دبي - رحلة برفقة السيارة - الصفحة 4

الغردقاوي · 29-01-2015, 08:05 PM

جزء جميل يابو عبد الله
وحلو أنك لا تلتفت لعروض التايم شير المنتشرين بالمولات
وعلى فكره عروضهم فعلا حقيقيه وبتنفذها ، لكن لو حسبتها حتلاقي نفسك خسران
لأنك ستلتزم معهم بتواريخ محدده قد لا تناسبك دوما وأماكن محدده قد لا تعجبك خدماتهم
وبحكم إقامتي في الغردقه فمنتجعات اللي بها تايم شير تجد كثيرا من شركات السياحه تنفر منها وخدمات المنتجع وإهتمامهم بزبون التايم شير أقل بمراحل من زبون الحجوزات العاديه أو عبر الشركات السياحيه ،، فهي عروض حقيقيه ( ليس الكل طبعا ) ولكن عدمها أفضل بكثير

بالنسبه لتجربة قيادة الطائره الظاهره بصور الجزء لم أستسيغها لكونها مفتوحه ولا تعطي إحساس كابينة الطائره فعليا ولكن يوجد بالإمارات أيضا وكان أحد الأعضاء ذكر عنها تكون كابينه مغلقه وكأنك بالطائره بالفعل وكانت بوينج وليس إير باص
فبوينج أكثر متعة في تجربة قيادتها بسبب وجود عصا القياده أمام الطيار وليس بجواره تحت النافذه كطرازات الإيرباص ،
وبالهنا والشفا الكريب يا عزيزنا
سعدت بالجزء ومتابعك

ابو عبدالله · 29-01-2015, 09:03 PM

Skai Dubai
سكاي دبي
اكثر من 22000متر مربع مغطاة بالثلوج

- الموقع : مول الامارات
- اماكن قريبة يمكن الاختيار منها لادخاله ضمن البرنامج :
(جي بي ار ، جزيرة نخلة ، مدينة جميرا ، ستي والك )
مواعيد الزيارة :
بالنسبة لنا وهو مجرد رأي وناتج زيارات متعددة (يمكن 4 مرات) افضل وقت هو من بداية الافتتاح تقريبا 8 صباحا او الثامنة والنصف صباحا.
المكان جداجداجدا رائع والسنة هذي فيه اضافات جديدة ( كوفي جديد ، لعبة الطلقة الثلجية ) بالاضافة لبعض مجسمات الاكواخ ...
نروح من بدري وما ابالغ اذا قلت ان الموجودين داخل سكاي دبي يعدون على الاصابع احيانا والمهم انه الالعاب فاضيه جدا وتقدرون تلعبون الين يطلع اللعب مع خشومكم ...تلعب مرتين واربع وخمس ولا مرة تمسك فيها سرا ... طبعا احنا معجبنا الوضع وكأن المكان ملكنا صاير ... الزلاجات بأنواعها فاضية ... المنحدر فاضي ...الكوفي شهق بنا يوم جينا ماعنده احد ...

انواع التذاكر :
ثلاث انواع اعلاها واغلاها هو الدخول لكامل السكاي لمرات متعددة في اليوم يعني تقدر تطلع وتراجع تدخل ثانية
-الثانية نفس الاولى بس الدخول لمرة واحدة واذا طلعت ماتقدر ترجع مره ثانية .
- الثالث نفس الثاني بس ماتقدر تدخل المنحدرولا الكافيهات ولاتلعب بالكرة العملاقة ..
انا افضل الخيار الثاني لان دخول المنحدر حتى لو ماكنت متزلج ممتع جدا وتقدر تجلس بالكوفي اللي فوق او تحت
- فيه لقاء البطاريق وهذا له تذكره لحاله وهو يدخلونك فيه على البطاريق وتجلس معها والبطاريق هذي لها اصلا كل يوم عرض بعد الظهر فيعني انت بتشوفها اصلا بس من ورا الحاجز ...
- التذكرة يعطونك معها بالطو طويل او قصير حسب رغبتك وقفازات وكاوتش ( القفازات ممكن تحتفظ فيها ) بس الباقي يرجع ويعطون الاطفال (خوذة للرأس)
- تقدر تاخذ صندوق لحفظ اغراضك اللي ماتبي تدخل بها ( جزمة الله يكرمكم ،او اي شي تبي يخفف عنك داخل ) والصندوق يكون بـ 25 درهم + تدفع تأمين 20 درهم على كل تذكرة تسترجعه من اجهزة الدفع بعد الخروج ..
هذي صورة الصندوق ويتم قفله وفتحه بواسطة بطاقة الدخول للسكاي واللي عن طريقها تقدر تفتح حواجز المناطق المسموح لك دخولها

انا زرتها العام والسنة هذي تختلف بكم شغله عن العام ...يعني الجماعه شغالين ومهتمين بالتطويرماشاء الله عليهم ..

درجة الحرارة داخل حسب اللوحة كانت -2
يعني تلطموا والله يحييكم في هذي الجولة البسيطة :

اعتقد مجسمات النحاس في الصورة التالية بتتغطى بالثلج بعد فترة وتاخذ نفس الشكل

الجو في الكهف الثلج ابرد منه في المنطقة المفتوحه

مافيه زحمه تقدر تلعب كم مره بسهوله

ركبنا مقاعد المنحدر (مثل التلفريك تنقلك لفوق وفيه توقفين الاول للجميع والثاني فقط للمتزلجين ) التوقف الاول تقدر تنزل للكوفي وجلسته جدا حلوة تكشف كل المنطقة وتشوف المتزلجين واللي يركبون الطلقة ... والطلقة هذي موب موت بس الا موت وخراب بيوت بعد
وهو انك ماتقدر تدخلها بالتذكرة العادية ..لا.. لازم تدفع مبلغ اضافي اعتقد 70 درهم وبعدين تتعلق في حبل من الكوفي اللي فوق وهووووبا يدفونك لتحت

((صورة من النت ))

-الحين صوري

يوم كنا نازلين في طريق الرجعه الولد قام يصارخ ويحذرني وبابا انتبه وانا تروعت معلقين في السماء وهذا قام يصارخ
هو في اول ابتدائي وطبعا موذينا في الشوارع وكل محل يقرا اللوحات ( طفر بالقرايه) وكان فيه لوحات تحت تحذيرية للمتزلجين ( خفف السرعه ) وابو الشباب قراها ( فخ ) وحسب ان فيه شي بيصير لنا

الكوفي فوق فيه جلسات داخل الكوفي وجلسات برا ... طبعا برا اشرح وخصوصا مشغلين كشافات مسلطه على الجسات ومدفيه المكان

وهذولي جايين يركبون الطلقة ... وماصمل الى الحرمه وللي معها رجعوا ... مدري ماحجزوا او طقتهم ام الركب

جلسنا تقريبا 4 ساعات كانت ولله الحمد ممتعه جدا وعلى الساعه 2 بعد الظهر يبدا المكان ينزحم ويصير قدامك في اللعبه 10 او 15 عادي ...
احنا مع بدايات الزحمه نكون خلاص اكتفينا ..
ودنا لو يكون فيه مطعم حلو جوا ( مطعم طبخ ونفخ ) لان الكوفي مستواه موب مره بس مكانه حلو والكوفي الثاني مادخلناه ومكانه تحت عند نهاية (الطلقة الثلجية)

المكان جدا حلو وممتع وانصح به بقوه وفيه كورسات للي يبي يتعلمون التزلج ...

استمتعت بتذكر احداث الـ ( سكاي دبي ) واتمنى انها تكون ممتعه لكم

كونوا بخير ...

ابو عبدالله · 29-01-2015, 09:10 PM

اقتباس:
المشاركة الأصلية كتبت بواسطة الغردقاوي

جزء جميل يابو عبد الله
وحلو أنك لا تلتفت لعروض التايم شير المنتشرين بالمولات
وعلى فكره عروضهم فعلا حقيقيه وبتنفذها ، لكن لو حسبتها حتلاقي نفسك خسران
لأنك ستلتزم معهم بتواريخ محدده قد لا تناسبك دوما وأماكن محدده قد لا تعجبك خدماتهم
وبحكم إقامتي في الغردقه فمنتجعات اللي بها تايم شير تجد كثيرا من شركات السياحه تنفر منها وخدمات المنتجع وإهتمامهم بزبون التايم شير أقل بمراحل من زبون الحجوزات العاديه أو عبر الشركات السياحيه ،، فهي عروض حقيقيه ( ليس الكل طبعا ) ولكن عدمها أفضل بكثير

بالنسبه لتجربة قيادة الطائره الظاهره بصور الجزء لم أستسيغها لكونها مفتوحه ولا تعطي إحساس كابينة الطائره فعليا ولكن يوجد بالإمارات أيضا وكان أحد الأعضاء ذكر عنها تكون كابينه مغلقه وكأنك بالطائره بالفعل وكانت بوينج وليس إير باص
فبوينج أكثر متعة في تجربة قيادتها بسبب وجود عصا القياده أمام الطيار وليس بجواره تحت النافذه كطرازات الإيرباص ،
وبالهنا والشفا الكريب يا عزيزنا
سعدت بالجزء ومتابعك

اهلا بالرائع الغردقاوي
اعجبني كلامك عن شركات السياحة وتنبيهك ايضا فشكرا لك ... ويقوللون عندنا ( ابعد عن الداب وشجرته ) يعني اللي فيه يمكن وان واخواتها سيبك منه
.. وبالنسبة للطائرة فدبي مول فيه الطائرة اللي انت تقول ويقفلون عليك فيها بعد واعتقد النص ساعه بـ 350 درهم
وحلو تنبيهك للفرق بين الطائرتين فعلى كذا لو حبيت اجرب بيكون اختياري للبوينج ..
شاكر لك حضورك المثمر والجميل

الغردقاوي · 30-01-2015, 12:12 AM

تسلم أبو عبدالله
ولعدم تداخل الإقتباسات مع التعليقات
يرجى التوجه للوحة التحكم
ثم تعديل الخيارات
ثم واجهة تنسيق النصوص
ثم يتم تغيير الخيار بها إلى
اللوحة القياسيه - الصندوق الشائع -

أذهب لقرائة الجزء الأخير ولي عودة بإذن الرحمن

الغردقاوي · 30-01-2015, 12:20 AM

والله فكره حلوه
اللي بيحب أجواء أوروبا الثلجيه والتزلج فيها
بدل ما يروح أوروبا ويدفع شيئ وشويات تذاكر وفنادق وإنتقالات وبرد في كل مكان
يروح سكاي دبي وخلاص وكأنه راح أوروبا ورجع وبتوفير خرافي هههه
صور جميله وجزء جميل ومعلومه جميله لزوار دبي
تسلم ويسلموا البزوره
متابع

فيصل · 30-01-2015, 05:36 AM

سكاي دبي حلوه
وخاصه مع الكوفي الجديد
بس ما جربت اروح له بدري يمكن فكره المرات الجايه بدري ونفتك من الزحمه
شكرا لك
وسلم لي علي اللي طفر ويقرأ خفف فخ

ابو عبدالله · 30-01-2015, 10:06 PM

اقتباس : المشاركة الأصلية كتبت بواسطة الغردقاوي

تسلم أبو عبدالله
ولعدم تداخل الإقتباسات مع التعليقات
يرجى التوجه للوحة التحكم
ثم تعديل الخيارات
ثم واجهة تنسيق النصوص
ثم يتم تغيير الخيار بها إلى
اللوحة القياسيه - الصندوق الشائع -

أذهب لقرائة الجزء الأخير ولي عودة بإذن الرحمن

تم وجار التجربة عليك شخصيا
كودها تزبط بتكون فكيت لي ازمة والله

اقتباس : المشاركة الأصلية كتبت بواسطة الغردقاوي

والله فكره حلوه
اللي بيحب أجواء أوروبا الثلجيه والتزلج فيها
بدل ما يروح أوروبا ويدفع شيئ وشويات تذاكر وفنادق وإنتقالات وبرد في كل مكان
يروح سكاي دبي وخلاص وكأنه راح أوروبا ورجع وبتوفير خرافي هههه
صور جميله وجزء جميل ومعلومه جميله لزوار دبي
تسلم ويسلموا البزوره
متابع

ومن قال يسلم خشمك
لا ولو جربتها في اغسطس انواع المظاهرات في مخك تدخل من 50 فوق الصفر لـ -2 وتجلس كم ساعه ثم ترجع للشواية برا
وشكرا لمتابعتك وتعليقاتك الرائعه وانا سعيد جدا ان الجزء هذا اعجبك

اقتباس : المشاركة الأصلية كتبت بواسطة فيصل

سكاي دبي حلوه
وخاصه مع الكوفي الجديد
بس ما جربت اروح له بدري يمكن فكره المرات الجايه بدري ونفتك من الزحمه
شكرا لك
وسلم لي علي اللي طفر ويقرأ خفف فخ

فيه ناس يحبون المكان يخترش ويصير فيه حياة والناس يختلفون واذا ماتفرق معك كثير فجرب بدري بتنبسط مرررررررررررررره وتمر 4 او 5 ساعات كنها دقيقه بس لو يحطون مطعم حلو جوا ومصلى كان فله الواحد فعلا يجلس يوم كامل
- ابو خالد سعيد جدا بحضورك

ابو عبدالله · 31-01-2015, 12:09 AM

اولا اشكر مشرفنا العزيز الغردقاوي على حل مشكلتي مع الاقتباسات وتداخلها مع الرد فله مني كل الشكر واللي عنده مشكلة يرجع لرده السابق في هذا الموضوع
city walk
سيتي والك
موقعه على خرائط قوقل
https://www.google.com.sa/maps/place...5220bebae07b2f
موقعهم على شبكة الانترنت :
Home | CityWalk
لمحبي المناطق المفتوحة والتمشية على الاقدام هذا المكان من الاماكن المناسبة ويمكن دمجه مثلا مع زيارة لاحد الامكان القريبة مثل برج خليفة ودبي مول او الجميرا ودبي بفضل شوارعها الواسعة ووسائل النقل المتعددة لاتشكوا من الزحام الا في فترات محددة على عكس مدينة الرياض التي لاتنعم بالهدوء الا في اوقات محددة ...
المكان جميل في وقت اعتدال الجو مثل الايام هذي وفيه عدد من المحلات المختلفة ( البسة ، مطاعم ، كافيهات ،نظارات ) وموقعهم في تفصيل عن نوع المحلات وماركاتها ...
زيارتنا له كانت الصباح كغالب زيارتنا للأماكن المتاحة في هذا الوقت

اخترنا مكان للفطور ( كل يوم احط لكم فطور تحسون رايح اكل بس

طبعا الموقع مابعد اكتمل تجهيزه مثل ماتشوفون بالصورة التالية

يوجد دورات مياه في الموقع ( اجلكم الله)

متردد في وضع الصورة التالية بس ابي ابين ان كل شي متوفر ونظيف جدا

بعد ماخلصنا من المكان طلعنا على نية نرجع له وقت اخر بالمساء مثلا او بالليل بس هيهات فزحمة الفعاليات في دبي لاتترك لك وقت لتغطية الغالبية فضلا عن تكرار الجميل منها ( باستثناء القرية العالمية لانها ماتفتح الا وقت معين من السنة )
كان فيه فعالية اسمها (حاوية الازياء )
طط§ظˆظٹط§طھ ط§ظ„ط£ط²ظٹط§ط، 2015 - Dubai Calendar
فقلنا بنروح لها في حديقة برج خليفة
والمكان من الاماكن الغير معتاده لنا لان اذا جينا لدبي مول نكتفي بدبي مول + سوق البحار والنافورة الراقصة
فجينا مع الوليفادر ووقفنا في المواقف تحت وطلعنا بنروح مشي وفعلا الاماكن تتغير 180 درجة عن مشاهدتها من خلال السيارة تشوف اشياء جديده وكأنك لاول مره تجي من هنا ... طبعا الوقت هذا الجوا كان حلو لابارد ولا حار في دبي وكان المشي في النهار حلو وممتع ... والمكان هذا موقعه بعد نهاية النافوره يعني في الضفة الثانية للنافورة
دخلانا للمكان من عند محطة ( ترولي دبي ) وهي الان تحت الانشاء
ط¥ط¹ظ…ط§ط± طھط·ظ„ظ‚ طھط±ط§ظ… آ«طھط±ظˆظ„ظٹ ط¯ط¨ظٹآ» - ط§ظ„ط¨ظٹط§ظ†

يوم وصلنا المكان وما نلقى شي !! قلنا يمكن غلطانين ونكمل مشي للبرج

ودخلنا الين منطقة دخول سيارات سكان البرج ولقينا سكيوريتي وسئلناه وقال انه في نفس المكان اللي جينا منه ... رجعنا وانا اعتقد انهم شالوه لان كان اليوم اللي قبلها امطار .. المهم مالقيناه
قلنا بنروح اجل لدبي مول مشي ورحنا للبوليفارد ثانيه وخذنا يسار ودخلنا عن طريق سوق البحار

دمتم بود ....

الغردقاوي · 31-01-2015, 12:40 AM

ههههه ضحكوا عليكم وشالوا فعالية حاوية الأزياء
يلا معلش أديك إتمشيت وإستمتعت بالسير وأتفق معك أنه أمتع بالمشاهده وأنت في السياره فالشعور يختلف تماما ،
وميزة مهمه في city walk قربه من برج خليفه بالفعل فيعطي للسائر فيه ميزة قربه من معلم مهم من معالم دبي ،
بس أهم شيئ متكونش الحراره شوايه 50 فوق الصفر هههههه

مستمتع معاك ومتابعك يعطيك العافيه يابوعبد الله

mr.kago · 31-01-2015, 01:40 AM

اخونا ابو عبدالله بجد نورت دبي
ومتنساش تروح سوق مول الاوت ليت دبي على طريق دبي العين عامل عروض مرة حلوة جميلة وتخفيضات فعلا روعة
بالتوفيق

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
استفسار عن موقع استلام وتسليم السيارة وشو نصيحتكم بنوع السيارة	india	تأجير السيارات	12	13-06-2018 11:16 PM
السيارة المنحوسة ..!	غلاتي	عام	33	14-02-2016 11:06 AM
اثبات غرض الزيارة	m.shaban	فيزا	3	30-03-2015 05:23 AM
السيارة في انطاليا	alm7arb	تركيا	5	18-03-2015 08:41 PM
بخصوص حجز السيارة	ذيبة	تركيا	4	15-02-2015 05:52 PM