وعليكم السلام ورحمة الله وبركاته

السيارة بما انكم بتسلمونها زيورخ فالافضل استئجارها من الجانب السويسري

جدولكم ممتاز

بالنسبة لانسي

اليوم الأول
الأفضل والاريح لكم التجوه مباشرة الى انسي وكله يعتمد على وقت وصولكم لمطار

اليوم الثاني
شاموني حلوة والتمشي فيها حلو وممكن قبلها تمرون على منطقة سيكست فير شيفال SIXT FER A CHEVAL
منطقة جميلة وفيها العديد من الشلالات واشهر الشلالات هو شلال دو روجيه

اليوم الثالث
الفتره الصباحية ممكن تزورون جنيف وباقي اليوم تخلونه لانسي


في الطريق الى انترلاكن ممكن تمرون مونترو وتتغدون فيها وبعدها تمرون تحلون وتاخذون جوله في مصنع الشوكلاته واللي يسكر الساعه 5 المساء
او مقترح ثاني وهو زيارة مصنع الشوكلاته ثم قرية غشتاد الجميلة

اليوم الثاني
جدولكم حلو قمة جونغفرو وقرية جرينوالد والأفضل انه ما يكون يوم إجازة عشان ما تكون القمة زحمة

اليوم الثالث
قرية لوتربنين و شلال تروميل باخ وشلال ستوخ باخ اللي بيكون على طريقكم وممكن تضيفون له قمة Schilthorn اللي فيها المطعم الدوار
وممكن بداية اليوم تزورون مطل الهادر كلم او تضيفونه لليوم الخامس

اليوم الرابع
شلال جيس باخ ثم شلال ريخن باخ ثم قرية برينز وركوب القوارب الكهربائية فبها
وفيها أيضا القطار البخاري اللي يصعد الى قمة Rothorn

اليوم الخامس
مطل الهادر كلم ثم بحيرة الاوشن سي ثم البحيرة الزرقاء وممكن تضيفون لها قرية برينز


هذي تقارير بتفيدكم في رحلنكم

جنيف اين تذهب فيها واين تذهب منها ..
أماكن سياحيه قريبه من أنترلاكن وماحواليها ‏
احداثيات ومواقع الاماكن السياحية في سويسرا وما حولها

وبالتوفيق