السلام عليكم ورحمه الله وبركاته
عندي كم استفسار بخصوص تركيا
طبعا سبق لي زيارتها في الصيف الماضي..
وان شاء الله ناوين نزورها كمان في الصيف القادم اذا ربي أراد..

أولا بخصوص الجوازات
فيه بعضها يوم السفر يكون باقيلها اقل من سنة على الانتهاء ( تقريبا 8 او 9 شهور ) عادي ولا فيه مشكلة؟؟
لأني ناوي احجز الطيران الداخلي هذي اليومين وصعب بعد ما احجز الطيران الداخلي اجدد الجوازات عشان البيانات تختلف..

وكمان سؤال هل اقدر مثلا احجز لطفلي الرضيع وادفع واذا جاء وقت السفر ما يكون معانا ؟؟
( ما أدري هل اخذه معانا ولالا فأنا بحجزله احتياط )

وكم الوقت الأفضل بين الرحلة الداخلية والدولية
أنا وصولي بإذن الله لمطار اصطنبول الساعة 14,20
حصلت رحلة على الخطوط التركية الساعة 17,55
ورحلة على خطوط اونور الاقلاع الساعة 19,30 ( جربتها العام وكان الفرق طويل ومتعب )

مشكورين وما قصرتوا
الله يجزاكم خير ولا يحرمكم الأجر

أهلا بك ..

الأمور جميعها في السليم ..

النقطة الوحيدة اللي متردد فيها .. الوقت مابين الرحلتين ..

فترة صيف وزحمة .. وإذا كان عددكم كبير .. وحقائب ..

ربما أقول ربما ( تحتاج وقتاً أطول )

حجزي في أول شهر مايو ( موسم غير سياحي ) ومع ذلك تركت ( ٤ ساعات ) مابين الرحلتين ..

لأن اليوم ( غير محسوب ) فقط سفر وتنقلات .. لذلك الاستعجال لا أراه مناسباً ..

وجهة نظر خاصة ..

عزيزي
بالنسبة للعدد فبصراحة كبير وأكثر من عائلة..

قبل شوي تأكدت من موعد الوصول الساعة 14
والرحلة الثانية 17,55


تتوقع ما يكفي؟؟؟؟؟؟؟؟

برأيي حوالي 4 ساعات بتكفي ان شاء الله ..

احرص على استلام البوردينغ باس لكل الرحلات من أول كاونتر للصعود .. وبالتالي ما في استلام للحقائب في اسطنبول .. كل اللي عليكم هو الانتقال من الطائرة لمنطقة مواصلة الرحلات .. المرور عبر التفتيش السريع ومنه لمنطقة السوق الحرة والبوابات .. المسافات في مطار اسطنبول كبيرة لكن مش هائلة يعني حاول بمجرد المرور من التفتيش تعرف بوابتك وتبقى قريب منها وان شاء الله خير ..

الله يعطيكم العافية ما قصرتوا

بس كيف حكاية مافي استلام حقائب في اسطنبول؟؟؟
انا رحلتي الدولية ع الخطوط السعودية
والداخلية على الخطوط التركية
يعني لازم لمن اوصل اسطنبول استلم العفش وبعدها اشحنه ع طرابزون..

عفواً ما انتبهت للطيران ..
انا فكّرت انك رح تستخدم الخطوط التركية في الرحلتين ..

لكن مع هيك.. حصلت معي اكتر من مرة واستلمت بطاقة البوردينغ من مكان انطلاقي رغم اختلاف خطوط الطيران (القطرية - اير اسيا)، (التركية ولوفتهانزا)... وغيرها.. المفترض انه ما يكون في مشكلة .. فجرّب هالخيار وقت مغادرتك من جدة واطلب منهم البوردينغ لكل الرحلات مع شحن الحقائب مباشرة (انتبه للستيكر على الحقائب لازم يكون الوجهتين موجودين وخاصة الوجهة النهائية)

أهلا بك ..

طبعا لا تسطيع استلام بوردينق الرحلات كلها ..

عندما تصل تستلم بنفسك حقائبك وتتوجه بها إلى صالة الرحلات الداخلية

لشحنها واستلام البوردينق ..

سؤالي يالغالي .. الرحلة اللي بعد الساعة ١٧،٥٥ متى وقتها ؟؟؟

أردت أن أشيك على الرحلات ولكن لم أجد تواريخ سفرك في استفسارك ..