السلام عليكم ورحمة الله وبركاته

يا جماعة مريت مكتب الفيفا بالدمام وطلب مني شغلتين الاولى إنه ما راح يقدر يقدم طلبي على السفارة الالمانية إلا قبل سفري بثلاثة شهور فقط !!! وما استوعبت هالطلب واحسه مو صحيح

والشيء الثاني طلب مبلغ 1665 ريال وانا اشوفها كثير ولله


وكل الشرطين ما دخلت راسي

هل أحد يقدر يفيدني بمكتب آخر موثوق فيه


وجزاكم الله خير

مبلغ خرافي أعوذ بالله
طبعاً بالنسبة لتقديم التأشيرة صحيح لازم قبل 90 يوم من السفر

وبالنسبة لمبلغ التأشيرة مبالغ فيها جداً

يفضل تطلعها بنفسك راح توفر لك 1000 ريال للجواز الواحد

وإذا ملزم رح للمكاتب اللي قدام المكتب المشترك لاستخراج التأشيرات يكونوا أرخص منه

بالرياض المكاتب اللي أمام المكتب يطلعونها ب 800 ريال

و عليكم السلام

نظام السفارة و ليس نظامهم أن لا يقبل التقديم قبل 90 يوم

مر على المكاتب حول المكتب الموحد و قارن بين الاسعار

و ان كان الارخص و الافضل أن تقدم بنفسك

طيب يا جماعه انا بقسم رحلتي بين المانيا والنمسا


ينفع اسوي حجز قابل للإلغاء واخليه كامل في ألمانيا وأقدم حجز الفندق بنفسي على السفارة واطلع التأشيرة


يعني ما اعطيهم خبر عن النمسا أبد؟


ينفع؟؟

بلغي الحجز اول ما تطلع الفيزا من هنا ....... فيها مشكله؟

كلام الغردقاوي صحيح
يفضل تلغي الحجز بعد وصولك وتتأكد من سياسة الالغاء انها تكون قابلة
سويتها السنة اللي فاتت في فرانكفورت وبالفعل طلبها موظف الجوازات لكن الحمد لله أخذ احتياطاتي

ممكن لو تعطيني مخططك للرحلة وبإذن الله أقترح عليك اقتراح يناسب

نفس ما قال الغردقاوي ونازف
الغيه بعد الوصول
شف لك فندق رخيص أحجز فيه اول يوم والبقيه بفندق اخر والغاء مجاني كلهم

حيَ الله مديرنا السابق واللاحق كنت أنتظر طلتك ، عوداً حميداً إن شاء الله

على كل حال خل أقولكم السالفة وأنتوا علموني التصرف الصح


أنا فعلياً (بأمر الله)، بقعد ثلاث ليالي ميونخ -- بعدين ثلاثة ليالي زيلامسي --- بعدين ليله ميونخ

أنا قلت بحجز المده كلها في أول فندق بنزل فيه في ميونخ ، وبقدم الفيزا ، وبعد ما أحصل عليها مباشرة أعدل الحجز الى 3 ليالي


اتمنى فهمتوا قصدي ، وأفيدوني يا أخوان ما ابي لخبطه في السفرة أول مره أفكر أقدم بنفسي وكله بسبب أسعار المكاتب والنصب


،
وبالنسبة للأخ / غردقاوي ، يقول ممكن يسألني الضابط هناك

طيب ماهو لو قدمت عن طريق مكتب بصير 100% ما أدري عن شيء ولو سألني الضابط أكيد ما بعرف وأكيد أغلب المسافرين نفس وضعي



أتمنى كلامي يكون واضح كله


ويا مرحبا الساع