كــان وأخواتها - جنوب فرنسا صيف 2012( بقلم / د.معمارية)

فريق التطوير · 04-03-2016, 06:43 AM

لوغانو .. بلدة هادئة .. وممكن أقول عنها رومانسية
تستحق الزيارة ..

لما شفت أبو عمار تعب من السواقة .. أستلمت عنه القيادة لأول مرة
وما شعرت بالخوف أبداً لأن شوارعهم منظمة وهادئة

فاتكم كثير من الصور .. لأن أبو عمار ما صور ..
مافي غير يمدد الكرسي ويغمض عينه

لقيت موقف وقفت السيارة .. مع إنها توقيفة غلط
عشان أنزل أصور بسرعة عبال أبو عمار يرتاح شويتين

روقان لأبعد الحدود

فيو حلو

في كل مرة نمر على بلدة أو مدينة جديدة أنا وأبو عمار
نسأل نفسنا هل حنرجع لهذا المكان ولا لأ

الإجابات متنوعة مثلاً :

- لأ
- أكيد
- ممكن
- مستحيل
- إذا جانا فيه مؤتمر
- نقرر بعد 10 سنين

مثلاً (كومو) قلنا عنها ، لأ
لكن لوغانو قلنا عنها ممكن نرجعلها ثاني

لهنا فترة الإستراحة خلصت وأبو عمار اتنشط
ودعاء السفر مرة ثانية ودعسنا على ميلانو
بعد ما قلنا

we call it a day

رحلة العودة كانت رائعة ما عدا أنا أتذكرنا إنو بنرجع ميلانو

يعني ميلانو الإجابة لها كانت مو بس مستحيل واحدة

مستحيل مستحيل مستحيل
حتى لو فيها مليون مؤتمر

ووصلنا ميلان بعد يوم حافل

وبكذا أقول أنتهت هذي الحلقة المليئة بالمغامرات
وكنا فرحانين لأننا ثاني يوم بنروح مكان
لأول مرة في حياتنا

وهي

موناكو

خلوكم معاي ولا تروحوا بعيد

Meme Bahrainمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تقرير: بلاد الشكولاتة بلجيكا - بروكسل+ بروج مايو 2011 (صور وفيديو) بقلم د. معمارية	فريق التطوير	تقارير لا تنسى	36	22-04-2024 10:58 AM
ليلتين في جنوب فرنسا	نجود	بوابة فرنسا	2	26-05-2015 04:45 PM