حلوة واهم شيء اطلالتها

جزء جميييل .. اجل يقفلون من بدري من الساعة 10

هههههه سلمات اجل لو ان هيئة الأمر بالمعروف والنهي عن المنكر تدور عندهم وش بيسون

الظاهر كان قفلوا من 6 المغرب

الله يعطيك العافية

Sent from my SM-N920C using Tapatalk

اي كوالا لمبور شنو فيها غير الاسواق

والاماكن اللي رايحتها من قبل من حدايق ورحلات مستحيل ارد اروحها

لانه الجو مايساعد والاماكن اغلبها عاديه

ههههه عاد اذا سكرو الساعه 6 بتصير اوربا

|القحطاني| و توبليرون معجبون بهذا.

opera_kw · 22-01-2016, 11:50 AM

اقتباس : المشاركة الأصلية كتبت بواسطة ابو عمر _ JDH

ماشاء الله تبارك الله اجزاء رائعه جداً الله يعطيك الصحة والعافية

بالنسبة لشقق بافليون الجديدة بتكوووووووووووون خرااااااااااااافية

اخر تطورات البنااااااااااااء

شكراااا جزيلااااا عالاضافه

فعلا شفت الصور انا وان شالله اذا تم المشروع بسكن فيه

قصة حب, توبليرون و kdsaeeed معجبون بهذا.

opera_kw · 22-01-2016, 11:51 AM

اقتباس : المشاركة الأصلية كتبت بواسطة فيصل

تسلمين
هل التنقل الي كوالمبور تاكسي خاص ام باص

الله يسلمك

اكيد تاكسي خاص

معانا اطفال وجنااااط وااايد

فكان افضل خيار التاكسي

فيصل, توبليرون و kdsaeeed معجبون بهذا.

opera_kw · 22-01-2016, 05:40 PM

اليوم الحادي عشر:

23 ديسمبر 2015

اليوم كان سوق في سوق

والسوق اللي رحتله الكل يعرفه

اول شي نلقي نظره على مكان البوفيه

المكان صغير على حجم الفندق لكن البوفيه شامل كل شي فيه

اول انطلاقه

لمجع تايم سكوير

وانا اكتب الكلمه لكم كتبت سيام سكوير تفكيري بتايلند ...

المجمع كبير كلكم تعرفونه

طوفه الامنيات

يعني انا كل مره لمن اكون بروحي اروح هالمجمع اخلصه بيوم واحد

بدون تعب او ملل

بس مثل ماقلت قبل مع الاطفال الحركه شوي ثقيله

وغير جذي يتعبون من السوق ويتمللون

فرجعنا الفندق وانا حاطه البالي اني وصلت لي الدور 3 ولازم ارجع يوم ثاني اكمل باقي السوق

رجعنا نرتاح شوي

لقيناهم حاطين لنا جوكلت

واعلان حق حفله بيسونوها يوم الكريسماس اذا حابين نشارك

بعدها طلعنا لمجمع حلو بعد

بس عاد هالمجمعات شعبيه وصناعه كوريه على صينيه على ماليزيه

بس اهم شي الواحد يعرف شلون يدور ويختار على ذووقه

والله طلعت بحصيله من هالمجمعين ... اسعارهم جدا جدا رخيصه

والكوالتي عالي

و الموديلات حديثه

هذا المجمع بعد ما كملته لانه صار اللي والاطفال يبون ياكلون

رجعنا البافليون تعشينا

كل يوم نروح البافليون

عقب العشا تمشينا

جان اشوف محل كيك

او بالاصح جيز كيك ياباني .. وانا عندي خبره بالحلويات اقصد اسوي وايد حلويات والشي اللي احب سويه

ومن زمان كان خاطري اذوق الجيز كيك اليابانيه

ولا يقولون لنا الجيز كيك بعده بالفرن يبيله 3 دقايق

صفينا طابور

صار طابور طويل ناطرين

وماشالله بس طلعو من الفرن

الكميه كلها خلصت

تقريبا كانو فوق 30 حبه بس كلهم انباعو بس طلعو من الفرن على طول

ماكو شي يبات عندهم

اخذناها معانا الفندق واكلناها مع قهوه

انا سنين ايي ماليزيا اول مره اشوف هالمحل واذوق

اللي يرووووووووووووووووح لازم يذوووقها

لذييييييذه

قطنه خفيفه

لازم تذوقونها

يعني انا بقولكم شي ... سر بيني وبينكم

صرت كل يوم اشتري منها

فيصل, |القحطاني|, قصة حب و 5 آخرون معجبون بهذا.

opera_kw · 22-01-2016, 06:03 PM

اليوم الثاني عشر:

24 ديسمبر 2015

علشان التقارير مافيها صور وايد ولا معلومات بسبب السوق

بحط لكم يوم ثاني

موعد مع الرفاهيه اليوم

اول اخذنا تاكسي نبي نروح مجمع سوريا كي ال سي سي

اي نسيت اقولكم

واحنا طالعين من ليغو ورايحين كوالالمبور

مرينا على منطقه اسمها مالكا

قالنا السايق

رحتو مالكا تبون اوديكم

قالناله لا

اليوم السايق اللي اخذناه بعد قالنا عن مالكا

فحطيتها ببالي اني بدور عنها اذا رديت الكويت

لانه السواق اغلبهم مايعطون معلومات 100 % عن المكان

المهم السايق عنده ملف فيه بعض الصور للاماكن

وهذي الاي ستي

حاطتها بالجدول بروح لها بس ان شالله اخر يوم

وصلنا

هارودز الكافيه

المدارس في ماليزيا معطلين بس الدوامات لا مداومين

فموايد زحمه .. زحمه خفيفه

بس باجر 25 عندهم عطله الكريسماس

واللي وراه 26 صادف المولد النبوي فبعد كان عندهم عطله

وطلعت من بوابه ثانيه بس عشان اصور البرجين مع بعض

ونكمل التسوووق

المجمع فيه الغالي والمتوسط بالسعر

بس اللي يبي يشتري ماركات ثقيله الاسعار نفس اسعار الخليج

اوربا اهي المكان المناسب لشراء الماركات

دخلنا هاارودز المحل نشتري

قالولنا ان يوم 26 بيسون خصم من 30 لي 70

يسوى

فماشريت منهم وقلت اذا كان في وقت ارد المجمع يوم 26

عقب تغدينا بالفود كورت

كنت ابي برياني

من زمان عن العيش

فطلبنا من مطعم هندي

هذي التشكيله

وطلبتلي برياني

الحمدلله

ونكمل التسوووق

الحين احنا باخر دور

ونبي ننزل تحت

طبعا مالنا حل الا الاصنصير معانا عربانه اطفال

الاوادم اللي يمشون على ريلهم مافيهم عله

ليش واقفيين دور عالاصنصير

والمصيبه الكبرى محد يحترم

يشوفون العربانه مايهمهم

بس يفتح باب الاصنصير الكل يتسابق للدخول

بالاخير عقب ما خلصنا التسوق

طلبنا دونت من هالمحل

انواع كثيره

بس عادي

والكريمه سايحه لا ثلاجه ولا شي

ردينا الفندق

نرتب اغراضنا

وطلعنا للملاذ

البافليون

هالمره دخلت باركسون دور دور

لاني مادخلته من اول ماوصلت

وبعدها توكيو ستريت

الليله كريسماس والشعب كله محتفل

شوفو الامه كلهم بالبافليون

تمينا لي بالليل

وتعشينا في كاونتر برغر

المطعم كان موجود بالكويت وكنت احبه ... وايد كنت اكل منه

وفجأه شالوه من الكويت

الظاهر خسر شكلي بس انا اللي كنت اكل منه

ويوم شفته بماليزيا

قلت لازم اكل منه

طلب بوبدر

وطلبي

وردينا الفندق

وقعدت عالدريشه اشوف الناس

الشارع ضجه وزحمه

كنت مصوره صور بس مادري وينهم

المهم

انه لي الساعه 12 ناطرين تصير الساعه 12 كأنه ليله راس السنه مو الكريسماس

و بس صارت 12 صارخو الناس والعاب ناريه و دخان

حتى اوربا ما سووها بالضبط جنه راس السنه

وبعد ما هدا الشارع نمنا

لانه كان وايد ازعاج مع انه احنا بالادوار الاخيره من الفندق

فيصل, |القحطاني|, قصة حب و 3 آخرون معجبون بهذا.

فيصل · 23-01-2016, 03:56 AM

زحمه علي ليله الكريميس زين ليش هالاحتفال

الأسواق مغريه لكن مش من أصحابها كثير

تشكرات مدام

توبليرون, الايمان و kdsaeeed معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
احلى بوسة من مصرالمحروسة	الشمس الساطعة	بوابة مصر	9	21-05-2016 01:17 PM
احلى سفرة الى اندونيسيا	علاء الغامدي	بوابة اندونيسيا	13	12-11-2015 09:31 AM
ابحث عن فندق في السلطان احمد	mahmood	تركيا	6	19-09-2015 03:44 PM
مسجد السلطان احمد	F.A.H.D	بوابة الكاميرات	13	07-04-2015 02:32 PM