ماليزيا ... با احلى الذكريات - الصفحة 5

opera_kw · 16-01-2016, 10:26 AM

اقتباس : المشاركة الأصلية كتبت بواسطة |القحطاني|

فندق الليقو رهيييب جدا

الاجواء رهيبة .. والتسوق هو الاحلر

تقرير جمييل جدا

الله يعطيك العافية

Sent from my SM-T705 using Tapatalk

شكراااا جزيلااااا

توبليرونمعجبون بهذا.

himzmz · 15-01-2016, 02:32 PM

الله يعطيك العافية فندق جميل جدا للاطفال وعائلاتهم

بالنسبة للغرف ما اتخيل اني انام بين القراصنة هههههههه

تابعي

فيصل, قصة حب و توبليرون معجبون بهذا.

opera_kw · 16-01-2016, 10:28 AM

اقتباس : المشاركة الأصلية كتبت بواسطة himzmz

الله يعطيك العافية فندق جميل جدا للاطفال وعائلاتهم

بالنسبة للغرف ما اتخيل اني انام بين القراصنة هههههههه

تابعي

الفندق جدااا جميل بحد ذاته سياحه و لعب

لا تخيل ترا الاجواااء روووعه بتكون نخرع الاطفال ههههههه

توبليرونمعجبون بهذا.

opera_kw · 16-01-2016, 10:50 AM

تابع اليوم الثامن:

20 ديسمبر 2015

مثل ما قلت لكم انه الغرفه بيعطونها لنا الساعه 4

وبما انه اليوم محسوب علينا

حطينا اغراضنا وطلعنا للثيم بارك

الثيم بارك فيه عده اقسام

اول شي طلعنا من الباب الخلفي للفندق

والباب مايفتح الا بكرت لسكان الفندق فقط

والاطفال لازم يصورون عند كل الشخصيات

ودخلنا بالتذاكر اللي عطانا اياها الفندق

مو قلت لكم مهتمين بكل التفاصيل

كل شي ليغو

و اول مادخلنا شفنا هذا المحل

يوزع هدايا للاطفال ليغو صغار

و تكتب اسم الطفل والساعه 3 عندهم سحب

والله خوووش هدايا عطو الفايزين.. ليغو بوكس بس حجم كبير

يعني شي محرز

و انطلقنا للاكتشاف

والله فن والشخص اللي يسويهم مبددددع

ومن هني نقدر نشووف الووتر بارك

وكل طفل يحطون له ستيكرز باسمه على ملابسه في حال اذا ضاع او اي شي حصل يعرفونه منو ويتصلون على اهله

يتبع ....

فيصل, قصة حب, |القحطاني| و 5 آخرون معجبون بهذا.

opera_kw · 16-01-2016, 11:04 AM

اول شي

الليغولاند فاتح بماليزيا سنه 2013

واعتقد للحين مو مؤهلين بالتنظيم واستقبال اعداد كبيره

مادري شنو مشكلتهم

بس اليوم كانت الشمس حااااره جدااااا .. استغرب من بدل عارف انه جوه طول السنه حر و مطر ورطوبه لكنه ما يعمل على انه يعالج هالاشياء

يعني المكان المفروض يكون مسكر او مسقف عالاقل مظلات او وسيلة تبريد

غير جذي العماله قليله

يعني هذا اللعبه للاطفال فقط

وقفنا دور اكثر من ساعه بالحر علشان بس يركب الطفل بس دوره وحده وينزلونهم

واللي يشتغل شخص واحد داخل اللعبه

اهو اللي يدخل الاطفال
اهو اللي يركبهم ويربط لهم الحزام

اهو اللي يشغل اللعبه

واهو اللي يوقفها

واهو اللي يسااعد الاطفال بالنزول

وكل الالعاب كانت جذي

فوااايد يصير تعطيل وتأخير عاللعبه الوحده

يبيلهم تأهيل بصراحه لازم يتعلمون يمشووون الدور بسرعه

الطفال تعبووو

خلصنا اللعبه

رحنا المسرح قالولنا انه عرض حلو مايتطوف

شخصيات الليغو نينجا

الاطفال يعرفون اساميهم بس انا ماعرفهم

مسموح الاكل والتصوير داخل العرض

العرض حلو وفيه مؤثرات حلوه

بس شايفين اللي لابسين اسود

اهم يحركون الشخصيات

حسيته مسرح عرايس

رحنا القطار وجوله بالحديقه

وهذا الميني لاند

فندقنا

بعض الالعاب الاخرى

وايد دقيقين بسالفه الطول

يعني في العاب اصلا ماتستاهل طول

بس الطفل اللي اقل من طول معين مايدخلونه

شدعوه

ماكو شي يدعو للقلق

يتبع ....

abdullah h, فيصل, قصة حب و 4 آخرون معجبون بهذا.

opera_kw · 16-01-2016, 11:26 AM

الميني لاند

تصاميم لبعض الاماكن كلها بالليغو

فن فن

وستار وارز موجود

ومن داخل ستار وارز

ولازم كل لعبه نطلع منها يدخلون المحل التابع له

انا ما ابي احبط محبي الليغو

لكن هذي اللعبه مثلا

ننطر دور علشان اللعبه ما تطول 10 ثواني

وكلهم جذي

بالكثير 15 ثانيه

وهذي اللعبه مادري شنو انا مادخلت لانه ولدي الصغير مادخلوه بسبب الطول

بس بدر وابوه وانا نطرتهم برا مع حمد

خلاص لازم نريح ونتغداا

اخترنا هذا المطعم عند مدخل البارك

اي نقطه ثانيه

يعني بارك مثل ليغو المفروض يحطون مطارات ماي او للبيبسي اللي نشتريها شي مرتب

شي عدل

شي زين

بس هذا اللي عطونا اياه كلش مو مستوى ليغو لاند

المفروض يكونون نفس مستوى ديزني لاند

يونيفرسال ستديو

اما الاكل

استغفر الله ...الله يديم النعمه

الساندويش مطلعينه من الثلاجه باااارد ما ينوكل اصلا

بس اكلنا هذا .. بطاطا مع جبنه

تاريخ الليغو

طبعا احنا ردينا الفندق واستلمنا الغرفه وردينا طلعنا مره ثانيه

يعني اللي تشوفونه مو كله بوقت واحد

للكبار فقط

في البدايه لمن دخلنا البارك غير المحل اللي يوزع هدايا

كان في كوبونات تعبونها وقالولنا السحب عالهدايا الساعه 6 بس لازم الحضور الشخصي

يعني اذا طلع اسمك وانت مو موجود تروح عليك

رحنا العرض

قعدنا مع الجمهور

بعدين طلب منا احد العاملين بالبار ان ياخذ عيالي و يشاركون عالمسرح

اسألوهم بعض الاسئله عن بابا نويل شلون صاير ...

زين انه العرض بالانجليزي مو بالماليزي

وخلص العرض وماطلع اسمنا بالسحب

وصار المغرب

والبارك يسكر الساعه 7

وطلعنا

على طول جدام البارك في مول

وهذي ساحته

بس يمكن انه يديد توه فاتح

مافي شي

في محل رياضي

في مايوهات اسلاميه للي يبي

والله زينين احسن من اللي عندنا

حتى حجابات البحر زينين وكل الماليزيات لابسين مثله

و بعدها تعشينا في KFC

و رجعنا الفندق

شربنا قهوه والاطفال لعبو بالفندق

وخلص اليوم

abdullah h, himzmz, ali pontiac و 7 آخرون معجبون بهذا.

كتكات783 · 16-01-2016, 05:35 PM

جزء راااااائع .. ويبدو بأنه حصري للمرة الأولى يُسلط عليه بالبوابة ..

الفندق فكرته جميلة جداً جداً .. كسر للروتين وملفت للأطفال .. بس الساعة ٤ ( الجيك إن ) فعلاً الأمر مزعج

الثيم بارك روووعة وملاحظاتك أتفق معك ( جربتها في ديزني هونق كونق ) الطوابير بالساعة والساعتين ..

كانت من سلبيات ديزني .. الوضع مرهق جداً خصوصاً إذا كانت الأجواء مشمسة ..

مستمتعين كثيييير بالتقرير ( جديدة وحصرية ) بانتظار بقية الأجزاء ..

مقدّرين هذا الجهد وهذا الطرح للتقرير .. بارك الله بجهودك ..

توبليرونمعجبون بهذا.

opera_kw · 18-01-2016, 08:32 AM

اقتباس : المشاركة الأصلية كتبت بواسطة كتكات783

جزء راااااائع .. ويبدو بأنه حصري للمرة الأولى يُسلط عليه بالبوابة ..

الفندق فكرته جميلة جداً جداً .. كسر للروتين وملفت للأطفال .. بس الساعة ٤ ( الجيك إن ) فعلاً الأمر مزعج

الثيم بارك روووعة وملاحظاتك أتفق معك ( جربتها في ديزني هونق كونق ) الطوابير بالساعة والساعتين ..

كانت من سلبيات ديزني .. الوضع مرهق جداً خصوصاً إذا كانت الأجواء مشمسة ..

مستمتعين كثيييير بالتقرير ( جديدة وحصرية ) بانتظار بقية الأجزاء ..

مقدّرين هذا الجهد وهذا الطرح للتقرير .. بارك الله بجهودك ..

شكرااا جزيلااا

توبليرونمعجبون بهذا.

abdullah h · 17-01-2016, 05:44 PM

إن شاء الله رحلتي القادمة سيكون لهذه المدينة نصيب من برنامجي تسلمين على التقرير وعلى الصور

توبليرونمعجبون بهذا.

opera_kw · 18-01-2016, 08:33 AM

اقتباس : المشاركة الأصلية كتبت بواسطة abdullah h

إن شاء الله رحلتي القادمة سيكون لهذه المدينة نصيب من برنامجي تسلمين على التقرير وعلى الصور

ان شالله يارب و تعطينا تفاصيل اكثر عن المكان

توبليرونمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
احلى بوسة من مصرالمحروسة	الشمس الساطعة	بوابة مصر	9	21-05-2016 01:17 PM
احلى سفرة الى اندونيسيا	علاء الغامدي	بوابة اندونيسيا	13	12-11-2015 09:31 AM
ابحث عن فندق في السلطان احمد	mahmood	تركيا	6	19-09-2015 03:44 PM
مسجد السلطان احمد	F.A.H.D	بوابة الكاميرات	13	07-04-2015 02:32 PM