والله فل
مليان المركز الموحد بشكل فضيع يا اخي اخر فرصة مهزله فوق ما تتصور
تخيل مواعيد النمساوية اقرب موعد 24/8 يعني بعد اكثر من شهرين
انا سفرتي بعد اكثر من شهر وودي احجز موعد ودورت على الايطالية
ولقيت اقرب موعد 20 رمضان . وانا سفرتي للندن اول العيد والسفارة تسكر .
والله مهزلة مهزلة . انا كان مفروض قبل ثلاثة شهور اقدم لكن انشغلت بالبريطانية .
وجميع فيزي السابقة انا اطلعها بنفسي سواء بريطانية او شنغن ما قد لجئت الى اي مكتب
لاني احس انه سهله جدا بس الناس مستصعبتها شوي .
نصحني زميل لي في مكتب تخيل وقال ب 1500 ريال vip للجواز الواحد ، وقال
لو تروح وتجي منتب لاقي مواعيد فل ، وانا واخوياي 3 اشخاص يعني معقولة 4500 ريال
عالجوازات قال الشكوى لله . قلت طيب متى موعدي قال الاربعاء . هذا الكلام يوم الخميس الماضي
قلت وشلون vip وموعدي بعد اسبوع قال هذا المتوفر .قال فيه موعد لكن على 20 رمضان لكن كان سفرتك
العيد مب مناسبك . قلت لا لازم يا اخوي قبل العيد .
لجئت لمكتب ثاني خذ على الجواز 1100 قلت يله الشكوى لله وش اسوي !
مع اني قدامي اكثر من شهر !!
قلت وش اجيب قال بطاقتك الصراف ، وبطاقتك الاحوال ، وصورتك .
قلت اوك ورحنا للمكتب الموحد والله مهزلة الهنود حقين المكتب الموحد بالعربي (سماسرة )
تخيل قدمني على الاشخاص الموجدين جميعهم وكان ينادينا يقول تعالوا واحد واحد
كنه قاعد يسرق . علما كنا بدون ارقام لاتسألني كيف !!
والله انا ثلاثة اشخاص كل واحد ما قعد اكثر من دقيقة .
تبصيم بس حتى الملف حق جوازاتنا مدري وشلون جاء معه .
شكل خوينا معطيه وراح .
بس صراحة شي يخجل وكنك داخل البطحاء ما كانك داخل مركز موحد .
افضل شي والله في المركز الموحد بدون مجامله البريطانية شغل 10/10 .
الله يعين قدمت عاد يوم الثلاثاء اللي راح والحين قاعدين ننتظر !!