واجهتني مشكلة في ماليزيا.. مساعدتكم عاجلا

أمجد ناصر · 29-04-2016, 09:25 AM

السلام عليكم

اخواني انا ف ماليزيا وعندي مشكله

دخلت مطار كوالالمبور.. وقابلني شخص ماليزي وقال ان المكتب الي حجز لي الفنادق و الرحله موصيه علي

المهم عطاني جدول ب سواق وقالي ان كل شيء مدفوع وم تحتاج تدفع ولاشيء وقسمها لي على مدة الرحله وطلع لي سعر مقبول ومميز 206 ريالات بس

دفعت له 2800 ريال على اساس ان كل شيء مدفوع
رحت الفندق وانا موسوس.. كلمتهم
قالوا عطنا الايصال.. وعطيتهم
اتصلوا عليه وكلموه.. قالوا لا تخاف هذي شركة معروفه وبكرا نشوف.. اذا يجي او لأ
وقلت لهم لو صار اي شيء بروح الشرطه

واول يوم تفاجئت ان تغير الكلام وانه بس مواصلات
اتصلت عليه وقال ان ما بعد تروح لنكاوي ولا بيننغ

ف قلت فخاطري ان هذا أولها الله يستر من تاليها

ولاني عارف شسوي الحين
شنو شوركم ي اخواني

alradadi · 29-04-2016, 09:41 AM

عليكم السلام

استاذ امجد يا ليت توضح كلامك

انت تقول ان كل شي مدفوع ليش دافع له 2800 ؟؟؟ حق ايش هذا المبلغ ؟

الفنادق انت حجزها من فين ؟ هل انت حاجز سائق او استقبال في المطار ؟

ننصح بشدة عدم اعطاء اي وجهه لاي شخص يعرض خدماتة عليك وبشكل خاص اي شخص يتكلم عربي سواً في المطار او غيرة

كذلك نصيحة مهمة جداً لا تدع موقف سلبي يعكر عليك رحلتك استخدم الخطة البديلة مباشرة

himzmz, الجوكر, قصة حب و 1 آخرون معجبون بهذا.

بو عبدالله · 29-04-2016, 11:00 AM

الله يعينك اخوي

و سبق ان نبهنا من المتواجدين في المطار و الذين يعرضون خدماتهم

خصوصاً هاذيل اللي لابسين بدلات و احلى لبس

هذيل اكبر حراميه و نصابين في ماليزيا

himzmz, الجوكر, أبن السلطنة و 1 آخرون معجبون بهذا.

أبن السلطنة · 28-11-2016, 07:40 AM

اقتباس : المشاركة الأصلية كتبت بواسطة بو عبدالله

الله يعينك اخوي

و سبق ان نبهنا من المتواجدين في المطار و الذين يعرضون خدماتهم

خصوصاً هاذيل اللي لابسين بدلات و احلى لبس

هذيل اكبر حراميه و نصابين في ماليزيا

بلعكس و الله انا حصلت سعرهم زين مكتب التكاسي طلب مني 180رينجت

ومشيت عنهم وحصلت واحد من راعي البدل عطيته اسم الفندق قال 150 وبعدين قال تحتاجو سياره كبيره جيب 180 قالت والله ما اعطيك غير 140 ومشيت وناداني على 140 رينجت كان وقت متاخر من ليل يمكن الله لطف فيني او هوه اسعاره حلوه

بو عبداللهمعجبون بهذا.

بو عبدالله · 28-11-2016, 07:20 PM

اقتباس : المشاركة الأصلية كتبت بواسطة أبن السلطنة

بلعكس و الله انا حصلت سعرهم زين مكتب التكاسي طلب مني 180رينجت

ومشيت عنهم وحصلت واحد من راعي البدل عطيته اسم الفندق قال 150 وبعدين قال تحتاجو سياره كبيره جيب 180 قالت والله ما اعطيك غير 140 ومشيت وناداني على 140 رينجت كان وقت متاخر من ليل يمكن الله لطف فيني او هوه اسعاره حلوه

الحمدلله على سلامة الوصول إلى ماليزيا اخوي

بالمناسبه من قبل سنه ..

صاروا يسمحوا للتكاسي بالميتر بالتواجد و حمل الركاب من مطار كوالالمبور الدولي

يتواجد كشك لهم في الطابق الأول و الثالث ..

طبعاً رسوم 2 رينقيت في البدايه كما في بعض المولات في كوالا ..

ومن ثم الرحله بالميتر

أوكسير · 29-04-2016, 11:09 AM

وٍعَلْيّكَمُ الْسَلآإمّ وٍرٍحَمُةٌ الله وٍبُرٍكآإتَهّ

انت لست عضو جديد بالمنتدى
وهناك اكثر من عضو نبه و حذر من الغش والتلاعب
واكثر من موضوع تكلم بهذا الامر

يا عزيزي

المبلغ اللي انت دفعته في نظري
انه للمواصلات والتنقلات

المثل يقول يا صاحبي
( كل دقة بـ تعليمة )

تحياتي

أرسلت بواسطة أوكسير بإستخدام Tapatalk

ردِّدْ دائماً:
سبحانك اللهم وبحمدك ( أستغفرك وأتوب اليك )

himzmz و الجوكر معجبون بهذا.

أمجد ناصر · 29-04-2016, 11:15 AM

اقصد ان كل شيء مدفوع ب العرض الي عطاني اياه
وقيمته 2800 ريال

نعم حاجز استقبال في المطار
والفنادق عت طريق احد المكاتب

الي خلاني اصدق انه قالي ان المكتب الي بالمملكه هو الي قاله يسوي لي عرض

أمجد ناصر · 29-04-2016, 11:16 AM

الله يعطيكم العافيه
الي فات مات الحين وم ينفع اللوم

أوكسير · 29-04-2016, 11:19 AM

يا عزيزي

احسنت لتقبلك الامر

لكن خلنا نمشي معك خطوة خطوة

انت كم يوم رحلتك الى ماليزيا ؟

وهل حجزت الفنادق قبل الوصول الى ماليزيا ؟

ومن اين حجزت الفنادق ؟

وانا ساستوضح الامر تماماً

لعل الموقف الذي حصل معك
هو نفسه الذي حصل معي
في سفرتي لماليزيا عام 2013

تحياتي

أرسلت بواسطة أوكسير بإستخدام Tapatalk

ردِّدْ دائماً:
سبحانك اللهم وبحمدك ( أستغفرك وأتوب اليك )

أمجد ناصر · 29-04-2016, 12:45 PM

اهلا حبيبي

من 28 الى 11. May
ايه نعم حجزتها قبل الوصول

وعن طريق احد المكاتب ف الدمام

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
محتاج مساعدتكم بجدول 16 يوم ماليزيا و اندونيسيا	abdullah551	ماليزيا	15	06-12-2017 07:08 PM
محتاج مساعدتكم في التنسيق والتخطيط اليومي في ماليزيا	ابو فجر	ماليزيا	18	06-02-2016 05:46 PM
احتاج مساعدتكم ضروري عريس ومسافر لاول مررره ماليزيا	مسافر جديد123	ماليزيا	17	15-07-2015 11:23 PM
مساعدتكم لبرنامجي شهر العسل ( المالديف - ماليزيا ) اسبوعين	sabic11	ماليزيا	7	30-05-2015 12:58 PM
مساعدتكم عاجلا تذاكر ديزني لاند بالنت	nasser31	بوابة فرنسا	12	17-05-2015 07:10 PM