خمس نجوم 
ذو طابع كلاسيكي إيطالي
كلفتنا ليلة واحدة فقط مع الفطور 149 يورو
حوالي 700 درهم إماراتي
التصميم الداخلي مليء بالتحف القديمة (أنتيك)
وكذلك الرخام
إستخدام النظام العتيق في مفاتيح الغرف
معطيه جو كلاسيكي غريب، بس ترى للزينة
البطايق كانت ممغنطة
الفندق مو كبير مرة ، لذلك ما كان فيه في الرسبشن غير واحدة موظفة
إستقبال، ووجدناها غريبة شوي كانت تستقبل وتجاوب الأسئلة وتسوي كل شيء
أبو عمار كل شوية يخوفني ويقول: تتذكري فيلم 1408
ما أعرف ليش أبو عمار ما كان مبسوط من الفندق
مع إني شايفته كلاسيكي ما به شيء
لكن هو يقول : أحس بإحساس أن الفندق مسكون
وفي أرواح
هههههههه
طبعاً هذي ضحكة خوف
الفندق مو سيء بس أبو عمار بيبالغ
بس صحيح لا نقارن الخمس نجوم في كان مثلاً
بالخمس نجوم في إيطاليا.. هنالك فرق شاسع
صح الغرفة ضيقة لكنها نظيفة
قلتللكم لها جو خاص
يعني شوفوا مثلاً الووبيبر (ورق الجدران) عبارة عن جينوا في الماضي
التلفزيون حديث وما عليه خلاف
حتى الحمام اكرمكم الله نظيف
نوعين من الفيو للفندق
للساحة والميدان وهو الأحلى بس تدفعوا زيادة يمكن 40 يورو
قلنا ما نبغى ، كون إنها ليلة واحدة وبنمشي من الفندق
كان عقابنا الغرف اللي على هذي الواجهة
ما أخفيكم حسيت أنو أبو عمار فقد حماسه لإيطاليا
وكل شوية يقول
Was bad idea to come to Italy after being in French Riviera
وأنا أقول له : الفخامة مو كل شيء ..
بس يمكن كانت نوع من صدمة التغيير ومقاومة التغيير
Change resistance
لكن أبو عمار أستمر في الموود السيء بزيادة بعد ميلان
ما غير هذا الموود إلا المغامرتين اللي قلتللكم عنها وما أبغى أحرقها
قلنا أحلى شيء نرتاح وننزل نكتشف جينوا
سألنا الموظفة وأعطيتنا خريطة لجنوا وفيها كل المزارات السياحية
عن نفسي عجبني الهوتيل، شوفوا مثلاً هذا التلفون القديم
تحسوا في ألغاز في هذا الفندق
بس الله يسامحه أبو عمار حط في بالي فكرة الشباح
صرت كل شوية أتخيل أشياء وأشياء
مثلاً اتخيلت شبح بيعزف على البيانو
وجا أبو عمار بالسيارة وطلعنا
لا أنسى أقول أنو مو بسهولة تلاقوا فنادق ترضى توقفوا السيارة في نفس الموقع Secure parking
وإذا لقيتو فلازم تدفعوا بالليلة
يتبع 
101الاعجاب
04-03-2016, 03:39 AM
العرض الشجري
المواضيع المتشابهه 
