حتى جيناهم سبعة إلا عشرة دقايق

قلنالهم طيب خلونا نجلس بس

قالوا: تستنوا عشرة دقائق ، قلنا مو مشكلة نستنى

عشان يكون طلبنا أول طلب

صوت اليخوت، الناس، البحر ، والأنوار بدأت تضاء

كلوا أعطى جو حلووووووووو

لدرجة أبو عمار خلاص أتصلح الموود عنده

وبدأ يستمتع بكل شيء

هذا رقم الطاولة لا يجي على بالكم شيء زي كدة هههه

وأخيراً بدأوا يستقبلوا الطلبات

تحليل لأجزاء البيتزا

ابو عمار يقول: معقول مافي سي باس اليوم؟؟ فرصة

قلتلله: لأ... مو اليوم .. دحين مزاجي فيجيتيريان (خضار)

الخبز الإيطالي يجيبوه بطريقة حلوة، جوة كيس ورق

مو طبيعي خل البلسميك مع الزيت زيتون

منجد أنا في إيطاليا

وهذي البيتزا الرااااااااائعة يمي يمي

بالمناسبة أمس نمت بدون عشا

وصحيت الآن قاعدة على الكموبيتر أبغى أخلص هذا الجزء

ونسيت إني ما فطرت ، يعني أصوات بطني طالعة الآن

وأنا بأشوف البيتزا آآآآآآآآآ

وأبو عمار قال: مع الخيل يا شقرا

بأكون فيجيتيريان زيك اليوم

ولمسات أبو عمار من البارميزان تشيز

وهذا كمان لزيز مرة ، باذنجان ملفوف على حشوة جبنة

عشوة رااااااااااائعة وسعرها مناسب

الحمد لله الذي أطعمنا هذا الطعام ورزقنا من غير حول ولا قوة

بعد العشاء قمنا نمشي للسيارة

شنط تقليد ، طبعاً مستحيل أشتري منها يا أصلي يا بلاش

وصلنا المواقف وتدفعوا للمواقف بالبطاقة

كان يوم حافل وشعرنا بتعب وإجهاد

ماننا متخيلين كنا في نيس في صباح هذاك اليوم

الحمد لله والشكر لله أعتبر نفسنا كنا مخططين ناجحين

وأستغلينا كل دقيقة في سفرنا بشي مفيد وما ضاع سدى

عدنا للفندق

بعد تجربة ميناء جينوا الحلو

وصلنا بالسلامة

وهنا أقولكم تصبحوا على خير

ناموا كويس عشان تاني يوم نروح ميلان

أتمنى أستمتعتم بأحداث هذي الحلقة

تحياتي وتقديري لكل قرائي الأعزاء

وأكيد سأرد عليكم إن شاء الله وآتي لكم باحداث جديدة

شكراً من القلب

خلوكم قريب مني ، جاية قريب