المخطط النهائي للرحلة

ستوكهولم ( فندق شيراتون ستوكهولم ) 28 - 29 - 30 - 31 - .
أوسلو ( للأسف نفذ التوافر في الفندق الي ذكرته فاستبدلته ب كونتننتال شرايك ؟؟ ) 1 - 2 - 3
تروندهايم ( فندق سكانديك ) 4 - 5 - 6 ( شخص ما أخبرني أن تروندهايم تستحق أكثر من 3 أيام شرايك ؟؟ )
يايرانغير ( نفذ التوافر في الاكواخ اللي ذكرتهم فعدت للخيار الاول غراند ) 7 - 8 - 9
بيرغن ( كلاريون ادميرال ) 10- 11 - 12 - 13 - 14 ( اضفت يوم لبيرغن ومازلت محتاره بين اضافته لبيرغن ويايرانغير شنو تشور علي ؟؟ )
مالمو ( راديسون بلو ) 15 - 16
كوبنهاجن ( نيمب ) 17 - 18 - 19

الحين أخوي إذا ممكن حابه إن أنت تحدد معاي مايجب زيارت في كل مدينة من خلال التقارير أنا عندي تخطيط مبدئي :

ستوكهولم

اليوم الأول يوم الوصول بما إن رحلتنا من الدوحه الساعه 6.45 والوصول حوالي 12 وزياده التجول لاستكشاف المدينه وزيارة المدينة القديمة
اليوم الثاني بما إنه الأثنين ويوم عمل رسمي ف بناخذ مخطط الأخت أحلى من العقد بزيارة ملاهي تيفولي غرونا لوند في الصباح ورحلة سفاري في المساء من هذا الموقع
Wildlife Safari – Stockholm Adventures
اليوم الثالث بنركب الباص السياحي المكشوف بناخذ جولة وبنزور القصر الملكي وحديقة كنغسترادغاردن واحتمال دار الاوبرا
اليوم الرابع جولة على الاقدام وتوديع للمدينة

أوسلو

اليوم الأول بعد الجيك ف الفندق جولة لاستكشاف المدينة وزيارة حديقة فيغلاند
اليوم الثاني زيارة ملاهي تاسينفريد في الصباح والمساء لشارع كارل يوهانس والقصر الملكي
اليوم الثالث ==>> هذي ابي استشارتك فيها شفت هالغرفه في موقع سياحي وشدتني التعليقات لكن مازلت ضايعه في الفكره هل هي نفس اللي عندنا في قطر ان انت تحل لغز خروج الغرفه وتفتح الباب للغرفة اللي بعدها أو شنو ؟

https://ar.tripadvisor.com/Attractio...rn_Norway.html

وبعدها بنزو قلعة آكيرشوس

اليوم الرابع جولة وداعية