استفسار في رحلت احلامي الاوربيه

تالا · 21-01-2015, 09:33 PM

السلام عليكم
رجعت لكم من جديد بعد ماحددت تمام وين ابغى اروح وكم المده
اولا باريس
باريس حلم حياتي الي طول عمري احلم اني احققو والحمد لله قرب يتحقق
انا اهوى اصخب والحياة اليليه عشان كذا وقع الاختيار على شارع الشانز بس الفنادق الي فيه مكلفه نوعا ما وبعد بحث طوييييل وتردد وحيره اخترت فندقين وابغى الي جرب يعطيني رئيو
الاول:
بست وسترن بريميير إليزيه سوكريه

والثاني:
آرك إليزيه

ايت اقرب لشانز ؟؟؟؟

وبعد باريس حاروح بطيران الى فيينا
هل اسعار الطيران معقول ايش افضل شركة طيران هل لازم من مكتب او انا اقدر احجزها لان انا الانجليزيه عندي مررره ضعيفه

(ليالي الانس في فيينا)

فندق

City Pension

مكتوب انو على بُعد دقيقتين سيرًا على الأقدام من ساحة سانت ستيفان وشفيدينبلاتز وشارع كارنتنر شتراسه لتسوق
الي جربو يحكي تجربته

وبعد فيينا زيل ام سي

كان نفسي في قراند زيل ام سي بس مررره مليان ومافي حجز في المواقع هل المكاتب السياحيه ممكن توفرو لي وذا مرره مافي امل حاخذ

فندق

تْسوم هيرشن

وبعد زيل ام سي جنيف

هل في قطار من زيل ام سي الى جنيف دايركت وكم المده

اسفه على الايطاله تقبلو تحياتي

fanda · 22-01-2015, 12:30 AM

ينقل للاستفسارات

fanda · 22-01-2015, 12:34 AM

وعليكم السلام

هذي الفنادق الي اخترتينها

Booking.com: ظپظ†ط§ط¯ظ‚ ط¨ط³طھ ظˆط³طھط±ظ† ط¨ط±ظٹظ…ظٹظٹط± ط¥ظ„ظٹط²ظٹظ‡ ط³ظˆظƒط±ظٹظ‡ - ط¨ط§ط±ظٹط³, ظپط±ظ†ط³ط§&

Booking.com: ظپظ†ط§ط¯ظ‚ ط¢ط±ظƒ ط¥ظ„ظٹط²ظٹظ‡ - ط¨ط§ط±ظٹط³, ظپط±ظ†ط³ط§&

الفندقين بنفس المستوى تقريبا
الاول اقرب للشانز حوالي 10 دقايق مشي الثاني يبيله ربع ساعه

من باريس الى فيينا بالطيران حدود ساعتين
ممكن تحجزون بالنت او عن طريق مكتب يساعدكم
اهم شي تنتبهون وقت الحجز انه العفش مشمول في سعر التذكره

من زل ام سي الى جنيف المسافه بعيده جدا
اعتقد مسار الرحله يحتاج تعديل

فيصل · 22-01-2015, 02:04 AM

حدد ايامك وميزانيتك للسكن
وتاريخ السفر لفيينا

وجهات أوروبية · 22-01-2015, 02:16 AM

مرحبا اختي ماقصرو الاخوان جزاهم الله خير

وان شاء الله بكره الصبح راجع لج

وبخصوص زيلامسي عندج حلين

1- تراسلينهم لان عاده عندهم غرف عائليه ويعطونج عن طريق المراسله

2- اذا ماحصلتي غرفه عائليه بكلم واحد اسمه عمر هناك ووده يخدمي وان شاء الله بحاول اخليه يدبر لكم غرفه

وبالتوفيق ان شاء الله

صفق الهوى · 23-01-2015, 09:59 PM

بتروحين فرنسا تكون الدولة الي معها سويسرا
ليش بعر فرنسا تروحين النمسا وبعدين ترجعين جنيف
الجدول فيه لخبطة من وجهة نظري

وجهات أوروبية · 24-01-2015, 06:38 AM

اقتباس : المشاركة الأصلية كتبت بواسطة تالا

السلام عليكم
رجعت لكم من جديد بعد ماحددت تمام وين ابغى اروح وكم المده
اولا باريس
باريس حلم حياتي الي طول عمري احلم اني احققو والحمد لله قرب يتحقق

اللهم لك الحمد

انا اهوى اصخب والحياة اليليه عشان كذا وقع الاختيار على شارع الشانز بس الفنادق الي فيه مكلفه نوعا ما وبعد بحث طوييييل وتردد وحيره اخترت فندقين وابغى الي جرب يعطيني رئيو
الاول:
بست وسترن بريميير إليزيه سوكريه

والثاني:
آرك إليزيه

ايت اقرب لشانز ؟؟؟؟

جاوبتج مشرفتنا مشكوره

وبعد باريس حاروح بطيران الى فيينا
هل اسعار الطيران معقول ايش افضل شركة طيران هل لازم من مكتب او انا اقدر احجزها لان انا الانجليزيه عندي مررره ضعيفه

(ليالي الانس في فيينا)

فندق

City Pension

مكتوب انو على بُعد دقيقتين سيرًا على الأقدام من ساحة سانت ستيفان وشفيدينبلاتز وشارع كارنتنر شتراسه لتسوق
الي جربو يحكي تجربته

اي اختي قريب جدا جدا جنب الكنيسه في ساحه ستيفن بلاتز
وساحه ستيفان في شارع الكيرتنر

وبعد فيينا زيل ام سي

كان نفسي في قراند زيل ام سي بس مررره مليان ومافي حجز في المواقع هل المكاتب السياحيه ممكن توفرو لي وذا مرره مافي امل حاخذ

ممكن تعطيني تاريخ سفرج زيلامسي من والى
ويفضل تعطينا تواريخ سفرج بكل مدينه افضل

فندق

تْسوم هيرشن

موقعه حلو وسعره مناسب
بس غراند سعره راح يكون اعلى مش اقل من 3 اضعاف
انا بالصيف اخذت غرفتين كل غرفه طلعت بالليله الواحده 1400 ريال
واذا ناويه تسكنين عطيني التواريخ وانا بشوف لج غرف وان شاء الله بحصل لج

وبعد زيل ام سي جنيف

هنا اختي نوقف اشوي نفس ماقالو الاخوان قبلي خط السير يبغيله ترتيب
على المناطق الي ذكرتيها
يكون خط السير

باريس الى جنيف بالقطار او سياره
ومن جنيف الى زيلامسي المسافه طويله بالقطار
الحل طيارة من جنيف الى ميونخ او فيينا ومنها تروحون الى زيلامسي
ومن ميونخ او فيينا ترجعين البلد
بس ملاحظه اذا كنتي رايحه على الخطوط السعوديه ماترجع دايركت لا من ميونخ ولا من فيينا

هل في قطار من زيل ام سي الى جنيف دايركت وكم المده

اي نعم في بس مسافه طويله
الرحلات تختلف حسب نوع القطار وعدد محطات الوقوف
بس اسرع رحله توقف في محطه وحده ( محطه قطارات زيوريخ )
والمسافه 8 ساعات و 32 دقيقه
جدول الرحلات

العاب

اسفه على الايطاله تقبلو تحياتي

العفو اختي
الاجابه فوق باللون الاحمر
انا حاولت افصل رحلتج و اوضح لج بعض الامور عشان تكونين على بينه
فكره وخططي

وعطينا بعض البيانات :

-تاريخ السفر والعوده
- تقسيم الايام بكل منطقه
- عددكم
- اي شركه طيران
- ترغيب بالدايركت او عادي ترانزيت

وبالتوفيق

تالا · 26-01-2015, 03:25 AM

يعطيكم العافيه ماقصرتو

احنا شخصين توقيت السفر من 2 يونيو الى 11 يونيو
حيكون الجدول كتالي:
باريس 3 ليالي
فيينا 2ليالي
زيلامسي 3 ليالي
جنيف 1 يوم
اخترت جنيف لان حجزي على الطيران السعودي مافي دايركت الى من جنيف بس خوفتوني لما قلتو المده بعيده من زيلامسي الى جنييف لاني اكره المسافات الطويله واخاف ان فيها مرمطه من قطار الى قطار والانجليزيه عندنا تعبانه شوي

وين تنصحوني عوده غير جنيف تكون قريبه ودايركت
مدري ليش احس نفسي اطلب المستحيل

fanda · 26-01-2015, 05:42 AM

بالترتيب الي طرحتيه أبدا ما انصحك بالعوده من جنيف
مدة الرحلة قصيره والايام بتروح عالتنقل خصوصا يوم جنيف ماله اي معنى

في رايي عندك خيارين
اما فرنسا وبعدها طيران الى فيينا ومنها زيارة زلامسي والعودة من فيينا او ميونخ وتلغين جنيف نهائي
او باريس وبعدها الارياف الفرنسيه والسويسرية والعودة من جنيف او زيورخ

تالا · 26-01-2015, 06:14 AM

اقتباس:

المشاركة الأصلية كتبت بواسطة fanda
بالترتيب الي طرحتيه أبدا ما انصحك بالعوده من جنيف
مدة الرحلة قصيره والايام بتروح عالتنقل خصوصا يوم جنيف ماله اي معنى

في رايي عندك خيارين
اما فرنسا وبعدها طيران الى فيينا ومنها زيارة زلامسي والعودة من فيينا او ميونخ وتلغين جنيف نهائي
او باريس وبعدها الارياف الفرنسيه والسويسرية والعودة من جنيف او زيورخ

اعجبني اقتراحك جداااااا وقررت ارجع فيينا ومنها الى ارض الوطن
يعطيكي العافيه ماقصرتي والله يزيكي كل خيير

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلتي الاوربيه .... ربيع 2015	almatrook_mn	بوابة سويسرا	41	27-05-2019 05:20 AM
لكل من يسال عن طريقه الفيزا الاوربيه للخدم للكويتين	أرجنتيني للابد	فيزا	4	18-07-2015 06:37 PM
استفسار عن تخطيط رحلة	عاشقة السفر	بوابة سويسرا	6	09-04-2015 02:44 PM
استفسار عن رحلة الى لندن ترانزيت	alon travel	اوروبا	4	24-03-2015 08:05 PM
استفسار هااااااااااااااااااااااااام بخصوص رحلة شهر العسل	Ahmedzahran	ماليزيا	13	06-01-2015 06:05 PM