جي بي ار
JBR
رجعنا بعد الويكند وودك انه خمس ايام اجازة ويومين عمل اتوقع يكون انتاج اكثر والا وش رايكم
لهواة التمشيه في الهواء الطلق +خرد فلوس ( تسوق) اماكن كثيرة في دبي تصلح لكذا ومنها الجي بي ار او ( الممشى)
https://www.google.com.sa/maps/place...485470e77f2b7a
اول مره جيناه كان الوقت العصر وكان الوضع زحمه كان فيه شي يوزع ببلاش ... وسرا السيارات المهم ولقيت موقف ووقفت فيه وننزل ونبدا نتمشى .. وصرنا ناسين الكونكت على الشاحن فرحت اجيبه عشان السناب والذي منه ... يوم رجعت للسياره واشوف لوحة ممنوع الوقوف وواحد سألني ممنوع او لا ؟ قلت مدري شفت الناس واقفه ووقفت .. عاد انا خفت وقلت احنا جايين نتمشى ونوسع صدورنا ..ومانبي نخالف وكذا ... رجعت ناديت العيال عشان نغير مكان السيارة وكنت سئلت الامن وين اوقف وعلمني ان فيه مواقف تحت ...كان الطريق زحمه وخذنا برا قلنا بس نروح مكان ثاني ونرجع من بكره ...رجعنا بكره الصباح ونزلنا للمواقف تحت وكان نظام المواقف الساعه بـ(20 درهم ) الا في حالة انك تشتري بـ 70 درهم اعتقد ( نسيت هي تصير ببلاش او انه تخفيض جامد ) عاد احنا لنا مشتريات بأضعاف المبلغ بس ماكنا منتبهين ( مفهين ) ودفعنا المبلغ كامل ...الجو كان جميل جدا والبحر حلو وكراسي البحر كانت فاضيه من الجماعه اياهم
من زمان ماصورت لكم اكل




دورنا مكان للفطور ودخلنا مطعم كان فاضي وجلسنا برا


يقهرونك رغم اني انبه عليهم ان المشروب يكون مع الاكل سواء الشاي او غيره ...وهنا جابوا الشاهي وبرد وخليناهم يغيرونه لانه كان معطر بعد ..


وكان فيه سكاي دايف شغالين وطيارات تقلع وطيارات تهبط والناس تقفز من الطيارات فوق ...ودي اجربها هذي بس احس غاليه شوي بـحوالي 2000 درهم للقفزه ...
والا ترا منيب اخاف...
افطرنا وحمدنا الله على نعمته وفضله وقمنا نتمشى في المكان يمين ويسار وفوق وتحت وفيه محلات كثيرة .... مرينا بمتجر ريال مدريد ( ناسي وش الفريق والصدق اني ماافرق بينهم ) لان معلوماتي عن كرة القدم مثل معلومات كرة القدم عنا وندخل عشان ولدي واخذنا مطارة ...وكملنا تمشية وكل شي موجود (صيدليات ،مطاعم ، كافيهات،فنادق،ملابس) الخ ... وفيه جامع كبير هناك تحت الانشاء الله يكتب اجر من بناه ويخلف عليه في الدنيا والاخرة ..بعد التمشية وقبل نروح السيارة مرينا بكوفي كفالي وقلنا نجلس شوي
وهذا المنيو

واسعاره جدا حلوه مقارنة مع الكافيهات الاخرى ( في كل مكان ) مثلا كابتشينو بـ 20 درهم
طلبنا وصفوا صحونهم واغراضهم (فيهم رهق عليها )







والحساب كان :


وهذا مدري ليش حاطينه


المكان جميل .. واللي مازاره يروح له واتوقع المساء بيكون اجمل من الصباح او الظهر