مرحبا اختي ام همس حياك الله بينا

ماشاء الله ماقصر مبدعنا ابوعبدالله جزاه الله خير
وماقدر ازيد عليه بشي

بالنسبه لمدينه برمنغهام فعلا مدينه كبيره وفيها جاليه مسلمه كبيره
بس غالبا الي يروحون لها للدراسه مش للسياحه
من برمنغهام تقدرين تروحين المناطق الشماليه
مثل مانشستر 135 كيلو
وليفربول 155 كيلو
الى البحيرات 255 كيلو
الى بلاك بول 200 كيلو
الى ملاهي التون تاور 80 كيلو

يعني هذي اهم المناطق شمال برمنغهام تقدرون تروحون لها

اما بالنسبه للأويستر موضوعها سهل ان شاء الله
راح اوضحها لج

الاويستر تقدرين تستخدمينها لجميع المواصلات في لندن ماعدا التاكسي
تقدرين تاخذينها لخدمه واحد فقط او اثنتين او اكثر
يعني تقدرين لو انتي في لندن تاخذين الاويستر للباص فقط
وتقدرين تاخذينها للباص والمترو
وتقدرين تاخذينها لكل الخدمات مثل الترام والقطارات والباصات والمترو وهي تحصلين على تخفيض وتتعبى بالرصيد

لكن اذا كنتي مثلا رايحه سياحه الى لندن على سبيل المثال
تقدرين تاخذين بطاقه الاويستر للباص والمترو فقط بقيمه تقريبيه 34 باوند اسبوع لزون 1 الى هو وسط لندن

هالبطاقه بدون رصيد يعني دامها عندك ومده اسبوع تستخدمين المترو الباص اي عدد باليوم غير محدود لمده اسبوع كلها بنفس المبلغ
يعني بلندن راح تنفعج كثير وتوفر لج الكثير

وفي انواع اخرى
وهي بطاقه سنويه وتكون مسجل فيها اسمك وصورتك وبياناتك
وبطاقه ترافيل للي يسافرون كثير على القطارات داخل لندن