عدستي بصحبة عائلتي لتوثيق رحلتي للبلاد الأفرو أوروبية (جنوب إفريقيا 2012 )بقلم محيرهم

فريق التطوير · 06-03-2016, 04:18 AM

نكمل معكم حلقتنا الماضية

ووصول هيرمانوس

وتحديداً فندقها الجميييييل والأنيق

Harbour House Hotel

هذا مبني السكن واللي يسار الصورة مبنى الإستقبال والمطعم والحديقة والمسبح

وهو يحتوي 18 غرفة فقط

كل دور فيه 6 غرف

3 تطل للأمام و 3 للخلف

بس للأمانة أحجز لو ما تختار كلهم إطلالتهم حلووووه

بس أحرص ع الدور الثالث أفضل إطلالة وهو الدور الأعلى

طبعاً حطيت إحداثية الفندق هذا

وجابني على طريق الكورنيش يوم نشوف الشياب اللي يتصارحون ههههههه

المهم يوم قربنا شوي الإ العااااالم مجتمعين وعيووونهم وكميراتهم للبحر

وادخل لشارع الفندق وشارع صغير وقليلة المواقف

وفيه قبال الفندق مطعم إيضاً فللللل

وأحط السيارة على موقف مخطط بأصفر ( يعلمنا بسالفته أبوعلي )

وأنزل بالفوتشر للإستقبال وتدخل تجيب المفاتيح

قلت أبي أهم شي أوقف سيارتي

لإني شايف مواقف لهم تحت بالبدروم بس مقفله

قلت خلاص يروح معك هذا ويفتحلك بوابة الموقف وتجي

تحصل الأوراق جاهزة والمفاتيح

واعطيهم جوازي وبطاقتي الإئتمانية وتصورهم وتعطنياهم

عاد سألت الموظف اللي بيفتحلي الباب قلت هالعالم وش عنننندهم

قال فيه حيتان قررريبه واصله للشاطئ وتشوفها بعينك...

وهذي اللي أقولكم يميز هالمدينة ( هيرمانوس )

إن الحيتان تصل حتى شواطئها وبموسم معين بالسنة

وحتى شعاراتهم داخل المدينة ونشاطاتهم ( كلها حيتان وصور حيتان )

ولااااا لهم شعار ثاني بعد ( يموووتون فيه أهل الصيد )

لهالمدينة شعار طائر ( الكرك ) إذا له إسم ثاني مدري هههههه

وقفنا سيارتنا ورحت وجبت المفاتيح وساعدنا الموظف بحمل الشنط

مو كلهن أهم شي شنطة العزبة نبي ( مهيله ) ههههههه

وصار حجزنا غرفتين منفصلات بس ما بينهم باب !!

وحده بالوسط ووحده ع الجانب وبالدور الثالث

تقل طولت القرقر شوي ههههههه

يالله نعطيكم صور الحين للغرف

هن تقريباً مثل بعض بالضبط بس يختلفن بالسقف لإن السقف هرمي

وهذي إطلالة غرفة وهذيك الإطلالة الثانية

يعني وحده المجلس ووحدة المقلط هههههههه

الحين صورت يمين

وهذي صورة ع اليسار

وهذي المحروسة قابعه بالمواقف بعد السرعة اللي جتها ههههههه

هذي رجلين الفندق

ياولد لايطيح هههههههه

وبالزاوية اليسرى باب المواقف من تاصل له يفتح اتوماتيك

دعائية للتيدا خلفهم هههههه

زاااانت المهيله خل ناخذ فنجال ونصحصح بعد الطريق

وننزل ونعلمكم وش شفنا...

وهذي أفياش تقل اختلفت عن الفندق اللي قبل

يعني أكثر خيارات

وخاصة آخر واحد يسار أغلب أجهزتنا أم ثنائي وراس اسود

يجي على طول من دون توصيلة تحديداً مثل ( شاحن الكميرا )

بعد ما تقهوينا نزلنا تحت على رجولنا بنروح للواجهة البحرية

وهذي من مميزات الفندق الصراحة

وبنفس الوقت السرعة ما راحت عبث ههههههههه

وصلنا بدري وبنستفيد من يوم الوصول

هذا ممر بجنب الفندق

يوديك على طوووول للشاطئ

وهذا البحر قريب للفندق

إهداء لقلوبك النقية

وهذولا ما بين معهم كميرا والإ منظار ( دربيل ) لمشاهدة الحيتان

وهذولا أيضاً

بس والله يالعجوز ياهي متحمممسة للتصوير

وجالسه بوضعية إحترافيه ياولد ههههههه

عاد يوم شفتهن وغيرهين بهالمدينة تذكرت جدتي الله يطول بعمرها على طاعته

يالله تمشي ومساعدة عكاز وهذولي يتمغطاً ويصورن وحركات ههههههه

طبعاً الحوت ما يطلع منه الإ القليل وغالباً الذيل

وأكتفيت بصورتين

هذا الشاطئ الداخل

يصل لمسافات قريبه منه الحوت

وهذي من الحركات ع الكورنيش

وهذي لوحات تعريفية جميلة

وهذا اللي عليه العلم

و ع اليسار الأجزاء اللي تطلع منه خارج الماء

تدرون وشو هذا

هذا مسبح فندقنا على جنب هالخط

تقل ما قف باصات هههههههه

وهذا الخط اللي يفصل الفندق عن الكورنيش

وهذي من زاوية ثانية

على هاللفه مكانه

والوعد الليلة لتصويره

بعدها قلنا نروح نتمشى للشارع التجاري وهو قريب أيضاً

وعدك الليله يا حلوووو

بعدها رجعنا لإن أغلب المحلات سكرت لإن قبل غياب الشمس تقريباً بساعة يسكرون

يعني بين الساعة 5 و 6 مساءً

رجعنا لفندقنا وتحديداً للإستقبال

نسأله عن عروض رحلات الحيتان

وما قصر سوا كم إتصال على المكاتب المتخصصه وهم كثير بهيرمانوس

ويقول تطلع قبل الظهر مع وجبة غداء وتكلفة الشخص حول 600 راند

طبعاً ما حجزنا لإن من بكرا عندنا مشوار لكيب تاون

وبنفس الوقت ما راح تشوف أكثر مماشفت ع الشاطئ

ولو بنجلس يوم ثاني يمكن رحنا ع الرحلة

صور لما جوار الإستقبال

وهذا المسبح بالهواء الطلق ومع هالإطلالة الجميلة

وهذي صورة علوية لفندقنا واللي حوله معلقه عند الإستقبال وصورتها

وهنا بدأت شمس هيرمانوس بالغروب

وبالليل طلعت للمسبح ما سكه على تصويرة

رجعت للسكن وكانت الكميرا عليه عدسة الفيش اي

قلت ناخذ كم صورة

الشعباويمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كــان وأخواتها - جنوب فرنسا صيف 2012( بقلم / د.معمارية)	فريق التطوير	بوابة فرنسا	179	21-02-2018 12:15 PM