| | |||||||
مـواضـيـع مـمـيــزة
10الاعجاب| | LinkBack  | أدوات الموضوع | انواع عرض الموضوع |
| |
22-01-2015, 12:07 AM
| #1 | ||
| مميزة العرب المسافرون   تاريخ التسجيل : Dec 2014 رقم العضوية : 398 الدولة : الامارات الجنس : انثى المشاركات : 781
|  أماكن سياحيه قريبه من أنترلاكن وماحواليها
أماكن سياحيه قريبه من انترلاكن  التجول في وسط انترلاكن في شارع هوهيفيج حيث تنتشر المطاعم والمقاهي والمحلات التجارية وممكن تتجولون في هذا الشارع على عربات تجرها الخيول. موقعهم..  مرتفع مورينmurren وschilthorn ونصعد له بالتلفريك في عدة محطات ، وتنزل قرية مورين وفي القمة تشوف ثلوج ويوجد مطعم دوار موقعهم.. http://www.schilthorn.ch/index.php?set جبل Harder Kulm انصح بزيارته ، المناظر روعه من فوق هذا الجبل قريب من انترلاكن مجرد دقائق ، وهذا الجبل نصعد له بالعربه المعلقه ، ولما نوصل فوق بنحصل كوفي ومطعم ويلسه حلوه ، والأحلى بنشوف انترلاكن وبحيرتي ثون وبرينز (Brienz and Thun) من فوق . موقعهم ... http://www.harderkulm.ch/index.html البحيره الزرقاء حلوه لتقضية نهار فيها وما اعتقد اني بكررها بس انصح فيها للي مازارها يزورها تقع البحيرة الزرقاء في قرية Mitholz على بعد 20كم من انترلاكن في منطقة Ferienregion Lotschber وقريبه منها تقريبا تبعد 10 دقايق بحيرة أوشن سي . وهي مفتوحه من الصبح الساعه 9 الى 4 ونص ويكون شباك التذاكر مفتوح وعقب يسكر ولكن تقدر تتم فيها الى السابعه 7 . ماذا يوجد في البحيره الزرقاء : 1- بحيره لونها ازرق شفاف والسمك يسبحون فيها وانته تشوفهم كانه تحت زجاج شفاف. 2- قارب صغير يمشيك في البحيره مجانا . 3- منطقة العاب للاطفال. 4- منطقة شواء . 5- مطعم كبير مطل على البحيره . موقعهم ... http://www.blausee.ch/FLASH.php?lang=de قرية جرايندوايلد grindelwald أحبها واحب أكررها تبعد grindelwald حوالي نص ساعه من وسط انترلاكن والطريق الى هذي القريه وايد جميل وحلو ، ولما توصل القريه تبركن بسيارتك وتنزل تتمشى وبتشوف جدامك الفنادق والمطاعم والمحلات ، ويوجد مبنى لصالة التزلج ونفس المبنى فيه عزكم الله حمامات عامه ومكتب الاستعلامات وخارج المبنى توجد منطقة العاب مخصصه للاطفال ومجانيه وانتم تتمشون في الشارع الرئيسي اللي فيه المحلات بتشوف ساحة مخصصه للعب الغولف. وتوجد رحلات خاصه لقمم الجبال بالباصات ومحطة الباصات قريبه من محطة القطار وكل قمة لها جدول مواعيد خاص بها وعلى الشاشة الأمامية لكل باص تظهر إسم الرحلة أو القمة اللي بيقوم بها الباص ، واهم قمه فيها هي قمة فيرست First وممكن الصعود الها وتتميز قرية جرايندوايلد ببرودة جوها لانها مرتفعه عن سطح الارض. موقعهم ... http://www.grindelwald.travel/de/welcome.cfm زيارة متحف بلينبيرغ مازرته والاعضاء يقولون عنه انه متعب يعني وايد مشي فيه بس ممكن أجربه ولكن في آخر الايام بعد ماتكون عندنا لياقه منتجع بالينبيرج ballenberg في منطقة برنيز هي عبارة عن منطقة ريفيه والناس اللي يعيشون فيها طريقة حياتهم بدائية من مئات السنين يعني ممتطورين ، وهو يشبه المتحف المفتوح وتدخلونه برسوم وبتشاهدون كيف يعيشون حياتهم السويسريين قديما وبتشوفون 20 حرفه قديمه وصناعه ريفيه وأنت تمشي فيها بيصادفك الخباز وبتشوف كيف كانوا يصنعون الخبز قديما وبعد بتمر على صانع الجبن وصانع السلال ...الخ بجانب هذا بتشوف عروض يقدمونها جدامك . تفتح ابواب المتحف من 10:00 صباحا الى 5:00 مساء موقعهم ... http://www.ballenberg.ch/ قرية وينجن ماشفت فيها شي مميز الذهاب أولا بالسياره الى قرية اسمها lauterbrunnen وتبركنون عند محطة القطار وتحجزون تذكره لقريه وينجن وتركبون القطاراللي يطلعكم الها ، لأنه قرية وينجن ماتدخلها السيارات القريه حليوه وهاديه وحلو التمشي فيها. موقعهم ... http://www.wengen-muerren.ch/index.php?id=10&lang=de&L=1 قرية كاندرستيج وبحيرة أوشن سيKandersteg رووووووووعه وفي كل رحله لي لسويسرا بكرر زيارتها قرية كاندرستيج تحيط بها الجبال وتتكون من شارع رئيسي وهي قرية جميلة وهادئة ، ومن هذه القريه ممكن الصعود الى القمه بالتلفريك المعلق على شكل كرسي للوصول الى بحيرة اوشن سيه Oeschinensee وعندما نصل للقمه نمشي مسافة 20 دقيقه للوصول للبحيره ، تفتح من الساعة 7:30 وحتى الساعه 6 ، وموقع هاي البحيره خيالي لانها مقفله من 3 جهات بالجبال ومن جهه واحده مفتوحه ، وفوق القمة عند البحيرة يوجد مطعم وأماكن للشواء والعاب للاطفال وأبوات للتجديف مناسبه الواحد ياخذ غداه ويفرش جنب البحيره ، وفيها بعد الزحلاقيه الصيفية Toboggan أو sommer Rodelbahn ملاحظات مهمه ... 1- أخذ جاكيتات لأنه الجو متقلب وممكن يكون بارد . 2- أخذ مظلات لأنه ممكن ينزل عليكم مطر. 3- واول ماتنزلون من التلفريك اركبوا الزحلاقيه الجبليه وعقب سيروا البحيره. 4- الافضل تروحون للأوشن سي بدري علشان تستمتعون بالمكان ، لأنه المكان يسكر من الساعه 5 تقريبا . 5- ممكن أخذ غداكم وسجادة الرحلات وأي شي للبرزه هناك ، ولاتشيلون هم الاغراض كيف بتشيلونها ، لأنه عند وصولكم للتلفريك خبروا المسؤول هناك بالاغراض اللي عندكم وهم بيحملونها على تلفريك خاص وبتوصلكم هناك ، وهناك اذا الاغراض وايد انتظروا عربة الخيول وأجروها وحملوا فيها اغراضكم واركبوا فيها وهي بتوصلكم للبحيره 6- ضروري جدا تسألون عن آخر وقت ينزل فيه التلفريك ، وبعد ماتعرفون الوقت حاولوا قبلها بنص ساعه ع الأقل تستعدون للنزول . موقعهم ... http://www.oeschinensee.ch/ قرية ثن عجبني سنتر المانور فيها هي قريبه من انترلاكن وتبعد يمكن ثلث ساعه بالسياره ، وفيها اسواق وسنتر المانور وبحيره ، وممكن التجول فيها نص يوم . شلالات جس باخ Giessbachbah المكان جميل ويستحق الزياره تبعد هذه المنطقة حوالي 14 كيلو عن انترلاكن وتطل هذه المنطقة على بحيرة بيرنز Brienz واللي ماعنده سياره ممكن يسير بالقطار من محطة انترلاكن الشرقية Interlaken Ost ومن بحيرة بيرنز تركبون الباخرة وبتتوقف عند كم محطه ومن بينها Giessbach وبتنزلون من الباخره وبتركبون القطار المعلق اللي يصعدك إلى فوق.. ويوجد في الاعلى فندق Grandhotel Giessbach له اطلاله حلوه ويلسه تشرب او تاكل وانته تستمتع بالمناظر موقع الفندق ... وقريب من الفندق يوجد شلال جس باخ عند الشلال فيه جسر لما تمشي عليه يوجدخلفه الشلال وتحته مجرى الشلال ومناظر حلوه . موقعهم ... http://www.giessbach.ch/en/the_grandhotel/about.php Heimwehfluh حلوه ليوم هادي تقضونه في انترلاكن هي داخل انترلاكن ، وبعد قطع التذاكر بتركبون قطار معلق بيسحبك الى اعلى الجبل ، وبعد الوصول بتشوفون مطعم وكوفي ، بالاضافه الى وجود ساحه للالعاب المجانيه ، وبعد اللعب والجلوس في الكوفي ممكن النزول بالزحلاقيه الجبليه ، واذا بغيتوا تركبونها اكثر من مره ممكن من البدايه عند قطع التذاكر تطلبون ركوب الزحلاقيه اكثر من مره ، وفي كل مره تنزلون من فوق ترجعون تركبون القطار المعلق اللي رجعكم فوق . موقعهم ... http://sub.heimwehfluh.ch/ رحلة للجبال الثلاث Grimse و Furka و Grimsel مازرناها ، المره اليايه حابه أجربها من انترلاكن تنطلق هذي الرحله • و هي عبارة عن رحلة ليوم كامل بالباص عبر الجبال الثلاثة. للأسف ماعندي تفاصيل عنها ، لكن ممكن يفيدكم المكتب السياحي اللي في انترلاكن عنها . Teddyland مازرتها فيها معلم سياحي اسمه (Teddyland) و تعني بلاد الدباديب ، يعني الدمى اللي على شكل دب لأن فيها معرض كبير لهذه الدمى للأطفال خذوا القطار من قرية Wilderswil القريبه من انترلاكن للصعود إلى الأعلى ، وبتشوفون منظر البحيرة و قمة جنقفراو في الجهة المقابلة , بعدها ستمر من أحد الأنفاق الطويله و ستتفاجأوا بأن الطبيعة تتغير من هذه النقطة و تصبح أقل إخضرارا ، وتوجد بالمنطقة فندق و مطعم و كشك صغير لبيع القهوة و العصائر و الأكلات الخفيفة, و حديقة جبال الألب و فيها مختلف النباتات النادرة التي تنمو في تلك الجبال ومعرض الدمى. شلالات تروميل باخ (Truemmelbach) رووووعه وانصحكم بزيارته هاي الشلالات موجوده في قرية Lauterbrunnen لوتربرونان وانتوا تمشون في اتجاه موقع الشلالات بتشوفون مطعم له جلسه خارجيه ، وحمامات ( عزكم الله ) ، ومحل لبيع التذكارات ، وبعدها بتمشون مسافه الى ان توصلون لشباك التذاكر ، وبعد ماتحجزون التذاكر تمشون في جهة المصعد ، وتنتظرون دوركم ، وعقب بيوديكم المصعد الى داخل الجبل وبينزلكم ، وبعدها بتمشون مسافه على جسور خشبيه وسلالم الى ان تدخلون داخل الجبل وبتشوفون الشلالات ، وداخل بتمشون مسافه وبعد كل مسافه بتشوفون شلال نازل ، منظر في غاية الروعه . موقعهم ... http://www.truemmelbachfaelle.ch/ Reichen bach fall مازرته شلال ريخن باخ ممكن تاخذ قطار من المحطة الشرقية الى قرية ميرينجن ومدة الرحله 40 دقيقه وعند الوصول لبوابة شلال ريخن باخ ، تستقلون القطار المعلق الى الاعلى وبعد النزول من القطار توجد درجات سلالم ملتفه ومتعبه توصلك للاعلى القمه تطل على مناظر طبيعيه ورؤية الشلال من بعيد شوي ويوجد في الاعلى معرض يحكى قصة شارلوك هولمزالقمه تطل على مناظر طبيعيه ورؤية الشلال من بعيد شوي الخانق الكبير لنهر الآر و الشلال الهادر Aare Gorge ( Aareschlucht) خانق نهر الآر حلو بس اللي عنده يهال أفضل مايسير مايستاهل العنوه الرحله هذي هي مشي على جسور خشبيه بمحاذات الجبل يعني لاصقه في الجبلواحيانا ندخل داخل الجبل وهو ممر جسري طويل وعلى الجهه الثانيه وانت تمشي تشوف نهر طويل والماي فيه يجري بشده بصراحه هو شوي يخوف بس المكان فيه امان ومناظر روعه ورياضه حلوه وانصح اللي بيسير يلبس جاكيت لان المكان بارد ويلبس جوتي رياضه لان بتمشون وايد واللي عنده طفل يركبه عربانه. يفتح من الساعة : الثامنة وحتى السادسة و سعر الدخول : للكبار 7فرنك و للصغار 3,50 فرنك. وأنصح بشراء تذكرة واحدة مشتركة لهذا الخانق ورحلة شلال ريخن باخ وبسعر 12 فرنك للكبار و7 فرنك للصغار من نفس شباك التذاكر هذا. سبيز وكهف سانت بيتوس St. Beatus مازرته عبارة عن تجويفات صخريه وممرات صاعده وهابطة وبحيرات داخل الكهوف و الطرق داخل الكهف ضيقة و متعرجة وفيها شلالات و يوجد خارج الكهوف مطعم و متحف و حديقة بجلسات و ملعب صغير للأطفال. ما انصح فيه ، لأنه حسب ماقريت من تقارير الاعضاء هي متعبه . موقعهم ... http://www.beatushoehlen.ch/ منطقة Stockhornbahn هي قريبه من انترلاكن وفيها منطقة العاب للأطفال وزحلاقية وممكن ممارسة هواية الصيد وفيها مطاعم ومقاهي. الرحلات البحرية للبحيرات ماجربناها • هناك رحلات منظمة على أحد المراكب الحديثة أو القوارب القديمة التي تعمل على البخار بجلسات شاملة وجبة ( غداء أو عشاء), و تنطلق الرحلات من انترلاكن الشرقية و الغربية بإتجاه أحد البحيرتين( (Brienz و Thun).)رحلات بالهليكوبتر جربتها وكانت روعه بس مخيفه شوي اللي قبله جامد يجربها • هناك رحلات تنظم لمشاهدة انترلاكن من الأعلى بواسطة الهليكوبتر أو الطائرات الصغيرة, ميزة هذه الرحلات أنها تأخذك إلى أماكن لم تطؤها قدم إنسان و يستعصي عليك الوصول إليها بطرق أخرى . الهبوط الباراشوت ماجربناه مره فكرت أجربها بس ماحصلت حرمه فكنسلت المشروع تستطيع القفز بالمظله وذلك بواسطة مدرب خاص ، فكل ما عليك ان تدفع رسوم الرحله والمدرب سيقوم بالباقي ، والحلو انك تنزل من فوق مع المدرب ولهم موقف جنب الحديقه الكبيره اللي في انترلاكن (( أسألوا المكتب السياحي عنها )) ومن هذا الموقف تحجزون وتنطلقون بالباص معاهم
| ||
|
| الكلمات الدلالية (Tags) |
| أماكن, من, أنترلاكن, سياحيه, وماحواليها, قريبه |
« مساعدة في التخطيط
|
مساعده »
العرض الشجري
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| أماكن سياحيه في داخل لندن وخارجها | هداوه | بوابة بريطانيا | 18 | 27-07-2019 04:41 AM |
| قرية كوخيم الالمانيه وماحواليها | هداوه | بوابة المانيا | 82 | 11-08-2018 12:12 PM |
| أماكن سياحيه في زيلامسي وحواليها | هداوه | بوابة النمسا | 18 | 15-07-2016 09:36 PM |
| في قرى قريبه من نيس وكان للسكن ؟ | ريما عبدالعزيز | بوابة فرنسا | 3 | 08-05-2015 08:47 PM |
| بعض الاستفسارات لرحلة قريبه لتركيا افيدونا | aburakan | تركيا | 4 | 26-04-2015 05:21 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Friendly URLs by vBSEO
Search Engine Friendly URLs by vBSEO
