نحنا الآن في ميلان متجهين لفندقنا

نسيت أقوللكم إننا ودعنا جاكلين في فرنسا
وصار إسمها دونا Dona
وطبعاً دونا من بدايتها طلعت من جنبها
ضيعتنا عن الفندق وصرنا نلفلف
لين ما دخلنا الإحداثيات ووصلنا بعد مجهود





هذا لأن الفندق مخشخش بين الأزقة
وطول الوقت أبو عمار يقول: متأكدة خمسة نجوم؟
وأنا أقول: إيوة







وأخيراً وصلنا وإسم فندقنا هذي المرة

Hotel Pierre Milano

الموقع الاكتروني





طبعاً أبو عمار أنفجع لما شاف الفندق ، وقال: هذا؟؟؟؟؟؟؟
خمس نجوم؟؟؟؟؟؟؟ معصي !!!!!!!!!!!!!!!!





وأنا أضحك





منجد .. أنا كمان أنصدمت لما تشوفوا الصور في موقفعهم تقولوا واو
إيش هذا؟؟؟؟؟؟؟؟


ما عندي صورة الحجز بس اعتقد ليلتين كلفتنا 2000 درهم وشوية






عشان أوقللكم إنو فندق مارسيليا الرهيب هذاك أول ما وصلنا
بولمان كان منجد يستاهل خمس نجوم مو هذا الفندق







صدقوني 3 نجوم كثير على هذا الفندق







الرائحة سيئة ومستوى النظافة سب زيرو لو قلت 5 نجوم




















فين جنوب فرنسا وكان والفخامة
نسيناها































أما الغرفة .. فاضحك ولا حرج
رائحة سيئة مصدرها البساط الـ Carpet






كلمنا الرسبشن وقلنا في ريحة سيئة ونبغى نغير الغرفة
طلع الموظف وقال أي ريحة سيئة؟؟؟
ولما فتحلنا غرف ثانية طلعت الريحة أسوء
وقلنا: أرضى بقردك لا يجيك أقرد منو














ابو عمار عندو نظرية أن الحمام (الله يكرمكم)
هو اللي رائحته سيئة
لكن تأكدنا إنو من الكاربيت











مع إنهم بيحاولوا إنهم يكونوا مستوى خمس نجوم
ولكن عبثاً يحاولون بعد ما اتعكر المزاج خلاص












وأبو عمار الله يهديه قرفني زيادة وقال: الريحة السيئة
من الـ Bed head
هي ريحة رؤوس الناس اللي ناموا قبل كدة ههههههههههه

يع يع





خلالالالالالالالالالاص

مافي مجال نتراجع


حاولنا نكلم المدير إننا نتراجع عن الحجز ما رضي
قلناله شوف الريحة سيئة أرسلولنا شخص رش (جليد) معطر هواء

هذا كل اللي سووه






المهم خرجنا من الفندق وبرغم المزاج المعكر

لكن عصافير بطننا كانت تزقزق بقووووووة
قلنا ما علينا خلينا ننسى ونستمتع بالرحلة






مشينة برجلنا حول الفندق













لقنيا مطعم فاتح



يتبع